1 Pita 1:12 - Vengo (Babungo)

¹² Vəŋ nəə kəə nɨniŋ, Nwi twelə tɨ́ vəŋ laa nu kɔ́ nə kee lùu tɨ́ vəŋ me, faꞌ vəŋ nə luu buꞌ viŋ, faŋ vəŋ nə fɨ̀ꞌtə vənu vɔ́ nə. Vənu vɔ́ nə luu sheꞌ vənu mbɨə faŋ viŋ zɔ fɨ ghɔ vɨɨ məfɨꞌtə ntɔŋ yijəə Nwi ndwə. Nwi nə tɔ̀ŋ Zwitə Ley fɨ yizɔ, ŋkə ŋii taa fwisə vəŋ, buu vəŋ jwi kɨ fɨꞌtə ntɔŋ yijəə yɔ́ tɨ́ viŋ ndwə. Luu ŋkee ntɔŋ yijəə faŋ ŋkee nshiisə-ŋiisə Nwi kəə taa ghaa ye vənu vɔ́ nɨzi.

1 Pita 1:12 ပူးပေါင်းရင်းမြစ်များ

Matiu 11:25

Kɨ lùu sheꞌ maa yighee yɔ́, Yeso tey kɨ shɔꞌtə Nwi laa, «Mə kɨ bəŋsə ghɔ, tɨta Nwi, faŋ a sɔꞌ yizɔ ghɔ nsi, buꞌ laa a ndɨ̀ə ntɔŋ yijəə yə fɨ ghɔ vɨɨ tɔ ley nə vəŋkaŋ-sɨ, bee kii kɔ̀ tɨ́ vɨɨ nshi.

Matiu 11:27

Ŋwə nə baa gì laa lee, «Tii ŋwaa nùŋsə vənu vənshə ghɔ mə. Tuu wə kee kɨɨ nə Wee Nwi me, kɨɨ sheꞌ tɨta Nwi kɨ̀ɨ nə ŋwə. Gə fɨ maa tɨta Nwi, tuu wə kee kɨ̀ɨ nə ŋwə me, kɨɨ sheꞌ ŋwiŋ wi kɨ̀ɨ nə ŋwə, nə wə ntɨə faŋ Wee Nwi ghɔ́ kàw maa məbɨ tɨ́ ŋwə.»

Matiu 16:17

Yeso bəŋsə tɨ́ ŋwə laa, «Mənɔŋ-bwaŋnə tɔ ghɔ mɔɔ, Saymon, wee Jona, buꞌ laa nə kee twèlə mbɨꞌtə wə mənsaw twèlə nu kɔ́ tɨ́ ghɔ me, nə twèlə sheꞌ Tii ŋwaa faŋ ŋwə lùu yizɔ.

Mark 16:15

Ŋwə kɨ nii nàysə tɨ́ vəŋ laa, «Viŋ ndɔ, gə̀ taa mbi yinshə, kɨ toꞌ fɨꞌtə ntɔŋ yijəə Nwi tɨ́ vɨɨ vənshə fɨ taa mbi.

Lukas 15:10

Mə naysə tɨ́ viŋ laa, nshiisə-ŋiisə Nwi ŋaytə sheꞌ nɨniŋ maa wuu məyɨ nu bwə muꞌ faŋ ŋwə kwiinə fwi yi.»

Lukas 2:26

Zwitə Nwi nə duꞌtə ŋkə gi tɨ́ ŋwə laa, ŋwə ndɔ ye wuu ŋkɔꞌnə Nwi ghɔ́ ŋkəə, buu yiku ndi ŋwə.

Lukas 9:6

Ŋwə gi nɨniŋ mètə, vəŋ fuu, kɨ toꞌ fɨ taa məshɨ məshɨ, toꞌ wày nu ntɔŋ yijəə Nwi, fuusə vəza fɨ maa vɨɨ vəza maa vəshəŋ vənshə.

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 15:26

Luu nə, viŋ kɨ lumə laa wuu məgaŋtə jɨjwi. Yighee njyə faŋ mə taa gə̀ yɨ Tii ŋwaa, mə taa tɔŋ ŋwə, ŋwə jwi tɨ́ viŋ. Lùu Zwitə Ley Nwi faŋ ŋkə ndɔ fɨ ghɔ Tii ŋwaa, lùu ŋkə faŋ ŋkə ndɔ də nu yinsəŋ tɨ́ vɨɨ. Ŋkə ndɔ yɨsə vɨɨ kɨɨ nə yinsəŋ nyaa.

Akts 10:44

Sheꞌ faŋ Pita nəə kɨ bii gisə, Zwitə Ley siꞌ lwaŋ taa ŋwaa vɨɨ vənshə faŋ vəŋ nə zɔ̀ yigi yɔ́ nə.

