1 Pita 3:1 - Vengo (Babungo)

¹ Gə fɨ maa viŋ vəki, bàw viŋ zɔnə vəndəə viŋ, bwàsə yiŋwaa yiŋ, tɨ́ kaꞌ vəndɔŋ vəmɔ́ꞌ faŋ vəŋ kee bìŋ nu Nwi me, kwìinə fwisə vəŋ, faŋ vəŋ yè nshinə yijəə yiŋ, faŋ viŋ kee bee tɨ vəŋ nə shuu me.

1 Pita 3:1 ပူးပေါင်းရင်းမြစ်များ

Matiu 18:15

«Kɨ luu weenshu wə gu nu, a gə yè ŋwə, gì tɨ́ ŋwə, sheꞌ viŋ ŋwə vəbɔɔ. Ŋwə kɨ luu zɔ̀ yigisə yə, buu a bwèysə weenshu wə ghɔ́.

Roma 10:16

Luu nə, nə kee zɔ̀nə vɨɨ Isirayl vənshə zɔ̀nə ntɔŋ yijəə yɔ́ me. Maa nshiiŋii-sɔghɔ Aysaya nə gì laa, «Mɔꞌmbi, sii nə bìŋ ndə bìŋ nu ŋkɨə faŋ yia gisə?»

Roma 6:17

Mə bwaŋ Nwi buꞌ laa viŋ kee baa lùu vəbuꞌ tɨ́ nu bwə me. Viŋ nə luu vəbuꞌ tɨ́ nu bwə, luu nə, ndwə viŋ nuŋ fwi siŋ maa nu ŋkɨə faŋ vɨ nə dèesə viŋ shɔ nə, zɔnə nu kɔ́ nə fwi yimuꞌ.

Roma 7:2

Ndi nu wəzwi məndaa, maa ntɨ jia ŋwə laa ŋwə gòꞌsə ghɔ ndəə wi faŋ ndəə wi kɨ bii. Kɨ luu ndəə wi ghɔ́ ku, ŋwə kee baa lùu taa nuŋsə yɔ́ faŋ vɨ nə kà məndaa shɔ nə me.

1 Kɔrintian 11:3

Luu nə, nu mɔ́ꞌ lùu shɔ faŋ mə kəə tɨ viŋ, laa Kristo lùu tɔ tɨ́ vəndɔŋ vənshə, wəndɔŋ luu tɔ tɨ́ wəzwi; Nwi lùu tɔ tɨ́ Kristo.

1 Kɔrintian 14:34

Bàw vəki duꞌ ŋkwəŋ taa ŋii məshəŋtə vɨɨ Nwi. Ŋkə kee bàw laa vəŋ kɨ gisə me. Bàw vəŋ suꞌsə yiŋwaa vəŋ nsi, faŋ vɨ nyɔ̀ꞌ taa ŋwaꞌlə Nwi.

1 Kɔrintian 7:16

Viŋ, vəki faŋ viŋ lùu vɨɨ Nwi, viŋ sii kɨɨ kɨkə laa kaꞌ viŋ yɨ̀sə vəndəə viŋ ndɔ kwiinə, bìŋ nu Nwi, kìi məbwey vəlwaŋ buꞌ viŋ? Viŋ, vəndɔŋ faŋ viŋ lùu vɨɨ Nwi, sii kaꞌ viŋ kɨɨ kɨkə laa vəki viŋ ndɔ kwiinə, bìŋ nu Nwi, kìi məbwey vəlwaŋ buꞌ viŋ?

Efesɔs 5:33

Nɨniŋ nə, viŋ nɨzi, wə kɨ kaw zu wi, wə kɨ kaw zu wi yaa yiŋwaa yiŋ! Wəzwi kɨ fee ndəə wi!

Kɔlɔsii 3:18

Mə kəə gi nu tɨ́ vəki və məndaa ndwə. Viŋ zɔ! Viŋ kɨ suꞌsə yiŋwaa yiŋ nsi tɨ́ vəndəə viŋ, faŋ ŋkə kùꞌnə tɨ́ vɨɨ faŋ vəŋ beꞌsə Kristo nə.

