1 Kɔrintian 9:8 - Vengo (Babungo)

⁸ Faŋ mə naysə vənu və̀, mə kee naysə sheꞌ nu faŋ ŋkə ndɔ̀ fɨ taa yigisə vɨɨ me. Nə nyɔ̀ꞌ Mose taa ŋwaꞌlə Nwi sheꞌ nɨniŋ.

1 Kɔrintian 9:8 ပူးပေါင်းရင်းမြစ်များ

Roma 3:31

Ŋkə nə də̀ laa nsiŋ mèꞌ ntɨsə Nwi buꞌ nu mənuŋ fwi maa Kristo mu? - Bey, nsiŋ gisə laa ntɨsə sɔ́ lùu yinsəŋ.

Roma 3:5

Nɨniŋ nə, vənu vəkɔvə mbɨə faŋ nsiŋ yɨsə nə, shaꞌsə yizii Nwi yizɔ, buꞌ laa vənu vi lùu vəloomə. Faŋ ŋkə lùu nɨniŋ, nsiŋ gì laa kə? Nwi lùu wuu nsɔꞌ bwə, buꞌ faŋ ŋwə kwàŋ nsɔꞌ tɔ nsiŋ nə mu? Bey, maa mə gì nee luu yigisə wə mənsaw.

Roma 6:19

Mə gisə nɨniŋ, fɨꞌ sheꞌ maa ndɨɨlə wə mənsaw, buꞌ laa ŋwaa wiŋ nə bwa maa nu Kristo. Nə luu maa yighee vɨsɨ, viŋ nə fìŋ vəshəŋ fɨ maa viŋ maa nu bwə, nə maa nu faŋ ŋkə kee kùꞌnə maa ntɨsə Nwi me, viŋ gu vəbuꞌ və vənu vɔ́, sùꞌsə ntɨsə Nwi. Nɨniŋ, bàw viŋ baa luu fìŋ yiŋwaa yiŋ yinshə tɨ́ nu ŋkɨə faŋ ŋkə lùu kəloomə ndwə, gù vəbuꞌ tɨ́ nu faŋ ŋkə lùu kəloomə, laa viŋ baw vɨsɨ Nwi, gə̀ vɨsɨ vɨsɨ.

1 Kɔrintian 14:34

Bàw vəki duꞌ ŋkwəŋ taa ŋii məshəŋtə vɨɨ Nwi. Ŋkə kee bàw laa vəŋ kɨ gisə me. Bàw vəŋ suꞌsə yiŋwaa vəŋ nsi, faŋ vɨ nyɔ̀ꞌ taa ŋwaꞌlə Nwi.

1 Kɔrintian 7:40

Faŋ ŋkə kɔlə lùu laa lee, ŋwə kìi jɨɨ maa məndaa wəndɔŋ day, faŋ ndəə wi ku nə, ŋkə bàw laa ŋwə dùꞌ nɨnɔŋ, buu ŋwə taa kii məŋaytə yaŋ. Faŋ mə gì nɨniŋ nə, mə baa bɨꞌtə laa yia Zwitə Nwi lùu mɔ́ꞌ.

Galatia 1:11

Vaŋ-nshwi vaŋ, viŋ kɔꞌ kɨɨ laa ntɔŋ njyə faŋ mə nə fɔŋ fɨ̀ꞌtə tɨ́ viŋ nə, nə kee ndɔ̀ fɨ ghɔ wə mənsaw me.

1 Tesalonika 2:13

Nɨniŋ, yia bwaŋ Nwi buꞌ viŋ ghee nshə. Yighee njyə faŋ yia nə jwì nə yigisə Nwi tɨ́ viŋ nə, viŋ zɔ, nùŋ fwi siŋ shɔ, kee ndì yigisə yɔ́ yaa yigisə wə mənsaw me, ndì lùu yaa yigisə Nwi, faŋ nyə lùu nɨniŋ yinsəŋ. Nə luu nɨniŋ buꞌ laa Nwi nə faꞌ taa ŋwaa viŋ, faŋ viŋ nə nùŋ fwi siŋ maa ŋwə nə.

1 Tesalonika 4:8

Nɨniŋ, wə ntɨə faŋ ŋwə shìa nu kɔ́, kee shìa luu wə me, ŋwə shìa luu Nwi, ŋkee ŋwə faŋ ŋwə kwaŋ Zwitə ki, faŋ ŋkə bàw shɨlə nə, taa fwisə viŋ.