1 Pita 2:12 - Vengo (Babungo)

¹² Viŋ toꞌ ghuu yitoꞌ kiŋ jəə taa ŋwaa vɨɨ mbɨə faŋ vəŋ kee kɨ̀ɨ nə Nwi me, kɨ gi laa viŋ lùu vɨɨ bwənə, tɨ́ kaꞌ vəŋ ye, ndɔ kɨɨ nə jəə wiŋ, faŋ vəŋ ye vənu vəjəəvə mbɨə faŋ viŋ yɨsə. Nɨniŋ laa vəŋ ndɔ bəŋsə Nwi shɔ maa shi yiba, faŋ Nwi ndɔ jwi ye vəŋ.

1 Pita 2:12 ပူးပေါင်းရင်းမြစ်များ

Matiu 10:25

Ŋkə kùꞌnə tɨ́ wuu məzwetə nu laa ŋwə lùu yaa wuu mədeesə wi, baa kùꞌnə tɨ́ buꞌ, laa ŋwə lùu yaa tii wi. Vɨ nə tìi mə nə tɨɨ vəzwitə vəbwəvə, faŋ mə lùu tɨɨ fu tɨ́ viŋ nə. Nɨniŋ, vɨ nə taa tii viŋ vaŋ nə kə?»

Matiu 5:11

Mənɔŋ-bwaŋnə lùu tɨ́ viŋ, faŋ vɨɨ ndasə viŋ, shoꞌ ghuu ghiŋ, gisə vənu vəbwəvə tɔ viŋ, sɨɨ təba shɔ buꞌ mə.

Matiu 5:16

Nɨniŋ, viŋ kɨ yɨsə laa kiꞌ wiŋ kɨ bee yikəꞌ vɨɨ, vəŋ kɨ ye vənu vəjəəvə viŋ, bəŋsə yizii Nwi, Tii wiŋ, faŋ ŋwə lùu yizɔ nə.»

Matiu 9:8

Nwaa vɨɨ vəyaŋ vɔ́ ye, fèe, kɨ bəŋsə yizii Nwi faŋ ŋwə kɔ̀ kəŋ wutə kɔ́ tɨ́ vɨɨ nə.

Lukas 1:68

«Nsiŋ kɨ bəŋsə Mɔꞌmbi, Nwi vɨɨ Isirayl, buꞌ laa ŋwə kèe gəŋsə vɨɨ vi, bwèysə vəŋ.

Lukas 19:44

mɔ̀ꞌ ghɔ nsi, viŋ vɨ vaŋ və, nə ndɔꞌ ghə. Vɨ ndɔ kee meꞌtə tuu ŋoꞌ yimuꞌ, nyə nɔŋnə fuu liŋ wi me. Luu ŋɨꞌ njyə faŋ nyə ndɔ ŋii maa ghɔ, buꞌ laa a mànə yighee njyə faŋ Nwi nə jwì yɨ ghɔ, kɨ kəə bweysə ghɔ.»

Lukas 6:22

Mənɔŋ-bwaŋnə lùu tɨ́ viŋ faŋ vɨɨ bee viŋ, jɔmə viŋ, tɨꞌnə me ndasə viŋ, tɨꞌnə me ndì yizii yiŋ laa lùu fa bwə buꞌ Wuu yinsəŋ Nwi.

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 13:31

Faŋ Judas nə gə̀ nɨniŋ nə, Yeso gi tɨ́ vɨɨ məzwetə nu ki laa, «Yighee kùꞌnə faŋ vɨɨ taa ye yikwalə Wuu yinsəŋ Nwi. Vɨ taa ye yikwalə Nwi nɨzi buꞌ ŋwə.

Akts 15:14

Saymon nii duꞌtə ŋwə naysə faŋ Nwi nə ndeynə vɨɨ faŋ nə kee lùu vɨɨ Jus me, shòꞌ vɨɨ fɨ taa ŋwaa vəŋ, vəŋ luu vɨɨ vi, bìŋ yizii yi.

