1 Jɔn 2:19 - Vengo (Babungo)

¹⁹ Vɨɨ mbeenə Kristo vɔ́ nə fùu fɨ taa ŋwaa nsiŋ. Luu nə, vəŋ nə kee bee lùu vɨɨ vaŋ-nsiŋ me. Vəŋ nəə toꞌ luu vɨɨ vaŋ-nsiŋ, buu vəŋ nə gòꞌ nsiŋ vɨ vəŋ. Luu nə, vəŋ fuu nɨniŋ laa nsiŋ kɨɨ ntee laa vəŋ vənshə kee lùu vɨɨ vaŋ-nsiŋ me.

1 Jɔn 2:19 ပူးပေါင်းရင်းမြစ်များ

Matiu 24:24

Vɨɨ ndɔ fuu vəyaŋ faŋ vəŋ sɨɨ ba, gisə laa vəŋ luu Kristo, tɨꞌnə me nshiisə-ŋii sɔghɔ. Vəŋ ndɔ də vəshwenə və shuu yɔŋvə maa məyɨ laa vɨɨ ndi jɨɨ, mɔŋ ŋkee maa məbweꞌsə vɨɨ mbɨə faŋ Nwi shoꞌ vəŋ nə.

Mark 13:22

Vɨɨ ndɔ fuu kɨ bweꞌsə vɨɨ, gisə laa vəŋ lùu Kristo, wuu məbweysə wiŋ. Vəmɔ́ꞌ gi laa vəŋ lùu vɨɨ məfɨꞌtə yighisə shuu Nwi, kɨ də vəshwenə nə vənu və shuu yɔŋvə maa məbweꞌsə vɨɨ, kɨ mɔŋ maa məbweꞌsə ŋkee vɨɨ mbɨə faŋ Nwi nə shoꞌ laa lùu mbii vɨɨ nə nɨzi.

Lukas 8:13

Say ŋgɨə faŋ ŋə fìŋkə taa yighɔsə nə, lùu yaa nu vɨɨ mbɨə faŋ vəŋ zɔ̀ nu Nwi, bìŋ nə məŋaytə, luu nə, kee kìi ghay me. Vəŋ biŋ sheꞌ maa wee-fɨ-yighee nee, ŋɨꞌ taa kɨ ŋii vəŋ, vəŋ nyɨŋkə fɨ maa məbiŋ vəŋ ghɔ́.

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 15:2

Ntaŋ tɨ̀ me ntaŋ faŋ ŋwə kee kwaanə vətaŋ me, buu vɨ taa fà ntaŋ ghɔ́, mèꞌ. Gə̀ fɨ maa ntaŋ faŋ ŋwə kwaanə jəə, ŋwə baa fìi, tɨ́ kaꞌ vətaŋ kɨ kwaanə shɔ jəə.

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 4:14

Gə fɨ maa wə ntɨə faŋ mə kɔ muu mə vəlwaŋ mbɔ́ tɨ́ ŋwə, ŋwə nu, kaꞌ twey-muu ndɔ kee baa ywey ŋwə me. Muu mbɨə faŋ mə kɔ̀ tɨ́ ŋwə nə, kiasə gù koꞌ-fɨ-nsi taa fwi ŋwə, muu fuu fɨ fuŋ, yɨ̀sə ŋwə kii məbwey vəlwaŋ faŋ ŋwə gòꞌsə yighee muꞌ.»

Akts 15:24

Yia nə zɔ laa vɨɨ mɔ́ꞌ fɨ taa nwaa yia yaa ghaysə viŋ nə yigi, bùulə fwi siŋ, nsə nə lɔꞌ, faŋ kee tɔ̀ŋ yia tɔ̀ŋ vəŋ me.

Akts 20:30

Vɨɨ bwənə mɔ́ꞌ ndɔ fuu sheꞌ fɨ taa ŋwaa viŋ, fuu kɨ gisə təgi tə ba maa məsuꞌtə vɨɨ məbiŋ nu Kristo, laa vəŋ beꞌsə vəŋ.

