1 Jɔn 4:7 - Vengo (Babungo)

⁷ Vɨɨmba vaŋ, nsiŋ kɨ kawnə yiŋwaa nyaa-nsiŋ, nsiŋ nsiŋ, buꞌ laa ŋkawnə ndɔ fɨ ghɔ Nwi. Wə tɨ̀ me wə faŋ ŋwə kaw Nwi nə vɨɨ, buu bì Nwi bì wə ghɔ́. Ŋwə baa kɨ̀ɨ nə Nwi nɨzi.

1 Jɔn 4:7 ပူးပေါင်းရင်းမြစ်များ

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 13:34

Nɨniŋ, mə tɨ viŋ nə ntɨ yifi laa, viŋ kɨ kawnə yiŋwaa yiŋ. Bàw viŋ kɨ kawnə yiŋwaa yiŋ sheꞌ faŋ mə nə kaw viŋ nə.

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 17:3

Məbwey ghɔ́ faŋ ŋwə gòꞌsə yighee muꞌ nə, lùu faŋ vɨ kɨɨ nə ghɔ, faŋ a lùu Nwi yinsəŋ nɨnɔŋ, baa kɨ̀ɨ nə mə, Yeso Kristo, faŋ a nə tɔ̀ŋ mə nə.

1 Kɔrintian 8:3

Ŋkee nu kwalə lùu laa wə kaw Nwi. Wə faŋ ŋwə kàw Nwi, lùu ŋwə faŋ Nwi kɨɨ nə ŋwə yaa ŋwiŋ wi.

2 Kɔrintian 4:6

Nwi, faŋ ŋwə nə gì laa, «Bàw məley kɨ bee, fùu fɨ taa mfiŋsə,» ŋwə baa yɨ̀sə məley bee taa fwisə yia, maa məkɔ tɔ ley tɨ́ yia, tɨ́ kaꞌ yia kɨ̀ɨ nə yikwalə Nwi, faŋ nyə fùu ntee taa ŋwaa Kristo.

Galatia 4:9

Luu nə, viŋ duꞌtə viŋ kɨ̀ɨ nə Nwi ndwə. Bàw mə bee kii gì laa, Nwi kɨ̀ɨ nə viŋ. Faŋ ŋkə lùu nɨniŋ, sii yɨ̀ kə viŋ kəə bəŋ nə yiba, baa beꞌsə vəwutə və shɨ nsi? Sii yɨ̀ kə viŋ kəə kɨ bəŋ yiba, laa viŋ baa gu vəbuꞌ tɨ́ vəwutə vɔ́?

Galatia 5:22

Gə fɨ maa vənu mbɨə faŋ mbə ndɔ̀ fɨ taa Zwitə Nwi, mə kəə naysə vənu vɔ́ tɨ́ viŋ nɨzi. Vənu vɔ́ luu ŋkawnə, nə məŋaytə, nə məduꞌ bwaŋnə, nə məjia fwi, nə məsaylə jəə, nə məgaŋtə vɨɨ, nə məzɔnə,

2 Timoti 1:7

gə nə vɨsɨ. Zwitə ŋkɨə faŋ Nwi nə kɔ̀ tɨ́ nsiŋ nə, kee lùu zwitə maa məfee me. Zwitə kɔ́ bee kii yɨ̀sə wutə lwaŋ taa ŋwaa-nsiŋ, nə ŋkawnə, nə məjiatə ŋwaa.

1 Pita 1:22

Nɨniŋ, viŋ kaw nə yiŋwaa yiŋ, viŋ viŋ, kee bwa me! Viŋ kaw nə yiŋwaa yiŋ nə fwi yimuꞌ, buꞌ laa viŋ bìŋ maa məyɨ vənu vəjəəvə, tɨ́ kaꞌ fwi siŋ lèy. Viŋ kɨ kaw vaŋ-nshwi viŋ, kee seesə me!

1 Jɔn 2:10

Wə ntɨə faŋ ŋwə kaw weenshu wi, gòꞌsə taa shɨshwi ley, jɨɨ kee lùu shɔ, tɨ́ kɨ kaꞌ ŋwə tùŋ ghuu ki maa ŋoꞌ, gù nsi me.

1 Jɔn 2:29

Viŋ kɨ luu kɨ kɨɨ laa vənu və Nwi lùu vəloomə, buu viŋ kɔꞌ kɨɨ nɨzi laa wə ntɨə faŋ ŋwə yɨ vənu vəloomə, lùu wə faŋ nə bì Nwi bì wə ghɔ́.

