1 Pita 2:5 - Vengo (Babungo)

⁵ Nɨniŋ, bàw viŋ gu ŋoꞌsə bweysə nɨzi, tɨ́ kaꞌ Nwi ndì viŋ, bɔ̀ŋ viŋ yaa ŋoꞌsə, viŋ gù ŋii Zwitə Nwi, baa gù vɨɨ məfeꞌ Nwi nɨzi, faŋ vəŋ ley vɨsɨ Nwi. Nɨniŋ, kaꞌ viŋ kɔ Nwi maa Zwitə Ley Nwi, faŋ Nwi kaw nə, buꞌ Yeso Kristo.

1 Pita 2:5 ပူးပေါင်းရင်းမြစ်များ

Roma 12:1

Nɨniŋ, vaŋ-nshwi vaŋ, faŋ mə nəə tɨsə viŋ buꞌ gəŋsə Nwi, faŋ Nwi kee gəŋ saŋ-nsiŋ nə, bàw laa viŋ fiŋ ŋwaa tɨ́ Nwi, lùu vəkɔ vi vəbweyvə faŋ mbə bàw shɨlə, baa ndɨ̀ŋ tɨ́ Nwi nɨzi. Lùu faŋ ŋkə bàw maa məfaꞌ tɨ́ Nwi.

Roma 15:16

laa mə gu wuu faꞌ Yeso Kristo taa ŋwaa vɨɨ tətɔŋ fu. Mə faꞌ tɨ́ Nwi yaa wuu məfeꞌ Nwi, fɨꞌtə ntɔŋ yijəə Nwi tɨ́ vɨɨ. Nɨniŋ laa vɨɨ tətɔŋ fu jwi, kɨ kɔ Nwi nə yiŋwaa vəŋ. Zwitə Ley Nwi yɨsə vəŋ baw tɨ́ Nwi.

1 Kɔrintian 3:16

Viŋ kee yikɨɨ laa viŋ lùu ŋii Nwi faŋ Zwitə Nwi shì taa tey yi yimu?

1 Kɔrintian 3:9

Yia vəbɔɔ fàynə ghɔ ghia maa məfaꞌ faꞌ Nwi. Gə fɨ maa viŋ, viŋ lùu faŋ yindɨɨ Nwi yɔ́, baa lùu yaa ŋii faŋ Nwi fìa nə.

1 Kɔrintian 6:19

Maa viŋ kɨ̀ɨ laa Zwitə Nwi shi taa ŋwaa viŋ, faŋ lùu ŋii Nwi. Kwàŋ Nwi kwàŋ Zwitə kɔ́ taa fwisə viŋ. Nɨniŋ, kee kìi viŋ kìi yiŋwaa yiŋ me, kìi Nwi kìi yiŋwaa yiŋ.

2 Kɔrintian 6:16

Sii kaꞌ nwi dayday dùꞌ taa ŋii Nwi kɨkə? Maa nsiŋ lùu ŋii Nwi, faŋ Nwi nə gì laa, «Mə taa kɨ shi taa ŋwaa vəŋ, toꞌ yia vəŋ. Mə taa luu Nwi vəŋ, vəŋ luu vɨɨ ŋiinə vaŋ.»

Galatia 6:10

Yighee kɨ bii maa məyɨ nu jəə ndwə. Bàw nsiŋ gaŋtə vɨɨ ghee nshə, gàŋtə vaŋ-nshwi vaŋ-nsiŋ vɨɨ Nwi fɨ taa nwaa vɨɨ Yeso Kristo.

Filipi 1:11

Vənu vəjəəvə ndɔ lwaŋ taa ŋwaa viŋ, viŋ kii nshinə yijəə faŋ nyə ndɔ̀ fɨ ghɔ Yeso Kristo. Nɨniŋ, vɨɨ ye yikwalə Nwi fɨ fuŋ, bəŋsə ŋwə.

Filipi 2:17

Məbiŋ wiŋ faŋ viŋ biŋ Kristo nə, lùu yaa ndey faŋ viŋ fèꞌ tɨ́ Nwi. Kɨ yighee mɔ́ꞌ məbwey ŋwaa ndɔ ndi, buu lùu yaa fa faŋ vɨ ndi, kùꞌsə maa ndey yɔ́. Ŋkə taa luu nɨniŋ, buu mə taa kii məŋaytə taa fwi mə; nsiŋ baa faynə yiŋwaa, kɨ ŋaytə.

Filipi 4:18

Mə ye vətɔ vənshə faŋ viŋ tɔ̀ŋ shee nə, mbə yaŋ shɔ̀ɔ faŋ mə kəə. Fa kee baa lùu shɔ faŋ mə bəə me, buꞌ vətɔ mbɨə faŋ viŋ tɔ̀ŋ shee, Epafroditɔs jwì nə mbə nə. Mbə lùu yaa vətɔ faŋ mbə kìi lumə jəə, baa lùu yaa ndey faŋ wə fèꞌ tɨ́ Nwi, Nwi ŋaytə shɔ.

