1 Pita 2:11 - Vengo (Babungo)

¹¹ Vaŋ-nshwi vaŋ, viŋ lùu yaa vəndɔ taa mbi nyə̀. Nɨniŋ, mə tɨsə viŋ laa viŋ kɨ baŋnə vətɔ və shɨ nsi mbɨə faŋ fwi siŋ kaw, buꞌ laa vətɔ vɔ́ toꞌ maa məndisə məbwey wiŋ nshə.

1 Pita 2:11 ပူးပေါင်းရင်းမြစ်များ

Lukas 21:34

(Yeso baa gì laa,) «Viŋ kəmə tɔ kiŋ laa, kɨ fwi siŋ bwa buꞌ faŋ viŋ zɨ vətɔ, nu məluꞌ məyaŋmə me, tɨꞌnə me jɔmə vətɔ və shɨ nsi, buꞌ shi kɔ́ ndɔ gwəkə jɨjwi, tɨ́ viŋ kee lootə yiŋwaa me.

Akts 15:20

Bàw nsiŋ nyɔꞌ ŋwaꞌlə tɨ́ vəŋ, nàysə tɨ́ vəŋ sheꞌ laa vəŋ shiinə yiŋwaa vəŋ, kee kɨ zɨ fa faŋ ŋkə kee lùu kəley tɨ́ Nwi me, buꞌ faŋ ŋkə ndɔ̀ fɨ yɨ vənwi vədayday me. Baa nə laa kɨ vəŋ kɨ beꞌsə nu vəki me, kee kwə̀ mbasə nyaa faŋ vɨ tɨtwiŋ me wi, buu zwi me, kee zɨ fazɨ faŋ mənshi lùu taa tey yi me.

Akts 15:29

Ŋkə lùu laa, kɨ viŋ zɨ fazɨ faŋ vɨ kɔ̀ tɨ́ vənwi vədayday, fèꞌ vənwi vədayday shɔ me. Kɨ viŋ zɨ fazɨ faŋ mənshi lùu taa tey yi me. Kɨ viŋ kwə mbasə nyaa faŋ vɨ tɨtwiŋ me nyaa, nyə ku me. Baa nə laa viŋ baꞌsə fwi siŋ fɨ maa nu vəki. Viŋ kwasə yiŋwaa yiŋ fɨ maa vənu vɔ́, buu viŋ taa dùꞌ jəə. Viŋ duꞌ jəə!»

Roma 12:1

Nɨniŋ, vaŋ-nshwi vaŋ, faŋ mə nəə tɨsə viŋ buꞌ gəŋsə Nwi, faŋ Nwi kee gəŋ saŋ-nsiŋ nə, bàw laa viŋ fiŋ ŋwaa tɨ́ Nwi, lùu vəkɔ vi vəbweyvə faŋ mbə bàw shɨlə, baa ndɨ̀ŋ tɨ́ Nwi nɨzi. Lùu faŋ ŋkə bàw maa məfaꞌ tɨ́ Nwi.

Roma 7:23

Luu nə, mə ye nuŋsə yimɔ́ꞌ ŋkee taa ŋwaa mə, nyə nywenə ghɔ nuŋsə njyə faŋ nyə lùu taa fwi mə. Nuŋsə yɔ́ fɨ taa ŋwaa mə jìa mə, kà mə, nu bwə kɔ́ kii mə.

Roma 8:13

Kɨ luu viŋ toꞌ ghuu yitoꞌ kiŋ faŋ mbasə ŋwaa wiŋ kàw, buu viŋ ndɔ kukə. Luu nə, Zwitə Ley Nwi kɨ luu kɨ yɨsə viŋ meꞌ nu ŋkɨə faŋ mbasə ŋwaa wiŋ kəə kɨ yɨsə, buu viŋ ndɔ zɨ məbwey vəlwaŋ.

2 Kɔrintian 5:20

Nɨniŋ, yia lùu vɨɨ ntɔŋ Kristo. Nwi tɨsə vɨɨ, shɔɔ fɨ ghɔ yia. Yia buꞌ ghɔ tɨ́ vɨɨ maa yizii Kristo, gisə laa, «Viŋ biŋ, Nwi metə nsɔꞌ viŋ vɨ vəŋ!»

2 Kɔrintian 6:1

Faŋ yia gaŋtə maa faꞌ Nwi nə, yia tɨsə viŋ laa viŋ ndɨɨnə laa gəŋsə Nwi, faŋ Nwi kèe gəŋ saŋ-nsiŋ nə, kee gù nu dayday tɨ́ viŋ me.

2 Kɔrintian 7:1

Vɨɨmba vaŋ, faŋ nsiŋ kìi ŋkɔꞌnə nyə̀ nee nə, bàw nsiŋ kiasə yiŋwaa fɨ maa nu bwə tɨ̀ me nu bwə, faŋ ŋkə lùu taa ŋwaa wə, tɨꞌnə me taa zwitə ki. Nsiŋ kɨ yɨ laa nshinə nyaa-nsiŋ taa mètə lèy vɨsɨ Nwi. Nsiŋ yɨ̀ nɨniŋ, fee Nwi.

