1 Pita 1:3 - Vengo (Babungo)

³ Nsiŋ kɨ bəŋsə Nwi, tɨɨ Yeso Kristo, faŋ luu mbweysə nyaa-nsiŋ. Nwi nə kèe gəŋ saŋ-nsiŋ dɨdɨꞌ, faŋ ŋwə nə kɔ̀ məbwey fi tɨ́ nsiŋ, buꞌ faŋ ŋwə nə ywèysə Yeso fɨ shɨ yiku. Nɨniŋ, kaꞌ nsiŋ kɨ̀ꞌ məbwey vəlwaŋ nə məŋaytə.

1 Pita 1:3 ပူးပေါင်းရင်းမြစ်များ

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 1:13

Nɨniŋ, nə bì Nwi bi vəŋ. Nu kɔ́ kee ndɔ̀ fɨ maa məbi wə fɨ taa mənshi me, tɨꞌnə me fɨ maa ŋkawnə wə mənsaw me, tɨꞌnə me fɨ maa mbɨꞌtə wə mənsaw me.

Roma 12:12

Ŋaytə buꞌ məbwey vəlwaŋ faŋ viŋ kɨꞌ ŋwə nə, jia fwi maa ŋɨꞌ, weꞌ maa məshɔꞌtə Nwi.

Roma 15:13

Nwi faŋ ŋwə yɨsə vɨɨ kɨꞌ məbwey vəlwaŋ, kwàŋ məŋaytə nə məduꞌ-nyɔŋ taa fwisə viŋ, ŋwə lwaŋ, buꞌ faŋ viŋ nùŋ fwi siŋ maa ŋwə nə. Zwitə Ley Nwi baa luu kɔ̀ wutə tɨ́ viŋ, tɨ́ kaꞌ viŋ kɨ kɨꞌ məbwey ghɔ́ nə fwi yiŋ yinshə.

Roma 4:25

Nwi nə kɔ̀ Yeso laa vɨ zwi ŋwə buꞌ yibɨsə nyaa-nsiŋ, baa ywèysə ŋwə fɨ shɨ yiku laa ŋwə kiasə nu kaŋ-nsiŋ, ŋkə loomə.

Roma 5:10

Yighee njyə faŋ nsiŋ nə luu vɨɨ mbeenə Nwi, ŋwə yɨsə nsiŋ gu fa kəmuꞌ, nsiŋ vɨ Nwi buꞌ yiku ŋwiŋ wi, faŋ ŋwə nə kù tɔ nsiŋ nə. Nɨniŋ, faŋ nsiŋ gu fa kəmuꞌ nsiŋ vɨ Nwi buꞌ yiku yi nə, buu kaꞌ nsiŋ baa luu kɨɨ ŋkee maa yinsəŋ laa Nwi ndɔ bweysə nsiŋ buꞌ məbwey ŋwiŋ wi.

Roma 8:11

Kɨ luu laa Zwitə Ley Nwi ŋkɨə faŋ ŋkə nə ywèysə Yeso fɨ shɨ yiku nə, lùu taa fwisə viŋ, buu Nwi faŋ ŋwə nə ywèysə Yeso fɨ shɨ yiku nə, ndɔ yɨsə yiŋwaa yiŋ faŋ nyə ndɔ ku, baa ywèy nɨzi buꞌ Zwitə ki faŋ ŋkə lùu taa fwisə viŋ nə.

Roma 8:24

Ŋwə duꞌtə ŋwə bweysə nsiŋ, laa nsiŋ kɨ kɨꞌ vətɔ fɨ yizɔ. Nəə toꞌ lùu laa nsiŋ duꞌtə nsiŋ ye vətɔ vɔ́ fɨ yizɔ nə, buu nsiŋ kee baa kɨ kɨꞌ me. Wə faŋ ŋwə yè fa, baa kɨ kɨꞌ fa kɔ́ kɨkə?

1 Kɔrintian 13:13

Vənu lùu shɔ vətia faŋ kaꞌ mbə kee ndɔ mè me. Nu kəmuꞌ lùu laa nsiŋ kɨ nuŋ fwi saŋ-nsiŋ maa Nwi. Nu mɔ́ꞌ lùu məbwey vəlwaŋ faŋ nsiŋ kɨꞌ fɨ ghɔ Nwi nə. Nu lwesə vətia luu ŋkawnə. Fɨ maa vənu və̀ vətia nə, nu ŋkawnə kwàlə shɔ̀ɔ vənu vɔ́ vənshə.