Kɔlɔsii 3:17

Taa vənu vənshə faŋ viŋ yɨsə, nə təgi tənshə faŋ viŋ gisə, viŋ kɨ yɨsə vənu vənshə sheꞌ maa yizii Yeso Kristo, baa bwaŋ Nwi, faŋ lùu Tii ŋwaa-nsiŋ, fɨ yiba jɨŋ Kristo.

1 Timoti 3:15

Kɨ luu mə ndɔ tay, bàw a kɨɨ faŋ kaꞌ a kɨ yɨsə vənu taa ŋii Nwi. Ŋii Nwi yɔ́ lùu nshəŋtə vɨɨ Nwi faŋ Nwi goꞌsə yighee muꞌ. Ŋii yɔ́ baa luu tweꞌ faŋ ŋkə tɔ̀ŋ nu yinsəŋ.

Hibru 3:6

Jwi maa Kristo, ŋwə lùu ŋkee Wee Nwi faŋ ŋwə shiinə njiinə ŋii. Ŋii yi yɔ́ lùu nsiŋ. Nsiŋ lùu vɨɨ ŋiinə vi, faŋ nsiŋ tə̀ sɨ maa məbwey vəlwaŋ, faŋ nsiŋ kɨꞌ ŋwə nə fwi yimuꞌ nə, tweꞌ shɔ, zìꞌ maa vəndwə nə məŋaytə.

1 Pita 2:9

Gə̀ fɨ maa viŋ, viŋ lùu way vɨɨ faŋ Nwi nə shòꞌ, lùu vɨɨ vəkɔ vi, ŋgwisə yiley. Viŋ lùu vɨɨ Nwi faŋ Nwi nə shòꞌ laa lùu vɨɨ yifwàŋ vi, baa nə laa viŋ sàynə vənu və shuu yɔŋvə Nwi. Ŋwə nə tìi viŋ fɨ taa mfiŋsə, laa viŋ ŋii taa ŋgwii məley.

1 Pita 4:11

Wə kɨ luu kɨ gisə yigi, bàw ŋwə kɨ gisə sheꞌ yigisə Nwi. Kɨ luu, wə nə faꞌ faꞌ Nwi, gaŋtə vɨɨ, bàw ŋwə kɨ faꞌ nə wutə ŋkɨə faŋ Nwi kɔ̀ tɨ́ ŋwə. Viŋ kɨ yɨ nɨniŋ laa, viŋ kɨ bəŋsə Nwi maa vənu vənshə fɨ yiba Yeso Kristo, faŋ ŋwə kwàlə, ndɔ weꞌ, gòꞌsə yighee muꞌ. Ŋkə lùu nɨniŋ.

1 Pita 4:17

Yighee kùꞌ laa Nwi sɔꞌ mbi, zì fɨ maa vɨɨ Nwi. Nyə tèy fɨ maa nsiŋ nee nə, buu nyə ndɔ ndwə kɨkə nə vɨɨ mbɨə faŋ vəŋ kee zɔnə ntɔŋ Nwi yijəə me?

Reveleyshən 1:6

nàysə yifwàŋ tɨ́ nsiŋ, yɨ̀sə nsiŋ luu vɨɨ məfeꞌ Nwi tɨ́ Nwi tii wi. Nsiŋ kɔ feenə tɨ́ ŋwə. Ŋwə kwàlə shɔɔ, gòꞌsə yighee muꞌ. Ŋkə lùu nɨniŋ.

Reveleyshən 20:6

Mənɔŋ-bwaŋnə tɨ́ wə ntɨə faŋ ŋwə ndɔ ywey maa yighee yɔ́, ghɔ vɨ vɨɨ vɨsɨ nə, ŋwə luu ŋkee wuu Nwi. Yiku lwesə ghee bɔɔ kee ndɔ jia vɨɨ vɔ́ me, vəŋ ndɔ kɨ feꞌ Nwi nə Kristo, ghɔ vɨ Kristo kɨ sɔꞌ mbi maa ŋuꞌ yɔ́ ŋkaŋ nə.

Reveleyshən 3:12

Wə ntɨə faŋ ŋwə jia fwi yi, kee mèꞌtə nu Nwi me, buu mə ndɔ tə ŋwə maa ntɔŋ ŋii Nwi, ŋwə kee baa fùu fɨ maa shəŋ kɔ́ taa ŋii Nwi me. Mə ndɔ nyɔꞌ yizii Nwi ŋwaa maa ŋwə, baa nə yizii shɨ Nwi ŋwaa, faŋ lùu shɨ Jerusalem kəfikə, faŋ ŋkə ndɔ siꞌ fɨ taa yizɔ, fɨ ghɔ Nwi ŋwaa, siꞌ jwi nsi, baa nyɔ̀ꞌ yizii yifinə nyaa maa ŋwə nɨzi.»

Reveleyshən 5:10

A baytə vəŋ maa yifwàŋ Nwi, vəŋ gu vɨɨ məfeꞌ Nwi nɨzi, ndɔ kɨ sɔꞌ shɨ nsi.»