1 Pita 2:1 - Vengo (Babungo)

¹ Nɨniŋ, viŋ meꞌtə nu fwi yibwə, nə nu məbweꞌsə vɨɨ, nə nu məboꞌ ŋwaa, nə nu fəsə, nə ghaŋ bwənə.

1 Pita 2:1 ပူးပေါင်းရင်းမြစ်များ

Matiu 15:7

Viŋ lùu vɨɨ məboꞌ ŋwaa. Maa Aysaya nə naysə ŋkee nu yinsəŋ kɔ̀ŋ viŋ, faŋ Nwi nə kwàŋ shuu ŋwə. Ŋwə nə gì laa lee,

Matiu 23:28

Luu sheꞌ faŋ viŋ dùꞌ yikəꞌ vɨɨ, yaa vɨɨ faŋ vənu vəvəŋ lùu vəloomə. Luu nə, məfuŋsə ŋwaa nə nu mətwey ntɨsə Nwi lwàŋ taa fwisə viŋ.

Matiu 24:51

Tɨɨ faꞌ wi ghɔ́ taa kɨ jwi, jwì nùꞌ məŋkɔ, kɔ̀ tɨ́ ŋwə, kwàŋ ŋwə taa ŋwaa vɨɨ məboꞌ ŋwaa, ŋwə ŋii taa shəŋ faŋ yigwia lùu shɔ yiyaŋ, vəŋ kɨ kwə gɨꞌ vəŋ shɔ.»

Matiu 7:5

Aŋ wuu məboꞌ ŋwaa, bàw a bɨ fuusə nshɨ-fa faŋ ŋwə lùu taa yisɨ ghɔ, buu kɨ ye jəə maa məfuusə wee-fa fɨ taa yisɨ weenshu wə.

Mark 12:15

Yeso zɔ yigi yɔ́, kɨɨ nə mənay vəŋ, gì tɨ́ vəŋ laa, «Viŋ mɔŋ mə tɨ́ kə? Viŋ jwi nə ka, də̀ shee!»

Lukas 11:44

Ndwaŋ tɔ viŋ! Viŋ lùu yaa təswi faŋ vɨ kee yishwenə me, faŋ vɨɨ toꞌ fɨ fuu yi, kee kɨɨ me.»

Lukas 12:1

Kɨ lùu maa yighee yɔ́, vɨɨ ŋkaŋsə ŋkaŋsə nə baytə shəŋ muꞌ, wə toꞌ fɨ fuu ŋwaa liŋ wi, wə toꞌ fɨ fuu ŋwaa liŋ wi. Yeso bɨ gì tɨ́ vɨɨ məzwetə nu ki laa, «Viŋ ndɨɨnə maa nu vɨɨ Farisii, faŋ vəŋ yaa kɨ boꞌ ŋwaa, buꞌ laa lùu nu faŋ kaꞌ ŋkə yasə saynə taa ŋwaa vɨɨ, sheꞌ faŋ fənsɨŋ yaa kɨ saynə taa bee, ŋkə mwa.

Lukas 6:42

Sii kaꞌ a gì tɨ́ weenshu wə laa, «Weenshu ŋwaa, naꞌ, mə fuusə kɨlə fəŋkɔꞌ fɨ taa yisɨ ghɔ,» kɨkə, faŋ a kee bee yè mfɨŋ fəŋkɔꞌ fɨ taa njɨɨnə yisɨ nə me? Aŋ wuu boꞌ, bàw a bɨ fùusə mfɨŋ fəŋkɔꞌ fɨ taa yisɨ ghɔ, buu kəə jɨɨ maa məfuusə kɨlə fəŋkɔꞌ fɔ́ fɨ taa yisɨ weenshu wə!»

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 1:47

Nataniel jwi yɨ Yeso. Yeso ye ŋwə, gì tɨ́ ŋwə laa, «A luu wuu Isirayl yinsəŋ, nu məbweꞌsə wə kee lùu taa fwi ghɔ me.»

