1 Jɔn 2:13 - Vengo (Babungo)

¹³ Gə fɨ maa vətɨta, mə ŋwaꞌlə tɨ́ viŋ vətɨta buꞌ laa viŋ kɨɨ nə Nwi, faŋ ŋwə nə luu shɔ, shù fɨ maa vənzi və mbi. Gə fɨ maa zawə, mə ŋwaꞌlə tɨ́ viŋ nɨzi, buꞌ laa viŋ ghɔ̀ꞌ tɨɨ vəzwitə vəbwəvə.

1 Jɔn 2:13 ပူးပေါင်းရင်းမြစ်များ

Matiu 11:27

Ŋwə nə baa gì laa lee, «Tii ŋwaa nùŋsə vənu vənshə ghɔ mə. Tuu wə kee kɨɨ nə Wee Nwi me, kɨɨ sheꞌ tɨta Nwi kɨ̀ɨ nə ŋwə. Gə fɨ maa tɨta Nwi, tuu wə kee kɨ̀ɨ nə ŋwə me, kɨɨ sheꞌ ŋwiŋ wi kɨ̀ɨ nə ŋwə, nə wə ntɨə faŋ Wee Nwi ghɔ́ kàw maa məbɨ tɨ́ ŋwə.»

Matiu 13:19

Wə kɨ luu kɨ zɔ nu buꞌ nu yifwàŋ yizɔ, kee kɨ̀ɨ nə ŋiꞌ ki me, buu tɨɨ vəzwitə vəbwəvə taa jwi fi nu kɔ́ fɨ ghɔ ŋwə, faŋ vɨ nii mɔ̀ꞌ taa fwi ŋwə nə. Nu wə ghɔ́ lùu yaa ŋkə ŋgwisə say ghinə faŋ ŋə fìŋ jɨɨ nə.

Matiu 13:38

Yindɨɨ yɔ́ faŋ ŋwə mɔ̀ꞌ say ghɔ́ shɔ nə, lùu taa mbi. Say jəənə ghɔ́ lùu vɨɨ mbɨə faŋ vəŋ ndɔ ŋii nu yifwàŋ yizɔ. Ŋwa ghɔ́ lùu vaŋ tɨɨ vəzwitə vəbwəvə.

Matiu 5:37

Viŋ kɨ gisə yigi yiŋ laa ɔŋ, tɨꞌnə me laa bey, maa yinsəŋ. Viŋ kɨ luu baa kwìinə kuꞌsə yigi yimɔ́ꞌ shɔ, buu nyə ndɔ̀ fɨ maa nu bwə.»

Lukas 10:22

Ŋwə baa gì tɨ́ vəŋ laa, «Tii ŋwaa nùŋ vənu vənshə taa ghɔ mə. Wə kee lùu shɔ faŋ ŋwə kɨɨ nə Wee Nwi me, kɨɨ sheꞌ tɨta Nwi. Kaꞌ wə kee kɨ̀ɨ faŋ tɨta Nwi lùu me, tɨ̀ lɨꞌ sheꞌ Wee Nwi ghɔ́, nə wə ntɨə faŋ Wee Nwi ghɔ́ kàw maa məbɨ tɨ́ ŋwə me.»

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 14:7

Viŋ nii toꞌ kɨɨ nə mə, buu viŋ kɨ̀ɨ nə Tii ŋwaa nɨzi. Shù ndee viŋ kɨɨ nə ŋwə. Viŋ duꞌtə viŋ ye ŋwə.»

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 14:9

Yeso gi tɨ́ ŋwə laa, «Filip, nsiŋ duꞌtə nsiŋ tày dɨdɨꞌ, a kee ta kɨ̀ɨ nə mə yimu? Wə ntɨə faŋ ŋwə yè mə, buu ŋwə yè luu Tii ŋwaa. A sii gì laa mə də Tii ŋwaa tɨ́ viŋ kɨkə?

