1 Jɔn 5:13 - Vengo (Babungo)

¹³ Mə nyɔꞌ nu kɔ́ tɨ́ viŋ, faŋ viŋ nùŋ fwi siŋ maa Wee Nwi, laa viŋ kɔꞌ kɨɨ laa məbwey vəlwaŋ ghɔ viŋ.

1 Jɔn 5:13 ပူးပေါင်းရင်းမြစ်များ

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 1:12

Nə biŋ sheꞌ way vɨɨ bìŋ ŋwə, nùŋ fwisə vəŋ maa ŋwə. Nɨniŋ, ŋwə yɨ vɨɨ mbɨə faŋ vəŋ nùŋ fwisə vəŋ maa ŋwə, luu vaŋ Nwi, buꞌ faŋ vəŋ nə nùŋ fwisə vəŋ maa yizii yi.

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 2:23

Yiŋkii kɨ shɔɔ, Yeso duꞌ ntɨꞌ Jerusalem maa vəshi və Pasa. Vɨɨ vəyaŋ nuŋ fwisə vəŋ maa ŋwə buꞌ faŋ vəŋ yè vənu və shuu yɔŋvə faŋ ŋwə nə yɨ̀.

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 20:31

Vənu mbɨə faŋ vɨ nyɔ̀ꞌ feenə, vɨ nyɔ̀ꞌ laa viŋ biŋ laa Yeso luu wə ntɨə faŋ Nwi nə shoꞌ, wuu məbweysə ŋwaa-nsiŋ, Wee Nwi. Viŋ biŋ yizii yi, nùŋ fwi siŋ maa ŋwə, buu kìi məbwey vəlwaŋ.

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 21:24

Nyɔ̀ꞌ wuu məzwetə nu Yeso faŋ ŋwə nə yè vənu vɔ́ nə yisɨ, nyɔ̀ꞌ ŋwaꞌlə ŋwə̀. Wə ghɔ́ nəə fɨꞌtə vənu vɔ́ tɨ́ vɨɨ nɨzi. Yia kɔꞌ kɨɨ laa nu ŋkɨə faŋ ŋwə nə gì nə, lùu yinsəŋ.

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 3:18

Wə ntɨə faŋ ŋwə nùŋ fwi yi maa ŋwə, kee ndɔ ŋii taa nsɔꞌ Nwi me. Wə ntɨə faŋ ŋwə kee biŋ ŋwə me, buu vɨ duꞌtə vɨ sɔꞌ ŋwə, buꞌ faŋ ŋwə kee bìŋ yizii yigɨꞌ Wee Nwi me.

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 5:24

Viŋ zɔ! Mə naysə tɨ́ viŋ yinsəŋ laa, wə ntɨə faŋ ŋwə zɔ̀ yigisə nyaa, bìŋ Nwi faŋ ŋwə nə tɔ̀ŋ mə nə, buu ŋwə fùu fɨ shuu yiku, ŋìi məbwey vəlwaŋ, kee ndɔ baa ŋii taa nsɔꞌ Nwi me.

Akts 3:16

Viŋ zɔ! Wə ŋwə̀ faŋ viŋ yè ŋwə, kɨ̀ɨ nə ŋwə nə, nii nùŋ fwi yi maa yizii Yeso, buu yizii Yeso yɔ́ kɔ wutə tɨ́ ŋwə. Nii yɨ̀ Yeso laa wə ghɔ́ nuŋsə fwi yi maa Yeso, buu ŋwaa wi nshə weꞌ, viŋ vənshə ye.

Akts 4:12

Kaꞌ wə kee kìi məbwey fɨ ghɔ wə dɨday me. Nwi kɔ sheꞌ Yeso tɨ́ nsiŋ laa nsiŋ ndɔ kii məbwey vəlwaŋ, faŋ nsiŋ bìŋ yizii Yeso yɔ́.»

2 Kɔrintian 5:1

Nsiŋ kɔꞌ kɨɨ laa yiŋwaa nyaa-nsiŋ lùu yuu vəbee faŋ vɨ ndɔ sɔꞌ. Yighee njyə faŋ vɨ ndɔ sɔꞌ vəbee vɔ́, nsiŋ kɨ nii fì yiŋwaa yimɔ́ꞌ fɨ ghɔ Nwi, faŋ nyə lùu yaa ŋii faŋ vɨ fianə taa yizɔ tɨ́ nsiŋ, kee fianə nə ghɔ me. Nyə taa goꞌsə yighee muꞌ.

Galatia 4:6

Faŋ viŋ lùu vaŋ Nwi, Nwi tɔ̀ŋ Zwitə ŋwiŋ wi, ŋkə jwi ŋìi taa fwisə nsiŋ. Zwitə ki kɔ́ yɨsə laa nsiŋ tii Nwi laa, «Tii wia, tɨta.»

