1 Jɔn 2:16 - Vengo (Babungo)

¹⁶ buꞌ laa vətɔ vɔ́ vənshə, faŋ lùu vənu faŋ ŋwaa wə kàw, nə vənu və ka, nə nu faŋ sɨ kàw, nə məghaysə ŋwaa, kee ndɔ fɨ ghɔ Nwi me; mbə ndɔ sheꞌ fɨ shɨ nsi.

1 Jɔn 2:16 ပူးပေါင်းရင်းမြစ်များ

Matiu 4:8

Tɨɨ vəzwitə vəbwəvə baa kii ndi ŋwə, gə̀ nə ŋwə fuu baŋ yimɔ́ꞌ faŋ nyə luu ŋkee yidə, də̀ məshɨ mə shɨ nsi tɨ́ ŋwə mənshə nə vətɔ vəjəəvə faŋ mbə lùu taa tey yi.

Matiu 5:28

Luu nə, mə gì ŋkaŋ tɨ́ viŋ laa, kɨ luu wə ye wəzwi, sə, buu ŋwə duꞌtə ŋwə tii wəzwi ghɔ́ fɨ taa fwi ŋwə.

Lukas 4:5

Tɨɨ vəzwitə vəbwəvə kɨ nii ndì ŋwə, ghɔ ŋwə koꞌ gə̀ fuu baŋ yidə, ŋwə də məshɨ mənshə fɨ taa mbi tɨ́ ŋwə maa wee-fɨ-yighee nee,

Roma 13:14

Bàw viŋ mɔꞌ tɨta Yeso Kristo maa viŋ yaa njwi, kee meꞌtə yiŋwaa yiŋ bweꞌsə viŋ, fwi siŋ ndɔ maa vətɔ me.

1 Kɔrintian 10:6

Vənu və ywaŋ-vɨsɨ vɔ́, lùu vəshwenə tɨ́ nsiŋ laa, kɨ nsiŋ kɨ kwaŋ fwi maa vənu vəbwəvə me, faŋ vətɨɨ via nəə yɨsə ywaŋ-vɨsɨ nə.

Galatia 5:17

Ŋkitə vɨɨ kee lùu yaa njyə faŋ nyə kìi Zwitə Nwi me; ŋkitə Zwitə Nwi kee lùu yaa njyə vɨɨ me. Ŋkitə wə nywenə ghɔ Zwitə Ley Nwi. Lùu ŋiꞌ nu ŋkɨə faŋ ŋkə yɨsə laa viŋ kee yuu kɨ yɨsə nu ŋkɨə faŋ viŋ kəə kɨ yɨsə me.

Galatia 5:24

Vɨɨ mbɨə faŋ lùu vɨɨ Yeso Kristo, mèꞌ vənu vəbwəvə vəvəŋ vənshə, nə mbɨꞌtə yibwə yinshə laylay. Ŋkə lùu yaa vəŋ ndi vənu vɔ́, bèy fuu fəŋkɔꞌ fə ŋkɨꞌsə fə Yeso Kristo.

Efesɔs 2:3

Nə luu yighee vɨsɨ, nsiŋ vənshə nəə toꞌ ghuu yitoꞌ kaŋ-nsiŋ taa ŋwaa vɨɨ mətwey nu Nwi, yɨsə vənu mbɨə faŋ mbasə ŋwaa ŋwaa-nsiŋ nəə kaw, nə vənu mbɨə faŋ nsiŋ nəə bɨꞌtə fɨ taa fwi saŋ-nsiŋ. Nɨniŋ, nsiŋ yaa luu vɨɨ faŋ nsɔꞌ Nwi lùu tɔ vəŋ, buꞌ fwi yibwə nyaa-nsiŋ, sheꞌ yuu vəŋ.

Taytəs 2:12

Ŋkə də̀ jɨɨ tɨ́ nsiŋ maa məmeꞌ nu mətwey Nwi, meꞌ nu məkaw vətɔ və taa mbi, baa nə laa nsiŋ toꞌ ghuu yitoꞌ kaŋ-nsiŋ taa mbi nyə̀ nə yitɔfə, yɨsə vənu vəloomə, fee Nwi.

Taytəs 3:3

Maa yighee vɨsɨ, nsiŋ nɨzi nə bə̀ə tɔ ley, kee zɔnə Nwi me, toꞌ maa jɨɨ yibwə, baa lùu vəbuꞌ tɨ́ vənu vəbwəvə vəyaŋ faŋ fwi saŋ-nsiŋ nə kàw, toꞌ yitoꞌ nyaa-nsiŋ nə njyoꞌ yibwə, baa ghɨꞌ vɨɨ, vɨɨ bee nsiŋ, nsiŋ baa beenə yiŋwaa nyaa-nsiŋ nɨzi.

Jeyms 3:15

Kəŋ tɔ ley kɔ́ kee ndɔ fɨ ghɔ Nwi me, nyə ndɔ fɨ shɨ nsi. Lùu nu vɨɨ mbi yibwə, baa lùu nu zwitə bwə,

Jeyms 4:16

Luu nə, viŋ kɨ bii koꞌsə yiŋwaa yiŋ baa mwà. Məkoꞌsə ŋwaa ghɔ́ nə məmwa ghɔ́ lùu nu bwə.

1 Pita 1:14

Faŋ viŋ lùu vaŋ Nwi, zɔnə ŋwə nə, kɨ viŋ baa kɨ yɨsə vənu vəbwəvə mbɨə faŋ viŋ nəə yɨsə yighee vɨsɨ, faŋ viŋ nə kee ta kɨ̀ɨ nə nu Nwi me.

1 Pita 2:11

Vaŋ-nshwi vaŋ, viŋ lùu yaa vəndɔ taa mbi nyə̀. Nɨniŋ, mə tɨsə viŋ laa viŋ kɨ baŋnə vətɔ və shɨ nsi mbɨə faŋ fwi siŋ kaw, buꞌ laa vətɔ vɔ́ toꞌ maa məndisə məbwey wiŋ nshə.

2 Pita 2:10

Vɨɨ mbɨə faŋ Nwi ndɔ kwaŋ taa nsɔꞌ shɔ̀ɔ ki, lùu vɨɨ mbɨə faŋ vəŋ yɨ sheꞌ vənu vəbwəvə faŋ mbɨꞌtə vəŋ də tɨ́ vəŋ, baa nə faŋ vəŋ twey maa məzɔnə Nwi. Vɨɨ vɔ́ faŋ vəŋ toꞌ deesə nu faŋ kee lùu nu yinsəŋ nə me, vəŋ koꞌsə ŋwaa vəŋ dɨdɨꞌ, kee fee maa məgi nu bwə kɔ̀ŋ vəzwitə mbɨə faŋ mbə kìi wutə yizɔ nə me. Vəŋ toꞌ ndasə vəzwitə vɔ́.

2 Pita 2:18

Vəŋ yaa kɨ toꞌ koꞌsə ŋwaa, gisə yigi faŋ nyə kee kìi tɔ ley me. Fwisə vəŋ ndɔ maa vətɔ faŋ yiŋwaa yivəŋ kàw. Vəŋ kaw maa məzɨ shɨ, suŋtə vɨɨ mbɨə faŋ vəŋ duꞌtə vəŋ nyɨŋkə fɨ ghɔ vɨɨ bwənə, laa vəŋ bəŋ kɨ toꞌ ghuu yitoꞌ vəŋ maa jɨɨ yibwə, faŋ vəŋ nə nyɨ̀ŋkə fɨ maa jɨɨ yibwə yɔ́ sheꞌ maa kuŋtə yighee nə.