Roma 1:29

Ŋgwisə vənu vəbwəvə lwaŋ taa fwisə vəŋ, nə nu yibɨsə njyoꞌ. Vəŋ tə̀ sɨ maa məkii vətɔ vəyaŋ, kìi fwi yifəŋ. Fəsə baa lwàŋ taa fwisə vəŋ, nə nu məzwi wə, nə nywaŋsə, nə nu mənay, nə mbɨꞌtə yibwə, nə məgisə maa shuŋ,

1 Kɔrintian 14:20

Vaŋ-nshwi vaŋ, kɨ viŋ kɨ bɨꞌtə vənu yuu vaŋmbwaa me. Nu ŋkɨə faŋ kaꞌ viŋ lùu yaa vaŋmbwaa, faŋ vəŋ kee ta weꞌ maa nu me, lùu maa məyɨsə vənu vəbwəvə. Bàw viŋ kee weꞌ maa kəŋ nu ghɔ́ me. Luu nə, bàw viŋ lùu yaa vɨɨ taa maa məbɨꞌtə vənu.

1 Kɔrintian 5:8

Nɨniŋ, nsiŋ kɨ duꞌ nə məŋaytə, kee kɨ kii nu maa məyɨ nə nu bwə me. Kɨ nu bwə saynə taa ŋwaa nsiŋ me. Bàw nsiŋ bee kɨ kii yɨ jəə, beꞌsə jəə Nwi nə fwi yimuꞌ. Nsiŋ kɨ toꞌ yitoꞌ nyaa-nsiŋ maa jɨɨ Nwi yinsəŋ.

2 Kɔrintian 12:20

Mə fee laa yighee njyə faŋ mə taa ziꞌ yɨ viŋ, yè viŋ faŋ viŋ kee yɨsə vənu maa jɨɨ njyə faŋ mə kəə laa viŋ kɨ yɨsə nə me. Nɨniŋ, viŋ nɨzi taa kɨ ye mə faŋ mə yɨsə vənu faŋ viŋ kee kàw me. Lùu nɨniŋ buꞌ laa mə fɨfee laa mə taa jwi, ye viŋ taa ntaysə nə məsəsə vɨɨ, tɨꞌnə me nə fwi yishəsə nə vəŋwiŋ, tɨꞌnə me laa viŋ sɨɨ təba tɔ viŋ, viŋ viŋ, ndɔ buꞌ məlɔꞌ, tɨꞌnə me koꞌsə ŋwaa, nə nshəŋtə yiŋ yibuulə.

Efesɔs 4:31

Bàw viŋ meꞌ fwi yibiŋ, nə too bwənə, nə məshəsə, nə ndisə, fɨ taa ŋwaa viŋ. Viŋ meꞌ vənu vəbwəvə vənshə!

1 Tesalonika 2:3

Yia nə kee tɨsə viŋ nə nu faŋ ŋkə kee yikuꞌnə me, kee gì tɨ́ viŋ nə fwi yibwə me, kee mɔ̀ŋ maa məbweꞌsə viŋ me.

1 Timoti 3:11

Bàw vɨɨ faꞌ mbə vəki baa luu vɨɨ jəənə nɨzi, kee kɨ gisə bwə tɔ vɨɨ me. Tɔ vəŋ luu kəley nɨzi. Vəŋ kɨ yɨ vənu vəvəŋ vənshə vəbi.

Taytəs 2:3

Gə fɨ maa vəki vətaavə, tɨ vəŋ sheꞌ nɨniŋ, laa vəŋ kɨ duꞌ nə nshinə vəŋ yiley vɨsɨ Nwi, kee kɨ bɨsə təzii tə vɨɨ me, kee lùu vəbuꞌ tɨ́ məluꞌ məyaŋmə me, deesə vənu vəjəəvə, faŋ mbə gaŋtə vɨɨ maa məkii fwi yijəə.

Hibru 12:1

Gə fɨ maa nsiŋ, faŋ nsiŋ yè nwaa vɨɨ vɔ́ faŋ vəŋ nə nùŋ fwisə vəŋ maa Nwi, də̀ jɨɨ tɨ́ nsiŋ nə, bàw nsiŋ meꞌ vənu mbɨə faŋ kaꞌ mbə fə̀ŋ jɨɨ nyaa-nsiŋ, nə vənu vəbwəvə faŋ mbə jia nsiŋ nə wutə nə. Nsiŋ ka fwi, kɨ gə vɨsɨ, nyɨŋ ghuu ŋgɨə faŋ ŋgə lùu vɨsɨ nsiŋ nə.

