1 Pita 1:8 - Vengo (Babungo)

⁸ Viŋ nə kee ta yè Yeso me, luu nə, kɨ kaw ŋwə, kee yè ŋwə me, kɨ nuŋ fwi siŋ maa ŋwə. Viŋ bəŋsə ŋwə, kɨꞌ ŋwə nə məŋaytə, ŋaytə shɔɔ ki, faŋ kaꞌ wə kee fɨ̀ꞌtə nə shuu wi me.

1 Pita 1:8 ပူးပေါင်းရင်းမြစ်များ

Matiu 10:37

Wə ntɨə faŋ ŋwə kàw tii wi, tɨꞌnə me nshu wi, shɔ̀ɔ mə, kee kùꞌnə shee me. Wə faŋ ŋwə kàw ŋwiŋ wi wəndɔŋ, tɨꞌnə me wəzwi, shɔ̀ɔ mə, kee kùꞌnə shee me.

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 14:15

Yeso baa gì laa, «Kɨ luu viŋ kaw mə, buu viŋ taa zɔnə ntɨsə saŋ.

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 14:21

Wə ntɨə faŋ ŋwə kɨɨ nə ntɨsə saŋ, nùŋsə taa fwi ŋwə, kɨ toꞌ maa ntɨsə sɔ́, buu lùu wə faŋ ŋwə kaw mə. Wə ntɨə faŋ ŋwə kaw mə tɨ́ nee, buu Tii ŋwaa baa luu kaw ŋwə. Nshɨ-tɔ ŋwaa kaw ŋwə nɨzi, yɨ laa ŋwə taa ye mə maa yinsəŋ.»

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 14:24

Wə ntɨə faŋ ŋwə kee kaw mə me, kee nùŋsə yigisə nyaa me. Nɨniŋ nə, yigisə nyaa faŋ viŋ zɔ nə, kee ndɔ fɨ ghɔ mə me, nyə ndɔ fɨ ghɔ tii ŋwaa, faŋ ŋwə nə tɔ̀ŋ mə nə.

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 16:22

Sheꞌ nee, viŋ lùu ndwə lɨluŋ. Luu nə, fwi siŋ ndɔ kɨ ŋaytə faŋ mə ndɔ baa jwi ye viŋ. Nɨniŋ, tuu wə kee lùu shɔ, tɨ́ kaꞌ ŋwə baa fì məŋaytə wiŋ fɨ ghɔ viŋ me.

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 20:29

Yeso gi tɨ́ ŋwə laa, «A bìŋ mə, buꞌ laa a ye mə nə yisɨ yə. Mənɔŋ-bwaŋnə ndɔ luu tɔ vɨɨ mbɨə faŋ vəŋ kee yè vənu və̀ nə sɨ me, biŋ vənu vɔ́.»

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 8:42

Yeso gi tɨ́ vəŋ laa, «Nii toꞌ lùu yinsəŋ laa Nwi lùu tii wiŋ, buu viŋ kɨ kaw mə, buꞌ laa mə ndɔ̀ fɨ yɨ Nwi, baa lùu ŋwiŋ wi. Mə kee jwì maa yizii nyaa me, nə tɔ̀ŋ Nwi tɔ̀ŋ mə.

Akts 16:34

Ŋwə baa ndi Pɔɔl ghɔ Silas, gə̀ nə vəŋ taa ŋii ŋwə, kɔ̀ fazɨ tɨ́ vəŋ, ghɔ vɨ ŋii yi yinshə ŋaytə, buꞌ faŋ vəŋ nə nùŋ fwisə vəŋ maa Yeso Kristo.

Roma 14:17

Ŋiꞌ nu yifwàŋ Nwi kee lùu nu məzɨ fa, baa nə nu mənu fa me. Nu yifwàŋ Nwi lùu nu faŋ Zwitə Ley Nwi ŋìi taa fwi wə, kìasə nu ki, ŋkə loomə, fwi yi zutə, lwàŋ nə məŋaytə.

Roma 15:13

Nwi faŋ ŋwə yɨsə vɨɨ kɨꞌ məbwey vəlwaŋ, kwàŋ məŋaytə nə məduꞌ-nyɔŋ taa fwisə viŋ, ŋwə lwaŋ, buꞌ faŋ viŋ nùŋ fwi siŋ maa ŋwə nə. Zwitə Ley Nwi baa luu kɔ̀ wutə tɨ́ viŋ, tɨ́ kaꞌ viŋ kɨ kɨꞌ məbwey ghɔ́ nə fwi yiŋ yinshə.

1 Kɔrintian 16:22

Kɨ luu wə kee kaw tɨta Yeso me, ndwaŋ tɔ ŋwə. «Maranata! Tɨta Yeso jwi!»

2 Kɔrintian 1:22

kwàŋ shwenə maa nsiŋ laa kìi yi kìi nsiŋ, kɔ̀ nsiŋ nə Zwitə ki taa fwisə nsiŋ, maa məyɨ laa nsiŋ kɔꞌ kɨɨ laa nsiŋ ndɔ zɨ məbwey vəlwaŋ fɨ ghɔ ŋwə nɨzi.

2 Kɔrintian 12:4

Nwi nə shaꞌsə wə ghɔ́, gə nə ŋwə ŋkee shɨ Nwi, ŋwə nə zɔ̀ vənu fɨ fuŋ faŋ kaꞌ vɨ kee kìasə maa yigi me, vənu tɨ́ kaꞌ ŋoo shuu wə kee ŋaꞌsə gì me.

2 Kɔrintian 4:18

Ŋkə lùu nɨniŋ buꞌ faŋ nsiŋ kee tə̀ sɨ maa vətɔ mbɨə faŋ kaꞌ wə yè me; nsiŋ tə̀ sɨ luu maa vətɔ mbɨə faŋ kaꞌ wə kee ye me. Lùu nɨniŋ buꞌ laa vətɔ mbɨə faŋ vɨ ye, kee yaa kɨ shi tay me. Luu nə, vətɔ mbɨə faŋ vɨ kee yiye me, gòꞌsə yighee muꞌ.

2 Kɔrintian 5:7

buꞌ laa nsiŋ toꞌ ghuu yitoꞌ kaŋ-nsiŋ, biŋ Kristo, luu nə, kee ta yè ŋwə nə yisɨ me.

2 Kɔrintian 9:15

Nsiŋ kɨ bwaŋ Nwi buꞌ laa ŋwə nə key nsiŋ shɔ̀ɔ ki.

Galatia 5:22

Gə fɨ maa vənu mbɨə faŋ mbə ndɔ̀ fɨ taa Zwitə Nwi, mə kəə naysə vənu vɔ́ tɨ́ viŋ nɨzi. Vənu vɔ́ luu ŋkawnə, nə məŋaytə, nə məduꞌ bwaŋnə, nə məjia fwi, nə məsaylə jəə, nə məgaŋtə vɨɨ, nə məzɔnə,

Galatia 5:6

Kɨ ghaŋ nsiŋ faynə nsiŋ vɨ Kristo, buu nu məsɨɨtə wə kee baa lùu nu me. Faŋ vɨ sɨ̀ɨtə wə, nə faŋ vɨ kee yisɨɨtə me, luu sheꞌ fa kəmuꞌ, ŋkwiinə kee lùu shɔ me. Nu ŋkɨə faŋ ŋkə lùu kəweꞌ, lùu laa nsiŋ biŋ Yeso Kristo, nùŋ fwi saŋ-nsiŋ maa ŋwə, baa kii ŋkawnə.

Efesɔs 3:19

Nɨniŋ, viŋ taa kɨɨ nə ŋkawnə Kristo nɨzi, faŋ nyə kwàlə shɔ̀ɔ. Kaꞌ yitɔfə wə kee kuꞌnə maa məkɨɨ nə ŋkawnə yi, faŋ ŋwə kàw vɨɨ shɔ̀ɔ ki nə me. Faŋ viŋ kɨ̀ɨ nə ŋkawnə yi yɔ́, buu vənu və Nwi vənshə ŋii taa fwisə viŋ, lwàŋ nee, fùꞌ.

Efesɔs 6:24

Mənɔŋ-bwaŋnə tɔ vɨɨ vənshə faŋ vəŋ kaw tɨta ŋwaa-nsiŋ, Yeso Kristo, kaw ŋwə nə ŋkawnə yiweꞌ faŋ kaꞌ nyə kee ndɔ mè me!

Filipi 1:25

Nɨniŋ, mə kɔꞌ kɨɨ yinsəŋ laa ŋkə lùu nɨniŋ, laa mə taa goꞌ feenə, nsiŋ taa goꞌ, tɨ́ kaꞌ mə gaŋtə viŋ vənshə, viŋ nùŋ fwi siŋ maa Kristo, tɨ̀ŋnə weꞌ, gə̀ nə vɨsɨ, baa kìi məŋaytə yaŋ buꞌ nu Kristo.

Filipi 3:3

Lùu nsiŋ lùu vɨɨ faŋ Nwi nə kɔ̀ shwenə ki tɨ́ nsiŋ. Shwenə Nwi yinsəŋ kee lùu nu məsɨɨtə wə me. Shwenə ki faŋ ŋwə kɔ̀ tɨ́ nsiŋ, lùu Zwitə Ley Nwi, faŋ ŋkə yɨsə laa nsiŋ bəŋsə Nwi, kɔ feenə tɨ́ Yeso Kristo. Nsiŋ kee nùŋsə fwi saŋ-nsiŋ maa vənu faŋ lùu vənu və shɨ nsi me.

Filipi 4:4

Viŋ zɔ, mə gì tɨ́ vɨɨ Kristo vənshə; viŋ kɨ ŋaytə ghee nshə, buꞌ faŋ viŋ lùu vɨɨ Kristo nə. Mə baa kɨ gi laa viŋ kɨ ŋaytə.

Hibru 11:1

Nu məbiŋ Nwi sii lùu kɨkə? Ŋkə lùu laa wə nuŋ fwi yi maa nu ŋkɨə faŋ ŋwə kɨꞌ laa ŋkə ndɔ jwi, baa nə laa ŋwə kɔꞌ kɨɨ fɨ taa fwi ŋwə laa nu faŋ ŋwə kee ta yiye me, lùu shɔ maa yinsəŋ.

Hibru 11:27

Ŋwə nə baa luu nùŋ fwi yi maa Nwi, faŋ ŋwə nə fùu fɨ shɨ Ijip, kee fèe məshəsə fwàŋ Farao me. Ŋwə nə kà fwi yi yaa wə faŋ ŋwə ye Nwi, faŋ kaꞌ wə mənsaw kee yiye me.

1 Pita 1:6

Nɨniŋ, viŋ kɨ ŋaytə buꞌ vənu vɔ́, ŋkee ndwə faŋ yighee mɔ́ꞌ viŋ lɨluŋ, buꞌ məmɔŋ faŋ viŋ yè jɨɨsə jɨɨsə. Məmɔŋ ghɔ́ luu sheꞌ maa kuŋtə yighee.

1 Pita 2:7

Nyə gù fa bwey tɨ́ viŋ vɨɨ məbiŋ, faŋ viŋ nùŋ fwi siŋ shɔ nə. Luu nə, vɨɨ mɔ́ꞌ twèy nu Nwi. Maa ŋkə lùu taa ŋwaꞌlə Nwi laa, «Ŋkee ŋoꞌ njyə faŋ vɨɨ məbɔŋ ŋii twey laa kee lùu ŋoꞌ məbɔŋ ŋii me, kìasə gù ŋoꞌ mfay ŋii.»

1 Pita 5:4

Nɨniŋ laa Yeso, tɨɨ nshiisə bisə sɔ́, ndɔ kɔ viŋ nə vəkeynə faŋ mbə gòꞌsə yighee muꞌ, maa yighee njyə faŋ ŋwə ndɔ fuu ntee sɨ vɨɨ.