1 Jɔn 1:6 - Vengo (Babungo)

⁶ Nsiŋ kɨ luu gi laa nsiŋ lùu fa kəmuꞌ, nsiŋ vɨ Nwi, luu nə, kɨ toꞌ fɨ taa mfiŋsə, buu nsiŋ sɨɨ ba, kee yɨ nu ŋkɨə faŋ ŋkə luu kəloomə me.

1 Jɔn 1:6 ပူးပေါင်းရင်းမြစ်များ

Matiu 7:22

Maa shi ŋkɨə faŋ nu yifwàŋ yizɔ ndɔ fuu ntee, vɨɨ vəyaŋ ndɔ gì shee laa, «Tɨta, tɨta, maa yia nəə fɨꞌtə yigisə shuu Nwi maa yizii yə, fuusə vəzwitə vəbwəvə fɨ maa vɨɨ maa yizii yə, yɨsə vənu vəkwalə vəyaŋ maa yizii yə.»

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 11:10

Yaa kɨ tuŋ wə ntɨə faŋ ŋwə toꞌ vətuꞌ taa mfiŋsə tuŋ ghuu ki, buꞌ laa ŋwə toꞌ taa mfiŋsə, kee kìi ndiꞌ me.

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 12:35

Yeso gi tɨ́ vəŋ laa, «Məley taa lùu ghɔ viŋ sheꞌ maa wee-fɨ-yighee. Bàw viŋ toꞌ gə vɨsɨ vɨsɨ maa yighee njyə faŋ məley ghɔ́ lùu ghɔ viŋ nə, buꞌ mfiŋsə taa kɔlə viŋ jɨɨ. Wə faŋ ŋwə toꞌ fɨ taa mfiŋsə, kee yaa kɨ kɨɨ nə fɔɔ ŋwə gə me.

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 12:46

Mə fùu mbi yaa kiꞌ, laa wə tɨ̀ me wə faŋ ŋwə nùŋ fwi yi maa mə, kee baa tòꞌ fɨ taa mfiŋsə me.

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 8:12

Maa yighee yɔ́ Yeso baa gì tɨ́ vɨɨ laa, «Mə lùu kiꞌ taa mbi. Wə ntɨə faŋ ŋwə beꞌsə mə, kaꞌ ŋwə kee baa tòꞌ fɨ taa mfiŋsə me, ŋwə taa ye məley faŋ ŋwə kɔ məbwey vəlwaŋ.»

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 8:55

faŋ viŋ kee bee kɨɨ nə ŋwə me. Kɨɨ sheꞌ mə nə ŋwə. Mə nii toꞌ gì laa mə kee kɨɨ nə ŋwə me, buu mə sɨ̀ɨ ba, buu mə luu sheꞌ yaa viŋ vɨɨ təba. Luu nə, mə naysə tɨ́ viŋ laa mə kɨɨ nə ŋwə. Mə baa zɔnə ŋwə, nuŋsə yigisə yi.

1 Timoti 4:2

Vɨɨ məsɨɨ təba vəmɔ́ꞌ, boꞌ ŋwaa, bwèꞌsə vɨɨ. Mbɨꞌtə vɨɨ təba vɔ́ kukə, shwenə nu bwə lùu taa fwisə vəŋ, luu sheꞌ yaa vɨ twaŋ nə bwey ndɔŋ.

Jeyms 2:14

Vaŋ-nshwi vaŋ, wə kɨ luu gi laa yi bìŋ Nwi, kee kɨ yɨsə nu ŋkɨə faŋ Nwi kəə me, buu kaꞌ ŋkə taa gaŋtə ŋwə nə kə? Kaꞌ məbiŋ wi ghɔ́ bweysə ŋwə kɨkə?

Jeyms 2:16

wə fɨ taa ŋwaa viŋ gi tɨ́ ŋwə laa, «Gə nə mənɔŋ-bwaŋnə; Nwi taa kɔ fa ŋkɨə faŋ a taa shuŋ, nə fa ŋkɨə faŋ a taa zɨ,» gì nɨniŋ, kee bee kɔ̀ vətɔ mbɨə faŋ ŋwə bəə mbə me, buu lùu nu yɔŋ.

Jeyms 2:18

Kaꞌ wə mɔ́ꞌ gì shee laa, «A fàꞌ tɨ́ Nwi, gə̀ fɨ maa mə, mə nùŋ fwi nyaa maa Nwi.» Nɨniŋ, sii kaꞌ a də̀ kɨkə faŋ a nùŋ fwi yə maa Nwi, faŋ a kee yɨ vənu vəjəəvə me. Gə fɨ maa mə, kaꞌ mə də̀ tɨ́ ghɔ laa mə nùŋ fwi nyaa maa Nwi fɨ maa vənu vəjəəvə vaŋ faŋ mə yɨsə.

1 Jɔn 1:10

Nsiŋ kɨ luu kɨ gisə laa nsiŋ kee yɨ̀ nu bwə me, buu nsiŋ tii Nwi nə wuu ba, nu ki kee lùu taa fwisə nsiŋ me.

1 Jɔn 1:3

Nu ŋkɨə faŋ yia yè baa zɔ, yia baa luu fɨꞌtə tɨ́ viŋ, tɨ́ kɨ kaꞌ nsiŋ faynə luu fa kəmuꞌ, nsiŋ vɨ tɨta Nwi baa nə ŋwiŋ wi Yeso Kristo.

1 Jɔn 1:8

Nsiŋ kɨ luu kɨ gisə laa, nu bwə kee lùu taa fwisə nsiŋ me, buu nsiŋ bwèꞌsə yiŋwaa nyaa-nsiŋ, buu nu yinsəŋ kee lùu taa ŋwaa nsiŋ me.

1 Jɔn 2:4

Wə ntɨə faŋ ŋwə gì laa, yi kɨɨ nə Nwi, kee kɨ nuŋsə ntɨ si me, buu lùu wuu ba, nu yinsəŋ kee lùu taa ŋwaa ŋwə me.

1 Jɔn 4:20

Wə kɨ luu kɨ bee weenshu wi, gisə laa yi kaw Nwi, buu ŋwə lùu wuu ba. Wə kɨ luu kee kɨ kaw weenshu wi faŋ ŋwə ye ŋwə nə me, buu kaꞌ ŋwə kàw Nwi kɨkə faŋ ŋwə kee yè Nwi nə me.