1 Kɔrintian 15:20

Luu nə, ŋkə luu ŋkee nu yinsəŋ laa Nwi nə ywèysə Kristo fɨ shɨ yiku. Ŋwə nə luu mfɔŋ wə maa məywey fɨ shɨ yiku.

2 Kɔrintian 1:3

Nsiŋ kɨ bəŋsə Nwi, tɨɨ tɨta ŋwaa-nsiŋ Yeso Kristo, faŋ ŋwə yaa kɨ kee gəŋsə vɨɨ dɨdɨꞌ, baa luu Nwi məboolə vɨɨ maa vənu vənshə.

Galatia 6:16

Mənɔŋ-bwaŋnə Nwi nə gəŋsə Nwi tɔ vɨɨ mbɨə faŋ vəŋ beꞌsə nshinə yifi yɔ́, nə taa ŋwaa vɨɨ yinsəŋ Nwi!

Efesɔs 1:17

Mə shɔꞌtə Nwi, tɨɨ tɨta ŋwaa-nsiŋ Yeso Kristo, ŋkee tɨta Nwi faŋ vənu vi bàw shɨlə nə, laa ŋwə kɔ Zwitə ki tɨ́ viŋ. Ŋkə kɨ kɔ viŋ nə yitɔfə, baa twelə ŋiꞌ nu ki tɨ́ viŋ, viŋ kɨɨ nə ŋwə.

Efesɔs 1:3

Nsiŋ kɨ bəŋsə Nwi, tɨɨ tɨta ŋwaa-nsiŋ Yeso Kristo, faŋ ŋwə nə kɔ̀ ŋgwisə mənɔŋ-bwaŋnə yinshə tɨ́ nsiŋ, kɔ vənu və Zwitə Ley Nwi faŋ mbə lùu taa yizɔ tɨ́ nsiŋ fɨ jɨŋ Kristo.

Efesɔs 1:7

Ŋwiŋ wi ghɔ́ nə kù tɔ nsiŋ, yɨ laa nsiŋ fuu fɨ taa nsɔꞌ Nwi buꞌ mənshi mi. Nwi ndenə yibɨsə nyaa-nsiŋ, buꞌ faŋ ŋwə kèe gəŋ saŋ-nsiŋ dɨdɨꞌ.

Efesɔs 2:4

Luu nə, Nwi faŋ ŋwə kee gəŋsə vɨɨ dɨdɨꞌ nə, ŋwə nə kaw nsiŋ shɔ̀ɔ,

Efesɔs 3:20

Nwi kɔꞌ kɨɨ maa məyɨ nu faŋ ŋkə shɔ̀ɔ vənu vənshə, shɔ̀ɔ vənu mbɨə faŋ nsiŋ buꞌ ghɔ shɔ tɨ́ ŋwə, baa shɔ̀ɔ vənu mbɨə faŋ nsiŋ bɨꞌtə. Wutə ki kwàlə shɔ̀ɔ ki, faꞌ taa fwisə nsiŋ.

Kɔlɔsii 1:23

buꞌ faŋ viŋ kɨ tɨtweꞌ bìŋ Nwi, nùŋ fwi siŋ sheꞌ maa nu Nwi, tɨ̀ŋnə weꞌ, tə̀ sɨ sheꞌ maa vənu mbɨə faŋ viŋ zɔ̀ fɨ taa nu Nwi. Luu sheꞌ nu Nwi kɔ́ faŋ vɨ fɨꞌtə tɨ́ vɨɨ vənshə, ŋkə saynə shɨ nsi kənshə. Mə Pɔɔl nə gù wuu faꞌ nu Nwi kɔ́, laa mə kɨ fɨꞌtə nu Nwi kɔ́ tɨ́ vɨɨ.

Kɔlɔsii 1:27

Ŋkə nə bàw tɨ́ Nwi laa Nwi yɨsə laa vɨɨ vi kɨɨ faŋ yigi yɔ́ dùꞌ, baa kwàlə shɔ̀ɔ. Nyə kìi sey kwalə tɨ́ vɨɨ məshɨ məshɨ. Nu kwalə kɔ́ lùu laa Kristo shi taa fwisə viŋ. Nɨniŋ, viŋ kɨ nii tə̀ sɨ maa vəkeynə və Nwi faŋ mbə kwalə shɔ̀ɔ.

