1 Pita 1:2 - Vengo (Babungo)

² Tɨta Nwi nə kɨ̀ɨ nə viŋ fɨshi, shòꞌ viŋ laa Zwitə ki yɨsə viŋ luu vɨɨ vi, kɨ zɔnə ŋwə, baa nə laa Yeso Kristo tùtə mənshi mi tɔ viŋ, tɨ́ kaꞌ viŋ ley vɨsɨ Nwi. Nwi kuꞌsə mənɔŋ-bwaŋnə tɔ viŋ, baa nə məduꞌ-nyɔŋ!

1 Pita 1:2 ပူးပေါင်းရင်းမြစ်များ

Matiu 24:22

Luu nə, Nwi ndɔ shia vəshi vɔ́ buꞌ vɨɨ mbɨə faŋ ŋwə shòꞌ vəŋ nə. Ŋwə nəə toꞌ kee ndɔ shia vəshi vɔ́ me, buu kaꞌ tuu wə muꞌ kee ndɔ bwey me.

Matiu 24:24

Vɨɨ ndɔ fuu vəyaŋ faŋ vəŋ sɨɨ ba, gisə laa vəŋ luu Kristo, tɨꞌnə me nshiisə-ŋii sɔghɔ. Vəŋ ndɔ də vəshwenə və shuu yɔŋvə maa məyɨ laa vɨɨ ndi jɨɨ, mɔŋ ŋkee maa məbweꞌsə vɨɨ mbɨə faŋ Nwi shoꞌ vəŋ nə.

Matiu 24:31

Ŋwə ndɔ jwi nɨniŋ, tɔ̀ŋ nshiisə-ŋiisə si nə yisaw yikwalə faŋ vɨ taw ŋkee nəŋay. Nshiisə-ŋiisə sɔ́ baytə vɨɨ mbɨə faŋ vɨ shòꞌ fɨ taa mfaysə mbi sənshə, nə fɨ maa vəndwə və mbi vənshə.

Mark 13:20

Viŋ zɔ! Nwi ndɔ shìa vəshi vɔ́. Nii toꞌ lùu laa ŋwə kee ndɔ shia vəshi vɔ́ me, buu kɨ kaꞌ tuu wə muꞌ kee ndɔ bwey me. Nwi ndɔ shia vəshi vɔ́ buꞌ vɨɨ mbɨə faŋ ŋwə nə shòꞌ laa luu mbii vɨɨ.

Mark 13:22

Vɨɨ ndɔ fuu kɨ bweꞌsə vɨɨ, gisə laa vəŋ lùu Kristo, wuu məbweysə wiŋ. Vəmɔ́ꞌ gi laa vəŋ lùu vɨɨ məfɨꞌtə yighisə shuu Nwi, kɨ də vəshwenə nə vənu və shuu yɔŋvə maa məbweꞌsə vɨɨ, kɨ mɔŋ maa məbweꞌsə ŋkee vɨɨ mbɨə faŋ Nwi nə shoꞌ laa lùu mbii vɨɨ nə nɨzi.

Mark 13:27

Ŋwə kɨ nii tɔ̀ŋ nshiisə-ŋiisə Nwi laa vəŋ gə kɨ baytə vɨɨ vi faŋ ŋwə nə shoꞌ fɨ maa vəlɨtə və mbi vənshə, gə kɔ ŋkee maa vəndwə və nsi nə yizɔ.»

Lukas 18:7

Faŋ ŋkə lùu nɨniŋ nə, Nwi taa gaŋtə vɨɨ mbɨə faŋ Nwi nə shoꞌ laa luu mbii vɨɨ ŋkee maa yinsəŋ, faŋ vəŋ gwia ŋɨꞌ vəŋ tɨ́ ŋwə vətuꞌ nə shɨshwi. Yinsəŋ, Nwi taa gaŋtə vəŋ, kee gəŋsə vəŋ.

Akts 15:18

Nu kɔ́ nə luu taa ŋkɨɨ Nwi shù fɨ maa vənzi və mbi.»

Akts 2:23

Nwi nə duꞌtə Nwi nuŋsə taa ŋkɨɨ Nwi laa, vɨ kɔ̀ Yeso tɨ́ viŋ, viŋ yɨ laa vɨɨ faŋ vəŋ kee kɨɨ nə ntɨsə Nwi me, bey ŋwə fuu fəŋkɔꞌ fə ŋkɨꞌsə, zwi ŋwə shɔ.

Akts 20:32

Fɨ taa nɨniŋ ndwə, mə mèꞌtə viŋ taa ghɔ tɨta Nwi. Viŋ kɨɨ nə nu gəŋsə Nwi, faŋ ŋkə kìi wutə maa məyɨsə viŋ weꞌ maa nu Nwi, kɨ gə nə vɨsɨ. Wutə ki baa lùu shɔ maa məgaŋtə viŋ, laa viŋ ndɔ zɨ məbwey vəlwaŋ faŋ Nwi ndɔ kɔ tɨ́ vɨɨ ley vi.

