1 Jɔn 3:10 - Vengo (Babungo)

¹⁰ Nu ŋkɨə faŋ vɨ yaa kɨ kɨɨ nə vaŋ Nwi nə vaŋ Satan fuŋ, lùu laa, wə tɨ̀ me wə faŋ ŋwə kee yɨ nu loomə me, nə wə ntɨə faŋ ŋwə kee kàw weenshu wi me, kee ndɔ̀ fɨ ghɔ Nwi me.

1 Jɔn 3:10 ပူးပေါင်းရင်းမြစ်များ

Matiu 13:38

Yindɨɨ yɔ́ faŋ ŋwə mɔ̀ꞌ say ghɔ́ shɔ nə, lùu taa mbi. Say jəənə ghɔ́ lùu vɨɨ mbɨə faŋ vəŋ ndɔ ŋii nu yifwàŋ yizɔ. Ŋwa ghɔ́ lùu vaŋ tɨɨ vəzwitə vəbwəvə.

Lukas 6:35

Nɨniŋ, viŋ kɨ kaw luu vɨɨ mbeenə viŋ. Viŋ kɨ yɨsə vənu vəjəəvə, shwaꞌ vɨɨ nə ka, kee kɨ tə sɨ maa məbaa fi me. Viŋ yɨ̀ nɨniŋ, buu sey wiŋ ndɔ yaŋ. Viŋ luu vaŋ Nwi Nshɔɔ-mbi, buꞌ laa ŋwə yɨsə jəə maa vɨɨ vənshə, nə tɨ́ vɨɨ faŋ vəŋ kee kɔ bwaŋ-wee tɨ́ ŋwə me, nə tɨ́ vɨɨ vəŋwiŋ nɨzi.

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 1:12

Nə biŋ sheꞌ way vɨɨ bìŋ ŋwə, nùŋ fwisə vəŋ maa ŋwə. Nɨniŋ, ŋwə yɨ vɨɨ mbɨə faŋ vəŋ nùŋ fwisə vəŋ maa ŋwə, luu vaŋ Nwi, buꞌ faŋ vəŋ nə nùŋ fwisə vəŋ maa yizii yi.

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 11:52

baa nə laa ŋwə nə kee ku sheꞌ buꞌ vɨɨ Jus me, ŋwə nə kù tɔ vɨɨ vənshə faŋ vəŋ lùu vaŋ Nwi, taa məshɨ mənshə fɨ mbi maa məfaynə vəŋ.

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 8:44

Tii wiŋ lùu Satan, tɨɨ vəzwitə vəbwəvə. Viŋ yɨsə sheꞌ vənu mbɨə faŋ tii wiŋ Satan kàw. Shù fɨ maa vənzi, Satan nə luu wuu məzwilə vɨɨ. Ŋwə kee kàw yinsəŋ me, nu yinsəŋ kee lùu taa fwi ŋwə tuu kəmuꞌ me. Ŋwə gisə sɨɨ sheꞌ ba, yuu nshinə yi dùꞌ, buꞌ laa ŋwə lùu wuu ba, baa lùu tɨɨ təba.

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 8:47

Wə kɨ luu, lùu wee Nwi, buu ŋwə taa kɨ zɔ yigisə Nwi biŋ. Nu ŋkɨə faŋ ŋkə yɨ̀ laa kɨ viŋ zɔ yigisə Nwi kee biŋ me, luu buꞌ laa viŋ kee lùu vaŋ Nwi me.»

Akts 13:10

«A lùu wee zwitə bwə, faŋ təba nə mənay lwàŋ taa ŋwaa ghɔ. A lùu wuu mbeenə nu loomə. Nə kɨ kaꞌ a kee mèꞌtə kee kɨ bùulə jɨɨ tɨta Nwi faŋ nyə lùu yineꞌtə nə yimu?

Roma 13:8

Kɨ viŋ jia yikɔɔ wə me. Yikɔɔ njyə faŋ kaꞌ viŋ kìi, lùu laa viŋ kaw wə nə wə. Wə ntɨə faŋ ŋwə kàw weenshu wi, zɔnə ntɨsə Nwi.

Efesɔs 5:1

Nɨniŋ, viŋ ndi ghuu yitoꞌ Nwi buꞌ laa viŋ lùu vaŋ vi, faŋ ŋwə kaw viŋ.

