1 Jɔn 5:9 - Vengo (Babungo)

⁹ Maa nsiŋ yaa kɨ biŋ nu faŋ gì vɨɨ laa vəŋ kɨ̀ɨ. Nɨniŋ, nu ŋkɨə faŋ gì Nwi, ŋkə lùu kəweꞌ shɔ̀ɔ nu vɨɨ. Nə twèlə nshɨ-tɔ Nwi twèlə nu məbiŋ kɔ́ buꞌ ŋwiŋ wi.

1 Jɔn 5:9 ပူးပေါင်းရင်းမြစ်များ

Matiu 17:5

Faŋ ŋwə nəə kɨ bii gisə, mbɔꞌ yiley yimɔ́ꞌ jwi shìtə vəŋ, gɨ Nwi fuu fɨ taa mbɔꞌ yɔ́, gì laa, «Lùu ŋwiŋ ŋwaa nə, faŋ mə kàw. Ŋwə bàw shee nɨzi. Viŋ kɨ zɔnə ŋwə!»

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 10:38

Luu nə, mə kɨ luu kɨ faꞌ faꞌ Tii ŋwaa, bàw viŋ biŋ. Viŋ kee kɔlə bìŋ mə maa nu ŋkɨə faŋ mə gì me, kaꞌ viŋ bìŋ mə buꞌ nu ŋkɨə faŋ mə yɨ̀sə, tɨ́ kaꞌ ŋkə taa lèy tɨ́ viŋ, laa Tii ŋwaa lùu fɨ yiba jɨŋ mə, mə lùu fɨ yiba jɨŋ Tii ŋwaa.»

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 5:39

Viŋ tii ŋwaꞌlə Nwi, buꞌ laa viŋ bɨ̀ꞌtə laa viŋ taa kii məbwey vəlwaŋ faŋ ŋwə gòꞌsə yighee muꞌ taa tey yi. Yinsəŋ, ŋwaꞌlə ghɔ́ gisə nu kɔ̀ŋ mə nɨzi.

Akts 17:31

buꞌ laa Nwi tə̀ shi faŋ ŋwə ndɔ shoꞌmə vənu və vɨɨ vənshə fɨ shɨ nsi, tə̀ wə faŋ ŋwə ndɔ shoꞌmə nu kɔ́ nə tɔ ki. Ŋwə ndɔ shoꞌmə vənu vənshə sheꞌ nə jɨɨ yiloomə. Nwi kɔ̀ wutə kɔ́ tɨ́ wə ghɔ́, faŋ Nwi nə ywèysə ŋwə fɨ shɨ yiku.»

Akts 5:32

Yia nə yè vənu vɔ́ nə sɨ, yia vɨ Zwitə Ley Nwi, faŋ Nwi kɔ tɨ́ vɨɨ mbɨə faŋ vəŋ zɔnə ŋwə.»

Hibru 2:4

Nwi baa luu də̀ laa lùu nu yinsəŋ, faŋ ŋwə nə ndì wutə ki, də̀ vəshwenə, baa yɨsə vənu və shuu yɔŋvə. Ŋwə baa luu kɔ̀ vəkɔ faŋ ŋwə kàw tɨ́ vɨɨ, faŋ mbə ndɔ̀ fɨ yiba Zwitə Ley.

Hibru 6:18

Nɨniŋ nə, Nwi də̀ maa jɨɨsə səbɔɔ laa ŋkɔꞌnə yi lùu yinsəŋ. Kaꞌ Nwi kee sɨ̀ɨ ba shɔ me. Ŋkɔꞌnə Nwi yɔ́ nə məlɨꞌtə ghɔ́ kɔ̀ wutə tɨ́ nsiŋ, tɨ́ kaꞌ nsiŋ jìa fwi nɨzi, kɨ tə sɨ maa nu ŋkɨə faŋ Nwi kɔ̀ꞌnə tɨ́ nsiŋ nə.

1 Jɔn 5:10

Nɨniŋ, wə ntɨə faŋ ŋwə nùŋ fwi yi maa Wee Nwi, buu nu məbiŋ kɔ́, faŋ Nwi twèlə tɨ́ ŋwə nə, gòꞌsə taa fwi ŋwə. Wə ntɨə faŋ ŋwə kee bìŋ yigisə Nwi me, buu wə ghɔ́ tii Nwi nə wuu ba, buꞌ faŋ ŋwə kee bìŋ nu ŋkɨə faŋ Nwi twelə buꞌ ŋwiŋ wi me.

1 Jɔn 5:8

Lùu Zwitə Ley Nwi, nə nu muu, nə nu mənshi. Mbə vətia lùu fa kəmuꞌ, fɔnə mbə nàysə nu kəmuꞌ.