Roma 1:5

faŋ ŋwə kee gəŋ saŋ-nsiŋ, nùŋ mə maa vɨɨ ntɔŋ vi, laa mə gə faꞌ taa məshɨ mənshə, yɨsə vɨɨ tətɔŋ fu nuŋ fwisə vəŋ maa ŋwə, kɨ zɔnə ŋwə, bəŋsə yizii yi.

Roma 1:7

Nɨniŋ, mə tɔ̀ŋ ŋwaꞌlə ŋwə̀ tɨ́ viŋ vənshə, faŋ viŋ lùu shɨ Rom, faŋ Nwi kaw viŋ, baa tìi viŋ laa viŋ luu vɨɨ vi. Nwi, Tii ŋwaa-nsiŋ, ghɔ tɨta Yeso Kristo tu mənɔŋ-bwaŋnə tɔ viŋ, kɔ̀ viŋ nə məduꞌ-nyɔŋ.

Roma 11:2

Nwi kee bee mèꞌ ŋgwisə vɨɨ vi faŋ ŋwə nə kɨ̀ɨ nə vəŋ shù fɨ yighee vɨsɨ nə me. Maa viŋ kɨ̀ɨ nə nu ŋkɨə faŋ ŋkə lùu taa ŋwaꞌlə Nwi kɔ̀ŋ Elias, faŋ ŋwə nəə kəə kwaŋ vɨɨ Isirayl taa nsɔꞌ tɨ́ Nwi.

Roma 11:28

Faŋ vəŋ nə twèy ntɔŋ yijəə Nwi nə, vəŋ lùu vɨɨ mbeenə Nwi, buꞌ viŋ. Luu nə, vəŋ baa lùu vɨɨ faŋ Nwi kàw vəŋ, buꞌ laa ŋwə nə shòꞌ vəŋ buꞌ vətɨɨ vəvəŋ.

Roma 15:16

laa mə gu wuu faꞌ Yeso Kristo taa ŋwaa vɨɨ tətɔŋ fu. Mə faꞌ tɨ́ Nwi yaa wuu məfeꞌ Nwi, fɨꞌtə ntɔŋ yijəə Nwi tɨ́ vɨɨ. Nɨniŋ laa vɨɨ tətɔŋ fu jwi, kɨ kɔ Nwi nə yiŋwaa vəŋ. Zwitə Ley Nwi yɨsə vəŋ baw tɨ́ Nwi.

Roma 16:19

Gə fɨ maa viŋ, vɨɨ vənshə duꞌtə vəŋ zɔ̀ kɔ̀ŋ məzɔnə wiŋ, faŋ viŋ zɔ̀nə Nwi nə. Mə kìi məŋaytə shɔ buꞌ viŋ. Mə kəə laa viŋ kɨ tɔfə maa nu faŋ lùu nu jəə, manə nu faŋ lùu nu bwə.

Roma 16:26

baa fùu yikəꞌ vɨɨ ndwə. Nwi faŋ ŋwə nə luu shɔ shù fɨ yighee vɨsɨ, ndɔ goꞌsə yighee muꞌ nə, gì laa, vɨ gə fɨ̀ꞌtə nu Kristo kɔ́ tɨ́ vɨɨ taa məshɨ mənshə, laa vəŋ kɨɨ nə ŋiꞌ nu ŋkɨə faŋ ŋkə lùu taa ŋwaꞌlə nshiisə-ŋii sɔghɔ nə, nùŋ fwisə vəŋ maa Kristo, kɨ zɔnə ŋwə.

Roma 8:13

Kɨ luu viŋ toꞌ ghuu yitoꞌ kiŋ faŋ mbasə ŋwaa wiŋ kàw, buu viŋ ndɔ kukə. Luu nə, Zwitə Ley Nwi kɨ luu kɨ yɨsə viŋ meꞌ nu ŋkɨə faŋ mbasə ŋwaa wiŋ kəə kɨ yɨsə, buu viŋ ndɔ zɨ məbwey vəlwaŋ.

Roma 8:33

Sii kaꞌ kwaŋ ndə kwaŋ vɨɨ mbɨə faŋ Nwi nə shòꞌ laa lùu mbii vɨɨ nə, taa nsɔꞌ? Maa nshɨ-tɔ Nwi kìasə vənu vəvəŋ, mbə loomə.