1 Jɔn 2:3

Nu ŋkɨə tɨ́ kɨ kaꞌ nsiŋ kɨɨ laa nsiŋ kɨ̀ɨ nə Nwi yinsəŋ, lùu laa, nsiŋ kɨ luu nuŋsə ntɨsə Nwi, buu nsiŋ kɨ̀ɨ nə Nwi yinsəŋ.

1 Jɔn 2:4

Wə ntɨə faŋ ŋwə gì laa, yi kɨɨ nə Nwi, kee kɨ nuŋsə ntɨ si me, buu lùu wuu ba, nu yinsəŋ kee lùu taa ŋwaa ŋwə me.

1 Jɔn 2:7

Vɨɨmba vaŋ, mə kee nyɔ̀ꞌ luu ntɨ yifi tɨ́ viŋ me, mə nyɔ̀ꞌ luu sheꞌ ntɨ yimwa faŋ vɨ yaa tɨ viŋ shɔ yighee vɨsɨ, faŋ viŋ nə bɨ zɔ̀ ntɨ Nwi. Ntɨ yimwa yɔ́ lùu nu ŋkɨə faŋ viŋ nə zɔ̀.

1 Jɔn 3:9

Wə ntɨə faŋ nə bì Nwi bì ŋwə, kee yɨ̀sə vənu vəbwəvə me, buꞌ laa ŋkɨꞌnə Nwi lùu maa ŋwə. Ŋwə kee kɨɨ maa məyɨ nu bwə me, buꞌ laa bì Nwi bì ŋwə.

1 Jɔn 4:11

Vɨɨmba vaŋ, faŋ Nwi nə kàw nsiŋ tɨ́ nee nə, ŋkaŋ-nsiŋ kɨ nii lùu laa nsiŋ kɨ kaw nə yiŋwaa nyaa-nsiŋ nɨzi.

1 Jɔn 4:12

Viŋ kɔꞌ kɨɨ laa, tuu wə nə kee ta yè Nwi nə yisɨ me. Luu nə, nsiŋ kɨ luu kɨ kaw nə yiŋwaa nyaa-nsiŋ, buu Nwi taa gòꞌ taa fwisə nsiŋ, ŋkawnə yi lwaŋ taa fwisə nsiŋ. Nsiŋ kɨ nii kàw ŋwə nə vɨɨ nə fwi nyaa-nsiŋ yinshə.

1 Jɔn 4:16

Faŋ yia nə yè nɨniŋ nə, yia kɨ nii yikɨɨ faŋ Nwi kaw nsiŋ nə. Yia baa biŋ, nùŋ fwi sia shɔ. Nwi lùu wuu məkaw vɨɨ. Wə ntɨə faŋ ŋwə kaw Nwi nə vɨɨ nɨzi, buu ŋwə gòꞌsə ghɔ Nwi. Nwi baa lùu goꞌsə taa fwi ŋwə nɨzi.

1 Jɔn 4:20

Wə kɨ luu kɨ bee weenshu wi, gisə laa yi kaw Nwi, buu ŋwə lùu wuu ba. Wə kɨ luu kee kɨ kaw weenshu wi faŋ ŋwə ye ŋwə nə me, buu kaꞌ ŋwə kàw Nwi kɨkə faŋ ŋwə kee yè Nwi nə me.

1 Jɔn 4:8

Wə ntɨə faŋ ŋwə kee kàw weenshu wi me, kee kɨ̀ɨ nə Nwi me, buꞌ laa Nwi lùu wuu ŋkawnə.

1 Jɔn 5:1

Wə ntɨə faŋ ŋwə biŋ laa Yeso lùu wuu məbweysə vɨɨ, faŋ ŋwə ndɔ̀ fɨ ghɔ Nwi, buu bì Nwi bì wə ghɔ́. Maa wə ntɨə faŋ ŋwə kaw tɨɨ vaŋ, kaw vaŋ vi nɨzi.

2 Jɔn 1:5

Mə buꞌ ghɔ tɨ́ viŋ, vɨɨ fɨ taa nshəŋtə vɨɨ Nwi, laa nsiŋ kɨ kaw nə yiŋwaa nyaa-nsiŋ. Mə kee nyɔ̀ꞌ luu ntɨ yifi tɨ́ viŋ me; vɨ nə tɨ nsiŋ shɔ shù fɨ maa yighee vɨsɨ.