1 Pita 2:7 - Vengo (Babungo)

⁷ Nyə gù fa bwey tɨ́ viŋ vɨɨ məbiŋ, faŋ viŋ nùŋ fwi siŋ shɔ nə. Luu nə, vɨɨ mɔ́ꞌ twèy nu Nwi. Maa ŋkə lùu taa ŋwaꞌlə Nwi laa, «Ŋkee ŋoꞌ njyə faŋ vɨɨ məbɔŋ ŋii twey laa kee lùu ŋoꞌ məbɔŋ ŋii me, kìasə gù ŋoꞌ mfay ŋii.»

1 Pita 2:7 ပူးပေါင်းရင်းမြစ်များ

Matiu 21:42

Yeso gi tɨ́ vəŋ laa, «Maa viŋ nə ta tìi fɨ taa ŋwaꞌlə Nwi laa, «Ŋoꞌ njyə faŋ vɨɨ məbɔŋ ŋii nə mèꞌ, kiasə gù ŋoꞌ məbɔŋ mfay ŋii. Lùu nu faŋ yɨ Tɨta Nwi. Luu ŋkee nu jəə sɨ nsiŋ.»

Lukas 2:32

Wee ŋwə̀ lùu yaa kiꞌ faŋ ŋwə də jɨɨ tɨ́ vɨɨ tətɔŋ fu, laa vəŋ ndɔ kɨɨ nə Nwi. Ŋwə ndɔ baa yɨsə vɨ bəŋsə vɨɨ Isirayl, faŋ lùu vɨɨ və nə.»

Lukas 2:34

Saymon tu mənɔŋ-bwaŋnə maa vəŋ, gì tɨ́ Meri, nshu wee ghɔ́ laa, «Ye mɔɔ, Nwi nùŋ wee ŋwə̀ laa vɨɨ vəyaŋ fɨ taa ŋwaa vɨɨ Isirayl ndɔ ndi buꞌ faŋ vəŋ kee nuŋ fwi vəŋ maa ŋwə me, vəmɔ́ꞌ ndɔ bwey buꞌ ŋwə. Ŋwə ndɔ luu shwenə fɨ ghɔ Nwi, faŋ vɨɨ vəyaŋ taa kɨ twey ŋwə.

Lukas 20:17

Ŋwə ndeynə vəŋ, gì laa, «Maa vɨ nyɔ̀ꞌ taa ŋwaꞌlə Nwi laa, «Ŋkee ŋoꞌ njyə faŋ vɨɨ məbɔŋ ŋii nə twèy, gù ŋoꞌ maa məbɔŋ mfay ŋii.» Ŋiꞌ shəŋ ŋwaꞌlə Nwi kɔ́ sii lùu laa kə?

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 4:42

Vəŋ gi tɨ́ wəzwi ghɔ́ laa «Yia kee baa bìŋ Yeso sheꞌ buꞌ yigi yə me. Yia zɔ nə tuulə ghia, buu kɨ̀ɨ yinsəŋ laa ŋwə lùu wə ntɨə faŋ ŋwə ndɔ bweysə vɨɨ.»

Akts 26:19

Nɨniŋ, fwàŋ Agripa, mə nə kee kìi wutə maa mətwey nu wə ntɨə faŋ ŋwə nə jwì fɨ yizɔ nə me.

Roma 10:21

Gə̀ fɨ maa vɨɨ Isirayl, ŋwə nə gì kɔ̀ŋ vəŋ laa, «Nwi nə nèsə ghɔ ghi shi ŋkwəŋ tɨ́ ŋgwisə vɨɨ mbɨə faŋ vəŋ kee zɨzɔnə me, baa sɔnə nə yigi.»

Roma 15:31

laa Nwi bweysə mə fɨ ghɔ vɨɨ mətwey nu Nwi fɨ shɨ Judia, baa nə laa vɨɨ Kristo fɨ ntɨꞌ Jerusalem biŋ faꞌ ŋwaa ghɔ́ nə fwi yimuꞌ, faŋ mə gə gaŋtə vɨɨ Jerusalem nə.

