1 Jɔn 2:28 - Vengo (Babungo)

²⁸ Vaŋ vaŋ, bàw viŋ kii fa kəmuꞌ viŋ vɨ Yeso! Nɨniŋ laa shi ŋkɨə faŋ ŋwə ndɔ bəŋ jwì fùu ntee, nsiŋ kɨꞌ vənu nə məŋaytə. Kɨ tɔ kaŋ-nsiŋ dɨɨ faŋ ŋwə ndɔ jwi fùu ntee me!

1 Jɔn 2:28 ပူးပေါင်းရင်းမြစ်များ

Matiu 16:27

Viŋ zɔ! Wuu yinsəŋ Nwi ndɔ baa jwì nə yikwalə Tii wi, ghɔ vɨ nshiisə-ŋiisə Nwi. Ŋwə ndɔ bəŋsə nu ŋkɨə faŋ vɨɨ nə yɨ̀sə, tɨ́ vəŋ tɔ tɔ.

Matiu 16:28

Viŋ zɔ! Mə naysə ŋkee nu yinsəŋ tɨ́ viŋ laa vɨɨ lùu shɔ taa ŋwaa vɨɨ və̀ faŋ vəŋ dùꞌ feenə nə, faŋ vəŋ kee ndɔ ku me, buu ye Wuu yinsəŋ Nwi faŋ ŋwə jwi nə nu yifwàŋ fɨ yizɔ.»

Mark 8:38

Kɨ ghaŋ tɔ wə dɨɨ maa Wuu yinsəŋ Nwi nə mədeesə wi taa mbi yibwə nyə̀, buu tɔ ki ndɔ dɨɨ maa wə ghɔ́ nɨzi maa yighee njyə faŋ ghɔ vɨ nshiisə-ŋiisə Nwi ndɔ jwi mɔ́ꞌ taa nu yifwàŋ Nwi.»

Lukas 17:30

Ŋkə ndɔ luu sheꞌ nɨniŋ maa shi ŋkɨə faŋ Wuu yinsəŋ Nwi ndɔ baa fuu ntee.

Roma 9:33

Maa ŋkə lùu taa ŋwaꞌlə Nwi laa, «Viŋ zɔ! Mə taa nuŋsə ŋoꞌ shɨ Zayon, faŋ vɨɨ taa kɨ tumə ghuu vəŋ shɔ, ŋkee nsi yighɔsə faŋ vəŋ taa kɨ gukə shɔ. Luu nə, wə ntɨə faŋ ŋwə nùŋ fwi yi maa ŋwə, kaꞌ tɔ ki kee ndɔ dɨɨ me.»

1 Kɔrintian 1:7

Nɨniŋ, viŋ kee bəə tuu nu fɨ maa vənu vənshə faŋ Zwitə Ley Nwi yaa kɨ kɔ tɨ́ vɨɨ nə me. Viŋ baa luu kɨꞌ Tɨta ŋwaa-nsiŋ Yeso Kristo faŋ ŋwə ndɔ baa fuu, də̀ ŋwaa wi tɨ́ nsiŋ nə.

1 Kɔrintian 15:23

Vənu vənshə kɨ gay maa yighee yi. Nə bɨ fɔŋ ywèy Kristo fɨ shɨ yiku. Ndɔ lùu maa yighee njyə faŋ ŋwə ndɔ baa bəŋ jwì shɨ nsi, vɨɨ vi vənshə ndɔ ywey nɨzi, bèꞌsə ŋwə.

Efesɔs 3:12

Nsiŋ kii fwi yizutə vɨsɨ Nwi buꞌ Kristo ndwə. Kɨ kaꞌ nsiŋ jìa fwi saŋ-nsiŋ, gə̀ ye Nwi nə məŋaytə, buꞌ faŋ nsiŋ nùŋ fwi saŋ-nsiŋ maa Yeso Kristo.

Kɔlɔsii 3:4

Kristo lùu məbwey fi ŋwaa-nsiŋ ghɔ́. Yighee njyə faŋ ŋwə ndɔ baa fuu ntee, ŋwə ndɔ fuu nsiŋ vɨ vəŋ mɔ́ꞌ. Nsiŋ ndɔ kii fɨ maa yikwalə yi.

