1 Jɔn 3:23 - Vengo (Babungo)

²³ Ntɨ njyə faŋ Nwi nə kɔ̀ tɨ́ nsiŋ, lùu laa nsiŋ nuŋsə fwi saŋ-nsiŋ maa ŋwiŋ wi Yeso Kristo, kàwnə yiŋwaa nyaa-nsiŋ, sheꞌ faŋ ŋwə nə tɨ̀ nsiŋ nə.

1 Jɔn 3:23 ပူးပေါင်းရင်းမြစ်များ

Matiu 22:39

Njyə faŋ nyə beꞌsə luu sheꞌ yikwalə yaa nyə nɨzi. Nyə lùu laa, «Kɨ kaw wənjɨɨ wə yaa nshɨ-tɔ wə.»

Mark 9:7

Mbɔꞌ kɨ nii koꞌ, shìtə vəŋ. Gɨ Nwi koꞌ fɨ taa mbɔꞌ yɔ́ laa, «Luu ŋkee ŋwiŋ ŋwaa nə, faŋ mə kàw ŋwə. Viŋ zɔnə ŋwə!»

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 1:12

Nə biŋ sheꞌ way vɨɨ bìŋ ŋwə, nùŋ fwisə vəŋ maa ŋwə. Nɨniŋ, ŋwə yɨ vɨɨ mbɨə faŋ vəŋ nùŋ fwisə vəŋ maa ŋwə, luu vaŋ Nwi, buꞌ faŋ vəŋ nə nùŋ fwisə vəŋ maa yizii yi.

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 13:34

Nɨniŋ, mə tɨ viŋ nə ntɨ yifi laa, viŋ kɨ kawnə yiŋwaa yiŋ. Bàw viŋ kɨ kawnə yiŋwaa yiŋ sheꞌ faŋ mə nə kaw viŋ nə.

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 14:1

Yeso baa gì tɨ́ vəŋ laa, «Kɨ fwi siŋ kɨ lɔꞌ me! Viŋ nuŋ fwi siŋ maa Nwi, nə maa mə!

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 15:12

Ntɨ nyaa faŋ mə tɨ viŋ shɔ nə, lùu laa viŋ kɨ kawnə yiŋwaa yiŋ, sheꞌ faŋ mə nə kàw viŋ nə.

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 17:3

Məbwey ghɔ́ faŋ ŋwə gòꞌsə yighee muꞌ nə, lùu faŋ vɨ kɨɨ nə ghɔ, faŋ a lùu Nwi yinsəŋ nɨnɔŋ, baa kɨ̀ɨ nə mə, Yeso Kristo, faŋ a nə tɔ̀ŋ mə nə.

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 2:23

Yiŋkii kɨ shɔɔ, Yeso duꞌ ntɨꞌ Jerusalem maa vəshi və Pasa. Vɨɨ vəyaŋ nuŋ fwisə vəŋ maa ŋwə buꞌ faŋ vəŋ yè vənu və shuu yɔŋvə faŋ ŋwə nə yɨ̀.

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 3:18

Wə ntɨə faŋ ŋwə nùŋ fwi yi maa ŋwə, kee ndɔ ŋii taa nsɔꞌ Nwi me. Wə ntɨə faŋ ŋwə kee biŋ ŋwə me, buu vɨ duꞌtə vɨ sɔꞌ ŋwə, buꞌ faŋ ŋwə kee bìŋ yizii yigɨꞌ Wee Nwi me.

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 6:29

Yeso bəŋsə tɨ́ vəŋ laa, «Faꞌ ŋgwə faŋ kaꞌ viŋ fàꞌ, ŋwə bàw tɨ́ Nwi, lùu laa viŋ nuŋ fwi siŋ maa mə, faŋ nə tɔ̀ŋ Nwi tɔ̀ŋ mə taa mbi.»

Akts 16:31

Vəŋ bəŋsə tɨ́ ŋwə laa, «Nuŋ fwi yə maa Yeso Kristo, buu a ndɔ kii məbwey vəlwaŋ, viŋ vɨ ŋii yə.»

Efesɔs 5:2

Viŋ kɨ toꞌ yitoꞌ yiŋ nə ŋkawnə, sheꞌ faŋ Kristo nə kàw viŋ nə, kù tɔ nsiŋ nə, vɨ feꞌ ŋwə shɔ tɨ́ Nwi. Ŋkə nə bàw tɨ́ Nwi nɨniŋ.

1 Tesalonika 4:9

Gə fɨ maa nu məkaw yiŋwaa yiŋ, ŋkə kee lùu nu faŋ mə taa baa nyɔꞌ tɨ́ viŋ me, buꞌ laa nshɨ-tɔ Nwi deesə viŋ maa məkaw yiŋwaa yiŋ, viŋ viŋ.

1 Timoti 1:15

Yigisə Nwi lùu nu jəə. Bàw vɨɨ vənshə biŋ laa Yeso Kristo nə fùu taa mbi maa məbweysə vɨɨ bwənə, faŋ mə luu nshɔɔ vɨsɨ vəŋ.

1 Pita 1:22

Nɨniŋ, viŋ kaw nə yiŋwaa yiŋ, viŋ viŋ, kee bwa me! Viŋ kaw nə yiŋwaa yiŋ nə fwi yimuꞌ, buꞌ laa viŋ bìŋ maa məyɨ vənu vəjəəvə, tɨ́ kaꞌ fwi siŋ lèy. Viŋ kɨ kaw vaŋ-nshwi viŋ, kee seesə me!

1 Pita 4:8

Nu ŋkɨə faŋ ŋkə shɔ̀ɔ vənu vənshə lùu laa, viŋ kɨ kawnə yiŋwaa yiŋ, kee bwa me, buꞌ laa ŋkawnə yaa kɨ bɔŋ vənu vəbwəvə vəyaŋ.

1 Jɔn 2:7

Vɨɨmba vaŋ, mə kee nyɔ̀ꞌ luu ntɨ yifi tɨ́ viŋ me, mə nyɔ̀ꞌ luu sheꞌ ntɨ yimwa faŋ vɨ yaa tɨ viŋ shɔ yighee vɨsɨ, faŋ viŋ nə bɨ zɔ̀ ntɨ Nwi. Ntɨ yimwa yɔ́ lùu nu ŋkɨə faŋ viŋ nə zɔ̀.

1 Jɔn 3:11

Ntɔŋ njyə faŋ viŋ nə zɔ̀ shu fɨ maa vənzi lùu laa, nsiŋ kɨ kawnə yiŋwaa nyaa-nsiŋ.

1 Jɔn 4:15

Wə ntɨə faŋ ŋwə biŋ ntee laa, Yeso lùu Wee Nwi, buu Nwi taa fwi ŋwə. Ŋwə baa luu gòꞌ fa kəmuꞌ ghɔ Nwi.

1 Jɔn 4:21

Maa ntɨ njyə faŋ Yeso nə tɨ nsiŋ shɔ nə, lùu laa, wə ntɨə faŋ ŋwə kaw Nwi, kɨ kaw weenshu wi nɨzi.

1 Jɔn 5:13

Mə nyɔꞌ nu kɔ́ tɨ́ viŋ, faŋ viŋ nùŋ fwi siŋ maa Wee Nwi, laa viŋ kɔꞌ kɨɨ laa məbwey vəlwaŋ ghɔ viŋ.