1 Pita 5:12

Mə nyɔꞌ vaŋ-vənu və̀ tɨ́ viŋ, yia Silvanɔs, faŋ mə kɨ̀ɨ nə ŋwə yaa wuu yinsəŋ, baa lùu wuu məbiŋ Nwi. Mə tɨsə viŋ shɔ, baa gìsə tɨ́ viŋ ntee laa luu ŋkee nu Nwi yinsəŋ nə, faŋ Nwi gaŋtə viŋ shɔ, viŋ weꞌ shɔ.

1 Jɔn 1:4

Yia ŋwaꞌlə nu kə̀, tɨ́ kɨ kaꞌ fwi saŋ-nsiŋ lwaŋ nə məŋaytə.

1 Jɔn 2:1

Vaŋ vaŋ, mə nyɔꞌ vənu və̀ tɨ́ viŋ laa kɨ viŋ baa kɨ yɨ vənu vəbwəvə me. Kɨ luu laa wə gu, yɨ nu bwə, buu Yeso Kristo, wuu ley shɔ, faŋ ŋwə tɨŋ vɨsɨ Nwi, ndwaŋ Nwi tɨ́ nsiŋ.

1 Jɔn 2:21

Mə kee nyɔꞌ nu kɔ́ tɨ́ viŋ buꞌ faŋ viŋ kee kɨɨ nə nu ŋkɨə faŋ ŋkə kùꞌnə me. Mə nyɔꞌ buꞌ laa viŋ kɨɨ nə nu kɔ́, baa nə laa viŋ kɔꞌ kɨɨ laa, tuu kee nu ba kəmuꞌ kee fùu fɨ taa nu ŋkɨə faŋ lùu nu yinsəŋ me.

1 Jɔn 2:25

Nu ŋkɨə faŋ nshɨ-tɔ Yeso nə kɔ̀ꞌnə maa məndɔ kɔ tɨ́ viŋ, lùu məbwey vəlwaŋ.

1 Jɔn 2:26

Mə ŋwaꞌlə nu kɔ́ tɨ́ viŋ buꞌ vɨɨ mbɨə faŋ vəŋ kəə bweꞌsə viŋ nə.

1 Jɔn 3:23

Ntɨ njyə faŋ Nwi nə kɔ̀ tɨ́ nsiŋ, lùu laa nsiŋ nuŋsə fwi saŋ-nsiŋ maa ŋwiŋ wi Yeso Kristo, kàwnə yiŋwaa nyaa-nsiŋ, sheꞌ faŋ ŋwə nə tɨ̀ nsiŋ nə.

1 Jɔn 4:9

Ŋwə nə tɔ̀ŋ yigɨꞌ ŋwiŋ wi mbi laa nsiŋ kii məbwey vəlwaŋ buꞌ ŋwə. Lùu nu ŋkɨə faŋ ŋkawnə Nwi, faŋ Nwi kàw vɨɨ nə, nə fùu yikəꞌ vɨɨ.

1 Jɔn 5:10

Nɨniŋ, wə ntɨə faŋ ŋwə nùŋ fwi yi maa Wee Nwi, buu nu məbiŋ kɔ́, faŋ Nwi twèlə tɨ́ ŋwə nə, gòꞌsə taa fwi ŋwə. Wə ntɨə faŋ ŋwə kee bìŋ yigisə Nwi me, buu wə ghɔ́ tii Nwi nə wuu ba, buꞌ faŋ ŋwə kee bìŋ nu ŋkɨə faŋ Nwi twelə buꞌ ŋwiŋ wi me.

1 Jɔn 5:11

Nu ŋkɨə faŋ Nwi twelə tɨ́ nsiŋ lùu laa ŋwə kɔ̀ məbwey faŋ ŋwə gòꞌsə yighee muꞌ tɨ́ nsiŋ. Məbwey ghɔ́ lùu ghɔ ŋwiŋ wi Yeso.

1 Jɔn 5:20

Nsiŋ kɔꞌ kɨɨ laa Wee Nwi nə jwì ŋaꞌsə sɨ ŋaa-nsiŋ, tɨ́ kɨ kaꞌ nsiŋ kɨɨ nə Nwi faŋ lùu Nwi yinsəŋ. Nsiŋ lùu fa kəmuꞌ nsiŋ vɨ Nwi yinsəŋ, buꞌ faŋ nsiŋ lùu fa kəmuꞌ nsiŋ vɨ ŋwiŋ wi Yeso Kristo. Yeso lùu Nwi yinsəŋ, məbwey vəlwaŋ ghɔ ŋwə.