2 Kɔrintian 2:16

Tɨ́ vɨɨ mɔ́ꞌ lumə kia kɔ́ luu lumə yiku, faŋ ŋkə yɨsə vəŋ kukə. Tɨ́ vɨɨ mɔ́ꞌ, lùu lumə məbwey, faŋ ŋkə kɔ məbwey vəlwaŋ tɨ́ vəŋ. Sii kùꞌnə ndə maa faꞌ Nwi ghɔ́?

Kɔlɔsii 2:10

Faŋ viŋ lùu fa kəmuꞌ viŋ ŋwə, buu viŋ mètə tɨ̀ŋnə yaa vɨɨ Nwi fɨ yiba jɨŋ ŋwə. Luu ŋwə lùu tɔ tɨ́ vɨɨ mbɨə faŋ vəŋ sɔꞌ mbi nə. Ŋwə baa lùu tɔ tɨ́ vəwutə vənshə.

Taytəs 3:3

Maa yighee vɨsɨ, nsiŋ nɨzi nə bə̀ə tɔ ley, kee zɔnə Nwi me, toꞌ maa jɨɨ yibwə, baa lùu vəbuꞌ tɨ́ vənu vəbwəvə vəyaŋ faŋ fwi saŋ-nsiŋ nə kàw, toꞌ yitoꞌ nyaa-nsiŋ nə njyoꞌ yibwə, baa ghɨꞌ vɨɨ, vɨɨ bee nsiŋ, nsiŋ baa beenə yiŋwaa nyaa-nsiŋ nɨzi.

Hibru 11:31

Gə fɨ maa Rahab, wəzwi sakə wì, faŋ ŋwə nə shi Jeriko nə, ŋwə nə nùŋ fwi yi maa Nwi, buu nyɨŋ fɨ ghɔ yiku, maa yighee njyə faŋ vɨ nə ndìsə vɨɨ vənshə faŋ vəŋ nə kee bìŋ Nwi me. Ŋwə nə kee yiku me, buꞌ laa ŋwə nə ndì ŋkisə vɨɨ Isirayl, nùŋ taa ŋii ŋwə nə fwi yijəə.

Hibru 4:11

Faŋ ŋkə lùu nɨniŋ nə, nsiŋ tweꞌ nə wutə, laa nsiŋ ndɔ gə shəŋ Nwi kɔ́, shə̀ŋ ŋwaa shɔ. Kɨ wə luu taa ŋwaa nsiŋ faŋ ŋwə kee zɨzɔnə me, yuu ndɔ ndi me, yaa vətɨɨ vaŋ-nsiŋ faŋ vəŋ nə kee zɔ̀nə me, kee ŋìi taa shəŋ Nwi me.

1 Pita 1:8

Viŋ nə kee ta yè Yeso me, luu nə, kɨ kaw ŋwə, kee yè ŋwə me, kɨ nuŋ fwi siŋ maa ŋwə. Viŋ bəŋsə ŋwə, kɨꞌ ŋwə nə məŋaytə, ŋaytə shɔɔ ki, faŋ kaꞌ wə kee fɨ̀ꞌtə nə shuu wi me.

1 Pita 2:4

Nɨniŋ, viŋ goꞌsə viŋ vɨ Yeso, fɔnə ŋwə lùu ŋoꞌ yibwey. Vɨɨ nə mèꞌ ŋoꞌ yɔ́, luu nə, Nwi ndi ŋoꞌ yɔ́ laa lùu ŋoꞌ yijəə, shɔ̀ɔ ŋoꞌsə sənshə.

1 Pita 2:8

Nɨniŋ, nyə baa gù ŋoꞌ faŋ vɨɨ mətwey nu Nwi tumə ghuu shɔ, yighɔsə faŋ nyə taa yɨsə laa vɨɨ kɨ gukə shɔ. Vəŋ tumə ghuu vəŋ shɔ, buꞌ laa vəŋ twèy nu Nwi. Lùu nu ŋkɨə faŋ Nwi nə nùŋ tɨ́ vəŋ.