Roma 9:6

Kɨ mə kee gì laa, ŋkɔꞌnə Nwi tɨ́ vɨɨ Isirayl ndi me. Luu nə, vɨɨ Isirayl yinsəŋ kee lùu vɨɨ vənshə faŋ vəŋ fùu fɨ ŋiꞌ ŋii Isirayl me.

1 Kɔrintian 11:19

Ŋkə bàw faŋ ŋgaasə fuu taa ŋwaa viŋ, tɨ́ kaꞌ vɨ taa ye vɨɨ mbɨə faŋ vəŋ nùŋ fwi maa Yeso Kristo maa yinsəŋ.

2 Timoti 2:10

Nɨniŋ, mə jìa fwi nyaa maa ŋɨꞌ yinshə buꞌ vɨɨ mbɨə faŋ Nwi nə shoꞌ vəŋ, laa lùu vɨɨ vi, tɨ́ kaꞌ vəŋ nɨzi ndɔ zɨ məbwey vəlwaŋ fɨ yiba Yeso Kristo. Məbwey ghɔ́ ndɔ baw shɔ̀ɔ, gòꞌsə yighee muꞌ.

2 Timoti 2:19

Luu nə, shɨ ŋii weꞌnə ŋkɨə faŋ Nwi nə bɔ̀ŋ, gòꞌsə yighee muꞌ. Shwenə ki lùu laa, «Nwi kɔꞌ kɨɨ nə vɨɨ mbɨə faŋ ŋwə nə shòꞌ,» baa nə laa, «Wə ntɨə faŋ ŋwə tii yizii Mɔꞌmbi, bàw ŋwə fuu fɨ taa vənu vəbwəvə.»

2 Timoti 3:9

Luu nə, kaꞌ vəŋ kee ndɔ gə nə vɨsɨ vɨsɨ nə nu vəŋ dɨdɨꞌ me, buꞌ laa nu vəŋkɔmə vəŋ ndɔ fuu yikəꞌ vɨɨ vənshə, yaa ŋkə vɨɨ vì fɨ ywaŋ-vɨsɨ nə fùu ntee nɨzi nə.

Hibru 10:39

Gə fɨ maa nsiŋ, nsiŋ kee lùu kəŋ vɨɨ vɔ́ faŋ vəŋ taa bəŋ suꞌtə ghuu vəŋ nə, kɨ nii yindi me. Nsiŋ bee kɨ kii biŋ nu Kristo, buu ndɔ zɨ məbwey vəlwaŋ.

2 Jɔn 1:7

Viŋ kɔꞌ kɨɨ laa vɨɨ məbweꞌsə vɨɨ fùu taa mbi vəyaŋ, faŋ vəŋ kee bìŋ laa Yeso Kristo lùu wuu məbweysə ŋwaa-nsiŋ me, faŋ ŋwə ndɔ̀ fɨ ghɔ Nwi me, baa nə laa ŋwə kee jwi mbi gù fa fənshi yaa wə me. Kəŋ wə ghɔ́ lùu wuu məbweꞌsə vɨɨ, baa lùu wuu mbeenə Kristo.

Ŋwaꞌlə Jud 1:1

Lùu mə, Jud, wuu faꞌ Yeso Kristo, weenshu Jeyms, faŋ mə nyɔ̀ꞌ ŋwaꞌlə ŋwə̀ tɨ́ viŋ, vɨɨ mbɨə faŋ Nwi, Tii ŋwaa-nsiŋ kàw viŋ, baa shòꞌ viŋ laa viŋ luu mbii vɨɨ nə. Viŋ baa lùu vɨɨ faŋ Yeso Kristo shiinə viŋ, buꞌ nu mɔ́ꞌ kɔ̀ŋ viŋ.

Ŋwaꞌlə Jud 1:19

Vɨɨ vɔ́ jwì nə ŋgaasə taa ŋwaa vɨɨ Nwi. Sɔꞌ zwitə mbi yibwə sɔꞌ vəŋ. Zwitə Ley Nwi kee bee lùu taa ŋwaa vəŋ me.