Kɔlɔsii 4:5

Gə fɨ maa nshinə yiŋ, viŋ kii yitɔfə maa vɨɨ mbɨə faŋ kee lùu vɨɨ Nwi me! Kɨ viŋ kɨ bɨsə yighee njyə faŋ Nwi kɔ̀ tɨ́ viŋ, laa viŋ kɨ faꞌ tɨ́ ŋwə nə me!

2 Tesalonika 1:8

Ŋwə ndɔ jwi nə wisə faŋ ŋwə kɨɨ laa wuŋ-wuŋ, bə̀ŋsə bwə tɨ́ vɨɨ mbɨə faŋ vəŋ kee kɨɨ nə Nwi me, baa nə tɨ́ vɨɨ mbɨə faŋ vəŋ kee biŋ ntɔŋ Nwi buꞌ tɨta ŋwaa-nsiŋ Yeso me, kee zɔnə ŋwə me.

Hibru 11:8

Gə fɨ maa Abraham, ŋwə nə nùŋ fwi yi maa Nwi, maa yighee njyə faŋ Nwi nə tìi ŋwə, gì tɨ́ ŋwə laa ŋwə ndɔ fɨ nsi, gə̀ maa shəŋ ŋkɨə faŋ Nwi taa də tɨ́ ŋwə, buu ŋwə ndɔ kii shəŋ kɔ́ nə. Ŋwə nə biŋ, zɔ̀nə Nwi, ndɔ̀ fɨ nsi, mèꞌtə shəŋ ki, ndɔ̀, faŋ ŋwə nə kee kɔlə kɨ̀ɨ nə shəŋ ŋkɨə faŋ ŋwə gə shɔ nə me.

Hibru 5:9

Faŋ ŋwə nə mètə faꞌ wi nshə, ŋwə gù wuu məgaŋtə vɨɨ vənshə faŋ vəŋ zɔnə ŋwə, laa vəŋ ndɔ zɨ məbwey vəlwaŋ faŋ ŋwə gòꞌsə yighee muꞌ.

1 Pita 1:22

Nɨniŋ, viŋ kaw nə yiŋwaa yiŋ, viŋ viŋ, kee bwa me! Viŋ kaw nə yiŋwaa yiŋ nə fwi yimuꞌ, buꞌ laa viŋ bìŋ maa məyɨ vənu vəjəəvə, tɨ́ kaꞌ fwi siŋ lèy. Viŋ kɨ kaw vaŋ-nshwi viŋ, kee seesə me!

1 Pita 3:2

Kaꞌ vəŋ kwìinə fwisə vəŋ buꞌ faŋ vəŋ yè nshinə yiŋ faŋ nyə lùu yiley, baa ye laa viŋ fee Nwi.

1 Pita 3:7

Gə fɨ maa viŋ, vəndɔŋ, viŋ duꞌ jəə viŋ vɨ vəki viŋ. Viŋ kɨ tɔfə buꞌ laa viŋ kɔꞌ kɨɨ laa wutə vəki kee kùꞌ ghɔ ŋkiŋ me. Viŋ kɨ zɔnə vəŋ nɨzi, buꞌ laa Nwi kɔ̀ məbwey vəlwaŋ tɨ́ viŋ vɨ vəŋ vənshə dayday. Viŋ kɨ yɨ nɨniŋ, tɨ́ kaꞌ nu kəmuꞌ kee ghɔ̀ꞌ viŋ faŋ viŋ shɔꞌtə Nwi me.

1 Pita 4:17

Yighee kùꞌ laa Nwi sɔꞌ mbi, zì fɨ maa vɨɨ Nwi. Nyə tèy fɨ maa nsiŋ nee nə, buu nyə ndɔ ndwə kɨkə nə vɨɨ mbɨə faŋ vəŋ kee zɔnə ntɔŋ Nwi yijəə me?