1 Jɔn 3:16 - Vengo (Babungo)

¹⁶ Nu ŋkɨə faŋ kaꞌ nsiŋ kɨ̀ɨ nə nu məkaw wə fɨ fuŋ, lùu faŋ Yeso nə bìŋ yiku, kù tɔ nsiŋ nə. Ŋkaŋ-nsiŋ nu kɨ nii lùu laa, nsiŋ baa luu bìŋ yiku tɔ vaŋ-nshwi vaŋ-nsiŋ.

1 Jɔn 3:16 ပူးပေါင်းရင်းမြစ်များ

Matiu 20:28

Fɔnə Wuu yinsəŋ Nwi nə kee jwì laa vɨɨ kɨ faꞌ tɨ́ ŋwə me. Ŋwə nə bee kii jwi maa məfaꞌ tɨ́ vɨɨ, kɔ̀ ŋwaa wi tɨ́ yiku maa məbweysə vɨɨ vəyaŋ.»

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 10:11

«Mə lùu yaa nshii bisə yijəə. Nshii bisə yijəə yaa kɨ ku tɔ bisə si.

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 10:15

Luu sheꞌ faŋ Tii ŋwaa kɨ̀ɨ nə mə; mə baa kɨ̀ɨ nə Tii ŋwaa. Nɨniŋ, mə bìŋ maa məku tɔ bisə saŋ maa məbweysə nsə.

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 13:34

Nɨniŋ, mə tɨ viŋ nə ntɨ yifi laa, viŋ kɨ kawnə yiŋwaa yiŋ. Bàw viŋ kɨ kawnə yiŋwaa yiŋ sheꞌ faŋ mə nə kaw viŋ nə.

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 3:16

Nwi nə kàw mbi dɨdɨꞌ, tɔ̀ŋ yigɨꞌ ŋwiŋ wi laa, vɨɨ vənshə faŋ vəŋ nùŋ fwisə vəŋ maa ŋwə, kee ndɔ ndi me, zɨ̀ məbwey vəlwaŋ faŋ ŋwə gòꞌsə yighee muꞌ.

Akts 20:28

Nɨniŋ, viŋ kɨ shiinə yiŋwaa yiŋ, baa shii nwaa vɨɨ mbɨə faŋ Zwitə Ley Nwi nùŋsə taa ghɔ viŋ nə. Viŋ luu nshiisə vɨɨ Kristo, faŋ ŋwə nə shòꞌ vəŋ, kù tɔ vəŋ nə.

Roma 16:4

Vəŋ nəə kəə biŋ ŋkee maa məku tɔ mə, maa məbweysə mə faŋ vɨɨ nəə shoꞌ ghuu ŋaa nə. Kee bwaŋ mə bwaŋ vəŋ nɨnɔŋ me, vəməshəŋtə və vɨɨ Kristo vənshə fɨ taa tətɔŋ fu bwaŋ vəŋ nɨzi.

Roma 5:8

Gə fɨ maa Nwi, ŋwə nə də ŋkawnə yi faŋ ŋwə kàw nsiŋ dɨdɨꞌ nə, faŋ Kristo nə kù tɔ nsiŋ maa yighee njyə faŋ nsiŋ nəə kɨ bii vəyɨ-kəbwə.

2 Kɔrintian 4:12

Nɨniŋ, yiku faꞌ faꞌ wi taa ŋwaa yia, məbwey faꞌ faꞌ wi taa ŋwaa viŋ.

Efesɔs 5:2

Viŋ kɨ toꞌ yitoꞌ yiŋ nə ŋkawnə, sheꞌ faŋ Kristo nə kàw viŋ nə, kù tɔ nsiŋ nə, vɨ feꞌ ŋwə shɔ tɨ́ Nwi. Ŋkə nə bàw tɨ́ Nwi nɨniŋ.

Efesɔs 5:25

Gə fɨ maa viŋ, vəndɔŋ, viŋ kɨ kawnə vəki viŋ, sheꞌ faŋ Kristo nə kàw nwaa vɨɨ vi, kù tɔ vəŋ nə.

Filipi 2:17

Məbiŋ wiŋ faŋ viŋ biŋ Kristo nə, lùu yaa ndey faŋ viŋ fèꞌ tɨ́ Nwi. Kɨ yighee mɔ́ꞌ məbwey ŋwaa ndɔ ndi, buu lùu yaa fa faŋ vɨ ndi, kùꞌsə maa ndey yɔ́. Ŋkə taa luu nɨniŋ, buu mə taa kii məŋaytə taa fwi mə; nsiŋ baa faynə yiŋwaa, kɨ ŋaytə.