Kɔlɔsii 3:14

Nu ŋkɨə faŋ ŋkə shɔ̀ɔ vənu vəjəəvə vɔ́ vənshə, lùu laa viŋ kaw wə nə wə. Viŋ kɔꞌ kɨɨ laa ŋkawnə yɨsə vɨɨ faynə gu fa kəmuꞌ. Nshinə vəŋ kɨ nii bàw shɨlə.

1 Timoti 1:5

Ŋkee ŋiꞌ nu Nwi lùu laa, nsiŋ kɨ kaw nə yiŋwaa nyaa-nsiŋ nə fwi yiley. Nsiŋ kii ŋkawnə yɔ́ faŋ nu kaŋ-nsiŋ lùu kəley, buꞌ faŋ nsiŋ nùŋ fwi saŋ-nsiŋ maa Kristo ŋkee maa yinsəŋ.

1 Jɔn 2:29

Viŋ kɨ luu kɨ kɨɨ laa vənu və Nwi lùu vəloomə, buu viŋ kɔꞌ kɨɨ nɨzi laa wə ntɨə faŋ ŋwə yɨ vənu vəloomə, lùu wə faŋ nə bì Nwi bì wə ghɔ́.

1 Jɔn 3:1

Viŋ zɔ! Nwi kàw nsiŋ dɨdɨꞌ. Kaꞌ nsiŋ kɔꞌ kɨɨ laa tɨta Nwi kàw nsiŋ, buꞌ laa ŋwə tii nsiŋ nə vaŋ Nwi. Yinsəŋ nsiŋ lùu vaŋ vi. Nɨniŋ, vɨɨ fɨ mbi kee kɨ̀ɨ nə nsiŋ me, buꞌ laa vəŋ kee kɨ̀ɨ nə Nwi me.

1 Jɔn 3:2

Vɨɨmba vaŋ, nsiŋ luu vaŋ Nwi ndwə. Luu nə, fa ŋkɨə faŋ nsiŋ ndɔ luu nə, ŋkə kee ta fùu ntee yikəꞌ vɨɨ me. Nsiŋ kɨɨ sheꞌ laa, yighee njyə faŋ ŋkə ndɔ fuu ntee sɨ vɨɨ, nsiŋ kɨ nii lùu yuu ŋwə, buꞌ faŋ nsiŋ ndɔ ye ŋwə faŋ ŋwə lùu.

1 Jɔn 4:21

Maa ntɨ njyə faŋ Yeso nə tɨ nsiŋ shɔ nə, lùu laa, wə ntɨə faŋ ŋwə kaw Nwi, kɨ kaw weenshu wi nɨzi.

1 Jɔn 4:6

Gə fɨ maa nsiŋ, nsiŋ lùu fɨ ghɔ Nwi. Wə ntɨə faŋ ŋwə kɨ̀ɨ nə Nwi, zɔ yigisə nyaa-nsiŋ. Wə ntɨə faŋ ŋwə kee ndɔ̀ fɨ ghɔ Nwi me, kee zɔ yigisə nyaa-nsiŋ me. Lùu nu ŋkɨə faŋ kɨ kaꞌ nsiŋ kɨ̀ɨ nə nu Zwitə Ley yinsəŋ, nə nu zwitə məbweꞌsə vɨɨ.

1 Jɔn 4:8

Wə ntɨə faŋ ŋwə kee kàw weenshu wi me, kee kɨ̀ɨ nə Nwi me, buꞌ laa Nwi lùu wuu ŋkawnə.

1 Jɔn 5:19

Nsiŋ kɔꞌ kɨɨ laa nsiŋ lùu vɨɨ Nwi. Gə fɨ maa vɨɨ mbi, mbi yinshə lùu ghɔ tɨɨ vəzwitə vəbwəvə.

1 Jɔn 5:2

Nɨniŋ, nu ŋkɨə faŋ kaꞌ nsiŋ kɨ̀ɨ laa nsiŋ kaw vaŋ Nwi, lùu faŋ nsiŋ kaw nshɨ-tɔ Nwi, nùŋsə ntɨ si faŋ ŋwə nə kɔ̀ tɨ́ nsiŋ nə.

3 Jɔn 1:11

Wuumba ŋwaa, kɨ ghɔ kɨ fiꞌsə vənu vəbwəvə me, kɨ fiꞌsə luu nu jəə. Wə ntɨə faŋ ŋwə yɨ nu jəə, ndɔ̀ fɨ ghɔ Nwi. Wə ntɨə faŋ ŋwə yɨ nu bwə, kee bee yè Nwi me.