1 Kɔrintian 9:24 - Vengo (Babungo)

²⁴ Yighee njyə faŋ vɨɨ yaa kɨ sɨɨnə ghuu, vɨɨ vəyaŋ nyɨ̀ŋ, luu nə, taa kii sheꞌ wə muꞌ kìi vəkeynə. Nu mətoꞌ yaa wuu Nwi luu sheꞌ yuu məsɨɨnə ghuu ghɔ́. Nɨniŋ, viŋ nyɨŋ nəŋay, baa nyɨŋ jəə, laa viŋ ndɔ kii vəkeynə vɔ́.

1 Kɔrintian 9:24 ပူးပေါင်းရင်းမြစ်များ

Roma 6:16

Maa viŋ kɨɨ laa, viŋ kɨ luu fiŋ tɔ kiŋ tɨ́ wə mɔ́ꞌ, gù vəbuꞌ vi, kɨ zɔnə ŋwə, buu viŋ luu ŋkee vəbuꞌ və wə ghɔ́ faŋ viŋ zɔnə ŋwə nə. Nɨniŋ, viŋ luu vəbuꞌ və Nwi, kɨ zɔnə Nwi, tɨ́ kaꞌ nu kiŋ bɔ̀ŋsə. Kee lùu nɨniŋ me, buu viŋ lùu vəbuꞌ tɨ́ nu bwə, ndɔ ku.

1 Kɔrintian 9:13

Maa viŋ kɨɨ laa vɨɨ mbɨə faŋ vəŋ faꞌ taa ŋii Nwi yikwalə, yaa kɨ kii fazɨ fɨ maa vətɔ mbɨə faŋ mbə fuu fɨ taa ŋii Nwi yɔ́, faŋ kɔ̀ vɨɨ nə. Vɨɨ mbɨə faŋ vəŋ faꞌ shəŋ faŋ vɨ feꞌ Nwi shɔ, vəŋ yaa kɨ kii fɨ maa mbasə ghɔ́ nɨzi, faŋ vɨ ndɨ̀, fèꞌ ndey Nwi shɔ nə.

1 Kɔrintian 9:23

Mə yɨsə vənu vənshə buꞌ nu Nwi, tɨ́ kaꞌ mə ndɔ kii fɨ maa jəə ŋgwə faŋ ŋwə jwi fiiba nu Nwi.

1 Kɔrintian 9:26

Gə fɨ maa mə, mə nyɨŋ gə neꞌtə laa mə ndɔ nyɨŋ, gə̀ zìꞌ maa vəndwə. Mə kee lùu yuu wə faŋ ŋwə nywenə ghɔ fɨɨ me.

Galatia 2:2

Mə nə gə̀ shɔ buꞌ faŋ nə nàysə nshɨ-tɔ Nwi shee, laa mə gə shɔ. Faŋ mə nə gə zìꞌ shɔ, yè vɨɨ Kristo fɨ ntɨꞌ Jerusalem, twelə ŋiꞌ ntɔŋ Nwi njyə faŋ mə fɨꞌtə tɨ́ vɨɨ taa məshɨ mətɔŋ, gə̀ yè vɨɨ kwalə vɨɨ Kristo fɨ ntɨꞌ Jerusalem sheꞌ vəŋ vəŋ, twèlə tɨ́ vəŋ ŋkee jəə, laa faꞌ ŋgwə faŋ mə yaa faꞌ taa məshɨ mətɔŋ nə, nə ŋgwə faŋ mə faꞌ nə, kee ndi day me.

Galatia 5:7

Nə luu yighee vɨsɨ, viŋ nəə yɨ jəə. Sii bwèꞌsə ndə bwèꞌsə viŋ, laa viŋ kee baa kɨ zɔnə nu Nwi me?

Filipi 2:16

Viŋ nuŋsə yigisə Nwi taa fwisə viŋ, yigi njyə faŋ nyə də jɨɨ məbwey vəlwaŋ tɨ́ vɨɨ. Viŋ kɨ luu kɨ yɨ nɨniŋ, buu vɨ ndɔ biŋ mə maa shi ŋkɨə faŋ Kristo ndɔ bəŋ jwi, laa yitoꞌ nyaa faŋ mə nəə toꞌ buꞌ nu Nwi, nə faꞌ ŋgwə faŋ mə nəə faꞌ shɔ nə, kee fùu dayday me.

Filipi 3:12

Kɨ mə kee gì laa mə duꞌtə mə kìi vətɔ mbɨə faŋ mə tə̀ sɨ shɔ nə me. Mə kee gì laa mə duꞌtə mə luu ŋkee wuu bɔŋsə me. Luu nə, mə gə nə vɨsɨ, ŋɨɨlə shɔ nəŋay, tɨ́ kaꞌ mə ndɔ kii vənu vɔ́ maa mə. Mə kəə kii vənu vɔ́, buꞌ laa Yeso Kristo, kìi mə taa ghɔ ŋwə.

Filipi 3:14

Mə taa kɔꞌ kɨ gɨgə vɨsɨ, luu ye ndwəsə shəŋ ŋkɨə faŋ mə tə̀ sɨ shɔ nə, tɨ́ kaꞌ mə ndɔ kii vəkeynə mbɨə faŋ Nwi nə tìi mə, laa mə ndɔ kii mbə taa nu yifwàŋ ki buꞌ Yeso Kristo.

Kɔlɔsii 2:18

Nɨniŋ, kɨ viŋ biŋ laa wə kɨ yɨꞌtə viŋ buꞌ kəŋ vənu vɔ́ me. Vɨɨ mbɨə faŋ vəŋ kəə yɨꞌtə viŋ nə, gisə laa vəŋ sùꞌsə yiŋwaa vəŋ nsi, tɨ́ vəŋ kòꞌsə yiŋwaa vəŋ maa yinsəŋ. Vəŋ bəŋsə nshiisə-ŋiisə Nwi, koꞌsə̀ yiŋwaa, gi laa vəŋ yè vənu fɨ ghɔ Nwi taa njyəəsə. Luu nə, məkoꞌsə ŋwaa vəŋ lùu nu dayday; mbɨꞌtə vəŋ ndɔ̀ sheꞌ fɨ shɨ nsi.

Hibru 12:1

Gə fɨ maa nsiŋ, faŋ nsiŋ yè nwaa vɨɨ vɔ́ faŋ vəŋ nə nùŋ fwisə vəŋ maa Nwi, də̀ jɨɨ tɨ́ nsiŋ nə, bàw nsiŋ meꞌ vənu mbɨə faŋ kaꞌ mbə fə̀ŋ jɨɨ nyaa-nsiŋ, nə vənu vəbwəvə faŋ mbə jia nsiŋ nə wutə nə. Nsiŋ ka fwi, kɨ gə vɨsɨ, nyɨŋ ghuu ŋgɨə faŋ ŋgə lùu vɨsɨ nsiŋ nə.

Jeyms 1:12

Məŋaytə lùu tɨ́ wə ntɨə faŋ ŋwə jìa fwi yi wèꞌ maa yighee njyə faŋ məmɔŋ jwì maa ŋwə. Bàw ŋwə ŋaytə buꞌ laa vəkeynə vi ndɔ lùu məbwey vəlwaŋ faŋ Nwi kɔ̀ꞌnə maa məkɔ tɨ́ vɨɨ mbɨə faŋ vəŋ kaw Nwi.

Reveleyshən 3:11

Mə taa yasə jwi. Jia nu ŋkɨə faŋ ŋkə lùu ghɔ ghɔ, laa kɨ wə fi vəkeynə və me.