1 Kɔrintian 9:25 - Vengo (Babungo)

²⁵ Wə tɨ̀ me wə faŋ ŋwə gì laa yi taa sɨɨnə ghuu, lootə ŋwaa wi ŋkee jəə, mèꞌtə vənu vəyaŋ, tɨ́ kaꞌ ŋwaa wi weꞌ. Ŋwə yɨ̀sə nɨniŋ laa ŋwə kìi vəkeynə. Vəkeynə mbɨə faŋ ŋwə kəə mbə nə, lùu fa faŋ kaꞌ ŋkə bɨ. Luu nə, vəkeynə mbɨə faŋ nsiŋ tə̀ sɨ shɔ laa nsiŋ taa kii nə, lùu məbwey vəlwaŋ faŋ kaꞌ ŋwə kee ndɔ bɨ me.

1 Kɔrintian 9:25 ပူးပေါင်းရင်းမြစ်များ

1 Kɔrintian 15:54

Maa yighee yɔ́ faŋ yiŋwaa nyaa-nsiŋ kwiinə, gù fa faŋ kaꞌ ŋkə kee baa bɨ me, buu ŋkə ndɔ faynə nə nu ŋkɨə faŋ vɨ nə nyɔ̀ꞌ taa ŋwaꞌlə Nwi fɨshi laa, «Vɨ bɨꞌ wutə yiku. Nwi ghɔꞌ yiku, nyə mè.

Galatia 5:23

nə məbwasə ŋwaa, nə məshiinə ŋwaa. Ntɨ kee lùu shɔ faŋ nyə twey kəŋ vənu vɔ́ me.

1 Timoti 6:12

Kɨ̀ saŋ ŋwaa maa nu ŋkɨə faŋ a nùŋ fwi yə maa Kristo nə, fi məbwey vəlwaŋ faŋ Nwi tìi ghɔ shɔ nə, faŋ a nə biŋ jəə yikəꞌ vɨɨ vənshə, vəŋ zɔ.

2 Timoti 2:5

Wuu mənyɨŋ ghuu kaꞌ ŋwə kee nyɨŋ zɨ me, maa laa ŋwə nyɨŋ sheꞌ faŋ nuŋsə mənyɨŋ ghɔ́ dùꞌ me, nɨniŋ buu kaꞌ ŋwə kee kii vəkeynə me.

Taytəs 1:8

Bàw ŋwə bee kii kàw maa məfisə vəndɔ taa ŋii ŋwə, kàw vənu vəjəəvə, yɨsə vənu vənshə nə yitɔfə, yɨ vənu vəloomə, baa lùu wuu ley vɨsɨ Nwi, kɨɨ maa məshiinə ŋwaa wi,

Taytəs 2:2

Tɨsə vəndɔŋ vətaavə laa vəŋ jiatə yiŋwaa vəŋ, toꞌ yuu ŋkə kuꞌnə tɨ́ wuu taa, kɨ yɨsə vənu vənshə nə yitɔfə, nùŋ fwi vəŋ maa Kristo ŋkee maa yinsəŋ, kaw vɨɨ, jia fwisə vəŋ taa ŋɨꞌ.

Hibru 12:28

Nɨniŋ, bàw nsiŋ kɨ bwaŋ Nwi, buꞌ laa ŋwə bɔ̀ŋ yifwàŋ tɨ́ nsiŋ faŋ kaꞌ nyə kee nə̀ꞌnə me. Nsiŋ kɨ bwaŋ ŋwə maa yifwàŋ yi yɔ́, buu nsiŋ bəŋsə Nwi maa jɨɨ njyə faŋ nyə bàw too ŋwə. Nsiŋ baa luu kɔ feenə tɨ́ ŋwə, faꞌ tɨ́ ŋwə nə məfee,

Hibru 12:4

Yighaw njyə faŋ viŋ vɨ nu bwə tuŋ, nyə kee ta ziꞌ maa nu fənshi me.

Jeyms 1:12

Məŋaytə lùu tɨ́ wə ntɨə faŋ ŋwə jìa fwi yi wèꞌ maa yighee njyə faŋ məmɔŋ jwì maa ŋwə. Bàw ŋwə ŋaytə buꞌ laa vəkeynə vi ndɔ lùu məbwey vəlwaŋ faŋ Nwi kɔ̀ꞌnə maa məkɔ tɨ́ vɨɨ mbɨə faŋ vəŋ kaw Nwi.

1 Pita 1:4

Ŋwə bì nsiŋ nə nshinə yifi, laa nsiŋ kɨꞌ vətɔ mbɨə faŋ nsiŋ ndɔ zɨ yinsəŋ. Vətɔ vɔ́ kaꞌ mbə kee ndɔ shuu me, kee bɨ me, kee mè me. Nwi nùŋsə vətɔ vɔ́ yizɔ tɨ́ viŋ,

1 Pita 5:4

Nɨniŋ laa Yeso, tɨɨ nshiisə bisə sɔ́, ndɔ kɔ viŋ nə vəkeynə faŋ mbə gòꞌsə yighee muꞌ, maa yighee njyə faŋ ŋwə ndɔ fuu ntee sɨ vɨɨ.

2 Pita 1:6

Faŋ viŋ toꞌ nə yitɔfə nə, viŋ kɨ jia yiŋwaa yiŋ, baa weꞌ maa vənu vɔ́. Faŋ viŋ nuŋsə, jìa vənu vɔ́, wèꞌ shɔ nə, viŋ baa kɨ zɔnə Nwi nɨzi.

Reveleyshən 2:10

Kɨ fee ŋɨꞌ njyə faŋ a taa ye nə me. Tɨɨ vəzwitə vəbwəvə Satan taa kwaŋ fɨ maa viŋ taa ŋii mfiŋ, laa vɨ mɔŋ viŋ. Viŋ taa kɨ ye ŋɨꞌ maa vəshi yighuŋ. Viŋ kii fwi yiweꞌ, twèꞌ maa nu Kristo, zìꞌ tɨ́ yiku, buu ŋwə ndɔ key viŋ nə məbwey vəlwaŋ.»

Reveleyshən 3:11

Mə taa yasə jwi. Jia nu ŋkɨə faŋ ŋkə lùu ghɔ ghɔ, laa kɨ wə fi vəkeynə və me.

Reveleyshən 4:10

vɨɨ taa vɔ́ njɔsə-yishwe muu-mbɔɔ nə, nɔŋ nsi vɨsɨ wə ntɨə faŋ ŋwə nə dùꞌ fuu ŋkaw kɔ́ nə, bəŋsə ŋwə faŋ ŋwə lùu bwey maa vəshi və mbi və̀ vənshə, ndɔ goꞌsə yighee muꞌ nə. Vəŋ shoꞌtə təsɔꞌ fɨ tɔ vəŋ, mɔ̀ꞌ vɨsɨ ŋkaw kɔ́, gì laa,

Reveleyshən 4:4

Vəŋkaw və wutə vəmɔ́ꞌ njɔsə-yishwe muu-mbɔɔ kia ŋkaw kɔ́, vɨɨ taa njɔsə-yishwe muu-mbɔɔ duꞌ fuu vəŋkaw vɔ́, mɔ̀ꞌ njwisə fusə maa vəŋ, bèe təsɔꞌ tə goolə tɔ vəŋ.