1 Jɔn 3:21 - Vengo (Babungo)

²¹ Vɨɨmba vaŋ, fwi saŋ-nsiŋ kɨ luu kee kɨ sɔꞌ nsiŋ me, buu kɨ kaꞌ nsiŋ jìa fwi saŋ-nsiŋ vɨsɨ Nwi,

1 Jɔn 3:21 ပူးပေါင်းရင်းမြစ်များ

Roma 14:22

Nu ŋkɨə faŋ a bìŋ taa fwi ghɔ, a nùŋsə maa nshɨ-tɔ wə vɨsɨ Nwi. Mənɔŋ-bwaŋnə tɨ́ wə ntɨə faŋ ŋwə biŋ nu, tɨ́ kaꞌ fwi yi kee baa sɔꞌ ŋwə buꞌ nu kɔ́ faŋ ŋwə biŋ nə me.

1 Kɔrintian 4:4

Yinsəŋ, mə kee kɨ̀ɨ nə nu faŋ mə gù me. Luu nə, kee ndɔ shia mə shia nsɔꞌ tɔ nyaa yuu lee nsɔꞌ me. Sɔꞌ sheꞌ Nwi sɔꞌ mə faŋ mə kìi nsɔꞌ.

2 Kɔrintian 1:12

Nu ŋkɨə faŋ kaꞌ yia koꞌsə ŋwaa shɔ, lùu laa tɔ kia bìŋ laa ghuu yitoꞌ kia fɨ taa mbi nə bàw, baa ley vɨsɨ Nwi. Yia nəə kee toꞌ nə yitɔfə vɨɨ fɨ taa mbi me, toꞌ sheꞌ faŋ Nwi nə də̀ tɨ́ yia, faŋ ŋwə nə kèe gəŋ sia nə. Yia nəə toꞌ nɨniŋ fɨ taa mbi nyə̀, toꞌ nɨniŋ ŋkee jəə taa ŋwaa viŋ.

Efesɔs 3:12

Nsiŋ kii fwi yizutə vɨsɨ Nwi buꞌ Kristo ndwə. Kɨ kaꞌ nsiŋ jìa fwi saŋ-nsiŋ, gə̀ ye Nwi nə məŋaytə, buꞌ faŋ nsiŋ nùŋ fwi saŋ-nsiŋ maa Yeso Kristo.

1 Timoti 2:8

Nɨniŋ, mə kəə laa vəndɔŋ kɨ shɔꞌtə Nwi maa vəshəŋ vənshə faŋ viŋ shəŋtə shɔ nə, shaꞌsə ghɔ vəŋ yizɔ. Bàw vəndɔŋ kɨ shɔꞌtə Nwi nə fwi yimuꞌ, tuu nu bwə kee lùu maa vəŋ me, fwi vəŋ kee kɨ shəsə me.

Hibru 10:22

Nɨniŋ, bàw nsiŋ nuŋ fwi saŋ-nsiŋ maa Yeso, jwì yɨ Nwi nə fwi yiley, buꞌ laa mənshi mə Yeso yɨsə fwi saŋ-nsiŋ ley. Nsiŋ lùu vɨɨ faŋ vəŋ sɔ̀ yiŋwaa yivəŋ ŋkee taa muu məleymə, faŋ nsiŋ nə fì muu mə Nwi nə.

Hibru 4:16

Nɨniŋ, bàw nsiŋ kii fwi yiweꞌ, kɨ jwi nə məŋaytə maa shəŋ kenə Nwi ŋkɨə faŋ ŋwə kee gəŋsə vɨɨ shɔ nə. Bàw nsiŋ gə maa shəŋ kɔ́ tɨ́ kaꞌ nsiŋ kìi mənɔŋ-bwaŋnə fɨ fuŋ, Nwi taa kɨ kee gəŋ saŋ-nsiŋ, baa gaŋtə nsiŋ maa yighee njyə faŋ nyə kùꞌnə.

1 Jɔn 2:28

Vaŋ vaŋ, bàw viŋ kii fa kəmuꞌ viŋ vɨ Yeso! Nɨniŋ laa shi ŋkɨə faŋ ŋwə ndɔ bəŋ jwì fùu ntee, nsiŋ kɨꞌ vənu nə məŋaytə. Kɨ tɔ kaŋ-nsiŋ dɨɨ faŋ ŋwə ndɔ jwi fùu ntee me!

1 Jɔn 2:7

Vɨɨmba vaŋ, mə kee nyɔ̀ꞌ luu ntɨ yifi tɨ́ viŋ me, mə nyɔ̀ꞌ luu sheꞌ ntɨ yimwa faŋ vɨ yaa tɨ viŋ shɔ yighee vɨsɨ, faŋ viŋ nə bɨ zɔ̀ ntɨ Nwi. Ntɨ yimwa yɔ́ lùu nu ŋkɨə faŋ viŋ nə zɔ̀.

1 Jɔn 3:2

Vɨɨmba vaŋ, nsiŋ luu vaŋ Nwi ndwə. Luu nə, fa ŋkɨə faŋ nsiŋ ndɔ luu nə, ŋkə kee ta fùu ntee yikəꞌ vɨɨ me. Nsiŋ kɨɨ sheꞌ laa, yighee njyə faŋ ŋkə ndɔ fuu ntee sɨ vɨɨ, nsiŋ kɨ nii lùu yuu ŋwə, buꞌ faŋ nsiŋ ndɔ ye ŋwə faŋ ŋwə lùu.

1 Jɔn 3:20

Ŋkə lùu nɨniŋ buꞌ laa Nwi kwàlə shɔ̀ɔ fwi saŋ-nsiŋ, kɨ̀ɨ nə vənu vənshə, kèe gəŋ saŋ-nsiŋ, yighee njyə faŋ fwi saŋ-nsiŋ sɔꞌ nsiŋ maa nu mɔ́ꞌ.

1 Jɔn 4:17

Kɨ luu nu kaŋ-nsiŋ fɨ shɨ nsi luu sheꞌ faŋ ŋkə Yeso nə lùu, buu kɨ kaꞌ nsiŋ kàw Nwi nə fwi nyaa-nsiŋ yinshə, buu kɨ kaꞌ nsiŋ ndɔ jia fwi saŋ-nsiŋ maa shi məshia nsɔꞌ.

1 Jɔn 5:14

Nu ŋkɨə faŋ kaꞌ nsiŋ jìa fwi shɔ vɨsɨ Nwi, lùu laa, Nwi yaa kɨ zɔ nu ŋkɨə faŋ nsiŋ buꞌ ghɔ, ndwaŋ fɨ ghɔ ŋwə, faŋ lùu nu faŋ fwi Nwi kàw.