1 Jɔn 5:10 - Vengo (Babungo)

¹⁰ Nɨniŋ, wə ntɨə faŋ ŋwə nùŋ fwi yi maa Wee Nwi, buu nu məbiŋ kɔ́, faŋ Nwi twèlə tɨ́ ŋwə nə, gòꞌsə taa fwi ŋwə. Wə ntɨə faŋ ŋwə kee bìŋ yigisə Nwi me, buu wə ghɔ́ tii Nwi nə wuu ba, buꞌ faŋ ŋwə kee bìŋ nu ŋkɨə faŋ Nwi twelə buꞌ ŋwiŋ wi me.

1 Jɔn 5:10 ပူးပေါင်းရင်းမြစ်များ

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 3:16

Nwi nə kàw mbi dɨdɨꞌ, tɔ̀ŋ yigɨꞌ ŋwiŋ wi laa, vɨɨ vənshə faŋ vəŋ nùŋ fwisə vəŋ maa ŋwə, kee ndɔ ndi me, zɨ̀ məbwey vəlwaŋ faŋ ŋwə gòꞌsə yighee muꞌ.

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 3:18

Wə ntɨə faŋ ŋwə nùŋ fwi yi maa ŋwə, kee ndɔ ŋii taa nsɔꞌ Nwi me. Wə ntɨə faŋ ŋwə kee biŋ ŋwə me, buu vɨ duꞌtə vɨ sɔꞌ ŋwə, buꞌ faŋ ŋwə kee bìŋ yizii yigɨꞌ Wee Nwi me.

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 3:33

Wə ntɨə faŋ ŋwə bìŋ nu ŋkɨə faŋ ŋwə gisə, biŋ laa Nwi lùu wuu yinsəŋ.

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 5:38

Viŋ kee nùŋ yigisə Tii ŋwaa taa fwisə viŋ me, buꞌ laa viŋ kee bìŋ nu ŋwiŋ wi faŋ ŋwə nə tɔ̀ŋ ŋwə nə me.

Akts 8:37

Filip gi tɨ́ ŋwə laa, «A nùŋ fwi yə maa Kristo, kee bɨbɨꞌtə me, buu kaꞌ a fi.» Ŋwə gi laa, «Mə biŋ laa Yeso Kristo lùu Wee Nwi.»]

Roma 8:16

Zwitə Ley Nwi kɔ́ faynə ŋwaa ghɔ zwitə kaŋ-nsiŋ tɨ́ kaꞌ nsiŋ kɔꞌ kɨɨ laa nsiŋ lùu vaŋ Nwi.

Galatia 4:1

Mə baa kəə twelə vənu vɔ́ tɨ́ viŋ, viŋ zɔ! Ŋkə lùu yaa nu weembwa faŋ ŋwə ndɔ zɨ tɔ tii wi, kìi vətɔ və tii wi. Yighee njyə faŋ ŋwə kɨ bii weembwa, ŋwə kee luu nɨŋkwiŋ fɨ ghɔ buꞌ me, faŋ bee kɔlə kìi ŋwə kìi vətɔ və tii wi vənshə nə.

Galatia 4:6

Faŋ viŋ lùu vaŋ Nwi, Nwi tɔ̀ŋ Zwitə ŋwiŋ wi, ŋkə jwi ŋìi taa fwisə nsiŋ. Zwitə ki kɔ́ yɨsə laa nsiŋ tii Nwi laa, «Tii wia, tɨta.»

Kɔlɔsii 3:3

Viŋ kɔꞌ kɨɨ laa viŋ duꞌtə viŋ ku tɨ́ vətɔ vɔ́ fɨ shɨ nsi. Məbwey fi faŋ viŋ kìi ndwə nə, lùu ghɔ Kristo. Nwi duꞌtə Nwi kɔ məbwey fi ghɔ́ tɨ́ viŋ, faŋ kɔlə kaꞌ wə kee ta yiye me.

Hibru 3:12

Vaŋ-nshwi vaŋ, viŋ kɨ ndɨɨnə laa, kɨ wə luu taa ŋwaa viŋ faŋ ŋwə kìi fwi yibwə faŋ nyə kee bìŋ Nwi me, faŋ ŋwə ndɔ meꞌtə Nwi me. Nwi lùu wuu bwey.

2 Pita 1:19

Yigisə nshiisə-ŋii sɔghɔ kɔ̀ŋ Yeso luu ŋkee yiley tɨ́ yia ndwə buꞌ nu kɔ́. Bàw viŋ kwaŋ fwi siŋ maa yigisə yɔ́ nɨzi, buꞌ laa nyə lùu yaa kiꞌ faŋ ŋwə bee taa mfiŋsə gə zìꞌ maa yighee njyə faŋ fu lee. Yighee njyə faŋ fəjwiŋ fɨ taa nshia-ndoo-mbisɨ, faŋ lùu Kristo nə, ndɔ jwi yɨ viŋ, viŋ ye vənu vənshə vəley.

1 Jɔn 1:10

Nsiŋ kɨ luu kɨ gisə laa nsiŋ kee yɨ̀ nu bwə me, buu nsiŋ tii Nwi nə wuu ba, nu ki kee lùu taa fwisə nsiŋ me.

1 Jɔn 5:1

Wə ntɨə faŋ ŋwə biŋ laa Yeso lùu wuu məbweysə vɨɨ, faŋ ŋwə ndɔ̀ fɨ ghɔ Nwi, buu bì Nwi bì wə ghɔ́. Maa wə ntɨə faŋ ŋwə kaw tɨɨ vaŋ, kaw vaŋ vi nɨzi.

Reveleyshən 12:17

Nɨniŋ, njyoꞌ zɔ yɔ́ lia maa wəzwi ghɔ́, ŋwə bəŋ gə̀ kɔ̀ꞌsə yighaw maa bətə vaŋ wəzwi ghɔ́, faŋ lùu vɨɨ mbɨə faŋ vəŋ nùŋsə ntɨsə Nwi, baa bìŋ nu Yeso ntee. Nyə kɨ nii gə tɨŋnə fuu waꞌsə taa mamuu.

Reveleyshən 2:17

Wə ntɨə faŋ tuulə ghi lùu shɔ, ŋwə zɔ nu ŋkɨə faŋ Zwitə Ley Nwi gisə tɨ́ vəməshəŋtə və vɨɨ Nwi! Mə taa kɔ fazɨ Nwi mana, ŋkɨə faŋ ŋkə nə ndènə fɨ ghɔ vɨɨ nə, tɨ́ wə ntɨə faŋ ŋwə ghɔ̀ꞌ nu bwə. Mə baa luu kɔ ŋoꞌ yifusə tɨ́ ŋwə faŋ vɨ nyɔꞌ yizii yifinə maa ŋoꞌ yɔ́, faŋ wə kee kɨ̀ɨ nə yizii yɔ́ me, kɨɨ sheꞌ wuu məfi.»

Reveleyshən 2:28

(Mə ndɔ wutə kɔ́ tɨ́ ŋwə,) sheꞌ faŋ Tii ŋwaa nə kɔ̀ shee nə. Mə baa kɔ fəjwiŋ fɨ taa nshia-ndoo-mbisɨ tɨ́ ŋwə nɨzi.»