1 Pita 2:6 - Vengo (Babungo)

⁶ Maa vɨ nə nyɔ̀ꞌ taa ŋwaꞌlə Nwi laa, Nwi gì laa, «Viŋ zɔ! Mə nùŋsə ŋoꞌ yimɔ́ꞌ shɨ Zayon, faŋ mə nə shoꞌ laa lùu nyaa, ŋkee ŋoꞌ mfay ŋii yijəə. Wə ntɨə faŋ ŋwə nùŋ fwi yi maa ŋoꞌ yɔ́, kaꞌ tɔ ki kee ndɔ dɨɨ me.»

1 Pita 2:6 ပူးပေါင်းရင်းမြစ်များ

Matiu 12:18

Ŋwə nə ŋwàꞌlə laa Nwi gì laa, «Viŋ ye wuu faꞌ ŋwaa faŋ mə shòꞌ, baa luu kàw. Ŋwə bàw too mə. Mə taa kwaŋ Zwitə kaŋ maa ŋwə, ŋwə kɨ fɨꞌtə nu ŋkɨə faŋ ŋkə lùu kəloomə tɨ́ vɨɨ mbɨə faŋ vəŋ kee kɨ̀ɨ nə nu kaŋ me.

Mark 12:10

Yeso nə gì yigisə tii yɔ́, kɨ nii gì tɨ́ vəŋ laa, «Maa viŋ ta tìi shəŋ ŋwaꞌlə Nwi ŋkɨə faŋ ŋkə gì laa, «Ŋoꞌ njyə faŋ vɨɨ məbɔŋ ndɔꞌ twèy nyə, kìasə gu ŋoꞌ maa məbɔŋ mfay ŋii.

Lukas 20:17

Ŋwə ndeynə vəŋ, gì laa, «Maa vɨ nyɔ̀ꞌ taa ŋwaꞌlə Nwi laa, «Ŋkee ŋoꞌ njyə faŋ vɨɨ məbɔŋ ŋii nə twèy, gù ŋoꞌ maa məbɔŋ mfay ŋii.» Ŋiꞌ shəŋ ŋwaꞌlə Nwi kɔ́ sii lùu laa kə?

Lukas 23:35

Vɨɨ vəyaŋ tɨŋnə shɔ, kɨ ndeynə. Vəshɨꞌ ndasə Yeso, gì laa, «Ŋwə nəə bweysə vɨɨ, bàw ŋwə baa luu bweysə nshɨ-tɔ wi, faŋ ŋwə lùu wuu məbweysə shɨ kaŋ-nsiŋ faŋ Nwi nə shoꞌ nə.»

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 7:38

Wə ntɨə faŋ ŋwə nùŋ fwi yi maa mə, yuu ŋkə lùu taa ŋwaꞌlə Nwi, buu muu mbɔ́ faŋ mbə kɔ məbwey, taa kɨ fuu fɨ taa fwi ŋwə.»

Akts 1:16

Ŋwə gi laa, «Vaŋ-nshwi vaŋ, nu ŋkɨə faŋ ŋkə lùu taa ŋwaꞌlə Nwi kɔ̀ŋ nu Judas, faŋ ŋwə nə də̀ jɨɨ tɨ́ vɨɨ mbɨə faŋ vəŋ nə jìa Yeso nə, fàynə, buꞌ laa Zwitə Nwi nə duꞌtə ŋkə kwaŋ nu kɔ́ taa yigisə fwàŋ Deyvid yighee vɨsɨ, ŋwə naysə tɨ́ vɨɨ.

Roma 10:11

Ŋwaꞌlə Nwi gì laa, «Wə ntɨə faŋ ŋwə nùŋ fwi yi maa ŋwə, buu tɔ ki kee ndɔ dɨɨ me.»

Efesɔs 1:4

Ŋwə nə shòꞌ nsiŋ buꞌ Yeso Kristo ŋkee maa yighee njyə faŋ ŋwə nə kee ta tey kɨ bɔŋ mbi me, laa nsiŋ ndɔ baw fɨ̀nə ŋwə, laa tuu ŋkee wee-ndoꞌ kee lùu maa nsiŋ yikəꞌ ŋwə me. Ŋwə nə kàw nsiŋ dɨdɨꞌ,

Efesɔs 2:20

Viŋ lùu ŋii Nwi, faŋ vɨ bɔ̀ŋ viŋ fuu vɨɨ ntɔŋ Kristo nə nshiisə-ŋii sɔghɔ. Vɨɨ ntɔŋ Kristo vɔ́ lùu shɨŋii kɔ́. Yeso Kristo luu ŋoꞌ mfay ŋii yɔ́.

2 Timoti 3:16

Vəŋwaꞌlə vənshə faŋ Nwi nə yɨ̀sə vɨɨ nyɔꞌ fɨ maa Zwitə ki bàw, baa gàŋtə vɨɨ, deesə nu Nwi tɨ́ vəŋ, ŋaꞌsə sɨ vəŋ maa ŋiꞌ nu vəŋ, tɨ́ kaꞌ vəŋ kwìinə fwisə vəŋ, mèꞌtə nu bwə vəŋ. Mbə baa bɔ̀ŋsə vəŋ maa yitɔfə vəŋ maa məkɨɨ nə nu ŋkɨə faŋ ŋkə lùu kəloomə.

1 Pita 2:4

Nɨniŋ, viŋ goꞌsə viŋ vɨ Yeso, fɔnə ŋwə lùu ŋoꞌ yibwey. Vɨɨ nə mèꞌ ŋoꞌ yɔ́, luu nə, Nwi ndi ŋoꞌ yɔ́ laa lùu ŋoꞌ yijəə, shɔ̀ɔ ŋoꞌsə sənshə.

1 Pita 2:8

Nɨniŋ, nyə baa gù ŋoꞌ faŋ vɨɨ mətwey nu Nwi tumə ghuu shɔ, yighɔsə faŋ nyə taa yɨsə laa vɨɨ kɨ gukə shɔ. Vəŋ tumə ghuu vəŋ shɔ, buꞌ laa vəŋ twèy nu Nwi. Lùu nu ŋkɨə faŋ Nwi nə nùŋ tɨ́ vəŋ.

2 Pita 1:20

Viŋ kɔꞌ kɨɨ laa tuu yigi faŋ nshiisə-ŋii sɔghɔ nə gì, faŋ vɨ nə baa nyɔ̀ꞌ taa ŋwaꞌlə Nwi, kaꞌ vɨ kee twèlə ŋiꞌ ki sheꞌ fɨ maa yitɔfə wə mənsaw me,

2 Pita 3:16

Taa vəŋwaꞌlə vi vənshə faŋ ŋwə nə nyɔ̀ꞌ kɔ̀ŋ vənu vɔ́ tɨ́ viŋ, ŋwə nə nyɔ̀ꞌ sheꞌ nɨniŋ. Luu nə, vənu vəmɔ́ꞌ taa vəŋwaꞌlə vɔ́ lùu vəweꞌ. Vɨɨ mbɨə faŋ vəŋ kee kìi tɔ ley me, faŋ vəŋ kee tɨ̀ŋ vəweꞌ maa nu ŋkɨə faŋ vəŋ biŋ me, vəŋ ndì yigi yɔ́ kwiinə, sheꞌ faŋ vəŋ ndì yigi fɨ taa ŋwaꞌlə Nwi, kwìinə nɨzi. Faŋ vəŋ yɨ nɨniŋ, vəŋ suŋ nsɔꞌ Nwi, nùŋ tɔ vəŋ.