1 Jɔn 5:14 - Vengo (Babungo)

¹⁴ Nu ŋkɨə faŋ kaꞌ nsiŋ jìa fwi shɔ vɨsɨ Nwi, lùu laa, Nwi yaa kɨ zɔ nu ŋkɨə faŋ nsiŋ buꞌ ghɔ, ndwaŋ fɨ ghɔ ŋwə, faŋ lùu nu faŋ fwi Nwi kàw.

1 Jɔn 5:14 ပူးပေါင်းရင်းမြစ်များ

Matiu 21:22

Fa tɨ̀ me fa faŋ viŋ bitə fɨ ghɔ Nwi taa məshɔꞌtə wiŋ, viŋ taa kii, faŋ viŋ nùŋ fwi siŋ maa Nwi.»

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 11:42

Mə kɔꞌ kɨɨ laa a zɔ gɨ nyaa ghee nshə. Mə gi nee buꞌ vɨɨ mbɨə faŋ vəŋ tɨŋnə feenə, tɨ́ kaꞌ vəŋ bìŋ laa tɔ̀ŋ ghɔ tɔ̀ŋ mə taa mbi nyə̀.»

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 14:13

Fa tɨ̀ me fa faŋ viŋ ndwaŋ fɨ ghɔ Nwi maa yizii nyaa, buu mə taa yɨ̀sə laa viŋ kii, tɨ́ kaꞌ vɨɨ kɨ̀ɨ nə yikwalə Nwi fɨ yiba jɨŋ ŋwiŋ wi.

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 15:7

Kɨ luu viŋ goꞌ taa fwi mə, buu yigisə nyaa goꞌ taa fwi siŋ nɨzi, buu viŋ taa kɔlə bitə kə, vɨ taa kɔ tɨ́ viŋ.

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 16:24

Jwi kɔ tɔ və-ndee, viŋ kee ta ndwàŋ fa fɨ ghɔ Tii ŋwaa maa yizii nyaa me. Bàw viŋ buꞌ ghɔ, ndwàŋ vətɔ fɨ ghɔ Tii ŋwaa, yuu kii, laa məŋaytə lwaŋ taa fwisə viŋ.»

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 9:31

Nsiŋ kɔꞌ kɨɨ laa Nwi kee yaa kɨ zɔ məshɔꞌtə vɨɨ vənu vəbwəvə me. Nwi zɔ sheꞌ məshɔꞌtə wə ntɨə faŋ ŋwə bəŋsə Nwi, yɨ nu ŋkɨə faŋ Nwi kàw.

Efesɔs 3:12

Nsiŋ kii fwi yizutə vɨsɨ Nwi buꞌ Kristo ndwə. Kɨ kaꞌ nsiŋ jìa fwi saŋ-nsiŋ, gə̀ ye Nwi nə məŋaytə, buꞌ faŋ nsiŋ nùŋ fwi saŋ-nsiŋ maa Yeso Kristo.

Hibru 10:35

Nɨniŋ, kɨ fwi yiŋ bwa me, buꞌ laa vɨɨ mbɨə faŋ vəŋ nùŋ fwi vəŋ maa Nwi, gə ziꞌ maa vəndwə, ndɔ kii vəkeynə vəkwalə.

Hibru 3:14

Viŋ kɨ lumə laa nsiŋ lùu nə fa kəmuꞌ, nsiŋ vɨ Kristo, faŋ nsiŋ taa kɨ nuŋsə vənu mbɨə faŋ nsiŋ nə bìŋ yighee vɨsɨ nə, gə kɔ maa vəndwə.

Hibru 3:6

Jwi maa Kristo, ŋwə lùu ŋkee Wee Nwi faŋ ŋwə shiinə njiinə ŋii. Ŋii yi yɔ́ lùu nsiŋ. Nsiŋ lùu vɨɨ ŋiinə vi, faŋ nsiŋ tə̀ sɨ maa məbwey vəlwaŋ, faŋ nsiŋ kɨꞌ ŋwə nə fwi yimuꞌ nə, tweꞌ shɔ, zìꞌ maa vəndwə nə məŋaytə.

Jeyms 4:3

Viŋ yaa kɨ ndwaŋ fa fɨ ghɔ Nwi, kee kii me, buꞌ laa viŋ kee ndwàŋ nə fwi yijəə me, kɨ kəə zɨ sheꞌ vətɔ faŋ fwi siŋ kàw.

Jeyms 5:16

Bàw viŋ biŋ nu bwə kiŋ, viŋ viŋ, kɨ buꞌ ghɔ tɨ́ Nwi, viŋ viŋ, tɔ viŋ, laa viŋ bwey fɨ maa vəza viŋ. Wə ntɨə faŋ vənu vi lùu vəloomə, kɨ luu bùꞌ ghɔ tɨ́ Nwi, buu kaꞌ ŋkee nu kwalə fùu fɨ fuŋ.

1 Jɔn 2:28

Vaŋ vaŋ, bàw viŋ kii fa kəmuꞌ viŋ vɨ Yeso! Nɨniŋ laa shi ŋkɨə faŋ ŋwə ndɔ bəŋ jwì fùu ntee, nsiŋ kɨꞌ vənu nə məŋaytə. Kɨ tɔ kaŋ-nsiŋ dɨɨ faŋ ŋwə ndɔ jwi fùu ntee me!