1 Pita 2:4 - Vengo (Babungo)

⁴ Nɨniŋ, viŋ goꞌsə viŋ vɨ Yeso, fɔnə ŋwə lùu ŋoꞌ yibwey. Vɨɨ nə mèꞌ ŋoꞌ yɔ́, luu nə, Nwi ndi ŋoꞌ yɔ́ laa lùu ŋoꞌ yijəə, shɔ̀ɔ ŋoꞌsə sənshə.

1 Pita 2:4 ပူးပေါင်းရင်းမြစ်များ

Matiu 11:28

Yeso nə baa gì laa, «Viŋ jwi yɨ mə, viŋ vənshə, faŋ viŋ bwà fɨ maa vəfaꞌ faŋ mbə shɔ̀ɔ wutə kiŋ, tɨꞌnə me faŋ vəbiꞌ vədɨɨvə lùu tɔ viŋ, mə taa yɨsə viŋ shəŋ ŋwaa.

Matiu 12:18

Ŋwə nə ŋwàꞌlə laa Nwi gì laa, «Viŋ ye wuu faꞌ ŋwaa faŋ mə shòꞌ, baa luu kàw. Ŋwə bàw too mə. Mə taa kwaŋ Zwitə kaŋ maa ŋwə, ŋwə kɨ fɨꞌtə nu ŋkɨə faŋ ŋkə lùu kəloomə tɨ́ vɨɨ mbɨə faŋ vəŋ kee kɨ̀ɨ nə nu kaŋ me.

Matiu 21:42

Yeso gi tɨ́ vəŋ laa, «Maa viŋ nə ta tìi fɨ taa ŋwaꞌlə Nwi laa, «Ŋoꞌ njyə faŋ vɨɨ məbɔŋ ŋii nə mèꞌ, kiasə gù ŋoꞌ məbɔŋ mfay ŋii. Lùu nu faŋ yɨ Tɨta Nwi. Luu ŋkee nu jəə sɨ nsiŋ.»

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 14:19

Goꞌ wee-fɨkɨꞌ, mbi nyə̀ kee baa yè mə me; taa kɨ ye sheꞌ viŋ ye mə. Viŋ taa ye laa mə bwey. Nɨniŋ, viŋ taa bwey nɨzi.

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 14:6

Yeso gi tɨ́ ŋwə laa, «Lùu mə lùu jɨɨ yɔ́. Nu yinsəŋ nə məbwey vəlwaŋ ndɔ fɨ ghɔ mə nɨzi. Kaꞌ wə kee gə ye tɨta Nwi me, maa tɨ̀ lɨꞌ laa ŋwə shɔ̀ɔ fɨ maa mə me.

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 5:26

Sheꞌ faŋ Nwi kìi wutə maa məkɔ məbwey, ŋwə kɔ wutə kɔ́ tɨ́ ŋwiŋ wi nɨzi maa məkɔ məbwey tɨ́ vɨɨ.

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 5:40

Luu nə, viŋ kee kaw jwi yɨ mə me, tɨ́ kaꞌ viŋ kìi məbwey vəlwaŋ me.

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 6:37

Vɨɨ mbɨə faŋ Tii ŋwaa kɔ laa lùu vɨɨ vaŋ, vɨɨ vɔ́ vənshə taa kɨ jwi yɨ mə. Wə tɨ̀ me wə faŋ ŋwə jwi yɨ mə, mə kee taa jɔŋ ŋwə me.

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 6:57

Tii ŋwaa faŋ ŋwə kìi məbwey yinsəŋ, nə tɔ̀ŋ mə. Nɨniŋ, mə bwey buꞌ ŋwə. Sheꞌ nee, wə ntɨə faŋ ŋwə kwə mbasə ŋwaa ŋwaa, ndɔ bwey buꞌ mə.

Roma 5:10

Yighee njyə faŋ nsiŋ nə luu vɨɨ mbeenə Nwi, ŋwə yɨsə nsiŋ gu fa kəmuꞌ, nsiŋ vɨ Nwi buꞌ yiku ŋwiŋ wi, faŋ ŋwə nə kù tɔ nsiŋ nə. Nɨniŋ, faŋ nsiŋ gu fa kəmuꞌ nsiŋ vɨ Nwi buꞌ yiku yi nə, buu kaꞌ nsiŋ baa luu kɨɨ ŋkee maa yinsəŋ laa Nwi ndɔ bweysə nsiŋ buꞌ məbwey ŋwiŋ wi.

