1 Jɔn 3:2 - Vengo (Babungo)

² Vɨɨmba vaŋ, nsiŋ luu vaŋ Nwi ndwə. Luu nə, fa ŋkɨə faŋ nsiŋ ndɔ luu nə, ŋkə kee ta fùu ntee yikəꞌ vɨɨ me. Nsiŋ kɨɨ sheꞌ laa, yighee njyə faŋ ŋkə ndɔ fuu ntee sɨ vɨɨ, nsiŋ kɨ nii lùu yuu ŋwə, buꞌ faŋ nsiŋ ndɔ ye ŋwə faŋ ŋwə lùu.

1 Jɔn 3:2 ပူးပေါင်းရင်းမြစ်များ

Matiu 5:8

Mənɔŋ-bwaŋnə tɨ́ vɨɨ mbɨə faŋ fwisə vəŋ lùu səley, fɔnə vəŋ ndɔ gə ye Nwi.

Lukas 17:30

Ŋkə ndɔ luu sheꞌ nɨniŋ maa shi ŋkɨə faŋ Wuu yinsəŋ Nwi ndɔ baa fuu ntee.

Lukas 20:36

Luu nɨniŋ buꞌ laa kaꞌ vəŋ ndɔ kee baa kùkə me. Vəŋ ndɔ luu sheꞌ yaa nshiisə-ŋiisə Nwi, baa luu ŋkee vaŋ Nwi, buꞌ faŋ Nwi yweysə vəŋ fɨ shɨ yiku nə.

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 1:12

Nə biŋ sheꞌ way vɨɨ bìŋ ŋwə, nùŋ fwisə vəŋ maa ŋwə. Nɨniŋ, ŋwə yɨ vɨɨ mbɨə faŋ vəŋ nùŋ fwisə vəŋ maa ŋwə, luu vaŋ Nwi, buꞌ faŋ vəŋ nə nùŋ fwisə vəŋ maa yizii yi.

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 11:52

baa nə laa ŋwə nə kee ku sheꞌ buꞌ vɨɨ Jus me, ŋwə nə kù tɔ vɨɨ vənshə faŋ vəŋ lùu vaŋ Nwi, taa məshɨ mənshə fɨ mbi maa məfaynə vəŋ.

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 17:24

Tɨta, mə kəə laa vɨɨ mbɨə faŋ a nə kɔ̀ shee nə, ndɔ lùu yia vɨ vəŋ mɔ́ꞌ maa shəŋ ŋkɨə faŋ mə ndɔ lùu shɔ, laa vəŋ ndɔ ye yikwalə njyə faŋ a nə kɔ̀ shee, buꞌ laa a nə kàw mə shù fɨ maa yighee njyə faŋ mbi nyə̀ nə kee ta lùu shɔ me.

Roma 8:16

Zwitə Ley Nwi kɔ́ faynə ŋwaa ghɔ zwitə kaŋ-nsiŋ tɨ́ kaꞌ nsiŋ kɔꞌ kɨɨ laa nsiŋ lùu vaŋ Nwi.

Roma 8:18

Mə bɨꞌtə ŋkee yinsəŋ laa, ŋɨꞌ njyə faŋ nsiŋ ye ndwə nə, kee lùu nu, faŋ nsiŋ lumə yikwalə njyə faŋ Nwi ndɔ kɨ kɔ tɨ́ nsiŋ ntee nə me.

Roma 8:19

Vətɔ fɨ taa mbi vənshə faŋ Nwi nə nàysə, mbə kɨꞌ yighee njyə faŋ vaŋ Nwi ndɔ fuu ntee nə yikwalə Nwi nə.

Roma 8:29

Lùu nɨniŋ buꞌ laa vɨɨ mbɨə faŋ Nwi nə kɨ̀ɨ nə vəŋ shù fɨ yighee vɨsɨ nə, ŋwə nə nùŋsə vəŋ laa vəŋ ndɔ fɨnə ŋwiŋ wi. Nɨniŋ laa ŋwiŋ wi ghɔ́ kìi vaŋ-nshwi vi vəyaŋ, baa lùu nshɔɔ vɨsɨ vəŋ.