1 Tesalonika 1:3

Yia kɨ lumə vəfaꞌ vəjəəvə viŋ faŋ viŋ faꞌ buꞌ məbiŋ wiŋ maa Nwi, baa nə vənu vəjəəvə viŋ faŋ viŋ yɨsə fɨ taa ŋkawnə, baa lumə faŋ viŋ jìa fwi, kɨ̀ꞌ tɨta ŋwaa-nsiŋ Yeso Kristo maa yizii Nwi, faŋ lùu Tii ŋwaa-nsiŋ nə.

1 Tesalonika 4:13

Vaŋ-nshwi via, yia kee kaw laa viŋ duꞌ nshi buꞌ nu vaŋ-nshwi vaŋ-nsiŋ mbɨə faŋ vəŋ kukə̀ me. Yia kəə twelə tɨ́ viŋ laa kɨ viŋ luŋ yaa vɨɨ mɔ́ꞌ faŋ vəŋ kee kɨ̀ꞌ məbwey vəlwaŋ me.

2 Tesalonika 2:16

Nshɨ-tɔ tɨta ŋwaa-nsiŋ Yeso Kristo nə tɨta Nwi faŋ ŋwə nə kàw nsiŋ, kèe gəŋ saŋ-nsiŋ, bàwsə fwi saŋ-nsiŋ, nsə kuꞌnə yighee muꞌ nə, yɨsə nsiŋ kɨ kɨꞌ ŋkee nu jəə.

1 Timoti 1:14

Nɨniŋ, gəŋsə tɨta ŋwaa-nsiŋ, Yeso Kristo, faŋ ŋwə kèe gəŋ saŋ nə, shɔ̀ɔ ki, yɨsə mə nuŋ fwi nyaa maa ŋwə, kàw ŋwə.

Taytəs 2:13

Nsiŋ kɨ kɨꞌ nu mənɔŋ-bwaŋnə Nwi, faŋ ŋwə ndɔ kɔ məbwey vəlwaŋ tɨ́ nsiŋ, baa kɨꞌ yighee njyə faŋ feenə Nwi, faŋ luu ŋkee Nwi kwalə nə, ndɔ fuu ghɔ Yeso Kristo, wuu məbweysə ŋwaa-nsiŋ,

Hibru 3:6

Jwi maa Kristo, ŋwə lùu ŋkee Wee Nwi faŋ ŋwə shiinə njiinə ŋii. Ŋii yi yɔ́ lùu nsiŋ. Nsiŋ lùu vɨɨ ŋiinə vi, faŋ nsiŋ tə̀ sɨ maa məbwey vəlwaŋ, faŋ nsiŋ kɨꞌ ŋwə nə fwi yimuꞌ nə, tweꞌ shɔ, zìꞌ maa vəndwə nə məŋaytə.

Jeyms 1:18

Nwi nə kàw maa məkɔ məbwey vəlwaŋ tɨ́ nsiŋ fɨ taa yigisə Nwi yinsəŋ. Nɨniŋ laa nsiŋ lùu mfɔŋsə vətɔ vi faŋ ŋwə naysə fi.

1 Pita 1:13

Nɨniŋ, viŋ lootə yiŋwaa yiŋ, tɔ kiŋ ley nɨzi, viŋ nuŋsə fwi siŋ sheꞌ maa məbwey ghɔ́ faŋ Nwi ndɔ kɔ tɨ́ viŋ buꞌ gəŋsə si, yighee njyə faŋ ŋwə ndɔ baa tɔŋ Yeso Kristo ntee.

1 Pita 1:21

buꞌ laa viŋ kwàŋ fwi siŋ maa Nwi buꞌ ŋwə, faŋ Nwi nə ywèysə ŋwə fɨ shɨ yiku, kòꞌsə ŋwə fuu ŋkaw yifwàŋ. Nɨniŋ, kaꞌ viŋ nùŋ fwi siŋ maa Nwi, kɨ kɨꞌ məbwey vəlwaŋ fɨ ghɔ ŋwə.

1 Pita 1:23

Nɨniŋ, viŋ kii ŋkawnə nyə̀ ndwə, buꞌ laa Nwi yɨ̀sə laa viŋ kii nshinə yifi. Nwi nə kɔ̀ nshinə yifi yɔ́ tɨ́ viŋ taa yigisə yi, faŋ nyə kìi məbwey vəlwaŋ. Yigi yi yɔ́ kee kìi vəndwə me. Nɨniŋ, viŋ lùu vaŋ tɨta Nwi, faŋ ŋwə kee ndɔ ku me. Viŋ kee baa lùu vaŋ vɨɨ me.

