1 Jɔn 2:1 - Vengo (Babungo)

¹ Vaŋ vaŋ, mə nyɔꞌ vənu və̀ tɨ́ viŋ laa kɨ viŋ baa kɨ yɨ vənu vəbwəvə me. Kɨ luu laa wə gu, yɨ nu bwə, buu Yeso Kristo, wuu ley shɔ, faŋ ŋwə tɨŋ vɨsɨ Nwi, ndwaŋ Nwi tɨ́ nsiŋ.

1 Jɔn 2:1 ပူးပေါင်းရင်းမြစ်များ

Lukas 10:22

Ŋwə baa gì tɨ́ vəŋ laa, «Tii ŋwaa nùŋ vənu vənshə taa ghɔ mə. Wə kee lùu shɔ faŋ ŋwə kɨɨ nə Wee Nwi me, kɨɨ sheꞌ tɨta Nwi. Kaꞌ wə kee kɨ̀ɨ faŋ tɨta Nwi lùu me, tɨ̀ lɨꞌ sheꞌ Wee Nwi ghɔ́, nə wə ntɨə faŋ Wee Nwi ghɔ́ kàw maa məbɨ tɨ́ ŋwə me.»

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 10:15

Luu sheꞌ faŋ Tii ŋwaa kɨ̀ɨ nə mə; mə baa kɨ̀ɨ nə Tii ŋwaa. Nɨniŋ, mə bìŋ maa məku tɔ bisə saŋ maa məbweysə nsə.

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 13:33

Vaŋ vaŋ, yighee kee baa gòꞌ ntaŋ, faŋ mə taa mèꞌtə viŋ me. Viŋ taa kɨ kəə mə, luu nə, shəŋ ŋkɨə faŋ mə gə shɔ, kaꞌ viŋ kee gə̀ shɔ me, yuu mə nə duꞌtə mə naysə tɨ́ vɨɨ Jus nə. Mə baa luu naysə nu kɔ́ tɨ́ viŋ ndwə.

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 14:16

Mə ndɔ buꞌ ghɔ tɨ́ Tii ŋwaa, ŋwə taa kɔ wuu məgaŋtə tɨ́ viŋ faŋ lùu Zwitə Ley. Ŋwə goꞌsə taa ŋwaa viŋ yighee muꞌ.

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 14:6

Yeso gi tɨ́ ŋwə laa, «Lùu mə lùu jɨɨ yɔ́. Nu yinsəŋ nə məbwey vəlwaŋ ndɔ fɨ ghɔ mə nɨzi. Kaꞌ wə kee gə ye tɨta Nwi me, maa tɨ̀ lɨꞌ laa ŋwə shɔ̀ɔ fɨ maa mə me.

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 21:5

Yeso gi tɨ́ vəŋ laa, «Vaŋ vaŋ, viŋ kee ta kòo susə yimu?» Vəŋ gi laa «bey».

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 5:14

Fɨkɨꞌ wə ghɔ́ faŋ Yeso nii shùꞌ ŋwə nə, gə ŋìi taa ŋii Nwi yikwalə. Yeso ye ŋwə yifi, gì tɨ́ ŋwə laa, «Ye mɔɔ, a bwaŋnə̀. Kɨ ghɔ baa kɨ yɨsə vənu vəbwəvə me, laa kɨ nu faŋ ŋkə wèꞌ shɔ̀ɔ za kì, ndɔ jia ghɔ me.»

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 5:36

Luu nə, vənu vəmɔ́ꞌ shɔ faŋ mbə shɔɔ yigisə Jɔn yɔ́, faŋ mbə də laa Tii ŋwaa nə tɔ̀ŋ mə yinsəŋ. Lùu vənu və shuu yɔŋvə faŋ mə yɨ nə, faŋ Tii ŋwaa kɔ̀ mə laa mə yɨ. Mbə də yinsəŋ laa tɔ̀ŋ Tii ŋwaa tɔ̀ŋ mə.

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 6:27

Kɨ viŋ baa kɨ faꞌ maa fazɨ ŋkɨə faŋ ŋkə taa ndi me. Bàw viŋ faꞌ maa məfi fazɨ ŋkɨə faŋ kaꞌ ŋkə goꞌsə yighee muꞌ, yɨ̀ viŋ kìi məbwey vəlwaŋ. Lùu ŋkɨə faŋ Wuu yinsəŋ Nwi ndɔ kɔ tɨ́ viŋ. Kaꞌ ŋwə kɔ tɨ́ viŋ buꞌ laa tɨta Nwi nə kɔ̀ wutə ki tɨ́ ŋwə yaa shwenə tɨ́ viŋ.»

