1 Jɔn 4:15 - Vengo (Babungo)

¹⁵ Wə ntɨə faŋ ŋwə biŋ ntee laa, Yeso lùu Wee Nwi, buu Nwi taa fwi ŋwə. Ŋwə baa luu gòꞌ fa kəmuꞌ ghɔ Nwi.

1 Jɔn 4:15 ပူးပေါင်းရင်းမြစ်များ

Matiu 10:32

Viŋ zɔ! Wə tɨ̀ me wə faŋ ŋwə bìŋ mə ntee vɨsɨ vɨɨ, buu mə ndɔ biŋ ŋwə nɨzi vɨsɨ Tii ŋwaa faŋ ŋwə lùu yizɔ.

Lukas 12:8

Viŋ zɔ! Mə naysə tɨ́ viŋ laa, wə ntɨə faŋ ŋwə bìŋ mə taa ŋwaa vɨɨ, buu Wuu yinsəŋ Nwi ndɔ biŋ ŋwə nɨzi vɨsɨ nshiisə-ŋiisə Nwi.

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 6:56

Wə tɨ̀ me wə faŋ ŋwə kwə mbasə ŋwaa ŋwaa, nù mənshi maa, buu ŋwə gòꞌsə yia ŋwə yighee muꞌ; mə gòꞌsə taa fwi ŋwə nɨzi.

Akts 8:37

Filip gi tɨ́ ŋwə laa, «A nùŋ fwi yə maa Kristo, kee bɨbɨꞌtə me, buu kaꞌ a fi.» Ŋwə gi laa, «Mə biŋ laa Yeso Kristo lùu Wee Nwi.»]

Roma 10:9

A kɨ luu biŋ fɨ shuu ghɔ ntee laa Yeso lùu Tii wə, Mɔꞌmbi, baa bìŋ fɨ taa fwi ghɔ laa Nwi nə ywèysə ŋwə fɨ shɨ yiku, buu a ndɔ bwey.

Filipi 2:11

Vəŋ vənshə ndɔ biŋ ntee laa Yeso Kristo lùu wuu məsɔꞌ mbi. Nɨniŋ, vəŋ kɔ feenə tɨ́ tɨta Nwi.

1 Jɔn 2:23

Wə tɨ̀ me wə faŋ ŋwə kee bìŋ Wee Nwi me, buu ghɔ Nwi kee lùu fɔ nu me. Wə ntɨə faŋ ŋwə bìŋ Wee Nwi ntee, buu ghɔ tɨta Nwi lùu fa kəmuꞌ.

1 Jɔn 2:24

Bàw laa nu ŋkɨə faŋ viŋ yaa zɔ yighee vɨsɨ, ŋkə goꞌsə taa fwisə viŋ, buu viŋ gòꞌsə nə nu kəmuꞌ viŋ vɨ Wee Nwi nə nshɨ-tɔ Nwi nɨzi.

1 Jɔn 3:23

Ntɨ njyə faŋ Nwi nə kɔ̀ tɨ́ nsiŋ, lùu laa nsiŋ nuŋsə fwi saŋ-nsiŋ maa ŋwiŋ wi Yeso Kristo, kàwnə yiŋwaa nyaa-nsiŋ, sheꞌ faŋ ŋwə nə tɨ̀ nsiŋ nə.

1 Jɔn 3:24

Wə ntɨə faŋ ŋwə jia ntɨsə Nwi nùŋsə, buu ghɔ Nwi gòꞌ fa kəmuꞌ. Nwi nɨzi baa luu gòꞌ taa fwi ŋwə. Nu ŋkɨə faŋ kaꞌ nsiŋ kɨ̀ɨ fɨ fuŋ laa Nwi gòꞌ taa fwisə nsiŋ, luu buꞌ Zwitə Ley Nwi faŋ Nwi nə kɔ̀ tɨ́ nsiŋ nə.

1 Jɔn 4:12

Viŋ kɔꞌ kɨɨ laa, tuu wə nə kee ta yè Nwi nə yisɨ me. Luu nə, nsiŋ kɨ luu kɨ kaw nə yiŋwaa nyaa-nsiŋ, buu Nwi taa gòꞌ taa fwisə nsiŋ, ŋkawnə yi lwaŋ taa fwisə nsiŋ. Nsiŋ kɨ nii kàw ŋwə nə vɨɨ nə fwi nyaa-nsiŋ yinshə.

1 Jɔn 4:2

Nu ŋkɨə faŋ kaꞌ viŋ kɨ̀ɨ nə Zwitə Ley Nwi fɨ fuŋ, lùu laa, wə ntɨə faŋ ŋwə bìŋ ntee laa Yeso lùu Kristo, wuu məbweysə ŋwaa-nsiŋ, faŋ ŋwə nə jwì mbi yaa wə, buu Zwitə Ley wə ghɔ́ ndɔ̀ fɨ ghɔ Nwi.

1 Jɔn 5:1

Wə ntɨə faŋ ŋwə biŋ laa Yeso lùu wuu məbweysə vɨɨ, faŋ ŋwə ndɔ̀ fɨ ghɔ Nwi, buu bì Nwi bì wə ghɔ́. Maa wə ntɨə faŋ ŋwə kaw tɨɨ vaŋ, kaw vaŋ vi nɨzi.

1 Jɔn 5:5

Nɨniŋ, wə ntɨə faŋ ŋwə ghɔ̀ꞌ vənu vəbwəvə fɨ taa mbi lùu ndə? Nə kee lùu wə ntɨə faŋ ŋwə biŋ laa Yeso lùu Wee Nwi yimu?

2 Jɔn 1:7

Viŋ kɔꞌ kɨɨ laa vɨɨ məbweꞌsə vɨɨ fùu taa mbi vəyaŋ, faŋ vəŋ kee bìŋ laa Yeso Kristo lùu wuu məbweysə ŋwaa-nsiŋ me, faŋ ŋwə ndɔ̀ fɨ ghɔ Nwi me, baa nə laa ŋwə kee jwi mbi gù fa fənshi yaa wə me. Kəŋ wə ghɔ́ lùu wuu məbweꞌsə vɨɨ, baa lùu wuu mbeenə Kristo.