1 Pita 2:16 - Vengo (Babungo)

¹⁶ Viŋ luu vɨɨ faŋ viŋ dùꞌ tɔ viŋ taa mbi. Nɨniŋ, kɨ viŋ gi laa məduꞌ faŋ viŋ dùꞌ tɔ viŋ nə, kɔ̀ jɨɨ, tɨ́ kaꞌ viŋ yɨsə nu bwə me. Viŋ bee kii kɨ yɨsə vənu faŋ mbə kùꞌnə tɨ́ vɨɨ Nwi.

1 Pita 2:16 ပူးပေါင်းရင်းမြစ်များ

Matiu 23:13

Yeso nə baa gì laa lee, «Ndwaŋ tɔ viŋ, vɨɨ mədeesə ŋwaꞌlə Nwi nə vɨɨ Farisii; viŋ lùu vɨɨ məboꞌ ŋwaa. Viŋ fəŋ shuu yifwàŋ fɨ yizɔ fɨ ghɔ vɨɨ. Nshɨ-tɔ wiŋ kee ŋìi shɔ me. Gə fɨ maa vɨɨ mbɨə faŋ vəŋ kəə ŋii shɔ, viŋ fəŋ vəŋ.

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 15:22

Mə nə toꞌ kee jwì kɨ gisə tɨ́ vəŋ me, buu nu bwə vəŋ kee lùu shɔ me. Luu nə, mə nə gì tɨ́ vəŋ, kaꞌ vəŋ kee baa mànə nu bwə vəŋ faŋ vəŋ yɨsə me.

Roma 6:18

Nɨniŋ, Nwi bwèysə viŋ fɨ ghɔ nu bwə, faŋ ŋkə nəə sɔꞌ viŋ nə, viŋ faꞌ lùu tɨ́ nu loomə ndwə.

Roma 6:22

Gə̀ fɨ maa ndwə, faŋ Nwi yɨsə viŋ fì tɔ kiŋ fɨ ghɔ nu bwə, gù vəbuꞌ tɨ́ Nwi, viŋ kwaanə vətaŋ viŋ, gù vɨɨ faŋ vəŋ bàw tɨ́ Nwi, gə̀ vɨsɨ vɨsɨ. Vəndwə və nu kɔ́, lùu məbwey vəlwaŋ faŋ ŋwə gòꞌsə yighee muꞌ.

1 Kɔrintian 7:22

Mə gì nɨniŋ laa, kɨ ŋkə za viŋ faŋ viŋ kɔlə lùu vəbuꞌ nə me. Viŋ kɔꞌ kɨɨ laa buꞌ, faŋ Nwi shòꞌ laa ŋwə beꞌsə Yeso, kee baa lùu buꞌ vɨsɨ Nwi me, buꞌ laa ŋwə fàynə lùu fa kəmuꞌ ghɔ Yeso Kristo. Gə fɨ maa wə faŋ ŋwə nə kee lùu buꞌ me, Nwi shòꞌ ŋwə maa məbeꞌsə Yeso, buu wə ghɔ́ lùu buꞌ Kristo.

Galatia 5:1

Kristo nə shùꞌ nsiŋ fɨ ghɔ ntɨsə vɨɨ Jus, laa kɨ nsiŋ baa lùu vəbuꞌ me. Nɨniŋ, viŋ tɨŋnə weꞌ yaa vɨɨ faŋ vəŋ duꞌtə vəŋ nyɨŋ nu. Kɨ viŋ baa biŋ vɨɨ yɨsə viŋ baa gu vəbuꞌ me.

Galatia 5:13

Vaŋ-nshwi vaŋ, gə fɨ maa viŋ, Nwi nə shòꞌ viŋ laa kɨ viŋ baa luu yaa vəbuꞌ tɨ́ ntɨsə vɨɨ Jus me. Luu nə, faŋ viŋ kee lùu vəbuꞌ tɨ́ ntɨsə sɔ́ nə me, kɨ viŋ bɨꞌtə laa kaꞌ viŋ taa kɨ yɨsə vənu vənshə faŋ mbasə ŋwaa wiŋ kàw me. Viŋ kii ŋkawnə tɨ́ wə nə wə, baa gaŋtə wə nə wə.

