1 Jɔn 5:20 - Vengo (Babungo)

²⁰ Nsiŋ kɔꞌ kɨɨ laa Wee Nwi nə jwì ŋaꞌsə sɨ ŋaa-nsiŋ, tɨ́ kɨ kaꞌ nsiŋ kɨɨ nə Nwi faŋ lùu Nwi yinsəŋ. Nsiŋ lùu fa kəmuꞌ nsiŋ vɨ Nwi yinsəŋ, buꞌ faŋ nsiŋ lùu fa kəmuꞌ nsiŋ vɨ ŋwiŋ wi Yeso Kristo. Yeso lùu Nwi yinsəŋ, məbwey vəlwaŋ ghɔ ŋwə.

1 Jɔn 5:20 ပူးပေါင်းရင်းမြစ်များ

Matiu 13:11

Ŋwə bəŋsə tɨ́ vəŋ laa, «Nwi kɔ ŋiꞌ nu yifwàŋ yizɔ tɨ́ viŋ laa viŋ kɨɨ, kee kɔ̀ tɨ́ vɨɨ mbii-wə me.

Lukas 21:15

buꞌ laa nshɨ-tɔ ŋwaa ndɔ kɨ kwaŋ yigisə tɔ ley shuu viŋ, faŋ kaꞌ tuu ŋkee wuu mbeenə wiŋ kee ndɔ tɨŋnə, kɨ bəŋsə nu tɨ́ viŋ me.

Lukas 24:45

Nɨniŋ, ŋwə nə ŋaꞌsə fwisə vəŋ maa məkɨɨ nə yigisə Nwi.

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 1:18

Tuu wə nə kee ta yè Nwi nə yisɨ me, tɨ̀ lɨꞌ sheꞌ yigɨꞌ Wee Nwi, faŋ ŋwə lùu yɨ fwi tɨta Nwi. Ŋwə jwi də̀ tɨ́ nsiŋ faŋ Nwi lùu.

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 10:30

Tii ŋwaa nə mə lùu fa kəmuꞌ.»

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 14:20

Maa yighee yɔ́, viŋ taa kɨɨ laa, mə lùu taa fwi Tii ŋwaa, viŋ lùu taa fwi mə, mə lùu taa fwi viŋ nɨzi.

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 14:23

Yeso gi tɨ́ ŋwə laa, «Wə ntɨə faŋ ŋwə kaw mə, ŋwə taa kɨ nuŋsə yigisə nyaa nɨzi, Tii ŋwaa taa kaw ŋwə, yia Tii ŋwaa taa kɨ shi yia vɨ vəŋ.

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 14:6

Yeso gi tɨ́ ŋwə laa, «Lùu mə lùu jɨɨ yɔ́. Nu yinsəŋ nə məbwey vəlwaŋ ndɔ fɨ ghɔ mə nɨzi. Kaꞌ wə kee gə ye tɨta Nwi me, maa tɨ̀ lɨꞌ laa ŋwə shɔ̀ɔ fɨ maa mə me.

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 14:9

Yeso gi tɨ́ ŋwə laa, «Filip, nsiŋ duꞌtə nsiŋ tày dɨdɨꞌ, a kee ta kɨ̀ɨ nə mə yimu? Wə ntɨə faŋ ŋwə yè mə, buu ŋwə yè luu Tii ŋwaa. A sii gì laa mə də Tii ŋwaa tɨ́ viŋ kɨkə?

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 15:4

Bàw viŋ goꞌ taa ŋwaa mə, mə baa luu gòꞌ taa ŋwaa viŋ. Kaꞌ ntaŋ kee kwàanə vətaŋ me, tɨ̀ lɨꞌ laa ntaŋ ghɔ́ lùu mbɨɨ tɨ me. Sheꞌ nee, viŋ kee lùu taa ŋwaa mə me, buu kaꞌ viŋ kee kɨ kwaanə me.

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 17:14

Mə nə nàysə yigisə yə tɨ́ vɨɨ vaŋ vɔ́. Nɨniŋ, mbi nə bee vəŋ, buꞌ faŋ vəŋ kee lùu vaŋ fɨ taa mbi nyə̀ me, sheꞌ yaa nshɨ-tɔ ŋwaa kee lùu wee mbi nyə̀ me.