1 Kɔrintian 1:30

Luu buꞌ Nwi, faŋ viŋ gù fa kəmuꞌ viŋ vɨ Yeso Kristo. Nə yɨsə Nwi laa nu Kristo gu nu tɔ-ley tɨ́ nsiŋ. Luu sheꞌ buꞌ Yeso faŋ Nwi ndɨ̀ nsiŋ yaa vɨɨ faŋ vənu vəvəŋ lùu vəloomə. Yɨsə ŋwə buu nsiŋ lùu vɨɨ ley Nwi. Ŋwə bweysə nsiŋ fɨ ghɔ vənu vəbwəvə.

1 Kɔrintian 6:11

Nə luu yighee vɨsɨ, vɨɨ mɔ́ꞌ fɨ taa ŋwaa viŋ nə yɨ̀sə kəŋ vənu vɔ́. Luu nə, Yeso Kristo sɔ viŋ fɨ maa vənu vəbwəvə viŋ vɔ́, ŋwə fuusə viŋ, tə laa viŋ luu mbii vɨɨ. Nwi ndɨ̀ viŋ yaa vɨɨ faŋ vənu vəvəŋ lùu vəloomə, buꞌ laa viŋ jwì yɨ ŋwə maa yizii tɨta Yeso Kristo. Yɨ Zwitə Ley Nwi laa viŋ luu vɨɨ ley Nwi ndwə.

2 Kɔrintian 10:5

suꞌsə mbɨɨsə ŋii sənshə faŋ nsə fə̀ŋ nu məkɨɨ nə Nwi. Yia ndɔ jia mbɨꞌtə vɨɨ yinshə, yɨ̀sə nyə zɔnə Kristo.

Kɔlɔsii 3:12

Viŋ kìi nshinə yifi yɔ́ ndwə, buꞌ laa Nwi nə shòꞌ viŋ laa viŋ luu mbii vɨɨ. Viŋ lùu vɨɨ ley tɨ́ ŋwə. Ŋwə baa luu kaw viŋ. Nɨniŋ, viŋ kɨ shi yaa vɨɨ vi; viŋ kɨ kee gəŋsə vɨɨ, baa kìi njyoꞌ yijəə maa viŋ, viŋ viŋ! Viŋ kɨ suꞌsə yiŋwaa yiŋ nsi, duꞌ bwaŋnə, baa kìi fwi yizutə!

2 Tesalonika 2:13

Vaŋ-nshwi via, fwi sia dɔŋsə yia laa yia kɨ bwaŋ Nwi ghee nshə buꞌ viŋ, faŋ Mɔꞌmbi kàw viŋ nə, buꞌ laa Nwi nə shòꞌ viŋ shù fɨshi, laa viŋ ndɔ baw shɨlə, gə̀ nə vɨsɨ. Yɨsə Zwitə Nwi laa viŋ baw, gə̀ nə vɨsɨ nə, baa nùŋ fwi maa nu yinsəŋ.

2 Timoti 2:10

Nɨniŋ, mə jìa fwi nyaa maa ŋɨꞌ yinshə buꞌ vɨɨ mbɨə faŋ Nwi nə shoꞌ vəŋ, laa lùu vɨɨ vi, tɨ́ kaꞌ vəŋ nɨzi ndɔ zɨ məbwey vəlwaŋ fɨ yiba Yeso Kristo. Məbwey ghɔ́ ndɔ baw shɔ̀ɔ, gòꞌsə yighee muꞌ.

Taytəs 1:1

Lùu mə, Pɔɔl, wuu faꞌ Nwi, faŋ mə nyɔ̀ꞌ ŋwaꞌlə ŋwə̀ tɨ́ ghɔ, Taytəs. Mə lùu wuu ntɔŋ Yeso Kristo, faŋ mə fɨꞌtə nu Nwi tɨ́ vɨɨ mbɨə faŋ Nwi nə shòꞌ maa mbii vɨɨ nə, laa vəŋ nuŋ fwisə vəŋ maa Kristo, baa kɨ̀ɨ nə nu yinsəŋ Nwi, faŋ ŋkə yɨsə vɨɨ bəŋsə Nwi.

Hibru 10:22

Nɨniŋ, bàw nsiŋ nuŋ fwi saŋ-nsiŋ maa Yeso, jwì yɨ Nwi nə fwi yiley, buꞌ laa mənshi mə Yeso yɨsə fwi saŋ-nsiŋ ley. Nsiŋ lùu vɨɨ faŋ vəŋ sɔ̀ yiŋwaa yivəŋ ŋkee taa muu məleymə, faŋ nsiŋ nə fì muu mə Nwi nə.

Hibru 11:28

Nə baa luu buꞌ məbiŋ wi maa Nwi, laa ŋwə nə nàysə tɨ́ vɨɨ Isirayl laa vəŋ fɔꞌ mənshi maa təkwaa tə shuu ndɔꞌ vəŋ, tɨ́ kaꞌ nshiiŋii Nwi ŋgwə faŋ ŋwə nə jwi nə yiku nə, taa kɨ jwi shɔɔ, kee zwìlə mfɔŋsə vaŋ-vəndɔŋ vəŋ me. Lùu faŋ ŋwə nə zì nu yitianə njyə faŋ vɨ tii nə Pasa nə.