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 16:3

Vəŋ taa yɨ̀sə vənu vɔ́, buꞌ laa vəŋ kee kɨɨ nə Tii ŋwaa me, kee kɨɨ nə mə me.

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 16:33

Mə naysə nu kɔ́ tɨ́ viŋ, tɨ́ kaꞌ nsiŋ lùu fa kəmuꞌ, fwi yiŋ duꞌ nyɔŋ. Viŋ taa ye ŋɨꞌ taa mbi nyə̀, viŋ ka fwi siŋ, buꞌ laa mə duꞌtə mə ghɔꞌ mbi nyə̀.»

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 17:21

Nɨniŋ laa vəŋ vənshə luu nə fa kəmuꞌ, sheꞌ faŋ nsoo, tɨta, lùu fa kəmuꞌ. Mbɨꞌtə yə luu mbɨꞌtə nyaa, mbɨꞌtə nyaa luu mbɨꞌtə yə. Nɨniŋ, nsiŋ vɨ vəŋ ndɔ luu nə fa kəmuꞌ nɨzi, tɨ́ kaꞌ mbi biŋ, baa kɨɨ laa nə tɔ̀ŋ ghɔ tɔ̀ŋ mə.

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 17:3

Məbwey ghɔ́ faŋ ŋwə gòꞌsə yighee muꞌ nə, lùu faŋ vɨ kɨɨ nə ghɔ, faŋ a lùu Nwi yinsəŋ nɨnɔŋ, baa kɨ̀ɨ nə mə, Yeso Kristo, faŋ a nə tɔ̀ŋ mə nə.

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 8:19

Vəŋ bitə tɨ́ ŋwə laa, «Tii wə bə?» Yeso bəŋsə tɨ́ vəŋ laa, «Viŋ kee kɨɨ nə mə me, kee kɨɨ nə Tii ŋwaa me. Viŋ toꞌ kɨɨ nə mə, buu viŋ kɨ̀ɨ nə Tii ŋwaa nɨzi.»

2 Kɔrintian 4:6

Nwi, faŋ ŋwə nə gì laa, «Bàw məley kɨ bee, fùu fɨ taa mfiŋsə,» ŋwə baa yɨ̀sə məley bee taa fwisə yia, maa məkɔ tɔ ley tɨ́ yia, tɨ́ kaꞌ yia kɨ̀ɨ nə yikwalə Nwi, faŋ nyə fùu ntee taa ŋwaa Kristo.

1 Timoti 5:1

Kaa gi yigi yishəsə tɨ́ wuu taa me, kɨ tɨsə ŋwə sheꞌ yaa tii wə, tɨsə zawə yaa vaŋ-nshwi və,

Taytəs 2:6

Gə fɨ maa vəndɔŋ və zawə, tɨ vəŋ laa vəŋ kɨ shiinə yiŋwaa yivəŋ.

1 Jɔn 1:1

Ŋwaꞌlə ŋwə̀ luu buꞌ wə ntɨə faŋ ŋwə yaa luu shɔ vɨsɨ. Yia nə zɔ̀ faŋ ŋwə gisə, yè ŋwə nə sɨ ghia, baa kɔ̀ŋ ŋwə nə ghɔ ghia. Vɨ tii ŋwə laa, «Yigi Nwi faŋ nyə kɔ məbwey vəlwaŋ tɨ́ vɨɨ.»

1 Jɔn 2:1

Vaŋ vaŋ, mə nyɔꞌ vənu və̀ tɨ́ viŋ laa kɨ viŋ baa kɨ yɨ vənu vəbwəvə me. Kɨ luu laa wə gu, yɨ nu bwə, buu Yeso Kristo, wuu ley shɔ, faŋ ŋwə tɨŋ vɨsɨ Nwi, ndwaŋ Nwi tɨ́ nsiŋ.

1 Jɔn 2:12

Mə ŋwaꞌlə tɨ́ viŋ, vaŋ vaŋ, laa Nwi mèꞌ yibɨsə yiŋ buꞌ Yeso Kristo.