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 17:25

Tɨta, tɨɨ vənu və loomə, mbi kee kɨɨ nə ghɔ me, kɨɨ sheꞌ mə nə ghɔ. Gə fɨ maa vɨɨ vaŋ vɔ́, vəŋ kɔꞌ kɨɨ laa nə tɔ̀ŋ ghɔ tɔ̀ŋ mə.

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 17:3

Məbwey ghɔ́ faŋ ŋwə gòꞌsə yighee muꞌ nə, lùu faŋ vɨ kɨɨ nə ghɔ, faŋ a lùu Nwi yinsəŋ nɨnɔŋ, baa kɨ̀ɨ nə mə, Yeso Kristo, faŋ a nə tɔ̀ŋ mə nə.

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 20:28

Tɔmas gi tɨ́ Yeso laa, «Tɨta ŋwaa, Nwi ŋwaa!»

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 8:42

Yeso gi tɨ́ vəŋ laa, «Nii toꞌ lùu yinsəŋ laa Nwi lùu tii wiŋ, buu viŋ kɨ kaw mə, buꞌ laa mə ndɔ̀ fɨ yɨ Nwi, baa lùu ŋwiŋ wi. Mə kee jwì maa yizii nyaa me, nə tɔ̀ŋ Nwi tɔ̀ŋ mə.

Akts 20:28

Nɨniŋ, viŋ kɨ shiinə yiŋwaa yiŋ, baa shii nwaa vɨɨ mbɨə faŋ Zwitə Ley Nwi nùŋsə taa ghɔ viŋ nə. Viŋ luu nshiisə vɨɨ Kristo, faŋ ŋwə nə shòꞌ vəŋ, kù tɔ vəŋ nə.

Roma 9:5

Vətɨɨ vaŋ-nsiŋ lùu ŋiꞌ ŋii vəŋ, nshɨ-tɔ Kristo nə fùu fɨ ŋiꞌ ŋii vəŋ yaa wə. Nsiŋ kɨ bəŋsə Kristo faŋ luu Nwi faŋ ŋwə kwàlə shɔ̀ɔ mbi yinshə, kee mè me. Ŋkə lùu nɨniŋ.

1 Kɔrintian 1:30

Luu buꞌ Nwi, faŋ viŋ gù fa kəmuꞌ viŋ vɨ Yeso Kristo. Nə yɨsə Nwi laa nu Kristo gu nu tɔ-ley tɨ́ nsiŋ. Luu sheꞌ buꞌ Yeso faŋ Nwi ndɨ̀ nsiŋ yaa vɨɨ faŋ vənu vəvəŋ lùu vəloomə. Yɨsə ŋwə buu nsiŋ lùu vɨɨ ley Nwi. Ŋwə bweysə nsiŋ fɨ ghɔ vənu vəbwəvə.

2 Kɔrintian 4:6

Nwi, faŋ ŋwə nə gì laa, «Bàw məley kɨ bee, fùu fɨ taa mfiŋsə,» ŋwə baa yɨ̀sə məley bee taa fwisə yia, maa məkɔ tɔ ley tɨ́ yia, tɨ́ kaꞌ yia kɨ̀ɨ nə yikwalə Nwi, faŋ nyə fùu ntee taa ŋwaa Kristo.

2 Kɔrintian 5:17

Nɨniŋ, wə kɨ luu kìi nu kəmuꞌ ghɔ Kristo, Nwi nàysə ŋwə, ŋwə gu fa fi, vənu vəmwavə vi ndì, gù vəfi.

Efesɔs 3:18

Viŋ tɨ̀ŋ nɨniŋ taa ŋkawnə Nwi, buu kaꞌ viŋ kɨ̀ɨ nə nu Nwi, viŋ vɨ vɨɨ Nwi vənshə, baa kɨɨ faŋ ŋkə luu ŋkee nu kwalə maa jɨɨsə sənshə.

Filipi 3:9

Mə kəə sheꞌ laa mə goꞌsə yia ŋwə. Mə kee baa lùu wuu ley buꞌ vənu mbɨə faŋ nəə yɨsə mə me, faŋ mə nəə beꞌsə ntɨsə vɨɨ Jus nə me. Mə lùu wuu ley buꞌ laa mə nùŋ fwi nyaa maa Kristo. Nwi ndɨ̀ wə yaa wuu ley buꞌ faŋ ŋwə nùŋ fwi yi maa Kristo.