1 Kɔrintian 13:12

Vənu faŋ nsiŋ ye ndwə, nsiŋ kee ye vəley me. Nsiŋ ye sheꞌ yaa vɨ ye taa ŋwaꞌlə məye sɨ, faŋ ŋwə kee lùu ley me. Ndɔ luu shi mɔ́ꞌ, nsiŋ ye Nwi nə sɨ nə sɨ. Ndwə yitɔfə nyaa-nsiŋ kee ta yikuꞌnə me. Ndɔ luu shi kɔ́, vənu vənshə luu vəley tɨ́ nsiŋ, sheꞌ faŋ Nwi kɨ̀ɨ nə nsiŋ maa vənu vənshə.

1 Kɔrintian 15:49

Ndwə nsiŋ lùu yaa wə ntɨə faŋ Nwi nə bɔ̀ŋ nə shɔꞌ nə. Shi mɔ́ꞌ nsiŋ ndɔ luu yaa wə ŋgwii-wə faŋ ŋwə nə jwì fɨ yizɔ nə.

1 Kɔrintian 2:9

Lùu nu yinsəŋ faŋ vɨ nə nyɔ̀ꞌ taa ŋwaꞌlə Nwi laa, «Nwi lootə ŋkee nu kwalə tɨ́ vɨɨ mbɨə faŋ vəŋ kaw ŋwə. Lùu nu faŋ tuu wə nə kee ta yiye me, baa lùu nu faŋ tuu wə nə kee ta yizɔ me, baa lùu nu faŋ tuu wə nə kee ta yibɨꞌtə me.»

2 Kɔrintian 3:18

Nɨniŋ, nsiŋ vənshə kee baa kìi njwi yɔ́ yikəꞌ nsiŋ me. Mɔꞌmbi, faŋ ŋwə bàw shɨlə nə, bee yikəꞌ nsiŋ, nsiŋ kiasə gù yuu ŋkɨꞌnə yi, bàw, gə̀ vɨsɨ vɨsɨ, buꞌ laa yɨ̀sə Zwitə Mɔꞌmbi nɨniŋ. Nɨniŋ, nsiŋ lùu yaa ŋwaꞌlə məye sɨ faŋ vɨɨ ye məbaw Nwi fɨ fuŋ.

2 Kɔrintian 4:17

Faŋ nsiŋ ye ŋɨꞌ ndwə nə, nsiŋ ndɔ zɨ ŋkee nu kwalə faŋ ŋkə shɔ̀ɔ ki, gòꞌsə yighee muꞌ. Nɨniŋ, nu ŋɨꞌ yɔ́ luu sheꞌ nu tɨtiꞌ faŋ nyə taa tay sheꞌ maa wee-fɨ-yighee nee.

Galatia 3:26

Viŋ lumə laa, viŋ faŋ viŋ kìi nu kəmuꞌ, viŋ vɨ Yeso Kristo, viŋ lùu vaŋ Nwi, buꞌ laa viŋ nùŋ fwi siŋ maa ŋwə.

Galatia 4:6

Faŋ viŋ lùu vaŋ Nwi, Nwi tɔ̀ŋ Zwitə ŋwiŋ wi, ŋkə jwi ŋìi taa fwisə nsiŋ. Zwitə ki kɔ́ yɨsə laa nsiŋ tii Nwi laa, «Tii wia, tɨta.»

Filipi 3:21

Yighee njyə faŋ ŋwə ndɔ jwi, ŋwə ndɔ yɨsə laa yiŋku yiŋwaa nyaa-nsiŋ nyə̀ gù yaa ŋwaa wi faŋ ŋwə bàw shɨlə nə. Ŋwə ndɔ yɨ nu kɔ́ nə wutə ki kəkwalə, ŋkɨə faŋ ŋkə ndɔ yɨ vətɔ vənshə fɨ mbi zɔnə ŋwə.

Kɔlɔsii 3:4

Kristo lùu məbwey fi ŋwaa-nsiŋ ghɔ́. Yighee njyə faŋ ŋwə ndɔ baa fuu ntee, ŋwə ndɔ fuu nsiŋ vɨ vəŋ mɔ́ꞌ. Nsiŋ ndɔ kii fɨ maa yikwalə yi.