1 Jɔn 2:14

Vaŋ vaŋ, mə ŋwaꞌlə vənu və̀ tɨ́ viŋ, buꞌ laa viŋ kɨɨ nə tɨta Nwi. Gə fɨ maa vətɨta, mə ŋwaꞌlə tɨ́ viŋ, vətɨta, buꞌ laa viŋ kɨ̀ɨ nə Nwi, faŋ ŋwə nə luu shɔ, shù fɨ maa vənzi və mbi. Gə fɨ maa zawə, mə ŋwaꞌlə tɨ́ viŋ, buꞌ laa viŋ lùu vəweꞌ maa nu Nwi, kɨ nuŋsə ŋkə taa fwisə viŋ, ghɔ̀ꞌ tɨɨ vəzwitə vəbwəvə.

1 Jɔn 3:12

Kɨ nsiŋ luu yaa Kayin faŋ ŋwə nə ndɔ̀ fɨ ghɔ tɨɨ vəzwitə vəbwəvə, zwi weenshu wi me. Ŋwə nə zwì weenshu wi buꞌ kə? Maa ŋwə nə zwì weenshu wi, buꞌ laa vənu vi nə luu vəbwə, vənu və weenshu wi luu vəloomə.

1 Jɔn 4:4

Gə fɨ maa viŋ, vaŋ vaŋ, viŋ luu vɨɨ Nwi. Nɨniŋ, viŋ ghɔ̀ꞌ vɨɨ təba vɔ́, buꞌ faŋ Nwi lùu taa fwisə viŋ. Ŋwə kwàlə shɔ̀ɔ tɨɨ vəzwitə vəbwəvə faŋ ŋwə lùu taa fwisə vɨɨ təba vɔ́ fɨ mbi nə.

1 Jɔn 5:18

Mə baa lesə tɨ́ viŋ laa, nsiŋ kɔꞌ kɨɨ laa, wə ntɨə faŋ bì Nwi bì ŋwə, kee yaa kɨ yɨ nu bwə me, buꞌ faŋ Wee Nwi shiinə ŋwə. Nɨniŋ, kaꞌ tɨɨ vəzwitə vəbwəvə kee kɔ̀ŋ wə ghɔ́ me.

1 Jɔn 5:20

Nsiŋ kɔꞌ kɨɨ laa Wee Nwi nə jwì ŋaꞌsə sɨ ŋaa-nsiŋ, tɨ́ kɨ kaꞌ nsiŋ kɨɨ nə Nwi faŋ lùu Nwi yinsəŋ. Nsiŋ lùu fa kəmuꞌ nsiŋ vɨ Nwi yinsəŋ, buꞌ faŋ nsiŋ lùu fa kəmuꞌ nsiŋ vɨ ŋwiŋ wi Yeso Kristo. Yeso lùu Nwi yinsəŋ, məbwey vəlwaŋ ghɔ ŋwə.

Reveleyshən 12:11

Vaŋ-nshwi vaŋ-nsiŋ vɔ́ baa luu ghɔꞌ ŋwə nɨzi buꞌ mənshi mə wee-bi-njɨɨ ghɔ́, buꞌ faŋ vəŋ nə bìŋ nu Kristo ntee, kàw ŋwə shɔɔ məbwey vəŋ, biŋ ŋwə, zìꞌ tɨ́ yiku.

Reveleyshən 2:7

Wə ntɨə faŋ ŋwə kìi tuulə zɔ, ŋwə zɔ nu ŋkɨə faŋ Zwitə Ley Nwi gisə tɨ́ vəməshəŋtə və vɨɨ Nwi. Mə taa kɔ məbwey vəlwaŋ tɨ́ wə ntɨə faŋ ŋwə ghɔꞌ nu bwə, zəsə ŋwə fɨ maa tɨ məbwey ŋkɨə faŋ ŋkə lùu taa ŋkɔꞌ Paradays faŋ luu ŋkɔꞌ Nwi.»