1 Timoti 3:16

Nu məbəŋsə Nwi luu ŋkee nu kwalə, kaꞌ wə kee twey me, faŋ ŋkə kɔlə ndènə fɨ yikəꞌ vɨɨ nə. Nu kwalə kɔ́ lùu laa, «Wuu məbweysə ŋwaa-nsiŋ, nə gù wə, fùu yikəꞌ vɨɨ. Nu ki fuu kəloomə buꞌ Zwitə Ley ki. Nshiisə-ŋiisə Nwi ye ŋwə. Vɨɨ fɨꞌtə nu ki taa ŋwaa vɨɨ tətɔŋ fu. Vɨɨ fɨ taa mbi yinshə nuŋ fwisə vəŋ maa ŋwə. Nwi ndi ŋwə, koꞌ nə ŋwə taa yizɔ, yɨ̀sə ŋwə kwalə.»

Taytəs 2:13

Nsiŋ kɨ kɨꞌ nu mənɔŋ-bwaŋnə Nwi, faŋ ŋwə ndɔ kɔ məbwey vəlwaŋ tɨ́ nsiŋ, baa kɨꞌ yighee njyə faŋ feenə Nwi, faŋ luu ŋkee Nwi kwalə nə, ndɔ fuu ghɔ Yeso Kristo, wuu məbweysə ŋwaa-nsiŋ,

Hibru 1:8

Gə̀ fɨ maa ŋwiŋ wi, Nwi nə gì tɨ́ ŋwə laa, «Ghɔ Nwi, yifwàŋ yə ndɔ goꞌsə yighee muꞌ, a sɔꞌ yifwàŋ yə nə yinsəŋ.

1 Jɔn 2:23

Wə tɨ̀ me wə faŋ ŋwə kee bìŋ Wee Nwi me, buu ghɔ Nwi kee lùu fɔ nu me. Wə ntɨə faŋ ŋwə bìŋ Wee Nwi ntee, buu ghɔ tɨta Nwi lùu fa kəmuꞌ.

1 Jɔn 2:24

Bàw laa nu ŋkɨə faŋ viŋ yaa zɔ yighee vɨsɨ, ŋkə goꞌsə taa fwisə viŋ, buu viŋ gòꞌsə nə nu kəmuꞌ viŋ vɨ Wee Nwi nə nshɨ-tɔ Nwi nɨzi.

1 Jɔn 2:6

Wə ntɨə faŋ ŋwə toꞌ ghuu yitoꞌ ki sheꞌ faŋ Yeso Kristo nəə toꞌ, buu kaꞌ wə ghɔ́ gì laa yi shi ghɔ Nwi.

1 Jɔn 4:14

Viŋ kɔꞌ kɨɨ laa yia nə yè nə sɨ, baa fɨꞌtə tɨ́ vɨɨ, faŋ tɨta Nwi nə tɔ̀ŋ ŋwiŋ wi laa ŋwə lùu wuu məbweysə ŋwaa-nsiŋ.

1 Jɔn 4:16

Faŋ yia nə yè nɨniŋ nə, yia kɨ nii yikɨɨ faŋ Nwi kaw nsiŋ nə. Yia baa biŋ, nùŋ fwi sia shɔ. Nwi lùu wuu məkaw vɨɨ. Wə ntɨə faŋ ŋwə kaw Nwi nə vɨɨ nɨzi, buu ŋwə gòꞌsə ghɔ Nwi. Nwi baa lùu goꞌsə taa fwi ŋwə nɨzi.

1 Jɔn 4:2

Nu ŋkɨə faŋ kaꞌ viŋ kɨ̀ɨ nə Zwitə Ley Nwi fɨ fuŋ, lùu laa, wə ntɨə faŋ ŋwə bìŋ ntee laa Yeso lùu Kristo, wuu məbweysə ŋwaa-nsiŋ, faŋ ŋwə nə jwì mbi yaa wə, buu Zwitə Ley wə ghɔ́ ndɔ̀ fɨ ghɔ Nwi.

