1 Jɔn 3:7 - Vengo (Babungo)

⁷ Vaŋ vaŋ, kɨ viŋ biŋ laa wə bweꞌsə viŋ me. Wə ntɨə faŋ ŋwə yɨ nu loomə, buu vənu vi lòomə yaa mbə Yeso.

1 Jɔn 3:7 ပူးပေါင်းရင်းမြစ်များ

Matiu 5:20

Viŋ zɔ! Mə naysə tɨ́ viŋ laa, viŋ kee kii ŋkawnə nə məzɔnə shɔ̀ɔ vɨɨ mədeesə ŋwaꞌlə Nwi ghɔ vɨ vɨɨ Farisii me, buu kaꞌ viŋ kee ndɔ ŋii nu yifwàŋ yizɔ me.»

Lukas 1:75

faꞌ tɨ́ Nwi nə fwi yiley, vənu vaŋ-nsiŋ luu vəloomə vɨsɨ Nwi maa vəshi vənshə faŋ nsiŋ luu shɨ nsi nyə̀.

Akts 10:35

Kɔlə kɨ luu tɔmə kə, wə faŋ ŋwə fee Nwi, baa yɨsə nu ŋkɨə faŋ ŋkə lùu kəloomə, Nwi kaw ŋwə.

Roma 2:13

Wə kee lùu wuu loomə vɨsɨ Nwi, buꞌ faŋ ŋwə nə zɔ̀ ntɨsə Nwi me. Ŋwə loomə buꞌ faŋ ŋwə yɨsə nu ŋkɨə faŋ ntɨsə sɔ́ gì nə.

1 Kɔrintian 6:9

Viŋ kɔꞌ kɨɨ laa vəyɨ-kəbwə kee ndɔ ŋii taa nu yifwàŋ Nwi me. Kɨ viŋ kɨ bweꞌsə yiŋwaa yiŋ me! Vɨɨ faŋ vəŋ yɨsə vənu vəbwəvə, tɨꞌnə me shi nə vəki, nə vɨɨ faŋ vəŋ feꞌ vənwi, nə vɨɨ faŋ vəŋ meꞌtə vəki vəvəŋ, tìi vəki vəmɔ́ꞌ, nə vəndɔŋ faŋ vəŋ shi nə vəliŋ vəvəŋ vəndɔŋ,

Efesɔs 5:6

Kɨ wə bweꞌsə viŋ nə yigisə dayday buꞌ vənu vɔ́ me! Luu buꞌ kəŋ vənu vɔ́ faŋ nsɔꞌ Nwi ndɔ luu tɔ vɨɨ mbɨə faŋ vəŋ kee zɔnə Nwi me.

Efesɔs 5:9

Faŋ viŋ lùu taa məley ghɔ́, buu viŋ taa kɨ yɨsə vənu vəjəəvə, nə vənu vəloomə, nə vənu və yinsəŋ.

Filipi 1:11

Vənu vəjəəvə ndɔ lwaŋ taa ŋwaa viŋ, viŋ kii nshinə yijəə faŋ nyə ndɔ̀ fɨ ghɔ Yeso Kristo. Nɨniŋ, vɨɨ ye yikwalə Nwi fɨ fuŋ, bəŋsə ŋwə.

Hibru 1:8

Gə̀ fɨ maa ŋwiŋ wi, Nwi nə gì tɨ́ ŋwə laa, «Ghɔ Nwi, yifwàŋ yə ndɔ goꞌsə yighee muꞌ, a sɔꞌ yifwàŋ yə nə yinsəŋ.

Hibru 7:2

Maa yighee yɔ́ Abraham nə ndì vətɔ mbɨə faŋ ŋwə nə fì fɨ yighaw, gàasə vəshəŋ yighuŋ, kɔ̀ shəŋ kəmuꞌ tɨ́ Melkizedek. Gə fɨ maa yizii Melkizedek, ŋiꞌ yizii yi lùu laa, «Fwàŋ faŋ vənu vi lùu vəloomə.» Ŋwə nə luu fwàŋ Salem, faŋ lùu laa fwàŋ məduꞌ-nyɔŋ.

Jeyms 1:22

Viŋ kɨ zɔ yigisə Nwi yɔ́, yɨsə nɨzi, buꞌ viŋ bweꞌsə yiŋwaa yiŋ.

Jeyms 2:19

A biŋ laa Nwi lùu shɔ, baa nə laa Nwi luu sheꞌ muꞌ. Ŋkə lùu kəjəə. Luu nə, ŋkee vəzwitə vəbwəvə bìŋ maa nu kɔ́ nɨzi, kɨ fee, lɔꞌ.

1 Pita 2:24

Kristo nə shàꞌ vənu vəbwəvə vaŋ-nsiŋ maa ŋwə, kù fuu fəŋkɔꞌ fə ŋkɨꞌsə. Nɨniŋ laa nsiŋ gaasə nsiŋ vɨ vənu vəbwəvə, kɨ yɨsə luu vənu vəjəəvə yuu vɨ nə nyɔ̀ꞌ taa ŋwaꞌlə Nwi laa, «Buꞌ vədɨꞌ vi, vənu vəbwəvə vaŋ-nsiŋ mè.»

1 Jɔn 2:1

Vaŋ vaŋ, mə nyɔꞌ vənu və̀ tɨ́ viŋ laa kɨ viŋ baa kɨ yɨ vənu vəbwəvə me. Kɨ luu laa wə gu, yɨ nu bwə, buu Yeso Kristo, wuu ley shɔ, faŋ ŋwə tɨŋ vɨsɨ Nwi, ndwaŋ Nwi tɨ́ nsiŋ.

1 Jɔn 2:26

Mə ŋwaꞌlə nu kɔ́ tɨ́ viŋ buꞌ vɨɨ mbɨə faŋ vəŋ kəə bweꞌsə viŋ nə.

1 Jɔn 2:29

Viŋ kɨ luu kɨ kɨɨ laa vənu və Nwi lùu vəloomə, buu viŋ kɔꞌ kɨɨ nɨzi laa wə ntɨə faŋ ŋwə yɨ vənu vəloomə, lùu wə faŋ nə bì Nwi bì wə ghɔ́.

1 Jɔn 3:18

Nɨniŋ, vaŋ vaŋ, kɨ nsiŋ baa kɨ kaw vaŋ-nshwi vaŋ-nsiŋ sheꞌ fɨ shuu nə yigi me! Bàw nsiŋ kɨ kaw vəŋ maa vənu mbɨə faŋ nsiŋ yɨsə, nə fwi yiley.

1 Jɔn 3:3

Wə ntɨə faŋ ŋwə jìa fwi yi, kɨ kɨꞌ nu kɔ́ fɨ ghɔ Nwi, yɨsə laa fwi yi ley sheꞌ faŋ njii lèy.

1 Jɔn 4:17

Kɨ luu nu kaŋ-nsiŋ fɨ shɨ nsi luu sheꞌ faŋ ŋkə Yeso nə lùu, buu kɨ kaꞌ nsiŋ kàw Nwi nə fwi nyaa-nsiŋ yinshə, buu kɨ kaꞌ nsiŋ ndɔ jia fwi saŋ-nsiŋ maa shi məshia nsɔꞌ.