1 Pita 3:10 - Vengo (Babungo)

¹⁰ Maa vɨ nə nyɔ̀ꞌ taa ŋwaꞌlə Nwi laa, «Wə ntɨə faŋ ŋwə kəə zɨ mənɔŋ-bwaŋnə nə məŋaytə shɨ nsi, bàw ŋwə kee baa kɨ gisə yigi yibwənə me, kee gì yigi təba me.

1 Pita 3:10 ပူးပေါင်းရင်းမြစ်များ

Matiu 19:17

Yeso gi tɨ́ ŋwə laa, «A sii bìtə kɔ̀ŋ nu jəə shee buꞌ kə? Wuu jəə luu sheꞌ Nwi. A kəə zɨ məbwey vəlwaŋ, a jia ntɨsə Nwi.»

Mark 8:35

Mə gì tɨ́ nee buꞌ laa, wə ntɨə faŋ ŋwə kəə gaŋtə məbwey wi shɨ nsi, ndɔ ndisə ŋwaa wi. Luu nə, wə ntɨə faŋ ŋwə ndìsə ŋwaa wi buꞌ mə, tɨꞌnə me buꞌ ntɔŋ Nwi yijəə, ndɔ bweysə ŋwaa wi.

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 1:47

Nataniel jwi yɨ Yeso. Yeso ye ŋwə, gì tɨ́ ŋwə laa, «A luu wuu Isirayl yinsəŋ, nu məbweꞌsə wə kee lùu taa fwi ghɔ me.»

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 12:25

Wə ntɨə faŋ ŋwə kaw məzɨ ŋwaa shɨ nsi nyə̀, ndɔ ndisə məbwey wi. Luu nə, wə ntɨə faŋ ŋwə kee kaw məzɨ ŋwaa wi shɨ nsi nyə̀ me, ndɔ kii məbwey faŋ ŋwə gòꞌsə yighee muꞌ.

Jeyms 1:26

Wə kɨ luu bɨ̀ꞌtə laa yi lùu wuu Nwi, kee jìa nditə ki me, buu ŋwə bweꞌsə fwi yi, məbiŋ wi laa yi lùu wuu Nwi, lùu dayday.

1 Pita 2:1

Nɨniŋ, viŋ meꞌtə nu fwi yibwə, nə nu məbweꞌsə vɨɨ, nə nu məboꞌ ŋwaa, nə nu fəsə, nə ghaŋ bwənə.

1 Pita 2:22

Ŋwə nə kee yɨ tuu nu bwə nə ŋwaa ŋgwinə me, wə kee ta zɔ̀ yigisə təba fɨ shuu ŋwə me.

Reveleyshən 14:5

Vɨ nə kee zɔ tuu nu ba fɨ shuu vəŋ me. Tuu wee-ndoꞌ kee lùu maa vəŋ me.