1 Pita 2:20 - Vengo (Babungo)

²⁰ Kɨ luu laa viŋ jia fwi yiŋ maa ŋɨꞌ faŋ vɨ sàŋ viŋ buꞌ nu bwə faŋ viŋ nə yɨ̀sə, buu nu kɔ́ kee lùu nu jəə me. Luu nə, vɨ kɨ luu kwaŋ viŋ taa ŋɨꞌ faŋ viŋ yɨsə sheꞌ vənu vəjəəvə, viŋ kɨ jia fwi siŋ maa yighee yɔ́, bìŋ nə fwi yijəə, buu Nwi kaw viŋ.

1 Pita 2:20 ပူးပေါင်းရင်းမြစ်များ

Matiu 26:67

kɨ nii shèꞌ mənti yikəꞌ ŋwə, fwàŋnə ŋwə. Vɨɨ mɔ́ꞌ saŋ ŋwə fɨ maa fəə ghi,

Matiu 5:47

Viŋ kɨ luu kɨ shɔꞌtə sheꞌ vaŋ-nshwi viŋ, buu viŋ yɨ̀ nu kwalə kɨkə? Maa vɨɨ faŋ vəŋ kee kɨ̀ɨ nə Nwi me, yɨsə nɨniŋ nɨzi.

Mark 14:65

Vɨɨ mɔ́ꞌ kɨ nii tey kɨ sheꞌ mənti maa ŋwə, shìtə sɨ ghi, fwàŋnə ŋwə, ndɔ̀ bìtə tɨ́ ŋwə laa, «Kɨɨ nə wə ntɨə faŋ ŋwə fwàŋnə ghɔ fɨ maa Zwitə Nwi.» Vɨɨ faꞌ vɨɨ məfeꞌ Nwi kɨ nii ndì ŋwə, sàŋ fəə ghi nɨzi.

Lukas 6:32

Viŋ kɨ luu kɨ kaw sheꞌ vɨɨ mbɨə faŋ vəŋ kaw viŋ nɨzi, buu mənɔŋ-bwaŋnə viŋ luu kɨkə? Maa ŋkee vɨɨ bwənə kaw vɨɨ mbɨə faŋ vəŋ kaw vəŋ.

1 Kɔrintian 4:11

Jwi kɔ tɔ və-ndee, jɨŋ zasə yia, twey muu ywey yia, yia shuŋ vəkɔɔ və njwisə. Vɨɨ kɔ ŋɨꞌ tɨ́ yia. Yia kee kìi shəŋ shi me.

Galatia 4:18

Lùu nu jəə faŋ vɨɨ beꞌsə nshinə vɨɨ mɔ́ꞌ, faŋ nshinə yɔ́ lùu yijəə. Lùu nu yinsəŋ nɨniŋ. Bàw viŋ beꞌsə nshinə yijəə ghee nshə, faŋ nsiŋ lúu mɔ́ꞌ, tɨꞌnə me faŋ nsiŋ kee lùu mɔ́ꞌ me.

Efesɔs 5:10

Viŋ kɨ kwaꞌtə tɔ kiŋ maa nu ŋkɨə faŋ ŋkə bàw tɨ́ tɨta ŋwaa-nsiŋ.

Filipi 4:18

Mə ye vətɔ vənshə faŋ viŋ tɔ̀ŋ shee nə, mbə yaŋ shɔ̀ɔ faŋ mə kəə. Fa kee baa lùu shɔ faŋ mə bəə me, buꞌ vətɔ mbɨə faŋ viŋ tɔ̀ŋ shee, Epafroditɔs jwì nə mbə nə. Mbə lùu yaa vətɔ faŋ mbə kìi lumə jəə, baa lùu yaa ndey faŋ wə fèꞌ tɨ́ Nwi, Nwi ŋaytə shɔ.

1 Pita 2:19

Viŋ kɔꞌ kɨɨ laa Nwi tu mənɔŋ-bwaŋnə tɔ wə ntɨə faŋ ŋwə jìa fwi yi, lumə Nwi, maa ŋɨꞌ faŋ vɨɨ kwaŋ maa ŋwə, faŋ ŋwə kee yɨ̀ nu bwə me.

1 Pita 3:14

Nɨniŋ, viŋ kɨ luu kɨ ye ŋɨꞌ, buꞌ faŋ viŋ yɨsə vənu vəjəəvə, buu mənɔŋ-bwaŋnə lùu tɨ́ viŋ. Nɨniŋ, kɨ viŋ baa fee nu faŋ vɨɨ fèsə viŋ nə ŋkə me; kɨ viŋ baa kɨ gwəkə me!

1 Pita 3:17

Wə kɨ luu ye ŋɨꞌ faŋ ŋwə yɨ jəə, faŋ luu ŋkitə Nwi, ŋkə bàw fɨ ghɔ ŋwə kɨ ye ŋɨꞌ buꞌ nu bwə mɔ́ꞌ faŋ ŋwə nə yɨ̀sə.