Galatia 5:24

Vɨɨ mbɨə faŋ lùu vɨɨ Yeso Kristo, mèꞌ vənu vəbwəvə vəvəŋ vənshə, nə mbɨꞌtə yibwə yinshə laylay. Ŋkə lùu yaa vəŋ ndi vənu vɔ́, bèy fuu fəŋkɔꞌ fə ŋkɨꞌsə fə Yeso Kristo.

Efesɔs 2:19

Nɨniŋ, viŋ kee baa lùu vəndɔ me, viŋ kɨ nii lùu mbinə-mbinə taa ŋwaa vɨɨ ley Nwi, baa lùu vɨɨ ŋiꞌ ŋii Nwi.

Efesɔs 4:1

Nɨniŋ, mə Pɔɔl, faŋ mə ŋìi mfiŋ buꞌ yizii tɨta Yeso nə, mə tɨsə viŋ laa viŋ kɨ toꞌ ghuu yitoꞌ kiŋ faŋ ŋkə kùꞌnə maa vənu mbɨə faŋ Nwi nə tìi viŋ shɔ nə.

2 Timoti 2:22

Kɨ nyɨŋ vənu vəbwəvə mbɨə faŋ zawə yaa kɨ kəə, beꞌsə luu fɨ yiba jɨŋ nu faŋ lùu nu loomə, baa nə maa mənuŋ fwi yə maa Kristo, baa nə maa məkaw vɨɨ, baa nə maa məduꞌ bwaŋnə viŋ vɨ vɨɨ vənshə faŋ vəŋ tii yizii tɨta Kristo nə fwi yiley.

Hibru 11:13

Vɨɨ ywaŋ-vɨsɨ vɔ́ vənshə nə nùŋ fwisə vəŋ maa Nwi, gə ziꞌ maa shi yiku vəŋ. Vənu mbɨə faŋ Nwi nə kɔ̀ꞌnə maa məkɔ tɨ́ vəŋ, nə kee ziꞌ ghɔ vəŋ me. Vəŋ nə yè vənu vɔ́ sheꞌ fɨ ntaŋ, ŋàytə shɔ, biŋ ntee laa vəŋ luu sheꞌ vəndɔ shɨ nsi nyə̀.

Hibru 6:9

Vaŋ-nshwi vaŋ, faŋ yia kɔlə gì nee, yia kɔꞌ kɨɨ yinsəŋ laa viŋ taa beꞌsə jɨɨ yiloomə tɨ́ kaꞌ viŋ kìi məbwey vəlwaŋ.

Jeyms 4:1

Yighaw nə nywaŋsə sii ndɔ fɨ fə taa ŋwaa viŋ? Maa nsə ndɔ fɨ taa fwi siŋ faŋ nsə kàw vətɔ və shɨ nsi. Maa nsə tùŋ yighaw taa ŋwaa viŋ.

1 Pita 1:1

Lùu mə Pita, wuu ntɔŋ Yeso Kristo, faŋ mə tɔŋ ŋwaꞌlə ŋwə̀ tɨ́ viŋ, vɨɨ Nwi faŋ viŋ sàykə taa məshɨ mə Pɔntɔs nə Galatia nə Kapadosia nə Asia nə Bitinia.

1 Pita 1:17

Viŋ tii Nwi nə Tii wiŋ, faŋ ŋwə shoꞌtə vənu və vɨɨ faŋ vəŋ yɨsə tɔ tɔ, kee nə fəntɔ-fə-yisɨ me. Nɨniŋ, bàw laa viŋ kɨ toꞌ ghuu yitoꞌ kiŋ maa yighee faŋ viŋ lùu vəndɔ mbi nə feenə.

1 Pita 4:12

Vaŋ-nshwi vaŋ, kɨ shuu wiŋ yɔŋ maa məmɔŋ ŋgwə faŋ ŋwə lùu yaa wisə kwalə faŋ ŋwə twaŋ viŋ shɔ nə me. Kɨ viŋ baa bɨꞌtə laa lùu nu fi me.

1 Pita 4:2

kee baa kɨ jɔŋ fɨ yiba jɨŋ vətɔ mbɨə faŋ vɨɨ kaw maa yighee nyə̀ me. Kɨ sɔꞌ ŋkitə Nwi sɔꞌ wə ghɔ́.

2 Pita 3:1

Vɨɨmba vaŋ faŋ mə kàw, lùu vəŋwaꞌlə lwesə vəbɔɔ, faŋ mə nyɔ̀ꞌ tɨ́ viŋ. Taa vəŋwaꞌlə vɔ́ vəbɔɔ nə, mə kɨ lumə vənu tɨ́ viŋ faŋ viŋ duꞌtə viŋ kɨ̀ɨ nə mbə, tɨ́ kaꞌ viŋ yenə fɨ mbweysə, kɨ kii tɔ ley maa nu Nwi.