1 Jɔn 2:4 - Vengo (Babungo)

⁴ Wə ntɨə faŋ ŋwə gì laa, yi kɨɨ nə Nwi, kee kɨ nuŋsə ntɨ si me, buu lùu wuu ba, nu yinsəŋ kee lùu taa ŋwaa ŋwə me.

1 Jɔn 2:4 ပူးပေါင်းရင်းမြစ်များ

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 8:44

Tii wiŋ lùu Satan, tɨɨ vəzwitə vəbwəvə. Viŋ yɨsə sheꞌ vənu mbɨə faŋ tii wiŋ Satan kàw. Shù fɨ maa vənzi, Satan nə luu wuu məzwilə vɨɨ. Ŋwə kee kàw yinsəŋ me, nu yinsəŋ kee lùu taa fwi ŋwə tuu kəmuꞌ me. Ŋwə gisə sɨɨ sheꞌ ba, yuu nshinə yi dùꞌ, buꞌ laa ŋwə lùu wuu ba, baa lùu tɨɨ təba.

Taytəs 1:10

Vɨɨ vəyaŋ shɔ faŋ vəŋ ndì wutə, gisə yigisə dayday, buulə yitɔ yi vɨɨ. Vɨɨ mbɨə faŋ vəŋ bɨ shɔ̀ɔ taa ŋwaa vəŋ, lùu mbɨə faŋ vəŋ fùu fɨ taa ŋwaa vɨɨ mbɨə faŋ vɨ nə sɨ̀ɨtə vəŋ nə.

Taytəs 1:16

Vəŋ gisə laa vəŋ kɨ̀ɨ nə Nwi. Luu nə, vəŋ twey ŋwə fɨ taa nshinə vəŋ. Vəŋ luu ŋkee vɨɨ bwənə, kee zɨzɔnə Nwi me, kee bee kùꞌnə maa məyɨ tuu nu jəə kəmuꞌ me.

1 Jɔn 1:10

Nsiŋ kɨ luu kɨ gisə laa nsiŋ kee yɨ̀ nu bwə me, buu nsiŋ tii Nwi nə wuu ba, nu ki kee lùu taa fwisə nsiŋ me.

1 Jɔn 1:6

Nsiŋ kɨ luu gi laa nsiŋ lùu fa kəmuꞌ, nsiŋ vɨ Nwi, luu nə, kɨ toꞌ fɨ taa mfiŋsə, buu nsiŋ sɨɨ ba, kee yɨ nu ŋkɨə faŋ ŋkə luu kəloomə me.

1 Jɔn 1:8

Nsiŋ kɨ luu kɨ gisə laa, nu bwə kee lùu taa fwisə nsiŋ me, buu nsiŋ bwèꞌsə yiŋwaa nyaa-nsiŋ, buu nu yinsəŋ kee lùu taa ŋwaa nsiŋ me.

1 Jɔn 2:3

Nu ŋkɨə tɨ́ kɨ kaꞌ nsiŋ kɨɨ laa nsiŋ kɨ̀ɨ nə Nwi yinsəŋ, lùu laa, nsiŋ kɨ luu nuŋsə ntɨsə Nwi, buu nsiŋ kɨ̀ɨ nə Nwi yinsəŋ.

1 Jɔn 2:9

Wə ntɨə faŋ ŋwə gì laa yi lùu taa shɨshwi ley, baa bee weenshu wi, buu ŋwə kɨ bii taa mfiŋsə.

1 Jɔn 3:6

Wə ntɨə faŋ ŋwə lùu fa kəmuꞌ ghɔ Yeso Kristo, kee yaa kɨ yɨ nu bwə me. Wə ntɨə faŋ ŋwə yɨsə nu bwə, kee biŋ ŋwə me, kee bee kɨ̀ɨ nə ŋwə me.

1 Jɔn 4:20

Wə kɨ luu kɨ bee weenshu wi, gisə laa yi kaw Nwi, buu ŋwə lùu wuu ba. Wə kɨ luu kee kɨ kaw weenshu wi faŋ ŋwə ye ŋwə nə me, buu kaꞌ ŋwə kàw Nwi kɨkə faŋ ŋwə kee yè Nwi nə me.

1 Jɔn 4:7

Vɨɨmba vaŋ, nsiŋ kɨ kawnə yiŋwaa nyaa-nsiŋ, nsiŋ nsiŋ, buꞌ laa ŋkawnə ndɔ fɨ ghɔ Nwi. Wə tɨ̀ me wə faŋ ŋwə kaw Nwi nə vɨɨ, buu bì Nwi bì wə ghɔ́. Ŋwə baa kɨ̀ɨ nə Nwi nɨzi.