1 Pita 1:18 - Vengo (Babungo)

¹⁸ Viŋ kɔꞌ kɨɨ laa Yeso nə shùꞌ viŋ fɨ maa ghuu yitoꞌ ŋkɔmə ŋkɨə faŋ vətɨɨ viŋ nəə toꞌ nə, mwə̀sə viŋ shɔ, kee shùꞌ nə vətɔ vədayday yaa ka me.

1 Pita 1:18 ပူးပေါင်းရင်းမြစ်များ

Mark 8:37

Ŋwə baa gì laa, «Sii kɨ kaꞌ wə kɔ̀ kə maa məfi məbwey vəlwaŋ? - Viŋ zɔ! Kɨ tɔ wə dɨɨ maa mə nə yigisə nyaa vɨsɨ ŋgwisə vɨɨ nyə̀ faŋ vəŋ buulə məkee mə Nwi, yɨsə vənu vəbwəvə me.

Roma 1:21

Lùu nɨniŋ buꞌ laa vəŋ nəə kɔꞌ kɨɨ laa Nwi lùu shɔ, kee bee bəŋsə ŋwə yaa Nwi me, kee bwaŋ ŋwə me, bɨꞌtə sheꞌ vənu vədayday. Nɨniŋ, mbɨꞌtə vəŋ luu njyə ŋkɔmə fɨ taa fwisə vəŋ.

1 Kɔrintian 3:20

Yigisə Nwi yimɔ́ꞌ lùu laa, «Nwi kɔꞌ kɨɨ laa mbɨꞌtə vɨɨ tɔ-ley luu sheꞌ nu dayday.»

1 Kɔrintian 6:20

Viŋ kɔꞌ kɨɨ laa Yeso Kristo nə ywàŋ viŋ ŋkee nə mənshi mi, faŋ ŋwə nə kù tɔ nsiŋ nə. Nɨniŋ, viŋ kɨ ndɨ yiŋwaa yiŋ maa məbəŋsə Nwi!

1 Kɔrintian 7:23

Viŋ lumə laa Kristo nə ywàŋ viŋ nə mənshi mi, viŋ gu vɨɨ vi. Faŋ viŋ lùu vəbuꞌ və Kristo nə, kɨ viŋ gu vəbuꞌ və vɨɨ me.

Galatia 1:4

Yeso Kristo nə kɔ̀ tɔ ki buꞌ vənu vəbwəvə vaŋ-nsiŋ maa məyɨ laa nsiŋ fuu fɨ ghɔ vənu vəbwəvə fɨ taa mbi nyə̀, faŋ lùu mbi yibwə nə. Ŋkə nə gày sheꞌ faŋ Nwi, Tii ŋwaa-nsiŋ, nəə kəə nɨniŋ.

Efesɔs 4:17

Nɨniŋ, mə gì tɨ́ viŋ, tɨsə viŋ maa yizii tɨta Yeso laa, kɨ viŋ kɨ toꞌ ghuu yitoꞌ kiŋ yaa vɨɨ məmanə Nwi me, faŋ vəŋ toꞌ nə nu vəmfaw vəŋ faŋ vəŋ beꞌsə nə.

Taytəs 2:14

faŋ ŋwə nə kɔ̀ ŋwaa wi, kù tɔ nsiŋ, fùusə nsiŋ fɨ taa vənu vəbwəvə vaŋ-nsiŋ vənshə, laa nsiŋ kɨ nii lùu vɨɨ ley, baa lùu ŋkee mbii vɨɨ, kəə sheꞌ maa məyɨ vənu vəjəəvə.

Hibru 9:12

(Yighee vɨsɨ vɨɨ kwalə məfeꞌ Nwi yaa kɨ ŋii shəŋ ley Nwi taa njɨɨ tɨəŋ nə mənshi mə yɔꞌ nə mənshi mə wee-nyaandaw.) Gə fɨ maa Kristo, ŋwə nə kee ndì mənshi mə bi, tɨꞌnə me mbə nyaa me. Ŋwə nə gə̀ nə mbii mənshi, gə̀ ŋìi shəŋ ŋkɨə faŋ Nwi lùu shɔ, ŋii shɔ sheꞌ yighee muꞌ. Nɨniŋ, ŋwə fùusə nsiŋ fɨ ghɔ zwitə bwə yighee muꞌ, kɔ̀ məbwey vəlwaŋ tɨ́ nsiŋ.

1 Pita 1:7

Ŋiꞌ nu ŋkɨə faŋ ŋkə yɨsə laa viŋ kɨ ye ŋɨꞌ nə məmɔŋ lùu laa, vɨ yè məbiŋ wiŋ laa viŋ kà fwi, bìŋ Nwi yinsəŋ. Ŋkə luu sheꞌ yaa nu bwey bay faŋ vɨ tii nə goolə, faŋ vɨ yaa kɨ mɔŋ ŋkə nə wisə maa məye laa ŋkə yibaw mu. Məbiŋ wiŋ shɔ̀ɔ bwey bay kɔ́ faŋ ŋkə kee ndɔ goꞌsə me. Viŋ kìi məmɔŋ ndwə, tɨ́ kaꞌ vɨ kɨ bəŋsə Nwi dɨdɨꞌ buꞌ məbiŋ wiŋ yighee njyə faŋ Yeso Kristo ndɔ jwi fuu ntee.

1 Pita 4:3

Maa viŋ yaa kɨ yɨsə vənu vəbwəvə tay, sheꞌ yaa vɨɨ tətɔŋ fu faŋ vəŋ kee kɨɨ nə Nwi me, yɨsə nə. Viŋ nə kàw maa mətoꞌ zɨ shɨ, toꞌ səsə vətɔ, nu məluꞌ, mbə shɔɔ sɨ viŋ. Viŋ nə toꞌ tia yiŋwaa yiŋ, toꞌ fɨ maa vəshəŋ faŋ vɨ nu məluꞌ məyaŋ, biŋ vənwi vədayday, faŋ Nwi nə lɨ̀ꞌtə nu vəŋ nə. Ŋkə kuꞌ nɨniŋ.

1 Jɔn 3:5

Viŋ kɔꞌ kɨɨ laa, Yeso Kristo yaa fùu ntee laa ŋwə sɔ vənu vəbwəvə fɨ maa vɨɨ, faŋ tuu nu bwə nə kee lùu maa ŋwə me.