1 Jɔn 2:20 - Vengo (Babungo)

²⁰ Gə fɨ maa viŋ, Yeso Kristo faŋ ŋwə bàw shɨ̀lə nə, tù Zwitə Ley Nwi maa viŋ. Nɨniŋ, viŋ vənshə kɔꞌ kɨɨ nə vənu və yinsəŋ.

1 Jɔn 2:20 ပူးပေါင်းရင်းမြစ်များ

Matiu 13:11

Ŋwə bəŋsə tɨ́ vəŋ laa, «Nwi kɔ ŋiꞌ nu yifwàŋ yizɔ tɨ́ viŋ laa viŋ kɨɨ, kee kɔ̀ tɨ́ vɨɨ mbii-wə me.

Mark 1:24

«A sii taa yɨ kə nə yia, Yeso, wuu Nazaret. A jwi zwilə yia mu? - Mə kɔꞌ kɨɨ nə wə ntɨə faŋ lùu ghɔ; a luu ŋkee Wee Nwi, wuu məbweysə mbi.»

Lukas 4:18

«Zwitə Nwi maa mə, buꞌ laa ŋwə nə yòꞌ mə nə məŋgwə, laa mə kɨ fɨꞌtə ntɔŋ yijəə tɨ́ vɨɨ ŋɨꞌ. Ŋwə nə baa tɔ̀ŋ mə laa mə kɨ fɨꞌtə tɨ́ vəbuꞌ və yighaw, laa vəŋ kuunə nə ŋwaa vəŋ, baa nə laa mə gì tɨ́ vɨɨ sɨ fɨsə, laa vəŋ yenə, baa nə laa mə fuusə vɨɨ faŋ vɨ nəə fiitə vəŋ nsi, laa vəŋ gə duꞌ tɔ vəŋ,

Lukas 4:34

«Aŋ ghɔ, Yeso, wuu Nazaret, a kìi kə maa məyɨ nə yia? A jwì ndisə yia mu? Mə kɔꞌ kɨɨ nə wə ntɨə faŋ lùu ghɔ; a luu ŋkee wuu ley Nwi.»

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 14:26

Wuu məgaŋtə faŋ luu Zwitə Ley faŋ Nwi ndɔ tɔŋ tɨ́ viŋ buꞌ mə, ndɔ twelə vənu vənshə tɨ́ viŋ, baa lùmə vənu vənshə tɨ́ viŋ faŋ mə nə nàysə tɨ́ viŋ nə.

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 16:13

Nɨniŋ, Zwitə yinsəŋ kɔ́ ndɔ kɨ jwi, də jɨɨ tɨ́ viŋ, viŋ kɨɨ nə vənu vənshə faŋ mbə lùu vəbi. Zwitə kɔ́ kee gisə maa nshɨ-tɔ wi me, kɨ gisə sheꞌ nu ŋkɨə faŋ ŋkə zɔ̀ fɨ ghɔ Nwi, baa naysə vənu faŋ mbə ndɔ gay fɨ yiba.

Akts 10:38

Nwi nə yòꞌ Yeso, wuu Nazaret, nə Zwitə Ley Nwi, baa nə wutə, ŋwə ndɔ kɨ toꞌ vəshəŋ vənshə, yɨsə vənu vəjəəvə, baa shùꞌ vəza fɨ maa vɨɨ mbɨə faŋ zwitə bwə nə luu taa ŋwaa vəŋ, buꞌ laa Nwi nə luu yiba jɨŋ ŋwə.

Akts 3:14

Viŋ nə twèy wuu ley ghɔ́ faŋ nə luu wuu yinsəŋ, kɨ kəə laa vɨ fuusə wuu məzwi wə fɨ taa ŋii mfiŋ, kɔ̀ tɨ́ viŋ,

1 Kɔrintian 2:15

Wə ntɨə faŋ ŋwə kìi Zwitə Nwi taa fwi ŋwə, kɔꞌ kɨɨ nə ŋiꞌ vənu vənshə. Vɨɨ mɔ́ꞌ fɨ taa mbi kee kɨ̀ɨ nə ŋiꞌ nu ŋkɨə faŋ wə ghɔ́ yɨ̀ me.