Hibru 12:24

Viŋ baa luu jwì yɨ Yeso faŋ Nwi nə gwìa məkee məfimə buꞌ ŋwə nə. Viŋ ndɔ ŋii maa shəŋ kɔ́ buꞌ mənshi mə Yeso, faŋ ŋwə nə kù tɔ nsiŋ nə. Nu mənshi mə Yeso bàw shɔ̀ɔ nu ŋkɨə faŋ mənshi mə Abel nə də̀ nə.

Hibru 5:9

Faŋ ŋwə nə mètə faꞌ wi nshə, ŋwə gù wuu məgaŋtə vɨɨ vənshə faŋ vəŋ zɔnə ŋwə, laa vəŋ ndɔ zɨ məbwey vəlwaŋ faŋ ŋwə gòꞌsə yighee muꞌ.

1 Pita 1:14

Faŋ viŋ lùu vaŋ Nwi, zɔnə ŋwə nə, kɨ viŋ baa kɨ yɨsə vənu vəbwəvə mbɨə faŋ viŋ nəə yɨsə yighee vɨsɨ, faŋ viŋ nə kee ta kɨ̀ɨ nə nu Nwi me.

1 Pita 1:19

Ŋwə nə shùꞌ fwi siŋ sheꞌ nə mənshi mi, faŋ lùu fa bwey. Kristo nə lùu yaa bi-njɨɨ, faŋ vɨ yaa kɨ sɨɨ, kɔ Nwi shɔ, tɨ́ kaꞌ Nwi ndènə yibɨsə vɨɨ. Nɨniŋ, ŋwə nə kù tɔ nsiŋ faŋ tuu wee-ndoꞌ, tɨꞌnə me wee-shəŋ fəŋ, nə kee lùu maa ŋwə me.

1 Pita 1:20

Nwi nə nùŋsə ŋwə maa nu kɔ́, shù faŋ ŋwə nə kee ta zì maa məbɔŋ mbi me. Luu nə, ŋwə fuu ntee vɨsɨ vɨɨ sheꞌ maa yighee vəshə. Nu kɔ́ bàw tɨ́ viŋ,

1 Pita 1:22

Nɨniŋ, viŋ kaw nə yiŋwaa yiŋ, viŋ viŋ, kee bwa me! Viŋ kaw nə yiŋwaa yiŋ nə fwi yimuꞌ, buꞌ laa viŋ bìŋ maa məyɨ vənu vəjəəvə, tɨ́ kaꞌ fwi siŋ lèy. Viŋ kɨ kaw vaŋ-nshwi viŋ, kee seesə me!

1 Pita 2:9

Gə̀ fɨ maa viŋ, viŋ lùu way vɨɨ faŋ Nwi nə shòꞌ, lùu vɨɨ vəkɔ vi, ŋgwisə yiley. Viŋ lùu vɨɨ Nwi faŋ Nwi nə shòꞌ laa lùu vɨɨ yifwàŋ vi, baa nə laa viŋ sàynə vənu və shuu yɔŋvə Nwi. Ŋwə nə tìi viŋ fɨ taa mfiŋsə, laa viŋ ŋii taa ŋgwii məley.

2 Pita 1:2

Nwi kuꞌsə viŋ, kɔ mənɔŋ-bwaŋnə tɨ́ viŋ, viŋ kɨ gə vɨsɨ vɨsɨ, faŋ viŋ zɔ nu Nwi nə nu Yeso Kristo, faŋ lùu tɨta ŋwaa-nsiŋ nə.

2 Jɔn 1:1

Luu mə, wuu taa fɨ taa nshəŋtə vɨɨ Kristo, faŋ mə tɔ̀ŋ ŋwaꞌlə ŋwə̀ tɨ́ ghɔ, yaa, viŋ vaŋ və faŋ Nwi nə shoꞌ viŋ (nshəŋtə vɨɨ Kristo). Mə kàw viŋ yinsəŋ. Kee kaw sheꞌ mə kaw viŋ nɨnɔŋ me; vɨɨ vənshə faŋ vəŋ kɨɨ nə nu Nwi yinsəŋ, kaw viŋ nɨzi.

2 Jɔn 1:13

Vaŋ weenshu wə (nshəŋtə vɨɨ Kristo fɨ feenə), faŋ Nwi shòꞌ vəŋ nɨzi, shɔꞌtə viŋ.

Ŋwaꞌlə Jud 1:2

Nwi kee gəŋ siŋ, tu mənɔŋ-bwaŋnə tɔ viŋ, də ŋkawnə yi tɨ́ viŋ ghee nshə!