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 8:11

Wəzwi ghɔ́ gi tɨ́ Yeso laa, «Tɨta, wə kee baa lùu shɔ me.» Yeso gi tɨ́ wəzwi ghɔ́ laa, «Faŋ ŋkə lùu nɨniŋ, nshɨ-tɔ ŋwaa nɨzi, mə kee taa mɔꞌ nsɔꞌ yɔ́ me. Gə, kɨ baa yɨ nu bwə me!»]

Akts 7:52

Nshiiŋii-sɔghɔ lùu shɔ, faŋ vətɨɨ viŋ kee shòꞌ ghuu ghi yimu? Vəŋ nə zwìlə vɨɨ mbɨə faŋ vəŋ nə bɨ fɔŋ gì laa wuu ley Nwi ndɔ jwi fɨ yiba. Lùu ndwə, viŋ fìŋ wuu ley Nwi ghɔ́, zwi ŋwə.

Roma 5:10

Yighee njyə faŋ nsiŋ nə luu vɨɨ mbeenə Nwi, ŋwə yɨsə nsiŋ gu fa kəmuꞌ, nsiŋ vɨ Nwi buꞌ yiku ŋwiŋ wi, faŋ ŋwə nə kù tɔ nsiŋ nə. Nɨniŋ, faŋ nsiŋ gu fa kəmuꞌ nsiŋ vɨ Nwi buꞌ yiku yi nə, buu kaꞌ nsiŋ baa luu kɨɨ ŋkee maa yinsəŋ laa Nwi ndɔ bweysə nsiŋ buꞌ məbwey ŋwiŋ wi.

Roma 6:15

Faŋ ŋkə lùu nɨniŋ, faŋ ntɨsə sɔ́ kee baa sɔ̀ꞌ nsiŋ me, buꞌ faŋ mənɔŋ-bwaŋnə Nwi sɔꞌ nsiŋ nə, kaꞌ nsiŋ kɨ yɨ vənu vəbwəvə mu? - Bey, ŋkə kee lùu nɨniŋ me.

Roma 8:34

Sii kaꞌ shia ndə shia nsɔꞌ tɔ vəŋ? Yeso Kristo nə kù tɔ nsiŋ, baa yɨ̀sə nu faŋ ŋkə shɔ̀ɔ yiŋkii. Nu kɔ́ lùu laa ŋwə nə ywèy fɨ shɨ yiku. Ŋwə baa dùꞌ maa kwiŋ Nwi maꞌnə, bəŋsə vənu vaŋ-nsiŋ ghɔ Nwi.

1 Kɔrintian 15:34

Kɨ viŋ baa kɨ yɨsə vənu vəmfaw me. Viŋ bee kii meꞌtə məyɨ vənu vəbwəvə, yuu ŋkə kuꞌnə tɨ́ nsiŋ. Mə ye laa vɨɨ mɔ́ꞌ fɨ taa ŋwaa viŋ kee kɨ̀ɨ nə Nwi tuu tɨtiꞌ me. Mə gì tɨ́ nee, lùu nu tɔ dɨɨ tɨ́ viŋ.

2 Kɔrintian 5:21

Nwi nə yɨ̀sə laa wə ntɨə faŋ ŋwə nə kee kɨ̀ɨ nə nu bwə me, biꞌ yibɨsə nyaa-nsiŋ, tɨ́ kaꞌ nsiŋ lùu vɨɨ loomə vɨsɨ Nwi.

Galatia 4:19

Vaŋ vaŋ faŋ mə kàw, mə lùu yaa wəzwi faŋ ŋwə kɨ bii bi, mə baa ye ŋɨꞌ buꞌ viŋ, gə ziꞌ tɨ́ yighee njyə faŋ nshinə Kristo ndɔ ŋii taa ŋwaa viŋ.

Efesɔs 2:18

Luu sheꞌ buꞌ ŋwə laa nsiŋ kìi jɨɨ, ŋìi yɨ tɨta Nwi taa Zwitə ki kəmuꞌ ndwə.

Efesɔs 4:26

Kɨ luu fwi siŋ za, kɨ viŋ yɨ nu bwə me, kee biŋ laa shɨshwi fiŋ, maa laa viŋ mètə ntay yiŋ me.

1 Timoti 2:5

Nwi luu sheꞌ muꞌ. Wə ntɨə faŋ ŋwə fàynə vɨɨ ghɔ vɨ Nwi luu sheꞌ muꞌ nɨzi, lùu Yeso Kristo, wuu məbweysə ŋwaa-nsiŋ.

