1 Pita 2:8 - Vengo (Babungo)

⁸ Nɨniŋ, nyə baa gù ŋoꞌ faŋ vɨɨ mətwey nu Nwi tumə ghuu shɔ, yighɔsə faŋ nyə taa yɨsə laa vɨɨ kɨ gukə shɔ. Vəŋ tumə ghuu vəŋ shɔ, buꞌ laa vəŋ twèy nu Nwi. Lùu nu ŋkɨə faŋ Nwi nə nùŋ tɨ́ vəŋ.

1 Pita 2:8 ပူးပေါင်းရင်းမြစ်များ

Lukas 2:34

Saymon tu mənɔŋ-bwaŋnə maa vəŋ, gì tɨ́ Meri, nshu wee ghɔ́ laa, «Ye mɔɔ, Nwi nùŋ wee ŋwə̀ laa vɨɨ vəyaŋ fɨ taa ŋwaa vɨɨ Isirayl ndɔ ndi buꞌ faŋ vəŋ kee nuŋ fwi vəŋ maa ŋwə me, vəmɔ́ꞌ ndɔ bwey buꞌ ŋwə. Ŋwə ndɔ luu shwenə fɨ ghɔ Nwi, faŋ vɨɨ vəyaŋ taa kɨ twey ŋwə.

Roma 9:22

Luu nə, Nwi nə jìa fwi, kɨ kɨꞌ ŋkee vɨɨ mbɨə faŋ ŋwə nə bɔ̀ŋ yaa vəntɨɨ və vətɔ vəbwəvə, faŋ mbə ndɔ ndi. Nwi nə yɨ̀ nɨniŋ faŋ ŋwə nə kɔlə kəə də̀ fwi yizasə yi, nə wutə ki ntee.

1 Kɔrintian 1:23

Luu nə, yia fɨꞌtə sheꞌ nu Kristo laa vɨ nə bèy ŋwə fuu fəŋkɔꞌ fə ŋkɨꞌsə buꞌ nsiŋ. Nu kɔ́ yɨ̀sə fwisə vɨɨ Jus bɨ. Vɨɨ tɔmə day gi laa lùu nu vəmfaw.

2 Kɔrintian 2:16

Tɨ́ vɨɨ mɔ́ꞌ lumə kia kɔ́ luu lumə yiku, faŋ ŋkə yɨsə vəŋ kukə. Tɨ́ vɨɨ mɔ́ꞌ, lùu lumə məbwey, faŋ ŋkə kɔ məbwey vəlwaŋ tɨ́ vəŋ. Sii kùꞌnə ndə maa faꞌ Nwi ghɔ́?

Galatia 5:11

Gə fɨ maa mə, vaŋ-nshwi vaŋ, ŋkə lùu kəley laa mə kee baa fɨꞌtə nu Nwi, gisə laa vɨ sɨɨtə wə ntɨə faŋ ŋwə bìŋ Kristo me. Ŋkə nii toꞌ lùu nɨniŋ, buu vɨɨ kee kɨ kəə mə nə nsɔꞌ me, faŋ vəŋ yɨsə ndwə nə. Nu ŋkɨə faŋ ŋkə yaa kɨ bɨ tɨ́ vɨɨ, lùu faŋ mə fɨꞌtə kɔ̀ŋ yiku Yeso fuu fəŋkɔꞌ fə ŋkɨꞌsə, faŋ ŋwə nə kù tɔ nsiŋ nə, kee naysə laa vɨ sɨɨtə vɨɨ me. Mə nəə toꞌ kɨ naysə laa vɨ sɨɨtə vɨɨ, buu vɨ kee baa kɨ kɔ ŋɨꞌ shee buꞌ fəŋkɔꞌ fə ŋkɨꞌsə fɔ́ me.

1 Tesalonika 5:9

Viŋ yɨ nɨniŋ buꞌ laa Nwi nə kee nùŋ nsiŋ laa nsɔꞌ yi ndɔ jia nsiŋ me. Ŋwə nə tìi nsiŋ laa nsiŋ ndɔ zɨ məbwey vəlwaŋ fɨ yiba tɨta ŋwaa-nsiŋ Yeso Kristo,

1 Pita 2:6

Maa vɨ nə nyɔ̀ꞌ taa ŋwaꞌlə Nwi laa, Nwi gì laa, «Viŋ zɔ! Mə nùŋsə ŋoꞌ yimɔ́ꞌ shɨ Zayon, faŋ mə nə shoꞌ laa lùu nyaa, ŋkee ŋoꞌ mfay ŋii yijəə. Wə ntɨə faŋ ŋwə nùŋ fwi yi maa ŋoꞌ yɔ́, kaꞌ tɔ ki kee ndɔ dɨɨ me.»

1 Pita 2:7

Nyə gù fa bwey tɨ́ viŋ vɨɨ məbiŋ, faŋ viŋ nùŋ fwi siŋ shɔ nə. Luu nə, vɨɨ mɔ́ꞌ twèy nu Nwi. Maa ŋkə lùu taa ŋwaꞌlə Nwi laa, «Ŋkee ŋoꞌ njyə faŋ vɨɨ məbɔŋ ŋii twey laa kee lùu ŋoꞌ məbɔŋ ŋii me, kìasə gù ŋoꞌ mfay ŋii.»

2 Pita 2:3

Vɨɨ mədeesə bwə vɔ́ ndɔ kɨ kaw maa məzɨ shɨ. Vəŋ sɨɨ təba, bwèꞌsə viŋ, tɨ́ kaꞌ vəŋ sey fɨ fuŋ. Luu nə, shù fɨshi, Nwi faŋ ŋwə yaa kɨ sɔꞌ nsɔꞌsə vɨɨ nə, kwaŋ vəŋ taa nsɔꞌ. Yighee njyə faŋ Nwi ndɔ ndisə vəŋ, lùu nshənə.

Ŋwaꞌlə Jud 1:4

Mə gì nɨniŋ buꞌ laa vɨɨ mɔ́ꞌ shɔ faŋ vəŋ kee kɨ̀ɨ nə Nwi me. Vəŋ ŋìi taa ŋwaa viŋ fɨ yiba, kəə jɨɨsə maa məkwiinə jɨɨ njyə faŋ Nwi kee gəŋ saŋ-nsiŋ nə. Vəŋ kwiinə jɨɨ yɔ́ maa məyɨsə vənu vəbwəvə faŋ fwisə vəŋ kàw. Vəŋ twey ŋkee Yeso Kristo nɨzi, faŋ ŋwə luu ŋkee Tii ŋwaa-nsiŋ faŋ ŋwə sɔꞌ nsiŋ. Vɨ nə nyɔ̀ꞌ taa ŋwaꞌlə Nwi fɨshi laa, Nwi ndɔ kwaŋ kəŋ vɨɨ vɔ́ taa nsɔꞌ.