1 Kɔrintian 9:23 - Vengo (Babungo)

²³ Mə yɨsə vənu vənshə buꞌ nu Nwi, tɨ́ kaꞌ mə ndɔ kii fɨ maa jəə ŋgwə faŋ ŋwə jwi fiiba nu Nwi.

1 Kɔrintian 9:23 ပူးပေါင်းရင်းမြစ်များ

Mark 8:35

Mə gì tɨ́ nee buꞌ laa, wə ntɨə faŋ ŋwə kəə gaŋtə məbwey wi shɨ nsi, ndɔ ndisə ŋwaa wi. Luu nə, wə ntɨə faŋ ŋwə ndìsə ŋwaa wi buꞌ mə, tɨꞌnə me buꞌ ntɔŋ Nwi yijəə, ndɔ bweysə ŋwaa wi.

Roma 11:17

Nɨniŋ, Nwi shètə təntaŋ tə tɨ tɔ́, ndì təntaŋ tədaytə, də̀ələ shɔ. Viŋ lùu yaa təntaŋ tədaytə tɔ́, buꞌ faŋ viŋ lùu vɨɨ tətɔŋ fu faŋ vəŋ nə kee kɨɨ nə Nwi me. Viŋ zɨnə viŋ vɨ vɨɨ Jus ndwə, nu fɨ maa muu məjəəmə mbɨə faŋ mbə kòꞌ fɨ taa təghay tə tɨ kɔ́ nə.

1 Kɔrintian 9:12

Viŋ biŋ laa vɨɨ mɔ́ꞌ faŋ vəŋ deesə nu Nwi tɨ́ viŋ, fi vətɔ fɨ ghɔ viŋ. Faŋ ŋkə lùu nɨniŋ nə, buu yia luu ŋkee vɨɨ mbɨə faŋ kaꞌ viŋ kɔ̀ vətɔ vɔ́ nə. Luu nə, faŋ ŋkə kɔlə lùu nɨniŋ, yia kee ndwàŋ viŋ laa viŋ gaŋtə yia me. Yia duꞌtə yia biŋ ŋɨꞌ tɨ̀ me ŋɨꞌ, laa kɨ yia fəŋ jɨɨ fɨ ghɔ ntɔŋ yijəə Nwi kɔ̀ŋ Yeso Kristo me.

1 Kɔrintian 9:22

Yighee njyə faŋ mə lùu yia vɨ vɨɨ faŋ fwisə vəŋ kee ta wèꞌ maa nu Nwi me, mə lùu yaa vəŋ, tɨ́ kaꞌ mə yɨsə vəŋ beꞌsə Kristo. Wə kɔlə lùu kɨkə, mə lùu yaa ŋwə, tɨ́ kaꞌ mə tòꞌ fɨ maa jɨɨsə sənshə maa məjwi nə vɨɨ, tɨ́ kaꞌ vəŋ kìi məbwey vəlwaŋ fɨ ghɔ Nwi.

1 Kɔrintian 9:24

Yighee njyə faŋ vɨɨ yaa kɨ sɨɨnə ghuu, vɨɨ vəyaŋ nyɨ̀ŋ, luu nə, taa kii sheꞌ wə muꞌ kìi vəkeynə. Nu mətoꞌ yaa wuu Nwi luu sheꞌ yuu məsɨɨnə ghuu ghɔ́. Nɨniŋ, viŋ nyɨŋ nəŋay, baa nyɨŋ jəə, laa viŋ ndɔ kii vəkeynə vɔ́.

2 Kɔrintian 2:4

Mə nə nyɔ̀ꞌ ŋwaꞌlə ghɔ́ tɨ́ viŋ nə məlaꞌ. Fwi nyaa nəə ghaysə mə. Mə nyɔꞌ ŋkee nə mənsɨ sɨ mə. Mə nəə kee kəə yɨsə laa fwi siŋ za me, luu nə, laa viŋ kɨɨ faŋ ŋkawnə nyaa maa viŋ, lwàŋ taa fwi mə.

Galatia 2:5

Nɨniŋ, yia nə kee kɔ vəŋ tuu nə wee-jɨɨ me, kee bee biŋ vəŋ tuu yighee muꞌ me, buꞌ laa yia kəə sheꞌ nu kəmuꞌ, laa nu Nwi yinsəŋ goꞌ taa ŋwaa viŋ.

2 Timoti 2:10

Nɨniŋ, mə jìa fwi nyaa maa ŋɨꞌ yinshə buꞌ vɨɨ mbɨə faŋ Nwi nə shoꞌ vəŋ, laa lùu vɨɨ vi, tɨ́ kaꞌ vəŋ nɨzi ndɔ zɨ məbwey vəlwaŋ fɨ yiba Yeso Kristo. Məbwey ghɔ́ ndɔ baw shɔ̀ɔ, gòꞌsə yighee muꞌ.

2 Timoti 2:6

Wuu məndɨɨ faŋ ŋwə faꞌ taa yindɨɨ ŋwə nə wutə, yaa kɨ fuꞌ mfɔŋsə fazɨ fɨ taa biisə ŋwə.

Hibru 3:1

Nɨniŋ, vaŋ-nshwi vaŋ faŋ viŋ lèy tɨ́ Nwi nə, faŋ Nwi nə tìi viŋ laa viŋ jwi gù vɨɨ vi nə, viŋ tə sɨ maa Yeso faŋ lùu wuu ntɔŋ Nwi, baa lùu wuu kwalə məfeꞌ Nwi, faŋ nsiŋ bìŋ nu ki nə.

Hibru 3:14

Viŋ kɨ lumə laa nsiŋ lùu nə fa kəmuꞌ, nsiŋ vɨ Kristo, faŋ nsiŋ taa kɨ nuŋsə vənu mbɨə faŋ nsiŋ nə bìŋ yighee vɨsɨ nə, gə kɔ maa vəndwə.

1 Pita 5:1

Gə fɨ maa vɨɨ taa fɨ taa nshəŋtə vɨɨ Nwi, mə baa kɔ yigisə ntɨ tɨ́ viŋ, yuu nshɨ-tɔ ŋwaa luu wuu taa nɨzi. Mə nə yè ŋɨꞌ njyə faŋ nyə nə ŋii Kristo nə, nə yisɨ. Mə ndɔ baa luu taa ŋwaa vɨɨ mbɨə faŋ vəŋ ndɔ zɨ nu yifwàŋ Nwi, ŋkɨə faŋ ŋkə ndɔ fuu ntee fɨkɨꞌ nə.

1 Jɔn 1:3

Nu ŋkɨə faŋ yia yè baa zɔ, yia baa luu fɨꞌtə tɨ́ viŋ, tɨ́ kɨ kaꞌ nsiŋ faynə luu fa kəmuꞌ, nsiŋ vɨ tɨta Nwi baa nə ŋwiŋ wi Yeso Kristo.