1 Jɔn 4:1 - Vengo (Babungo)

¹ Vɨɨmba vaŋ, kɨ viŋ baa kɨ biŋ vənu vənshə faŋ vɨɨ fɨꞌtə tɨ́ viŋ laa fɨ̀ꞌtə Zwitə Ley Nwi tɨ́ vəŋ me. Viŋ mɔŋ vəŋ, ywiitə laa zwitə ŋkɨə faŋ ŋkə lùu ghɔ vəŋ, nə ndɔ̀ fɨ ghɔ Nwi mu? Viŋ mɔŋ vəŋ buꞌ laa vɨɨ məsɨɨ təba maa nu Nwi fùu taa mbi vəyaŋ.

1 Jɔn 4:1 ပူးပေါင်းရင်းမြစ်များ

Mark 13:21

Kɨ luu wə ndɔ gi tɨ́ viŋ maa yighee yɔ́ laa, «Viŋ ye Kristo, wuu məbweysə wiŋ nə,» tɨ́ꞌnə me laa, «Ye ŋwə fiŋnə,» kɨ viŋ biŋ me!

Lukas 12:57

(Yeso baa gì laa,) «Sii yɨ kə viŋ kee kɨɨ naysə nu ŋkɨə faŋ ŋkə lùu kəloomə maa nshɨ-tɔ wiŋ me?

Lukas 21:8

Ŋwə gi tɨ́ vəŋ laa, «Viŋ kɨ kəmə tɔ kiŋ, buꞌ vɨ ndɔ bweꞌsə viŋ. Vɨɨ vəyaŋ ndɔ fuu taa mbi maa yizii nyaa, gisə laa vəŋ lùu mə, baa gisə laa yighee yɔ́ kɨkuꞌ. Kɨ viŋ ndɔ beꞌsə vɨɨ vɔ́ me.

Akts 17:11

Vɨɨ fɨ ntɨꞌ Berea nə kii fwisə jəəsə shɔ̀ɔ vɨɨ fɨ ntɨꞌ Tesalonika. Vəŋ zɔ nu Kristo nə fwi yiley, tìi fɨ taa ŋwaꞌlə Nwi shi shi, maa məye laa vənu mbɨə faŋ Pɔɔl nəə gisə nə, lùu yinsəŋ mu?

Akts 20:29

Mə kɔꞌ kɨɨ laa yighee njyə faŋ mə taa meꞌtə viŋ, vɨɨ bwənə ndɔ ŋii taa nwaa viŋ yaa nyaasə bwəsə, faŋ nsə ŋìi taa ŋwaa bisə, kɨ kəə kootə fɨ maa bisə sɔ́.

1 Kɔrintian 12:10

Wə mɔ́ꞌ baa lùu shɔ faŋ Nwi kɔ̀ wutə tɨ́ ŋwə maa məyɨsə vənu və shuu yɔŋvə. Wə mɔ́ꞌ kii wutə maa məfɨꞌtə yigisə Nwi faŋ Nwi də̀ tɨ́ ŋwə. Wə mɔ́ꞌ kii wutə maa məkɨɨ nə vəzwitə və vɨɨ, laa mbə ndɔ̀ fɨ ghɔ Nwi mu. Wə mɔ́ꞌ baa lùu shɔ faŋ ŋwə kìi wutə maa məgi təghaŋ faŋ nshɨ-tɔ wə ghɔ́ kee bee ta zɔ̀ ghaŋ ghɔ́ me. Wə mɔ́ꞌ shɔ faŋ Nwi kɔ̀ wutə tɨ́ ŋwə, tɨ́ kaꞌ ŋwə kɨ twelə ŋiꞌ təgi təghaŋ tɔ́ tɨ́ vɨɨ.

1 Kɔrintian 14:29

Gə fɨ maa vɨɨ mbɨə faŋ vəŋ fɨꞌtə yigisə shuu Nwi, bàw vɨɨ vəbɔɔ gi yigi yɔ́, tɨꞌnə me vɨɨ vətia. Bàw vɨɨ vənshə kɨ nii ywìitə vənu mbɨə faŋ vɨɨ vɔ́ gisə nə, laa lùu yigisə Nwi yinsəŋ mu.

1 Tesalonika 5:20

kee mànə nu ŋkɨə faŋ Nwi kwàŋ shuu vɨɨ, vəŋ gisə me.

1 Tesalonika 5:21

Viŋ kɨ kwaꞌtə vənu vənshə, jìa ŋkɨə faŋ ŋkə kùꞌnə.