1 Kɔrintian 3:11

Shɨ ŋii kɔ́ luu sheꞌ Yeso Kristo. Nwi nə nùŋsə ŋwə laa ŋwə luu yuu shɨ ŋii tɨ́ nsiŋ, tɨ́ kaꞌ nsiŋ tɨ̀ŋnə shɔ. Shəŋ day kee baa lùu shɔ, tɨ́ kaꞌ nsiŋ tɨ̀ŋnə shɔ me. Shɨ ŋii kəmɔ́ꞌ kee baa lùu shɔ me.

Kɔlɔsii 3:4

Kristo lùu məbwey fi ŋwaa-nsiŋ ghɔ́. Yighee njyə faŋ ŋwə ndɔ baa fuu ntee, ŋwə ndɔ fuu nsiŋ vɨ vəŋ mɔ́ꞌ. Nsiŋ ndɔ kii fɨ maa yikwalə yi.

1 Pita 1:19

Ŋwə nə shùꞌ fwi siŋ sheꞌ nə mənshi mi, faŋ lùu fa bwey. Kristo nə lùu yaa bi-njɨɨ, faŋ vɨ yaa kɨ sɨɨ, kɔ Nwi shɔ, tɨ́ kaꞌ Nwi ndènə yibɨsə vɨɨ. Nɨniŋ, ŋwə nə kù tɔ nsiŋ faŋ tuu wee-ndoꞌ, tɨꞌnə me wee-shəŋ fəŋ, nə kee lùu maa ŋwə me.

1 Pita 1:7

Ŋiꞌ nu ŋkɨə faŋ ŋkə yɨsə laa viŋ kɨ ye ŋɨꞌ nə məmɔŋ lùu laa, vɨ yè məbiŋ wiŋ laa viŋ kà fwi, bìŋ Nwi yinsəŋ. Ŋkə luu sheꞌ yaa nu bwey bay faŋ vɨ tii nə goolə, faŋ vɨ yaa kɨ mɔŋ ŋkə nə wisə maa məye laa ŋkə yibaw mu. Məbiŋ wiŋ shɔ̀ɔ bwey bay kɔ́ faŋ ŋkə kee ndɔ goꞌsə me. Viŋ kìi məmɔŋ ndwə, tɨ́ kaꞌ vɨ kɨ bəŋsə Nwi dɨdɨꞌ buꞌ məbiŋ wiŋ yighee njyə faŋ Yeso Kristo ndɔ jwi fuu ntee.

1 Pita 2:7

Nyə gù fa bwey tɨ́ viŋ vɨɨ məbiŋ, faŋ viŋ nùŋ fwi siŋ shɔ nə. Luu nə, vɨɨ mɔ́ꞌ twèy nu Nwi. Maa ŋkə lùu taa ŋwaꞌlə Nwi laa, «Ŋkee ŋoꞌ njyə faŋ vɨɨ məbɔŋ ŋii twey laa kee lùu ŋoꞌ məbɔŋ ŋii me, kìasə gù ŋoꞌ mfay ŋii.»

2 Pita 1:1

Lùu mə, Saymon Pita, faŋ mə luu wuu faꞌ Yeso Kristo, baa lùu wuu ntɔŋ wi nɨzi, faŋ mə tɔ̀ŋ ŋwaꞌlə ŋwə̀ tɨ́ vɨɨ mbɨə faŋ vəŋ nùŋ fwisə vəŋ maa Nwi. Nshɨ-tɔ wia nùŋ fwi sia maa Nwi sheꞌ nɨniŋ, baa nə maa Yeso Kristo, wuu məbweysə ŋwaa-nsiŋ, faŋ ŋwə nə kìasə nu kaŋ-nsiŋ, ŋkə loomə.

2 Pita 1:4

Nɨniŋ, ŋwə nə kèy nsiŋ nə vənu vəkwalə mbɨə faŋ ŋwə nə kɔ̀ꞌnə maa məkɔ tɨ́ nsiŋ, faŋ lùu ŋkee sey kwalə tɨ́ nsiŋ. Buꞌ vənu vɔ́, kaꞌ viŋ nyɨŋ fɨ ghɔ vənu vəbwəvə faŋ mbə lùu taa mbi, faŋ lùu mbɨꞌtə vɨɨ məyɨ vənu vəbwəvə. Kaꞌ viŋ bee kii jwi kìi nshinə yaa njyə Nwi.