1 Pita 2:2

Viŋ lùu yaa vaŋ faŋ vɨ bɨ kɨ bɨbi vəŋ, faŋ vənshwi vəŋ yaa bɨ bɨbi vəŋ, vəŋ kɨ kəə yiməŋ ghee nshə. Bàw jɨŋ nu Nwi kɨ zasə viŋ sheꞌ yuu yiməŋ zasə vaŋ nə, buu viŋ taa kɨ ta taa nu Nwi, tɨ́ kɨ kaꞌ Nwi ndɔ bweysə viŋ.

1 Pita 3:15

Viŋ kɨ bəŋsə sheꞌ tɨta Kristo fɨ taa fwisə viŋ, nùŋ ŋwə laa lùu tɨɨ ŋii wiŋ. Viŋ jia fwi siŋ ghee nshə maa məbəŋsə nu faŋ vɨɨ bitə tɨ́ viŋ kɔ̀ŋ nu məkɨꞌ məbwey vəlwaŋ, faŋ viŋ nùŋ fwi siŋ shɔ nə.

1 Pita 3:21

Nu muu kɔ́ luu mfɨꞌ nu muu mə Kristo, faŋ mbə bweysə viŋ ndwə. Mbə kee lùu maa məsɔ yifɨŋ fɨ maa viŋ me, lùu nu maa məbuꞌ ghɔ tɨ́ Nwi, laa ŋwə yɨsə fwi siŋ ley. Kaꞌ ŋkə bwèysə viŋ buꞌ laa Yeso Kristo nə ywèy fɨ shɨ yiku,

1 Pita 3:5

Viŋ kɔꞌ kɨɨ laa vəki və ywaŋ-vɨsɨ nəə yɨ nɨniŋ nɨzi, faŋ vəŋ nə tə̀ sɨ vəŋ sheꞌ maa Nwi. Vəlɔꞌ vəvəŋ nə luu laa vəŋ zɔnə vəndəə vəvəŋ.

1 Jɔn 2:29

Viŋ kɨ luu kɨ kɨɨ laa vənu və Nwi lùu vəloomə, buu viŋ kɔꞌ kɨɨ nɨzi laa wə ntɨə faŋ ŋwə yɨ vənu vəloomə, lùu wə faŋ nə bì Nwi bì wə ghɔ́.

1 Jɔn 3:3

Wə ntɨə faŋ ŋwə jìa fwi yi, kɨ kɨꞌ nu kɔ́ fɨ ghɔ Nwi, yɨsə laa fwi yi ley sheꞌ faŋ njii lèy.

1 Jɔn 3:9

Wə ntɨə faŋ nə bì Nwi bì ŋwə, kee yɨ̀sə vənu vəbwəvə me, buꞌ laa ŋkɨꞌnə Nwi lùu maa ŋwə. Ŋwə kee kɨɨ maa məyɨ nu bwə me, buꞌ laa bì Nwi bì ŋwə.

1 Jɔn 4:7

Vɨɨmba vaŋ, nsiŋ kɨ kawnə yiŋwaa nyaa-nsiŋ, nsiŋ nsiŋ, buꞌ laa ŋkawnə ndɔ fɨ ghɔ Nwi. Wə tɨ̀ me wə faŋ ŋwə kaw Nwi nə vɨɨ, buu bì Nwi bì wə ghɔ́. Ŋwə baa kɨ̀ɨ nə Nwi nɨzi.

1 Jɔn 5:1

Wə ntɨə faŋ ŋwə biŋ laa Yeso lùu wuu məbweysə vɨɨ, faŋ ŋwə ndɔ̀ fɨ ghɔ Nwi, buu bì Nwi bì wə ghɔ́. Maa wə ntɨə faŋ ŋwə kaw tɨɨ vaŋ, kaw vaŋ vi nɨzi.

1 Jɔn 5:18

Mə baa lesə tɨ́ viŋ laa, nsiŋ kɔꞌ kɨɨ laa, wə ntɨə faŋ bì Nwi bì ŋwə, kee yaa kɨ yɨ nu bwə me, buꞌ faŋ Wee Nwi shiinə ŋwə. Nɨniŋ, kaꞌ tɨɨ vəzwitə vəbwəvə kee kɔ̀ŋ wə ghɔ́ me.

1 Jɔn 5:4

buꞌ laa wə ntɨə faŋ bì Nwi bì ŋwə, yaa kɨ ghɔꞌ vənu vəbwəvə fɨ taa mbi. Nsiŋ ghɔ̀ꞌ vənu vəbwəvə fɨ taa mbi, buꞌ faŋ nsiŋ nùŋ fwi saŋ-nsiŋ maa Yeso Kristo.