1 Pita 2:23 - Vengo (Babungo)

²³ Vɨɨ nə ndàsə ŋwə, ŋwə kee bə̀ŋsə ndisə sɔ́ maa vəŋ me. Vɨ kwaŋ ŋwə taa ŋɨꞌ, ŋwə ye ŋɨꞌ, kee fèsə wə me, nùŋ ŋkitə yi sheꞌ taa ghɔ Nwi, faŋ ŋwə sɔꞌ nsɔꞌsə vɨɨ səloomə.

1 Pita 2:23 ပူးပေါင်းရင်းမြစ်များ

Lukas 23:41

Nsoo lùu taa nsɔꞌ yiloomə, buꞌ laa nsoo nə yɨ̀ nu bwə, buu vɨ kɨ shia nsɔꞌ nyə̀ tɔ nsoo. Gə fɨ maa wə ŋwə̀, ŋwə kee yɨ̀ tuu nu gu me.»

Lukas 23:46

Yeso yumə nəŋay laa, «Tɨta, mə kɔ zwitə kaŋ taa ghɔ ghɔ.» Ŋwə gi nɨniŋ, kɨ nii yiku.

Lukas 23:9

Nɨniŋ, ŋwə bitə vənu tɨ́ Yeso taŋ taŋ. Luu nə, Yeso gay, kee bee bə̀ŋsə tuu nu tɨ́ ŋwə me.

Akts 17:31

buꞌ laa Nwi tə̀ shi faŋ ŋwə ndɔ shoꞌmə vənu və vɨɨ vənshə fɨ shɨ nsi, tə̀ wə faŋ ŋwə ndɔ shoꞌmə nu kɔ́ nə tɔ ki. Ŋwə ndɔ shoꞌmə vənu vənshə sheꞌ nə jɨɨ yiloomə. Nwi kɔ̀ wutə kɔ́ tɨ́ wə ghɔ́, faŋ Nwi nə ywèysə ŋwə fɨ shɨ yiku.»

Akts 4:29

Nɨniŋ, faŋ ŋkə lùu ndwə, bàw a ndeynə nu ŋkɨə faŋ vəŋ kɔꞌnə yia shɔ nə mɔɔ, Tɨta. Kɔ wutə tɨ́ yia, faŋ yia luu vɨɨ və nə, laa yia kɨ gisə nu kə nə fwi yiweꞌ.

Akts 7:59

buu vəŋ tumə Stefen. Stefen yumə laa, «Tɨta Yeso, fi zwitə kaŋ,»

Akts 9:1

Maa yighee yɔ́, Sɔɔl kɨ tɨtoꞌ shoꞌ ghuu vɨɨ tɨta Yeso, kɔꞌnə vəŋ,

Roma 2:5

Luu nə, a shii dɨdɨꞌ, kee kaw kwiinə fwi yə me, kɨ yɨsə vənu vəbwəvə. Nɨniŋ, a yɨ laa nsɔꞌ yə ndɔ luu yiweꞌ maa shi ŋkɨə faŋ Nwi ndɔ kɨ sɔꞌ mbi maa yinsəŋ yi ntee.

Efesɔs 6:9

Gə fɨ maa viŋ, vətɨɨ və vəbuꞌ, viŋ kɨ yɨsə maa vəbuꞌ viŋ sheꞌ nɨniŋ, kee baa kɨ kɔꞌnə maa məyɨ nu bwə maa vəŋ me. Kɨ lumə laa Tɨta wiŋ, viŋ vɨ vəŋ, lùu yizɔ. Nseesə kee bee lùu shɔ ghɔ Nwi me. Vɨɨ vənshə luu sheꞌ nɨndɨŋ tɨ́ ŋwə.

2 Tesalonika 1:5

Nu kɔ́ lùu shwenə tɨ́ viŋ laa Nwi ndɔ shoꞌtə vənu və vɨɨ, shìa maa jɨɨ yiloomə. Ŋwə ndì viŋ laa viŋ kùꞌnə maa məzɨ nu yifwàŋ Nwi, buꞌ laa viŋ bìŋ ŋɨꞌ yɔ́ nə.

2 Timoti 1:12

Lùu ŋiꞌ nu ŋkɨə faŋ mə ye ŋɨꞌ shɔ ndwə nə. Luu nə, tɔ kaŋ kee dɨdɨɨ me, buꞌ laa mə kɔꞌ kɨɨ nə wə ntɨə faŋ mə nùŋ fwi nyaa maa ŋwə nə, baa kɨ̀ɨ yinsəŋ laa wutə ki kùꞌnə maa məshiinə nu ŋkɨə faŋ Nwi nə nùŋsə shee, gə ziꞌ maa shi ŋkɨə faŋ ŋwə ndɔ kɔ tɨ́ mə.

2 Timoti 4:8

Nu ŋkɨə faŋ ŋkə gòꞌ, lùu laa, mə ndɔ fi shwaŋ nu jəə ŋkɨə faŋ Nwi ndɔ kɔ tɨ́ vɨɨ mbɨə faŋ vənu vəvəŋ lùu vəloomə. Tɨta Nwi faŋ ŋwə ndɔ sɔꞌ nsɔꞌsə vɨɨ, sɔꞌ shìa nyə yiloomə. Ŋwə ndɔ kɔ nu jəə kɔ́ shee maa shi vəndwə, kee kɨ kɔ luu sheꞌ tɨ́ mə me, ŋwə kɔ luu tɨ́ vɨɨ vənshə faŋ vəŋ kɨꞌ ŋwə nə ŋkawnə, tə̀ sɨ maa məjwi wi faŋ ŋwə ndɔ baa jwi mbi nə.

Hibru 12:3

Bàw viŋ lumə nu Yeso kɔ́, faŋ ŋwə nə bìŋ maa məye ŋɨꞌ, yè ŋɨꞌ fɨ ghɔ vɨɨ bwənə faŋ vəŋ nə bee ŋwə nə. Viŋ lumə ŋwə, tɨ́ kaꞌ viŋ kee bwa me, fwi siŋ kee bwa nɨzi me.

1 Pita 3:9

Kɨ luu wə yɨsə nu bwə maa viŋ, kɨ viŋ bəŋsə nə nu bwə me! Kɨ viŋ bəŋsə ndi maa ndi me! Viŋ kɨ tu sheꞌ mənɔŋ-bwaŋnə tɔ vɨɨ, buꞌ laa Nwi tii viŋ, laa viŋ kɨ yɨsə nɨniŋ, ndɔ zɨ məbwey vəlwaŋ nɨzi.

1 Pita 4:19

Nɨniŋ, bàw laa vɨɨ mbɨə faŋ vəŋ ye ŋɨꞌ, faŋ Nwi gì nə, nuŋ fwisə vəŋ maa Mboo vəŋ yijəə, kɨ yɨsə sheꞌ vənu vəjəəvə.

Reveleyshən 19:11

Mə kɨ nii yè yizɔ ŋaꞌnə, baa yè nyaa-yikoꞌ yifusə shɔ, nə wə mɔ́ꞌ fuu yi. Yizii wə ghɔ́ faŋ ŋwə nə kòꞌ fuu nyaa yɔ́ nə, lùu «Yinsəŋ». Ŋwə sɔꞌ nsɔꞌsə vɨɨ səloomə, ndɔ tùŋ yighaw yiloomə.