Hibru 1:9

Lùu vənu və yinsəŋ faŋ mbə yɨsə a ŋaytə, a bee vənu mbɨə faŋ mbə bɨsə ntɨsə Nwi. Lùu ŋiꞌ nu ŋkɨə faŋ Nwi, faŋ lùu Nwi wə, shoꞌ ghɔ laa a kii məkwalə nə məŋaytə shɔ̀ɔ vaŋ-nshwi və.»

Hibru 8:11

Wə kee ndɔ baa lùu shɔ, tɨ wuu shɨ wi, tɨꞌnə me wuu ŋiinə wi me, laa ŋwə kɨ zwetə nu Nwi me. Lùu nɨniŋ buꞌ laa vɨɨ vənshə ndɔ kɨɨ nə mə. Vaŋmbwaa ghɔ vɨɨ taanə vənshə ndɔ kɨɨ nə mə.

1 Jɔn 2:27

Gə fɨ maa viŋ, viŋ kɔꞌ kɨɨ laa Zwitə Ley Nwi faŋ Yeso nə tù maa viŋ, gòꞌsə taa fwisə viŋ, nu kee baa ghɔ̀ꞌ viŋ, tɨ́ kɨ kaꞌ wə baa kɨ deesə viŋ nə nu Nwi me, buꞌ laa Zwitə Ley Nwi kɔ́ dèesə vənu vənshə tɨ́ viŋ. Nu ŋkɨə faŋ Zwitə Ley Nwi kɔ́ dèesə tɨ́ viŋ nə, luu ŋkee nu yinsəŋ, kee lùu ba me. Nɨniŋ, bàw viŋ vɨ Yeso goꞌ nə fa kəmuꞌ.

1 Jɔn 4:13

Nu ŋkɨə faŋ kaꞌ nsiŋ kɨ̀ɨ fɨ fuŋ laa nsiŋ lùu fa kəmuꞌ nsiŋ vɨ Nwi, baa nə laa nshɨ-tɔ Nwi gòꞌsə taa fwisə nsiŋ nɨzi, lùu faŋ ŋwə kɔ̀ Zwitə Ley ki tɨ́ nsiŋ.

Ŋwaꞌlə Jud 1:5

Bàw mə lumə vənu vəmɔ́ꞌ tɨ́ viŋ faŋ viŋ duꞌtə viŋ kɨ̀ɨ nə mbə. Ŋkee fɨshi, maa yighee njyə faŋ Nwi nə gàŋtə vɨɨ Isirayl laa vəŋ fuu fɨ shɨ Ijip, ŋwə kɨ nii zwìlə vɨɨ mbɨə faŋ vəŋ nə kee bìŋ Nwi me.

Reveleyshən 3:7

Nyɔꞌ ŋwaꞌlə, tɔ̀ŋ tɨ́ nshiiŋii Nwi faŋ ŋwə lùu shɨ Filadelfia laa, «Wə ntɨə faŋ ŋwə bàw shɨlə, baa luu ŋkee wuu yinsəŋ, faŋ ŋkwa fwàŋ Deyvid lùu ghɔ ŋwə nə, faŋ ŋwə ŋaꞌsə, kaꞌ wə kee fəŋ me; ŋwə fəŋ, kaꞌ wə kee ŋaꞌsə me. Ŋwə gi laa lee,

Reveleyshən 4:8

Nyaa tɨ̀ me nyaa fɨ taa nyaasə sɔ́ yishwe nə, nə kìi ghalə ntɔfə, nə sɨ vəŋ lwaŋ fɨ fu nə fɨ taa tey yi. Nsə gisə vətuꞌ nə shɨshwi, kee shɨshia me, gisə laa, «Məley, məley, məley lùu tɨta Nwi Nshɔɔ-mbi. Ŋwə nə luu shɔ yighee vɨsɨ, baa lùu shɔ ndee, ndɔ jwi maa yighee yiba nɨzi.»