Akts 24:13

Gə fɨ maa nu ŋkɨə faŋ vəŋ jwi nə mə shɔ tɨ́ ghɔ feenə, kaꞌ vəŋ kee də̀ ŋiꞌ ki tɨ́ ghɔ laa ŋkə lùu nu yinsəŋ me.

Akts 25:7

Faŋ vɨ nə jwi nə Pɔɔl taa ŋii nsɔꞌsə, vɨɨ Jus mbɨə faŋ vəŋ nə jwì fɨ Jerusalem nə, kia ŋwə, gì vənu və təba tɔ ŋwə ŋkee vəyaŋ. Luu nə, vəŋ nə kee kìi jɨɨ maa mədə laa vənu vɔ́ lùu yinsəŋ me?

Akts 28:22

Vəŋ baa gì laa vəŋ kəə zɔ nu ŋkɨə faŋ ŋwə bɨ̀ꞌtə kɔ̀ŋ nu Nwi fɨ ghɔ ŋwə, buꞌ laa vəŋ nə duꞌtə vəŋ zɔ kɔ̀ŋ jɨɨ məbiŋ Nwi yɔ́, laa vɨ gisə bwə kɔ̀ŋ jɨɨ yɔ́ maa vəshəŋ vənshə.

Roma 12:17

Kɨ viŋ kɨ bəŋsə nu bwə tɨ́ wə nə bwə me, lumə sheꞌ maa məyɨ nu jəə sɨ vɨɨ vənshə.

Roma 13:13

Nsiŋ kɨ toꞌ ghuu yitoꞌ kaŋ-nsiŋ kəley, yuu ŋkə kuꞌ maa mətoꞌ nə shɨshwi, kee kɨ toꞌ zɨ vətɔ me, tɨꞌnə me nu məluꞌ ghenə me, tɨꞌnə me beꞌsə nu vəki me, vəki kee beꞌsə vəndɔŋ me, kee kɨ zɨ shɨ me, kee tay ntaysə me, kee kɨ səsə vətɔ və vɨɨ me.

Roma 14:18

Wə ntɨə faŋ ŋwə faꞌ faꞌ Kristo maa jɨɨ nyə̀, bàw tɨ́ Nwi, baa kùꞌnə tɨ́ vɨɨ nɨzi.

Roma 15:9

Gə fɨ maa vɨɨ tətɔŋ fu, vəŋ bəŋsə Nwi, buꞌ laa ŋwə nə kèe gəŋsə vəŋ nɨzi, sheꞌ faŋ ŋkə lùu taa ŋwaꞌlə Nwi laa, «Lùu nu ŋkɨə faŋ mə taa kɨ bwaŋ ghɔ taa ŋwaa vɨɨ tətɔŋ fu, zwa nyaysə maa yizii yə.»

1 Kɔrintian 14:25

Təgi tɔ́ taa yɨsə vənu mbɨə faŋ ŋwə bɨꞌtə fɨ taa fwi ŋwə, fuu ntee. Ŋwə kɨ nii tùŋ vətɔ vəyəə vi nsi vɨsɨ Nwi, kɔ̀ feenə tɨ́ Nwi, baa tèytə laa, «Yinsəŋ, viŋ vɨ Nwi lùu mɔ́ꞌ.»

2 Kɔrintian 1:12

Nu ŋkɨə faŋ kaꞌ yia koꞌsə ŋwaa shɔ, lùu laa tɔ kia bìŋ laa ghuu yitoꞌ kia fɨ taa mbi nə bàw, baa ley vɨsɨ Nwi. Yia nəə kee toꞌ nə yitɔfə vɨɨ fɨ taa mbi me, toꞌ sheꞌ faŋ Nwi nə də̀ tɨ́ yia, faŋ ŋwə nə kèe gəŋ sia nə. Yia nəə toꞌ nɨniŋ fɨ taa mbi nyə̀, toꞌ nɨniŋ ŋkee jəə taa ŋwaa viŋ.