Hibru 9:28

Sheꞌ nɨniŋ, Kristo nə fɔŋ jwì kù yighee muꞌ, laa ŋwə yɨsə vɨɨ vəyaŋ nyɨŋ fɨ taa nu bwə vəŋ, baa nə laa ŋwə ndɔ baa bəŋ jwi mbi nyə̀, lwesə ghee bɔɔ. Maa yighee yɔ́ ŋwə ndɔ kee baa jwi maa məsɔ nu bwə vɨɨ me; ŋwə ndɔ bee kii jwi maa məkɔ məbwey vəlwaŋ tɨ́ vɨɨ vi faŋ vəŋ kɨꞌ ŋwə nə.

2 Pita 1:4

Nɨniŋ, ŋwə nə kèy nsiŋ nə vənu vəkwalə mbɨə faŋ ŋwə nə kɔ̀ꞌnə maa məkɔ tɨ́ nsiŋ, faŋ lùu ŋkee sey kwalə tɨ́ nsiŋ. Buꞌ vənu vɔ́, kaꞌ viŋ nyɨŋ fɨ ghɔ vənu vəbwəvə faŋ mbə lùu taa mbi, faŋ lùu mbɨꞌtə vɨɨ məyɨ vənu vəbwəvə. Kaꞌ viŋ bee kii jwi kìi nshinə yaa njyə Nwi.

1 Jɔn 2:28

Vaŋ vaŋ, bàw viŋ kii fa kəmuꞌ viŋ vɨ Yeso! Nɨniŋ laa shi ŋkɨə faŋ ŋwə ndɔ bəŋ jwì fùu ntee, nsiŋ kɨꞌ vənu nə məŋaytə. Kɨ tɔ kaŋ-nsiŋ dɨɨ faŋ ŋwə ndɔ jwi fùu ntee me!

1 Jɔn 2:7

Vɨɨmba vaŋ, mə kee nyɔ̀ꞌ luu ntɨ yifi tɨ́ viŋ me, mə nyɔ̀ꞌ luu sheꞌ ntɨ yimwa faŋ vɨ yaa tɨ viŋ shɔ yighee vɨsɨ, faŋ viŋ nə bɨ zɔ̀ ntɨ Nwi. Ntɨ yimwa yɔ́ lùu nu ŋkɨə faŋ viŋ nə zɔ̀.

1 Jɔn 3:1

Viŋ zɔ! Nwi kàw nsiŋ dɨdɨꞌ. Kaꞌ nsiŋ kɔꞌ kɨɨ laa tɨta Nwi kàw nsiŋ, buꞌ laa ŋwə tii nsiŋ nə vaŋ Nwi. Yinsəŋ nsiŋ lùu vaŋ vi. Nɨniŋ, vɨɨ fɨ mbi kee kɨ̀ɨ nə nsiŋ me, buꞌ laa vəŋ kee kɨ̀ɨ nə Nwi me.

1 Jɔn 3:10

Nu ŋkɨə faŋ vɨ yaa kɨ kɨɨ nə vaŋ Nwi nə vaŋ Satan fuŋ, lùu laa, wə tɨ̀ me wə faŋ ŋwə kee yɨ nu loomə me, nə wə ntɨə faŋ ŋwə kee kàw weenshu wi me, kee ndɔ̀ fɨ ghɔ Nwi me.

1 Jɔn 3:21

Vɨɨmba vaŋ, fwi saŋ-nsiŋ kɨ luu kee kɨ sɔꞌ nsiŋ me, buu kɨ kaꞌ nsiŋ jìa fwi saŋ-nsiŋ vɨsɨ Nwi,

1 Jɔn 5:1

Wə ntɨə faŋ ŋwə biŋ laa Yeso lùu wuu məbweysə vɨɨ, faŋ ŋwə ndɔ̀ fɨ ghɔ Nwi, buu bì Nwi bì wə ghɔ́. Maa wə ntɨə faŋ ŋwə kaw tɨɨ vaŋ, kaw vaŋ vi nɨzi.

Reveleyshən 2:28

(Mə ndɔ wutə kɔ́ tɨ́ ŋwə,) sheꞌ faŋ Tii ŋwaa nə kɔ̀ shee nə. Mə baa kɔ fəjwiŋ fɨ taa nshia-ndoo-mbisɨ tɨ́ ŋwə nɨzi.»

Reveleyshən 22:4

Vəŋ ye yikəꞌ yi. Vɨ nyɔ̀ꞌ yizii yi mbootɔ vəŋ.