Akts 16:10

Faŋ njyəə yɔ́ nə shì Pɔɔl nɨniŋ nə, vəŋ kəə bay maa mətɔŋ gə̀ njɨɨ Makedonia, buꞌ laa vəŋ nə kɨɨ laa tii Nwi tii vəŋ, laa vəŋ tɔŋ gə̀ fɨ̀ꞌtə ntɔŋ yijəə Nwi tɨ́ vɨɨ Makedonia.

Akts 2:33

Nwi fuusə ŋwə fɨ shɨ yiku, nùŋ ŋwə maa kwiŋ maꞌnə Nwi, kɔ̀ Zwitə Ley Nwi tɨ́ ŋwə, faŋ Nwi nə kɔ̀ꞌnə nə. Ŋwə tù Zwitə Ley kɔ́ feenə ndwə, faŋ viŋ ye baa zɔ.

Akts 4:31

Faŋ vəŋ nə bùꞌ ghɔ tɨ́ Nwi nɨniŋ nə, shəŋ ŋkɨə faŋ vəŋ nə faynə shɔ nə, nəꞌnə, Zwitə Ley Nwi ŋii taa fwisə vəŋ vənshə. Vəŋ fɨꞌtə nu Nwi nə fwi yiweꞌ.

Akts 4:8

Pita faŋ Zwitə Ley Nwi nə lwàŋ taa fwi ŋwə, kɔ bəŋsə tɨ́ vəŋ, gì laa lee, «Vəshɨꞌ nə vɨɨ taa,

Akts 8:25

Pita ghɔ Jɔn metə maa məfɨꞌtə yigisə Nwi maa ntɨꞌ yɔ́, ndɔ̀ kɨ bəŋ gə Jerusalem, toꞌ fɨꞌtə ntɔŋ yijəə Nwi maa vəshəŋ vəyaŋ fɨ shɨ Samaria.

Roma 1:15

Nɨniŋ, mə kàw laa mə taa kɨ fɨꞌtə nu Nwi tɨ́ viŋ shɨ Rom nɨzi.

Roma 1:17

Ntɔŋ Nwi yɔ́ twelə tɨ́ vɨɨ faŋ Nwi kìasə vənu və vɨɨ, faŋ vəŋ nùŋ fwisə vəŋ maa ŋwə, mbə loomə, vəŋ baa kɨ nii nùŋ fwisə vəŋ maa ŋwə, wèꞌ shɔ, gə̀ vɨsɨ vɨsɨ. Luu sheꞌ faŋ ŋkə lùu taa ŋwaꞌlə Nwi laa, «Wə ntɨə faŋ nu ki lùu kəloomə, ndɔ zɨ məbwey vəlwaŋ, buꞌ laa ŋwə kwàŋ fwi yi maa Nwi.»

Roma 10:15

Baa nə laa, sii kaꞌ vɨ kɨ fɨꞌtə nu Kristo kɔ́ kɨkə, faŋ vɨɨ ntɔŋsə kee fùu fu me? Luu nə, Nwi yɨ̀ nu ŋkɨə faŋ ŋkə lùu taa ŋwaꞌlə Nwi laa, «Luu ŋkee nu jəə maa məzɔ nshɨŋsə ghuu vɨɨ ntɔŋsə faŋ vəŋ jwi nə ntɔŋ yijəə.»

Roma 15:19

faŋ Nwi nə tɨ̀ŋ yiba jɨŋ mə, də̀ vəshwenə nə vənu və shuu yɔŋvə tɨ́ vəŋ buꞌ wutə Nwi nə wutə Zwitə Ley Nwi. Lùu faŋ mə nə fɨ̀ꞌtə ntɔŋ yijəə Nwi yinshə buꞌ Yeso Kristo, zì fɨ ntɨꞌ Jerusalem, kia gə̀ zìꞌ ŋkee maa shɨ Ilirikɔn,

1 Kɔrintian 2:10

Nwi də̀ nu kɔ́ tɨ́ nsiŋ fɨ taa Zwitə Nwi. Zwitə Nwi ye vənu vənshə vəley, ŋkee vənu vəkwalə faŋ mbə lùu shɔ taa ŋkɨɨ Nwi.

2 Kɔrintian 1:22

kwàŋ shwenə maa nsiŋ laa kìi yi kìi nsiŋ, kɔ̀ nsiŋ nə Zwitə ki taa fwisə nsiŋ, maa məyɨ laa nsiŋ kɔꞌ kɨɨ laa nsiŋ ndɔ zɨ məbwey vəlwaŋ fɨ ghɔ ŋwə nɨzi.

2 Kɔrintian 6:6

Yia toꞌ nə nshinə yijəə, kwaꞌtə nu Nwi, jia fwi sia, toꞌ fɨ taa bwaŋnə taa ŋwaa vɨɨ. Zwitə Ley Nwi shiŋnə yia. Yia kaw vɨɨ nə fwi yiley,

Galatia 1:12

Mə nə kee zɔ̀ ntɔŋ yɔ́ fɨ shuu vɨɨ me, wə nə kee dèesə vənu vɔ́ shee me. Nə də nshɨ-tɔ Yeso Kristo də̀ vənu vɔ́ shee.