2 Tesalonika 2:2

viŋ kɨ duꞌ, wə kee bùulə fwi siŋ me. Kɨ fwi siŋ ghaysə viŋ me! Shi kɔ́ faŋ tɨta Yeso ndɔ baa bəŋ jwi nə, kee ta yikuꞌnə me. Wə kɔlə jwi gi tɨ́ viŋ laa Zwitə Nwi twèlə nu kɔ́ tɨ́ yi, tɨꞌnə me laa gì yia tɨ́ yi, tɨꞌnə me laa nyɔ̀ꞌ yia nɨniŋ, laa shi kɔ́ kùꞌnə, kɨ fwi siŋ ghaysə viŋ shɔ me!

1 Timoti 4:1

Zwitə Ley Nwi gì maa yigisə yileynə laa, ndɔ luu maa yighee shə, vɨɨ mɔ́ꞌ meꞌ nu Kristo faŋ nsiŋ nùŋ fwi saŋ-nsiŋ shɔ nə, nùŋsə fwisə vəŋ maa nu vəzwitə mbɨə faŋ mbə bweꞌsə vɨɨ, baa nə maa vənu faŋ vəzwitə vəbwəvə deesə tɨ́ vɨɨ.

2 Timoti 3:13

Luu nə, vɨɨ bwənə nə vɨɨ məbuulə yitɔ yi vɨɨ gə vɨsɨ vɨsɨ nə nu bwə vəŋ, toꞌ bweꞌsə vɨɨ, vɨɨ bweꞌsə vəŋ nɨzi.

2 Pita 2:1

Luu nə, vɨɨ faŋ vəŋ nəə toꞌ, sɨ̀ɨ təba, gisə yigi laa lùu yigisə shuu Nwi, nə lùu taa ŋwaa vɨɨ Nwi nɨzi. Ŋkə ndɔ lùu taa ŋwaa viŋ sheꞌ nɨndɨŋ, vɨɨ ndɔ jwi faŋ vəŋ toꞌ deesə təba tɨ́ vɨɨ. Vəŋ taa kɨ toꞌ taa ŋwaa viŋ fɨ yiba, deesə mədeesə bwə, faŋ ŋwə taa bɨsə mbɨꞌtə vɨɨ. Vəŋ ndɔ twey tɨta Yeso, faŋ ŋwə nə bwèysə vəŋ fɨ maa vənu vəbwəvə vəŋ. Luu nə, sheꞌ fɨkɨꞌ nee, Nwi taa kwaŋ vəŋ ŋkee taa ŋɨꞌ.

1 Jɔn 2:18

Vaŋ vaŋ, yighee shə kùꞌ. Maa viŋ nə zɔ̀ laa wuu mbeenə Kristo ndɔ jwi. Nɨniŋ, vɨɨ mbeenə Kristo duꞌtə vəŋ fuu vəyaŋ ndwə. Nɨniŋ, nsiŋ kɔꞌ kɨɨ laa lùu yighee shə.

1 Jɔn 2:7

Vɨɨmba vaŋ, mə kee nyɔ̀ꞌ luu ntɨ yifi tɨ́ viŋ me, mə nyɔ̀ꞌ luu sheꞌ ntɨ yimwa faŋ vɨ yaa tɨ viŋ shɔ yighee vɨsɨ, faŋ viŋ nə bɨ zɔ̀ ntɨ Nwi. Ntɨ yimwa yɔ́ lùu nu ŋkɨə faŋ viŋ nə zɔ̀.

2 Jɔn 1:7

Viŋ kɔꞌ kɨɨ laa vɨɨ məbweꞌsə vɨɨ fùu taa mbi vəyaŋ, faŋ vəŋ kee bìŋ laa Yeso Kristo lùu wuu məbweysə ŋwaa-nsiŋ me, faŋ ŋwə ndɔ̀ fɨ ghɔ Nwi me, baa nə laa ŋwə kee jwi mbi gù fa fənshi yaa wə me. Kəŋ wə ghɔ́ lùu wuu məbweꞌsə vɨɨ, baa lùu wuu mbeenə Kristo.

3 Jɔn 1:11

Wuumba ŋwaa, kɨ ghɔ kɨ fiꞌsə vənu vəbwəvə me, kɨ fiꞌsə luu nu jəə. Wə ntɨə faŋ ŋwə yɨ nu jəə, ndɔ̀ fɨ ghɔ Nwi. Wə ntɨə faŋ ŋwə yɨ nu bwə, kee bee yè Nwi me.

Reveleyshən 2:2

«Mə kɨɨ nə vənu və, nə vəfaꞌ faŋ a faꞌ tɨ́ Nwi nə wutə nə, baa kɨ̀ɨ faŋ a jìa fwi yə taa ŋɨꞌ, baa bèe vənu vəbwəvə, mɔ̀ŋ vɨɨ mbɨə faŋ vəŋ gi laa vəŋ lùu vɨɨ ntɔŋ Kristo, luu nə, kee lùu me. A mɔŋ vəŋ, ye laa vəŋ lùu vɨɨ təba mu.