2 Kɔrintian 13:7

Yia buꞌ ghɔ tɨ́ Nwi laa kɨ viŋ yɨ tuu nu bwə me. Kɨ mə kee gì nɨniŋ, tɨ́ kaꞌ yia ndɔ fuu yaa vɨɨ faꞌ jəə tɨ́ Nwi me. Mə kəə sheꞌ laa viŋ yɨ nu ŋkɨə faŋ ŋkə lùu kəloomə, faŋ ŋkə kɔlə ghɨɨ yaa yia gù nu.

2 Kɔrintian 8:21

Yia kəə yɨsə nu faŋ ŋkə bàw, kee bàw sheꞌ yikəꞌ Mɔꞌmbi me, yia kəə laa ŋkə bàw sɨ vɨɨ nɨzi.

Efesɔs 2:3

Nə luu yighee vɨsɨ, nsiŋ vənshə nəə toꞌ ghuu yitoꞌ kaŋ-nsiŋ taa ŋwaa vɨɨ mətwey nu Nwi, yɨsə vənu mbɨə faŋ mbasə ŋwaa ŋwaa-nsiŋ nəə kaw, nə vənu mbɨə faŋ nsiŋ nəə bɨꞌtə fɨ taa fwi saŋ-nsiŋ. Nɨniŋ, nsiŋ yaa luu vɨɨ faŋ nsɔꞌ Nwi lùu tɔ vəŋ, buꞌ fwi yibwə nyaa-nsiŋ, sheꞌ yuu vəŋ.

Efesɔs 4:22

faŋ lùu laa, viŋ baꞌsə vənu vəmwavə fɨ maa viŋ, faŋ viŋ nəə yɨsə yighee vɨsɨ nə, faŋ fwi siŋ nəə ndɔ maa vətɔ və məbweꞌsə ŋwaa, faŋ mbə bɨsə yiŋwaa yiŋ nə.

Filipi 1:27

Nu ŋkɨə faŋ ŋkə lùu kəkwalə, lùu laa məshəŋtə wiŋ kɨ toꞌ nə nshinə njyə faŋ nyə kùꞌnə tɨ́ vɨɨ məbiŋ nu Kristo. Nɨniŋ laa mə ndɔ jwi ye viŋ, tɨꞌnə me, mə kee kɔlə jwi me, buu mə taa zɔ laa viŋ tɨ̀ŋnə weꞌ, kìi zwitə kəmuꞌ, baa kìi mbɨꞌtə yiŋ yimuꞌ, faŋ viŋ ŋɨɨlə maa məyɨ laa ntɔŋ yijəə Nwi gə nə vɨsɨ.

Filipi 4:8

Vaŋ-nshwi vaŋ, vəndwə və yigi vaŋ lùu laa, viŋ nuŋsə mbɨꞌtə yiŋ sheꞌ maa nu ŋkɨə faŋ ŋkə lùu yinsəŋ, nə ŋkɨə faŋ ŋkə kùꞌnə tɨ́ vɨɨ Nwi, nə ŋkɨə faŋ ŋkə lùu kəloomə, baa lùu kəley, baa nə maa vənu mbɨə faŋ mbə kɔ məŋaytə tɨ́ vɨɨ, baa suŋtə vɨɨ. Vənu vəjəəvə vənshə, nə mbɨə faŋ mbə jwi nə məbəŋsə tɨ́ Nwi, lùu vənu mbɨə faŋ viŋ taa kɨ bɨꞌtə mbə.

1 Tesalonika 4:12

Viŋ yɨ nɨniŋ laa ghuu yitoꞌ kiŋ baw tɨ́ vɨɨ mbɨə faŋ vəŋ kee lùu vɨɨ Nwi me, baa nə laa viŋ kee kɨ bəə fa laa vəŋ kɨ gaŋtə viŋ shɔ me.

1 Timoti 2:2

Viŋ kɨ shɔꞌtə Nwi nɨniŋ tɔ vəfwàŋ nə vəshɨꞌ vənshə, tɨ́ kaꞌ nsiŋ kɨ duꞌ jəə, baa duꞌ bwaŋnə, bəŋsə Nwi maa vənu vənshə, baa duꞌ maa jɨɨ yiley.