1 Tesalonika 2:19

Nu ŋkɨə tɨ́ kaꞌ yia ŋaytə shɔ vɨsɨ tɨta ŋwaa-nsiŋ Yeso maa yighee njyə faŋ ŋwə ndɔ bəŋ jwi nə, taa luu kə? Nu ŋkɨə tɨ́ kaꞌ vɨ ndɔ bəŋsə yia shɔ, yia nùŋ fwi sia shɔ, lùu kə? Maa luu sheꞌ viŋ.

1 Tesalonika 3:13

Tɨta ŋwaa-nsiŋ Yeso kɨ yɨsə nɨniŋ, kwàŋ wutə taa fwisə viŋ, laa yighee njyə faŋ ŋwə ndɔ bəŋ jwi ghɔ vɨ vɨɨ vi vənshə, faŋ vəŋ lùu vɨɨ ley vɨsɨ Nwi nə, viŋ baw shɨlə yikəꞌ Nwi, tɨta ŋwaa-nsiŋ.

1 Tesalonika 5:23

Nshɨ-tɔ Nwi faŋ ŋwə lùu Nwi mənɔŋ-bwaŋnə nə, yɨsə viŋ baw shɨlə maa vənu viŋ vənshə! Bàw ŋwə jia zwitə kiŋ nə fwi siŋ nə ŋwaa wiŋ, laa viŋ baw mètə, tuu wee-ndoꞌ kee lùu maa viŋ me, maa shi ŋkɨə faŋ tɨta ŋwaa-nsiŋ Yeso Kristo ndɔ bəŋ jwi.

1 Timoti 6:14

Nɨniŋ laa a jia nu Nwi jəə, tuu ŋkee wee-nu bwə, tɨꞌnə me wee-ndoꞌ kee lùu maa ghɔ me, gə ziꞌ maa shi ŋkɨə faŋ tɨta ŋwaa-nsiŋ Yeso Kristo ndɔ fuu mbi.

2 Timoti 4:8

Nu ŋkɨə faŋ ŋkə gòꞌ, lùu laa, mə ndɔ fi shwaŋ nu jəə ŋkɨə faŋ Nwi ndɔ kɔ tɨ́ vɨɨ mbɨə faŋ vənu vəvəŋ lùu vəloomə. Tɨta Nwi faŋ ŋwə ndɔ sɔꞌ nsɔꞌsə vɨɨ, sɔꞌ shìa nyə yiloomə. Ŋwə ndɔ kɔ nu jəə kɔ́ shee maa shi vəndwə, kee kɨ kɔ luu sheꞌ tɨ́ mə me, ŋwə kɔ luu tɨ́ vɨɨ vənshə faŋ vəŋ kɨꞌ ŋwə nə ŋkawnə, tə̀ sɨ maa məjwi wi faŋ ŋwə ndɔ baa jwi mbi nə.

Taytəs 2:13

Nsiŋ kɨ kɨꞌ nu mənɔŋ-bwaŋnə Nwi, faŋ ŋwə ndɔ kɔ məbwey vəlwaŋ tɨ́ nsiŋ, baa kɨꞌ yighee njyə faŋ feenə Nwi, faŋ luu ŋkee Nwi kwalə nə, ndɔ fuu ghɔ Yeso Kristo, wuu məbweysə ŋwaa-nsiŋ,

Hibru 9:28

Sheꞌ nɨniŋ, Kristo nə fɔŋ jwì kù yighee muꞌ, laa ŋwə yɨsə vɨɨ vəyaŋ nyɨŋ fɨ taa nu bwə vəŋ, baa nə laa ŋwə ndɔ baa bəŋ jwi mbi nyə̀, lwesə ghee bɔɔ. Maa yighee yɔ́ ŋwə ndɔ kee baa jwi maa məsɔ nu bwə vɨɨ me; ŋwə ndɔ bee kii jwi maa məkɔ məbwey vəlwaŋ tɨ́ vɨɨ vi faŋ vəŋ kɨꞌ ŋwə nə.