Jeyms 1:21

Nɨniŋ, viŋ meꞌ vənu vəbwəvə vənshə nə vənu mbɨə faŋ mbə fuu fɨ taa njyoꞌ yibwə, bìŋ yigi njyə faŋ Nwi bìa taa fwi siŋ, bìŋ nə fwi yizutə, tɨ́ kaꞌ nyə bweysə fwi siŋ nɨzi.

Jeyms 3:14

Viŋ kɨ luu kìi fwi yibiŋ, fwi siŋ lwaŋ nə fəsə nɨzi, viŋ luu vɨɨ vəŋwiŋ nɨzi, kɨ viŋ baa kɨ koꞌsə yiŋwaa me, buꞌ viŋ sɨɨ ba kɔ̀ŋ nu Nwi yinsəŋ.

Jeyms 4:11

Vaŋ-nshwi vaŋ, kɨ viŋ baa kɨ gisə vənu vəbwəvə tɔ yiŋwaa yiŋ me. Wə kɨ luu gi nu bwə tɔ weenshu wi, yighee mɔ́ꞌ kɨ kəə shia nsɔꞌ tɔ ŋwə, buu ŋkə lùu laa, ŋwə gisə bwə kɔ̀ŋ ntɨsə Nwi, ndi nshɨ-tɔ wi yaa wuu məshia nsɔꞌ kɔ̀ŋ ntɨsə Nwi. Wə kɨ luu ndì ŋwaa wi laa yi lùu wuu məshia nsɔꞌ kɔ̀ŋ ntɨsə Nwi, buu ŋwə kee baa lùu wə faŋ ŋwə nùŋsə ntɨsə sɔ́ me.

Jeyms 4:5

Viŋ bɨꞌtə laa ŋwaꞌlə Nwi gì dayday laa, «Zwitə ŋkɨə faŋ Nwi nə kwàŋ taa fwisə nsiŋ, kəə laa fwi saŋ-nsiŋ lwaŋ nə ŋkə, laa nsiŋ luu vɨɨ vi.»

Jeyms 5:9

Vaŋ-nshwi vaŋ, kɨ viŋ baa kɨ lulə viŋ viŋ fɨ yiba me, laa kɨ viŋ ndɔ kee gu nsɔꞌ Nwi me, fɔnə wuu məshia nsɔꞌ lùu shuufɔ.

1 Pita 2:16

Viŋ luu vɨɨ faŋ viŋ dùꞌ tɔ viŋ taa mbi. Nɨniŋ, kɨ viŋ gi laa məduꞌ faŋ viŋ dùꞌ tɔ viŋ nə, kɔ̀ jɨɨ, tɨ́ kaꞌ viŋ yɨsə nu bwə me. Viŋ bee kii kɨ yɨsə vənu faŋ mbə kùꞌnə tɨ́ vɨɨ Nwi.

1 Pita 2:22

Ŋwə nə kee yɨ tuu nu bwə nə ŋwaa ŋgwinə me, wə kee ta zɔ̀ yigisə təba fɨ shuu ŋwə me.

1 Pita 3:10

Maa vɨ nə nyɔ̀ꞌ taa ŋwaꞌlə Nwi laa, «Wə ntɨə faŋ ŋwə kəə zɨ mənɔŋ-bwaŋnə nə məŋaytə shɨ nsi, bàw ŋwə kee baa kɨ gisə yigi yibwənə me, kee gì yigi təba me.

1 Pita 4:2

kee baa kɨ jɔŋ fɨ yiba jɨŋ vətɔ mbɨə faŋ vɨɨ kaw maa yighee nyə̀ me. Kɨ sɔꞌ ŋkitə Nwi sɔꞌ wə ghɔ́.

1 Pita 4:4

Jwì fɨ maa ndwə, viŋ kee baa lùu taa nwaa vɨɨ vɔ́ me, viŋ kee baa yɨsə kəŋ vənu vəbwəvə vɔ́ me. Nɨniŋ, nu kɔ́ ghɔꞌ vəŋ, vəŋ kɨ nii ndasə viŋ.

Reveleyshən 14:5

Vɨ nə kee zɔ tuu nu ba fɨ shuu vəŋ me. Tuu wee-ndoꞌ kee lùu maa vəŋ me.