1 Jɔn 5:1

Wə ntɨə faŋ ŋwə biŋ laa Yeso lùu wuu məbweysə vɨɨ, faŋ ŋwə ndɔ̀ fɨ ghɔ Nwi, buu bì Nwi bì wə ghɔ́. Maa wə ntɨə faŋ ŋwə kaw tɨɨ vaŋ, kaw vaŋ vi nɨzi.

1 Jɔn 5:15

Nɨniŋ, nsiŋ kɨ luu kɨ kɨɨ laa Nwi zɔ nu ŋkɨə faŋ nsiŋ ndwaŋ fɨ ghɔ ŋwə, buu kaꞌ nsiŋ kɨ̀ɨ nɨzi laa Nwi yɨ nu ŋkɨə faŋ nsiŋ ndwaŋ fɨ ghɔ ŋwə.

1 Jɔn 5:18

Mə baa lesə tɨ́ viŋ laa, nsiŋ kɔꞌ kɨɨ laa, wə ntɨə faŋ bì Nwi bì ŋwə, kee yaa kɨ yɨ nu bwə me, buꞌ faŋ Wee Nwi shiinə ŋwə. Nɨniŋ, kaꞌ tɨɨ vəzwitə vəbwəvə kee kɔ̀ŋ wə ghɔ́ me.

1 Jɔn 5:5

Nɨniŋ, wə ntɨə faŋ ŋwə ghɔ̀ꞌ vənu vəbwəvə fɨ taa mbi lùu ndə? Nə kee lùu wə ntɨə faŋ ŋwə biŋ laa Yeso lùu Wee Nwi yimu?

Reveleyshən 15:3

zwà nyay Mose, wuu faꞌ Nwi, nə nyay wee-bi-njɨɨ ghɔ́, laa, «Nu ŋkɨə faŋ a yɨsə, lùu nu kwalə, luu ŋkee nu shuu yɔŋ mɔɔ, tɨta Nwi Nshɔɔ-mbi, jɨɨsə sə bɔ̀ŋsə, baa lùu yinsəŋ mɔɔ, fwàŋ ŋgwisə vɨɨ vənshə.

Reveleyshən 19:11

Mə kɨ nii yè yizɔ ŋaꞌnə, baa yè nyaa-yikoꞌ yifusə shɔ, nə wə mɔ́ꞌ fuu yi. Yizii wə ghɔ́ faŋ ŋwə nə kòꞌ fuu nyaa yɔ́ nə, lùu «Yinsəŋ». Ŋwə sɔꞌ nsɔꞌsə vɨɨ səloomə, ndɔ tùŋ yighaw yiloomə.

Reveleyshən 3:14

Nyɔꞌ ŋwaꞌlə, tɔ̀ŋ tɨ́ nshiiŋii Nwi faŋ ŋwə lùu shɨ Laodosia, nyɔꞌ laa lee, «Wə ntɨə faŋ ŋwə goꞌsə yighee muꞌ nə, ŋgwə faŋ ŋwə nə ku buꞌ nu yinsəŋ ki, nə ŋwə faŋ ŋwə nə shɔɔ vɨsɨ, buu Nwi taa bɔŋ mbi, gì laa lee,

Reveleyshən 3:7

Nyɔꞌ ŋwaꞌlə, tɔ̀ŋ tɨ́ nshiiŋii Nwi faŋ ŋwə lùu shɨ Filadelfia laa, «Wə ntɨə faŋ ŋwə bàw shɨlə, baa luu ŋkee wuu yinsəŋ, faŋ ŋkwa fwàŋ Deyvid lùu ghɔ ŋwə nə, faŋ ŋwə ŋaꞌsə, kaꞌ wə kee fəŋ me; ŋwə fəŋ, kaꞌ wə kee ŋaꞌsə me. Ŋwə gi laa lee,

Reveleyshən 6:10

yùmə nəŋay laa, «Tɨɨ mbi faŋ a bàw shɨlə, baa lùu wuu yinsəŋ, a ndɔ baa tay kɨkə, buu sɔꞌ vɨɨ fɨ shɨ nsi, yuu kwaŋ vəŋ taa nsɔꞌ buꞌ laa vəŋ nə zwìlə yia nə?»