1 Jɔn 4:12 - Vengo (Babungo)

¹² Viŋ kɔꞌ kɨɨ laa, tuu wə nə kee ta yè Nwi nə yisɨ me. Luu nə, nsiŋ kɨ luu kɨ kaw nə yiŋwaa nyaa-nsiŋ, buu Nwi taa gòꞌ taa fwisə nsiŋ, ŋkawnə yi lwaŋ taa fwisə nsiŋ. Nsiŋ kɨ nii kàw ŋwə nə vɨɨ nə fwi nyaa-nsiŋ yinshə.

1 Jɔn 4:12 ပူးပေါင်းရင်းမြစ်များ

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 1:18

Tuu wə nə kee ta yè Nwi nə yisɨ me, tɨ̀ lɨꞌ sheꞌ yigɨꞌ Wee Nwi, faŋ ŋwə lùu yɨ fwi tɨta Nwi. Ŋwə jwi də̀ tɨ́ nsiŋ faŋ Nwi lùu.

1 Kɔrintian 13:13

Vənu lùu shɔ vətia faŋ kaꞌ mbə kee ndɔ mè me. Nu kəmuꞌ lùu laa nsiŋ kɨ nuŋ fwi saŋ-nsiŋ maa Nwi. Nu mɔ́ꞌ lùu məbwey vəlwaŋ faŋ nsiŋ kɨꞌ fɨ ghɔ Nwi nə. Nu lwesə vətia luu ŋkawnə. Fɨ maa vənu və̀ vətia nə, nu ŋkawnə kwàlə shɔ̀ɔ vənu vɔ́ vənshə.

1 Timoti 1:17

Nsiŋ kɨ bəŋsə Nwi, faŋ lùu fwàŋ məsɔꞌ mbi ghee nshə. Ŋwə kee ndɔ ndi me. Wə kee lùu shɔ faŋ ŋwə ye Nwi me. Ŋwə lùu Nwi nɨnɔŋ wi. Nsiŋ kɨ bəŋsə ŋwə, kɔ feenə tɨ́ ŋwə maa vəshi və mbi vənshə, ki kee lùu shɔ me. Ŋkə lùu nɨniŋ.

1 Timoti 6:16

Luu sheꞌ ŋwə nɨnɔŋ wi, faŋ kaꞌ ŋwə kee ku me, shi maa shəŋ ley faŋ ŋkə ley shɔ̀ɔ ki. Tuu wə nə kee ta yè ŋwə me. Kaꞌ tuu wə kee ndɔ ye ŋwə me. Ŋwə kìi wutə kənshə. Nsiŋ kɨ bəŋsə ŋwə. Ŋkə gòꞌsə nɨniŋ.

Hibru 11:27

Ŋwə nə baa luu nùŋ fwi yi maa Nwi, faŋ ŋwə nə fùu fɨ shɨ Ijip, kee fèe məshəsə fwàŋ Farao me. Ŋwə nə kà fwi yi yaa wə faŋ ŋwə ye Nwi, faŋ kaꞌ wə mənsaw kee yiye me.

1 Jɔn 2:5

Wə ntɨə faŋ ŋwə biŋ nu Nwi, buu ŋwə kaw Nwi nə fwi yi yinshə; ŋkawnə yi maa Nwi lùu yiloomə. Nu ŋkɨə faŋ kaꞌ nsiŋ kɨɨ laa nsiŋ shi ghɔ Nwi, lùu laa,

1 Jɔn 3:24

Wə ntɨə faŋ ŋwə jia ntɨsə Nwi nùŋsə, buu ghɔ Nwi gòꞌ fa kəmuꞌ. Nwi nɨzi baa luu gòꞌ taa fwi ŋwə. Nu ŋkɨə faŋ kaꞌ nsiŋ kɨ̀ɨ fɨ fuŋ laa Nwi gòꞌ taa fwisə nsiŋ, luu buꞌ Zwitə Ley Nwi faŋ Nwi nə kɔ̀ tɨ́ nsiŋ nə.

1 Jɔn 4:16

Faŋ yia nə yè nɨniŋ nə, yia kɨ nii yikɨɨ faŋ Nwi kaw nsiŋ nə. Yia baa biŋ, nùŋ fwi sia shɔ. Nwi lùu wuu məkaw vɨɨ. Wə ntɨə faŋ ŋwə kaw Nwi nə vɨɨ nɨzi, buu ŋwə gòꞌsə ghɔ Nwi. Nwi baa lùu goꞌsə taa fwi ŋwə nɨzi.

1 Jɔn 4:20

Wə kɨ luu kɨ bee weenshu wi, gisə laa yi kaw Nwi, buu ŋwə lùu wuu ba. Wə kɨ luu kee kɨ kaw weenshu wi faŋ ŋwə ye ŋwə nə me, buu kaꞌ ŋwə kàw Nwi kɨkə faŋ ŋwə kee yè Nwi nə me.

1 Jɔn 4:6

Gə fɨ maa nsiŋ, nsiŋ lùu fɨ ghɔ Nwi. Wə ntɨə faŋ ŋwə kɨ̀ɨ nə Nwi, zɔ yigisə nyaa-nsiŋ. Wə ntɨə faŋ ŋwə kee ndɔ̀ fɨ ghɔ Nwi me, kee zɔ yigisə nyaa-nsiŋ me. Lùu nu ŋkɨə faŋ kɨ kaꞌ nsiŋ kɨ̀ɨ nə nu Zwitə Ley yinsəŋ, nə nu zwitə məbweꞌsə vɨɨ.