1 Pita 3:5 - Vengo (Babungo)

⁵ Viŋ kɔꞌ kɨɨ laa vəki və ywaŋ-vɨsɨ nəə yɨ nɨniŋ nɨzi, faŋ vəŋ nə tə̀ sɨ vəŋ sheꞌ maa Nwi. Vəlɔꞌ vəvəŋ nə luu laa vəŋ zɔnə vəndəə vəvəŋ.

1 Pita 3:5 ပူးပေါင်းရင်းမြစ်များ

Lukas 2:37

Ŋwə kɨ nii shì yaa zu ŋku ziꞌ ŋuꞌ njɔsə-yishwe muu-yimfɔŋ. Ŋwə nə shì sheꞌ taa ŋii Nwi yikwalə, kee baa fùu fɨ fuŋ me, zwisə nə jɨŋ, shɔꞌtə Nwi vətuꞌ nə shɨshwi. Nə luu faꞌ wi tɨ́ Nwi nɨniŋ.

Akts 1:14

Vəŋ nə luu shɔ, fwi vəŋ luu yimuꞌ, vəŋ shɔꞌtə Nwi ghee nshə. Vəki vəmɔ́ꞌ nə Meri, nshu Yeso, nə vaŋ-nshwi Yeso nə luu taa ŋwaa vəŋ nɨzi.

Akts 9:36

Sheꞌ maa yighee yɔ́ wəzwi mɔ́ꞌ nə luu shɔ ntɨꞌ Jɔpa, yizii yi luu Tabita, ŋiꞌ yizii yi yɔ́ lùu laa fəshwi. Ŋwə nə luu wuu məbiŋ nu Yeso, ndì yighee yinshə maa məyɨ vənu vəjəəvə maa vɨɨ.

Efesɔs 5:33

Nɨniŋ nə, viŋ nɨzi, wə kɨ kaw zu wi, wə kɨ kaw zu wi yaa yiŋwaa yiŋ! Wəzwi kɨ fee ndəə wi!

1 Timoti 2:10

Bàw vəlɔꞌ vəvəŋ luu sheꞌ vənu vəjəəvə faŋ vəŋ yɨsə. Lùu faŋ ŋkə kùꞌnə tɨ́ vəki faŋ vəŋ kəə kɨ bəŋsə Nwi.

1 Timoti 2:15

Luu nə, wəzwi ndɔ zɨ məbwey vəlwaŋ, buꞌ faŋ ŋwə bì vaŋ vi, gòꞌsə maa nu Kristo, nə taa ŋkawnə Nwi, baa yɨsə vənu vəjəəvə nə yitɔfə, gə̀ nə vɨsɨ.

1 Timoti 5:10

Bàw vɨ kwaŋ yizii yi faŋ vɨɨ biŋ ŋwə laa ŋwə nəə yɨsə vənu vəjəəvə, kɨꞌ vaŋmbwaa, baa fisə vəndɔ taa ŋii ŋwə, sɔ ghuu vɨɨ ley Nwi, gaŋtə vɨɨ ŋɨꞌ, yɨsə vənu vəjəəvə vənshə.

1 Timoti 5:5

Gə fɨ maa zu ŋku faŋ ŋwə dùꞌ tɔ ŋwə, tuu wə muꞌ kee lùu ghɔ ŋwə me, ŋwə kɨꞌ vənu vənshə fɨ ghɔ Nwi, wèꞌ maa məbuꞌ ghɔ tɨ́ Nwi, shɔꞌtə Nwi vətuꞌ baa nə shɨshwi.

Hibru 11:11

Sheꞌ nɨniŋ, zu wi Sara nə nùŋ fwi yi maa Nwi, buu Nwi kɔ wutə tɨ́ ŋwə laa ŋwə gɔ wee, bì wee, faŋ ŋwə nə shɔ̀ɔ maa məbi wee. Ŋkə nə gày buꞌ laa ŋwə nə nùŋ fwi yi maa Nwi laa Nwi tɨŋnə, wèꞌ maa nu faŋ Nwi kɔ̀ꞌnə.

1 Pita 1:3

Nsiŋ kɨ bəŋsə Nwi, tɨɨ Yeso Kristo, faŋ luu mbweysə nyaa-nsiŋ. Nwi nə kèe gəŋ saŋ-nsiŋ dɨdɨꞌ, faŋ ŋwə nə kɔ̀ məbwey fi tɨ́ nsiŋ, buꞌ faŋ ŋwə nə ywèysə Yeso fɨ shɨ yiku. Nɨniŋ, kaꞌ nsiŋ kɨ̀ꞌ məbwey vəlwaŋ nə məŋaytə.