Efesɔs 6:6

Kɨ viŋ kɨ zɔnə vəŋ nə boꞌ me, faŋ viŋ kəə bàw tɨ́ vɨɨ me. Kɨ zɔnə vəŋ yaa vəbuꞌ və Kristo, faŋ vəŋ yɨ̀ nu ŋkɨə faŋ Nwi kàw nə fwi yiley nə.

Kɔlɔsii 3:24

Viŋ kɔꞌ kɨɨ laa tɨta Yeso Kristo ndɔ ndɔꞌ viŋ, faŋ viŋ ndɔ zɨ məbwey vəlwaŋ fɨ ghɔ ŋwə, buꞌ laa viŋ lùu vɨɨ faꞌ Kristo nə.

1 Tesalonika 2:5

Viŋ kɔꞌ kɨɨ laa yia nə kee ta gì yigisə bəŋ tɨ́ viŋ tuu yighee muꞌ me, tɨꞌnə me gì yigi yimɔ́ꞌ maa məshitə viŋ shɔ, maa məkəə ka fɨ yiba me. Nwi kɔꞌ kɨɨ nɨniŋ nɨzi.

Jeyms 1:25

Wə kɨ luu ndeynə ntɨsə Nwi, goꞌsə shɔ, kee lùu yaa wə faŋ ŋwə zɔ ndènə me, luu nə, lùu yaa wə faŋ ŋwə zɔ kɨ yɨsə, buu mənɔŋ-bwaŋnə Nwi lùu tɔ wə ghɔ́ faŋ ŋwə yɨ nu kɔ́ nə. Ntɨsə Nwi bàw shɨ̀lə, yɨsə nsiŋ fuu fɨ ghɔ nu bwə, duꞌ jəə.

Jeyms 2:12

Nɨniŋ, mə naysə tɨ́ viŋ laa, viŋ lumə maa vənu vənshə faŋ viŋ gisə, nə maa vənu vənshə faŋ viŋ yɨsə, laa Nwi ndɔ sɔꞌ viŋ, fɨꞌnə maa ntɨ njyə faŋ ŋwə nə nùŋsə, faŋ nyə kìi wutə maa məyɨsə vɨɨ fuu fɨ taa nsɔꞌ, dùꞌ ley.

2 Pita 2:19

Vəŋ kɔꞌnə vɨɨ vɔ́ laa vəŋ ndɔ duꞌ tɔ vəŋ, luu nə, nshɨ-tɔ vəŋ faŋ vəŋ gisə yigi yɔ́ nə, lùu vəbuꞌ tɨ́ nu bwə, nu bwə kɨ bii ka vəŋ. Viŋ kɔꞌ kɨɨ laa fa tɨ̀ me fa faŋ ŋkə sɔꞌ wə, wə ghɔ́ lùu buꞌ tɨ́ fa kɔ́.

Ŋwaꞌlə Jud 1:4

Mə gì nɨniŋ buꞌ laa vɨɨ mɔ́ꞌ shɔ faŋ vəŋ kee kɨ̀ɨ nə Nwi me. Vəŋ ŋìi taa ŋwaa viŋ fɨ yiba, kəə jɨɨsə maa məkwiinə jɨɨ njyə faŋ Nwi kee gəŋ saŋ-nsiŋ nə. Vəŋ kwiinə jɨɨ yɔ́ maa məyɨsə vənu vəbwəvə faŋ fwisə vəŋ kàw. Vəŋ twey ŋkee Yeso Kristo nɨzi, faŋ ŋwə luu ŋkee Tii ŋwaa-nsiŋ faŋ ŋwə sɔꞌ nsiŋ. Vɨ nə nyɔ̀ꞌ taa ŋwaꞌlə Nwi fɨshi laa, Nwi ndɔ kwaŋ kəŋ vɨɨ vɔ́ taa nsɔꞌ.