1 Jɔn 1:10 - Vengo (Babungo)

¹⁰ Nsiŋ kɨ luu kɨ gisə laa nsiŋ kee yɨ̀ nu bwə me, buu nsiŋ tii Nwi nə wuu ba, nu ki kee lùu taa fwisə nsiŋ me.

1 Jɔn 1:10 ပူးပေါင်းရင်းမြစ်များ

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 3:33

Wə ntɨə faŋ ŋwə bìŋ nu ŋkɨə faŋ ŋwə gisə, biŋ laa Nwi lùu wuu yinsəŋ.

Kɔlɔsii 3:16

Viŋ duꞌ kɨ bɨꞌtə sheꞌ yigisə Kristo fɨ taa fwisə viŋ ghee nshə. Viŋ kɨ ndi yitɔfə maa mədeesə wə nə wə nə nu Nwi, tɨsə wə nə wə. Viŋ kɨ bəŋsə Nwi nə nyaysə taŋ taŋ, viŋ kɨ zwa nyaysə faŋ Zwitə Ley Nwi kɔ̀ tɨ́ viŋ. Bàw viŋ yɨ nɨniŋ, baa bwàŋ Nwi nə fwi yimuꞌ.

1 Jɔn 1:8

Nsiŋ kɨ luu kɨ gisə laa, nu bwə kee lùu taa fwisə nsiŋ me, buu nsiŋ bwèꞌsə yiŋwaa nyaa-nsiŋ, buu nu yinsəŋ kee lùu taa ŋwaa nsiŋ me.

1 Jɔn 2:14

Vaŋ vaŋ, mə ŋwaꞌlə vənu və̀ tɨ́ viŋ, buꞌ laa viŋ kɨɨ nə tɨta Nwi. Gə fɨ maa vətɨta, mə ŋwaꞌlə tɨ́ viŋ, vətɨta, buꞌ laa viŋ kɨ̀ɨ nə Nwi, faŋ ŋwə nə luu shɔ, shù fɨ maa vənzi və mbi. Gə fɨ maa zawə, mə ŋwaꞌlə tɨ́ viŋ, buꞌ laa viŋ lùu vəweꞌ maa nu Nwi, kɨ nuŋsə ŋkə taa fwisə viŋ, ghɔ̀ꞌ tɨɨ vəzwitə vəbwəvə.

1 Jɔn 2:4

Wə ntɨə faŋ ŋwə gì laa, yi kɨɨ nə Nwi, kee kɨ nuŋsə ntɨ si me, buu lùu wuu ba, nu yinsəŋ kee lùu taa ŋwaa ŋwə me.

1 Jɔn 4:4

Gə fɨ maa viŋ, vaŋ vaŋ, viŋ luu vɨɨ Nwi. Nɨniŋ, viŋ ghɔ̀ꞌ vɨɨ təba vɔ́, buꞌ faŋ Nwi lùu taa fwisə viŋ. Ŋwə kwàlə shɔ̀ɔ tɨɨ vəzwitə vəbwəvə faŋ ŋwə lùu taa fwisə vɨɨ təba vɔ́ fɨ mbi nə.

1 Jɔn 5:10

Nɨniŋ, wə ntɨə faŋ ŋwə nùŋ fwi yi maa Wee Nwi, buu nu məbiŋ kɔ́, faŋ Nwi twèlə tɨ́ ŋwə nə, gòꞌsə taa fwi ŋwə. Wə ntɨə faŋ ŋwə kee bìŋ yigisə Nwi me, buu wə ghɔ́ tii Nwi nə wuu ba, buꞌ faŋ ŋwə kee bìŋ nu ŋkɨə faŋ Nwi twelə buꞌ ŋwiŋ wi me.

2 Jɔn 1:2

Lùu nɨniŋ buꞌ nu yinsəŋ faŋ ŋkə lùu taa fwisə nsiŋ, baa gòꞌsə taa fwisə nsiŋ yighee muꞌ.