Filipi 2:30

Viŋ kɔꞌ kɨɨ laa nu ŋkɨə faŋ ŋkə yɨ̀ faŋ ŋwə yaa zasə, kɨ kəə ku nə, luu buꞌ faꞌ ŋgwə faŋ ŋwə faꞌ tɨ́ Kristo nə. Viŋ nə tɔ̀ŋ ŋwə shee, laa ŋwə metə faꞌ wiŋ shee. Ŋwə nə biŋ jwi faŋ nə kɔlə luu ntɔŋ tɨ́ kaꞌ ŋwə gə shɔ ku nə.

1 Tesalonika 2:8

Buꞌ ŋkawnə yia maa viŋ, yia nə kee kaw sheꞌ laa yia fɨꞌtə ntɔŋ yijəə Nwi tɨ́ viŋ me. Yia nə bee kii kɔ̀ yiŋwaa yia tɨ́ viŋ, buꞌ faŋ yia kaw viŋ dɨdɨꞌ.

Taytəs 2:13

Nsiŋ kɨ kɨꞌ nu mənɔŋ-bwaŋnə Nwi, faŋ ŋwə ndɔ kɔ məbwey vəlwaŋ tɨ́ nsiŋ, baa kɨꞌ yighee njyə faŋ feenə Nwi, faŋ luu ŋkee Nwi kwalə nə, ndɔ fuu ghɔ Yeso Kristo, wuu məbweysə ŋwaa-nsiŋ,

1 Pita 1:18

Viŋ kɔꞌ kɨɨ laa Yeso nə shùꞌ viŋ fɨ maa ghuu yitoꞌ ŋkɔmə ŋkɨə faŋ vətɨɨ viŋ nəə toꞌ nə, mwə̀sə viŋ shɔ, kee shùꞌ nə vətɔ vədayday yaa ka me.

1 Pita 2:24

Kristo nə shàꞌ vənu vəbwəvə vaŋ-nsiŋ maa ŋwə, kù fuu fəŋkɔꞌ fə ŋkɨꞌsə. Nɨniŋ laa nsiŋ gaasə nsiŋ vɨ vənu vəbwəvə, kɨ yɨsə luu vənu vəjəəvə yuu vɨ nə nyɔ̀ꞌ taa ŋwaꞌlə Nwi laa, «Buꞌ vədɨꞌ vi, vənu vəbwəvə vaŋ-nsiŋ mè.»

1 Pita 3:18

Kristo nə kù yighee muꞌ buꞌ vənu vəbwəvə faŋ vɨɨ yɨ̀sə. Ŋkee wə ntɨə faŋ vənu vi lùu vəloomə, kù tɔ vɨɨ faŋ vənu vəvəŋ kee lùu vəloomə me, laa ŋwə kiasə nsiŋ, kɔ̀ tɨ́ Nwi. Vɨ nə zwì mbasə ŋwaa wi, luu nə, zwitə ki bwey.

1 Jɔn 2:6

Wə ntɨə faŋ ŋwə toꞌ ghuu yitoꞌ ki sheꞌ faŋ Yeso Kristo nəə toꞌ, buu kaꞌ wə ghɔ́ gì laa yi shi ghɔ Nwi.

1 Jɔn 2:9

Wə ntɨə faŋ ŋwə gì laa yi lùu taa shɨshwi ley, baa bee weenshu wi, buu ŋwə kɨ bii taa mfiŋsə.

Reveleyshən 1:5

baa nə fɨ ghɔ Yeso Kristo faŋ ŋwə nə də̀ yinsəŋ Nwi ŋkee yiley, fì vɨsɨ maa məywey fɨ shɨ yiku, sɔꞌ vəfwàŋ fɨ shɨ nsi nɨzi. Ŋwə baa luu kàw nsiŋ, kù tɔ nsiŋ maa məbweysə nsiŋ fɨ taa vənu vəbwəvə vaŋ-nsiŋ,

Reveleyshən 5:9

Vəŋ nə zwà nyay yifi laa, «A kùꞌnə maa məfi ŋwaꞌlə ghɔ́, shoꞌ vəlay vi, buꞌ laa a nə bìŋ vɨ zwi ghɔ, a ku, ywàŋ vɨɨ nə mənshi mə, yɨsə vɨɨ fɨ maa təkuu tə vɨɨ tənshə, nə təghaŋ tənshə, nə fɨ maa ŋgwisə vɨɨ vənshə, nə fɨ maa məshɨ mənshə, lùu vɨɨ Nwi.