1 Timoti 4:12

Kɨ wə shia ghɔ buꞌ faŋ a kɨ bii wuu zawə nə me. Kɨ yɨsə laa a luu mfɨꞌ nu tɨ́ vɨɨ məbiŋ nu Kristo fɨ maa yigisə yə, nə ghuu yitoꞌ kə, nə nu məkaw vɨɨ, nə maa mənuŋ fwi maa Kristo, baa nə maa məyɨsə vənu vəleyvə.

1 Timoti 5:10

Bàw vɨ kwaŋ yizii yi faŋ vɨɨ biŋ ŋwə laa ŋwə nəə yɨsə vənu vəjəəvə, kɨꞌ vaŋmbwaa, baa fisə vəndɔ taa ŋii ŋwə, sɔ ghuu vɨɨ ley Nwi, gaŋtə vɨɨ ŋɨꞌ, yɨsə vənu vəjəəvə vənshə.

Hibru 13:18

Viŋ kɔꞌ kɨ shɔꞌtə Nwi tɔ yia. Nu ŋkɨə faŋ ŋkə lùu kəley tɨ́ yia, lùu laa fwi sia kee bweꞌsə yia me. Taa vənu vənshə yia kəə kɨ yɨsə sheꞌ vənu mbɨə faŋ mbə lùu vəloomə.

Hibru 13:5

Viŋ baꞌsə fwi yiŋ fɨ maa məkaw ka, bee kii suꞌsə ŋwaa nsi, laa vətɔ mbɨə faŋ viŋ kii, kuꞌnə tɨ́ viŋ. Viŋ lumə laa nshɨ-tɔ Nwi nə gì laa, «Kaꞌ mə kee ndènə ghɔ me, tɨꞌnə me mèꞌtə ghɔ me.»

Jeyms 3:13

Wuu tɔ ley fɨ taa ŋwaa viŋ, faŋ ŋwə toꞌ nə yitɔfə nɨzi, lùu ndə? Bàw ŋwə kɨ toꞌ yitoꞌ yijəənə, yɨ vənu vəjəəvə, sùꞌsə ŋwaa wi nsi, maa mədə tɔ ley ki.

1 Pita 2:15

Nwi kəə laa viŋ kɨ yɨ sheꞌ vənu vəjəəvə, laa mbə shə shuu vəmfaw faŋ vəŋ kee kɨ̀ɨ nə nu me.

1 Pita 3:16

Nɨniŋ, viŋ kɨ bəŋsə fɨ taa bwaŋnə nə feenə, jìa fwi siŋ buꞌ nsə kɨ sɔꞌ viŋ maa nu. Viŋ yɨ nɨniŋ laa tɔ vɨɨ vɔ́ dɨɨ, faŋ vəŋ gisə bwə kɔ̀ŋ viŋ, faŋ viŋ bèꞌsə Kristo, yɨsə vənu vəjəəvə nə.

1 Pita 4:11

Wə kɨ luu kɨ gisə yigi, bàw ŋwə kɨ gisə sheꞌ yigisə Nwi. Kɨ luu, wə nə faꞌ faꞌ Nwi, gaŋtə vɨɨ, bàw ŋwə kɨ faꞌ nə wutə ŋkɨə faŋ Nwi kɔ̀ tɨ́ ŋwə. Viŋ kɨ yɨ nɨniŋ laa, viŋ kɨ bəŋsə Nwi maa vənu vənshə fɨ yiba Yeso Kristo, faŋ ŋwə kwàlə, ndɔ weꞌ, gòꞌsə yighee muꞌ. Ŋkə lùu nɨniŋ.

2 Pita 3:11

Nɨniŋ, bàw viŋ shi kɨ kɨꞌ, faŋ viŋ duꞌtə viŋ kɨ̀ɨ laa vətɔ vənshə ndɔ ndi. Viŋ shi nə nshinə njyə faŋ nyə kùꞌnə tɨ́ vɨɨ Nwi, kɨ zɔnə ŋwə maa vənu vənshə.