1 Pita 1:7

Ŋiꞌ nu ŋkɨə faŋ ŋkə yɨsə laa viŋ kɨ ye ŋɨꞌ nə məmɔŋ lùu laa, vɨ yè məbiŋ wiŋ laa viŋ kà fwi, bìŋ Nwi yinsəŋ. Ŋkə luu sheꞌ yaa nu bwey bay faŋ vɨ tii nə goolə, faŋ vɨ yaa kɨ mɔŋ ŋkə nə wisə maa məye laa ŋkə yibaw mu. Məbiŋ wiŋ shɔ̀ɔ bwey bay kɔ́ faŋ ŋkə kee ndɔ goꞌsə me. Viŋ kìi məmɔŋ ndwə, tɨ́ kaꞌ vɨ kɨ bəŋsə Nwi dɨdɨꞌ buꞌ məbiŋ wiŋ yighee njyə faŋ Yeso Kristo ndɔ jwi fuu ntee.

1 Pita 5:4

Nɨniŋ laa Yeso, tɨɨ nshiisə bisə sɔ́, ndɔ kɔ viŋ nə vəkeynə faŋ mbə gòꞌsə yighee muꞌ, maa yighee njyə faŋ ŋwə ndɔ fuu ntee sɨ vɨɨ.

1 Jɔn 2:1

Vaŋ vaŋ, mə nyɔꞌ vənu və̀ tɨ́ viŋ laa kɨ viŋ baa kɨ yɨ vənu vəbwəvə me. Kɨ luu laa wə gu, yɨ nu bwə, buu Yeso Kristo, wuu ley shɔ, faŋ ŋwə tɨŋ vɨsɨ Nwi, ndwaŋ Nwi tɨ́ nsiŋ.

1 Jɔn 3:2

Vɨɨmba vaŋ, nsiŋ luu vaŋ Nwi ndwə. Luu nə, fa ŋkɨə faŋ nsiŋ ndɔ luu nə, ŋkə kee ta fùu ntee yikəꞌ vɨɨ me. Nsiŋ kɨɨ sheꞌ laa, yighee njyə faŋ ŋkə ndɔ fuu ntee sɨ vɨɨ, nsiŋ kɨ nii lùu yuu ŋwə, buꞌ faŋ nsiŋ ndɔ ye ŋwə faŋ ŋwə lùu.

1 Jɔn 3:21

Vɨɨmba vaŋ, fwi saŋ-nsiŋ kɨ luu kee kɨ sɔꞌ nsiŋ me, buu kɨ kaꞌ nsiŋ jìa fwi saŋ-nsiŋ vɨsɨ Nwi,

1 Jɔn 4:17

Kɨ luu nu kaŋ-nsiŋ fɨ shɨ nsi luu sheꞌ faŋ ŋkə Yeso nə lùu, buu kɨ kaꞌ nsiŋ kàw Nwi nə fwi nyaa-nsiŋ yinshə, buu kɨ kaꞌ nsiŋ ndɔ jia fwi saŋ-nsiŋ maa shi məshia nsɔꞌ.

1 Jɔn 5:14

Nu ŋkɨə faŋ kaꞌ nsiŋ jìa fwi shɔ vɨsɨ Nwi, lùu laa, Nwi yaa kɨ zɔ nu ŋkɨə faŋ nsiŋ buꞌ ghɔ, ndwaŋ fɨ ghɔ ŋwə, faŋ lùu nu faŋ fwi Nwi kàw.

Reveleyshən 1:7

Viŋ zɔ! Kristo ndɔ bəŋ jwi fɨ taa mbɔꞌ, vɨɨ vənshə ye ŋwə nə sɨ vəŋ. Ŋkee vɨɨ mbɨə faŋ vəŋ nə zwì ŋwə nə, ndɔ ye ŋwə nɨzi. Ŋiꞌ ŋii tɨ̀ me ŋiꞌ ŋii fɨ taa mbi ndɔ gwia buꞌ ŋwə. Ɔŋ, lùu faŋ ŋkə ndɔ luu. Ŋkə gòꞌsə nee.