1 Kɔrintian 9:22 - Vengo (Babungo)

²² Yighee njyə faŋ mə lùu yia vɨ vɨɨ faŋ fwisə vəŋ kee ta wèꞌ maa nu Nwi me, mə lùu yaa vəŋ, tɨ́ kaꞌ mə yɨsə vəŋ beꞌsə Kristo. Wə kɔlə lùu kɨkə, mə lùu yaa ŋwə, tɨ́ kaꞌ mə tòꞌ fɨ maa jɨɨsə sənshə maa məjwi nə vɨɨ, tɨ́ kaꞌ vəŋ kìi məbwey vəlwaŋ fɨ ghɔ Nwi.

1 Kɔrintian 9:22 ပူးပေါင်းရင်းမြစ်များ

Roma 11:14

tɨ́ kɨ kaꞌ yighee mɔ́ꞌ mə baa dɔ̀ŋsə ŋgwisə nyaa, bwèysə vɨɨ mɔ́ꞌ fɨ taa ŋwaa vəŋ nɨzi.

Roma 14:1

Viŋ kɨ meꞌtə wə ntɨə faŋ ŋwə kee weꞌ maa nu Nwi me taa ŋwaa viŋ, kɨ viŋ vɨ vəŋ sɨɨnə yigi maa vənu vi me.

Roma 14:2

Wə mɔ́ꞌ yaa kɨ bɨꞌtə laa ŋkə kùꞌnə maa məzɨ taŋ fazɨ nshə. Wuu mɔ́ꞌ faŋ ŋwə kee lùu weꞌ maa nu Nwi me, kwə luu sheꞌ mbasə biisə.

Roma 15:1

Nɨniŋ, nu kaŋ-nsiŋ faŋ nsiŋ weꞌ maa nu Kristo nə, lùu laa, nsiŋ kɨ gaŋtə vɨɨ mbɨə faŋ vəŋ bwa maa nu Kristo, kee yɨsə vənu faŋ mbə bàw sheꞌ tɨ́ nsiŋ nə me.

Roma 15:2

Bàw wə tɨ̀ me wə fɨ taa ŋwaa nsiŋ yɨ nu ŋkɨə faŋ ŋkə bàw tɨ́ vaŋ-nshwi vaŋ-nsiŋ, nə ŋkɨə faŋ ŋkə gaŋtə vəŋ maa məgə vɨsɨ vɨsɨ nə nu Kristo.

1 Kɔrintian 10:33

Nshɨ-tɔ ŋwaa kəə laa mə kɨ bawsə fwisə vɨɨ vənshə maa vənu vənshə faŋ mə yɨsə. Mə kee bɨꞌtə sheꞌ nu faŋ ŋkə taa gaŋtə mə nɨnɔŋ me; mə bɨꞌtə nu faŋ ŋkə taa gaŋtə vɨɨ vəyaŋ, tɨ́ kaꞌ mə ndɨ vəŋ, jwì nə vəŋ tɨ́ Nwi, tɨ́ vɨ kɔ Nwi bwèysə vəŋ.

1 Kɔrintian 7:16

Viŋ, vəki faŋ viŋ lùu vɨɨ Nwi, viŋ sii kɨɨ kɨkə laa kaꞌ viŋ yɨ̀sə vəndəə viŋ ndɔ kwiinə, bìŋ nu Nwi, kìi məbwey vəlwaŋ buꞌ viŋ? Viŋ, vəndɔŋ faŋ viŋ lùu vɨɨ Nwi, sii kaꞌ viŋ kɨɨ kɨkə laa vəki viŋ ndɔ kwiinə, bìŋ nu Nwi, kìi məbwey vəlwaŋ buꞌ viŋ?

1 Kɔrintian 8:13

Nɨniŋ, mə naysə tɨ́ viŋ laa, mə kɨ luu kɨ ye laa fazɨ ŋkɨə faŋ mə zɨ ŋkə, laa ŋkə lùu nu bwə tