1 Pita 1:6 - Vengo (Babungo)

⁶ Nɨniŋ, viŋ kɨ ŋaytə buꞌ vənu vɔ́, ŋkee ndwə faŋ yighee mɔ́ꞌ viŋ lɨluŋ, buꞌ məmɔŋ faŋ viŋ yè jɨɨsə jɨɨsə. Məmɔŋ ghɔ́ luu sheꞌ maa kuŋtə yighee.

1 Pita 1:6 ပူးပေါင်းရင်းမြစ်များ

Matiu 11:28

Yeso nə baa gì laa, «Viŋ jwi yɨ mə, viŋ vənshə, faŋ viŋ bwà fɨ maa vəfaꞌ faŋ mbə shɔ̀ɔ wutə kiŋ, tɨꞌnə me faŋ vəbiꞌ vədɨɨvə lùu tɔ viŋ, mə taa yɨsə viŋ shəŋ ŋwaa.

Matiu 26:37

Ŋwə kɨ nii ndì Pita ghɔ vaŋ Zebedii vəbɔɔ nə, ghɔ vɨ vəŋ gə. Vəŋ gə nɨniŋ, ŋwə tey kɨ luŋ, fwi yi ghaysə ŋwə.

Matiu 5:12

Viŋ kɨ ŋaytə, shɨꞌ, buꞌ laa vəkeynə viŋ ndɔ luu vəyaŋ shɨ Nwi taa yizɔ. Lùu nɨniŋ buꞌ laa vɨ nəə shoꞌ ghuu nshiisə-ŋii sɔghɔ mbə ywaŋ-vɨsɨ sheꞌ nɨniŋ.»

Lukas 1:47

Zwitə kaŋ ŋaytə, bəŋsə Nwi, wuu məbweysə ŋwaa,

Lukas 10:20

Luu nə, kɨ viŋ ŋaytə buꞌ vəzwitə vəbwəvə faŋ mbə zɔnə viŋ nə me. Viŋ kɨ ŋaytə buꞌ laa vɨ nyɔ̀ꞌ təzii tiŋ taa ŋwaꞌlə ŋgwə faŋ vɨ nyɔ̀ꞌ təzii tə vɨɨ mbɨə faŋ vəŋ ndɔ ŋii nu yifwàŋ Nwi shɔ nə.»

Lukas 2:10

Nshiiŋii Nwi yɔ́ gi tɨ́ vəŋ laa, «Kɨ viŋ baa fee me! Viŋ zɔ! Mə jwi naysə ntɔŋ yijəə tɨ́ viŋ, faŋ luu ŋkee nu məŋaytə tɨ́ vɨɨ vənshə.

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 16:22

Sheꞌ nee, viŋ lùu ndwə lɨluŋ. Luu nə, fwi siŋ ndɔ kɨ ŋaytə faŋ mə ndɔ baa jwi ye viŋ. Nɨniŋ, tuu wə kee lùu shɔ, tɨ́ kaꞌ ŋwə baa fì məŋaytə wiŋ fɨ ghɔ viŋ me.

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 16:33

Mə naysə nu kɔ́ tɨ́ viŋ, tɨ́ kaꞌ nsiŋ lùu fa kəmuꞌ, fwi yiŋ duꞌ nyɔŋ. Viŋ taa ye ŋɨꞌ taa mbi nyə̀, viŋ ka fwi siŋ, buꞌ laa mə duꞌtə mə ghɔꞌ mbi nyə̀.»

Akts 14:22

Maa vəshəŋ vɔ́ vənshə, vəŋ yɨsə fwisə vɨɨ məbiŋ nu Kristo weꞌ maa nu Kristo. Vəŋ baa tɨ̀sə vɨɨ vɔ́ laa vəŋ goꞌsə ghɔ vɨ Yeso, baa nàysə tɨ́ vəŋ laa vɨɨ məbiŋ nu Kristo taa ye ŋɨꞌ, buu ŋii maa nu yifwàŋ Nwi.

Roma 12:12

Ŋaytə buꞌ məbwey vəlwaŋ faŋ viŋ kɨꞌ ŋwə nə, jia fwi maa ŋɨꞌ, weꞌ maa məshɔꞌtə Nwi.

Roma 5:11

Nɨniŋ, nsiŋ koꞌsə yiŋwaa nyaa-nsiŋ buꞌ nshɨ-tɔ Nwi, fɨ yiba jɨŋ tɨta ŋwaa-nsiŋ Yeso Kristo, faŋ ŋwə yɨ laa nsiŋ gu fa kəmuꞌ nsiŋ vɨ Nwi maa yighee ndwə.

Roma 5:2

Tɨta Yeso Kristo nə kɔ̀ jɨɨ tɨ́ nsiŋ maa məshɔɔ fɨ fuŋ, ŋìi mənɔŋ-bwaŋnə Nwi, faŋ nsiŋ nùŋ fwi saŋ-nsiŋ maa ŋwə nə. Nɨniŋ, nsiŋ ŋìi mənɔŋ-bwaŋnə Nwi ghɔ́, kɨ ŋaytə, baa mwa, buꞌ faŋ nsiŋ kɨꞌ nu yikwalə Nwi, faŋ ŋkə bàw shɨlə nə.

Roma 9:2

Mə luŋ ŋkee dɨdɨꞌ, ŋɨꞌ ghaysə mə fɨ taa fwi mə kɔ̀ŋ vɨɨ vaŋ, vɨɨ Isirayl.

2 Kɔrintian 4:17

Faŋ nsiŋ ye ŋɨꞌ ndwə nə, nsiŋ ndɔ zɨ ŋkee nu kwalə faŋ ŋkə shɔ̀ɔ ki, gòꞌsə yighee muꞌ. Nɨniŋ, nu ŋɨꞌ yɔ́ luu sheꞌ nu tɨtiꞌ faŋ nyə taa tay sheꞌ maa wee-fɨ-yighee nee.

2 Kɔrintian 6:10

Faŋ yia kɔlə kìi məluŋ, yia kɨ ŋɨŋaytə. Faŋ yia kɔlə lùu mbəəsə, yɨsə vɨɨ vəyaŋ gu mfuꞌsə maa vənu vənshə. Faŋ yia kɔlə kee kìi fa me, yia kìi vətɔ vənshə.

Galatia 5:22

Gə fɨ maa vənu mbɨə faŋ mbə ndɔ̀ fɨ taa Zwitə Nwi, mə kəə naysə vənu vɔ́ tɨ́ viŋ nɨzi. Vənu vɔ́ luu ŋkawnə, nə məŋaytə, nə məduꞌ bwaŋnə, nə məjia fwi, nə məsaylə jəə, nə məgaŋtə vɨɨ, nə məzɔnə,

Filipi 2:26

Ŋwə dùꞌ kɨ kəə sheꞌ laa yi baa ye viŋ, fwi yi nə za buꞌ faŋ ŋwə nə zɔ laa, viŋ zɔ̀ laa ŋwə zɨzasə.

Filipi 3:3

Lùu nsiŋ lùu vɨɨ faŋ Nwi nə kɔ̀ shwenə ki tɨ́ nsiŋ. Shwenə Nwi yinsəŋ kee lùu nu məsɨɨtə wə me. Shwenə ki faŋ ŋwə kɔ̀ tɨ́ nsiŋ, lùu Zwitə Ley Nwi, faŋ ŋkə yɨsə laa nsiŋ bəŋsə Nwi, kɔ feenə tɨ́ Yeso Kristo. Nsiŋ kee nùŋsə fwi saŋ-nsiŋ maa vənu faŋ lùu vənu və shɨ nsi me.

Filipi 4:4

Viŋ zɔ, mə gì tɨ́ vɨɨ Kristo vənshə; viŋ kɨ ŋaytə ghee nshə, buꞌ faŋ viŋ lùu vɨɨ Kristo nə. Mə baa kɨ gi laa viŋ kɨ ŋaytə.

1 Tesalonika 1:6

Viŋ nə zwètə nshinə yia baa nə nshinə tɨta Yeso, buꞌ faŋ viŋ nə zɔ̀ nu Nwi, bìŋ nə məŋaytə, faŋ vɨ nə kɔlə kɔ ŋɨꞌ tɨ́ viŋ ŋkee yiyaŋ. Nə yɨsə Zwitə Ley Nwi laa viŋ nə bìŋ nə məŋaytə nə.

Jeyms 1:2

Vaŋ-nshwi vaŋ, viŋ taa kɨ luu kɨ kii məmɔŋ, vənu nə ghɔꞌ viŋ, viŋ jia fwi siŋ nə məŋaytə, ndì vənu vənshə nə məŋaytə,

Jeyms 1:9

Kɨ luu weenshwi wuu Nwi mɔ́ꞌ luu mbəə, bàw laa ŋwə kɨ ŋaytə, buꞌ laa Nwi shàꞌsə ŋwə yizɔ.

Jeyms 4:9

Viŋ lumə nu bwə kiŋ, kɨ luŋ, ndɔ gwia! Yishɨꞌ yiŋ ndɔ kiasə gù məluŋ. Məŋaytə wiŋ kiasə gù məluŋ.

1 Pita 3:17

Wə kɨ luu ye ŋɨꞌ faŋ ŋwə yɨ jəə, faŋ luu ŋkitə Nwi, ŋkə bàw fɨ ghɔ ŋwə kɨ ye ŋɨꞌ buꞌ nu bwə mɔ́ꞌ faŋ ŋwə nə yɨ̀sə.

1 Pita 4:7

Ndwəsə vənu vənshə lùu nshənə. Nɨniŋ, viŋ kɨ yɨsə vənu vənshə nə yitɔfə, tɔ kiŋ ley nɨzi, tɨ́ kɨ kaꞌ viŋ kɨ shɔꞌtə Nwi.

1 Pita 5:10

Nshɨ-tɔ Nwi ndɔ naysə viŋ fɨ maa ŋɨꞌ faŋ viŋ yè maa wee-fɨ-kuŋtə yighee, bɔ̀ŋsə viŋ, kwàŋ wutə maa viŋ, viŋ duꞌ, kee baa nə̀ꞌnə me. Ŋwə lùu wuu məgaŋtə wiŋ nə vənu vənshə, faŋ ŋwə shòꞌ viŋ buꞌ Kristo, viŋ ndɔ baw shɨlə yaa ŋwə, gòꞌsə yighee muꞌ.