Galatia 1:16

Yighee nə kuꞌ, faŋ too Nwi nə bàw, laa Nwi yɨ laa ŋwiŋ wi fuu yikəꞌ mə ntee, tɨ́ kaꞌ mə gə fɨ̀ꞌtə ntɔŋ yijəə yi tɨ́ vɨɨ taa məshɨ mətɔŋ. Nɨniŋ, mə nə kee gə̀ bìtə kɔ̀ŋ nu kɔ́ tɨ́ wə fɨ mbi me,

Efesɔs 3:10

Ŋwə yɨ̀sə nɨniŋ laa vɨɨ məsɔꞌ mbi nə vətɨɨ və wutə fɨ taa yizɔ zɔ sheꞌ ndwə fɨ shuu nwaa vɨɨ Nwi, faŋ yitɔfə Nwi lùu taŋ taŋ maa vənu vənshə.

1 Tesalonika 2:9

Vaŋ-nshwi via, maa viŋ lùmə faŋ yia nə fàꞌ nə wutə, fàꞌ vətuꞌ nə shɨshwi, laa kɨ tuu wə fɨ wiŋ kee kɨ ye ŋɨꞌ maa məzəsə yia me, faŋ yia nə fɨ̀ꞌtə ntɔŋ yijəə Nwi tɨ́ viŋ nə.

1 Timoti 3:16

Nu məbəŋsə Nwi luu ŋkee nu kwalə, kaꞌ wə kee twey me, faŋ ŋkə kɔlə ndènə fɨ yikəꞌ vɨɨ nə. Nu kwalə kɔ́ lùu laa, «Wuu məbweysə ŋwaa-nsiŋ, nə gù wə, fùu yikəꞌ vɨɨ. Nu ki fuu kəloomə buꞌ Zwitə Ley ki. Nshiisə-ŋiisə Nwi ye ŋwə. Vɨɨ fɨꞌtə nu ki taa ŋwaa vɨɨ tətɔŋ fu. Vɨɨ fɨ taa mbi yinshə nuŋ fwisə vəŋ maa ŋwə. Nwi ndi ŋwə, koꞌ nə ŋwə taa yizɔ, yɨ̀sə ŋwə kwalə.»

Hibru 11:13

Vɨɨ ywaŋ-vɨsɨ vɔ́ vənshə nə nùŋ fwisə vəŋ maa Nwi, gə ziꞌ maa shi yiku vəŋ. Vənu mbɨə faŋ Nwi nə kɔ̀ꞌnə maa məkɔ tɨ́ vəŋ, nə kee ziꞌ ghɔ vəŋ me. Vəŋ nə yè vənu vɔ́ sheꞌ fɨ ntaŋ, ŋàytə shɔ, biŋ ntee laa vəŋ luu sheꞌ vəndɔ shɨ nsi nyə̀.

Hibru 2:4

Nwi baa luu də̀ laa lùu nu yinsəŋ, faŋ ŋwə nə ndì wutə ki, də̀ vəshwenə, baa yɨsə vənu və shuu yɔŋvə. Ŋwə baa luu kɔ̀ vəkɔ faŋ ŋwə kàw tɨ́ vɨɨ, faŋ mbə ndɔ̀ fɨ yiba Zwitə Ley.

Hibru 4:2

Vɨ nàysə ntɔŋ yijəə Nwi tɨ́ nsiŋ sheꞌ faŋ vɨ nə nàysə tɨ́ vɨɨ vɔ́ maa yighee vɨsɨ nə. Luu nə, ntɔŋ yijəə yɔ́ faŋ vɨɨ vɔ́ nə zɔ nə, kee gàŋtə vəŋ me, buꞌ laa vəŋ nə zɔ, kee nùŋ fwi vəŋ shɔ me.

1 Pita 1:25

Luu nə, yigisə Nwi gòꞌsə yighee muꞌ.» Yigisə Nwi yɔ́ lùu ntɔŋ yijəə yɔ́ faŋ vɨ nə fɨ̀ꞌtə tɨ́ viŋ nə.

1 Pita 4:6

Vɨ nə fɨ̀ꞌtə ntɔŋ yijəə Nwi yɔ́ tɨ́ vəŋku vənsisə nɨzi, laa vəŋgɔlə vəvəŋ ndɔ ŋii nsɔꞌ, luu nə, kaꞌ vəzwitə vəvəŋ ndɔ bwey sheꞌ faŋ Nwi bwèy nə.

Reveleyshən 5:11

Mə baa kɨ ye, yè nshiisə-ŋiisə Nwi səyaŋ, faŋ nsə kia ŋkaw kɔ́, nə vətɔ vəbweyvə vɔ́ nə vɨɨ taa vɔ́, nwaa vəŋ nə luu ŋkaŋsə ŋkaŋsə, nə vəmalia vəmalia. Mə kɨ nii zɔ̀ gɨ vəŋ.