1 Timoti 3:14

Faŋ mə nyɔ̀ꞌ ŋwaꞌlə ŋwə̀ tɨ́ ghɔ nə, mbɨꞌtə nyaa lùu laa mə taa jwi yɨ ghɔ fɨkɨꞌ nee.

Hibru 9:24

Kristo nə ŋìi maa shəŋ ŋkɨə faŋ Nwi lùu shɔ yizɔ. Ŋwə tɨŋ vɨsɨ Nwi maa yizii nyaa-nsiŋ ndwə. Ŋwə nə kee bee ŋii taa vəbee və Nwi faŋ fìanə wə mənsaw me, faŋ luu sheꞌ shwenə shəŋ faŋ Nwi lùu shɔ nə.

Jeyms 1:27

Wə kɨ luu kɨ kəə lùu wuu Nwi leyley, faŋ nu bwə ki kee lùu yikəꞌ tɨta Nwi me, bàw ŋwə kɨ kɨꞌ vaŋ vəti ghɔ vəki ŋkusə maa ŋɨꞌ vəŋ, baa shiinə ŋwaa wi laa kɨ vətɔ və shɨ nsi bɨsə fwi yi me.

Jeyms 3:9

Nsiŋ yaa kɨ bəŋsə Mɔꞌmbi faŋ lùu Tii ŋwaa-nsiŋ nə nditə kaŋ-nsiŋ, ndɔ kɨ ndi sheꞌ nditə kɔ́, ndasə vaŋ-nshwi vaŋ-nsiŋ shɔ, ŋkee vaŋ-nshwi vaŋ-nsiŋ faŋ Nwi nə bɔŋ vəŋ maa ŋkɨꞌnə yi.

1 Pita 2:22

Ŋwə nə kee yɨ tuu nu bwə nə ŋwaa ŋgwinə me, wə kee ta zɔ̀ yigisə təba fɨ shuu ŋwə me.

1 Pita 3:18

Kristo nə kù yighee muꞌ buꞌ vənu vəbwəvə faŋ vɨɨ yɨ̀sə. Ŋkee wə ntɨə faŋ vənu vi lùu vəloomə, kù tɔ vɨɨ faŋ vənu vəvəŋ kee lùu vəloomə me, laa ŋwə kiasə nsiŋ, kɔ̀ tɨ́ Nwi. Vɨ nə zwì mbasə ŋwaa wi, luu nə, zwitə ki bwey.

1 Jɔn 3:18

Nɨniŋ, vaŋ vaŋ, kɨ nsiŋ baa kɨ kaw vaŋ-nshwi vaŋ-nsiŋ sheꞌ fɨ shuu nə yigi me! Bàw nsiŋ kɨ kaw vəŋ maa vənu mbɨə faŋ nsiŋ yɨsə, nə fwi yiley.

1 Jɔn 3:5

Viŋ kɔꞌ kɨɨ laa, Yeso Kristo yaa fùu ntee laa ŋwə sɔ vənu vəbwəvə fɨ maa vɨɨ, faŋ tuu nu bwə nə kee lùu maa ŋwə me.

1 Jɔn 3:7

Vaŋ vaŋ, kɨ viŋ biŋ laa wə bweꞌsə viŋ me. Wə ntɨə faŋ ŋwə yɨ nu loomə, buu vənu vi lòomə yaa mbə Yeso.

1 Jɔn 4:4

Gə fɨ maa viŋ, vaŋ vaŋ, viŋ luu vɨɨ Nwi. Nɨniŋ, viŋ ghɔ̀ꞌ vɨɨ təba vɔ́, buꞌ faŋ Nwi lùu taa fwisə viŋ. Ŋwə kwàlə shɔ̀ɔ tɨɨ vəzwitə vəbwəvə faŋ ŋwə lùu taa fwisə vɨɨ təba vɔ́ fɨ mbi nə.

1 Jɔn 5:17

Vənu vəbwəvə vənshə faŋ wə yɨ, lùu nu bwə vɨsɨ Nwi. Luu nə, nu bwə shɔ faŋ ŋkə kee yaa kɨ zwi fwi wə me.

1 Jɔn 5:21

Nɨniŋ, vaŋ vaŋ, viŋ kɨ shiinə yiŋwaa yiŋ fɨ ghɔ vənwi vədayday!

3 Jɔn 1:4

Nu məŋaytə kee lùu shɔ faŋ ŋkə shɔ̀ɔ yiŋkii me, laa mə zɔ laa vaŋ vaŋ toꞌ yitoꞌ yivəŋ fɨ yiba nu ŋkɨə faŋ ŋkə lùu nu yinsəŋ.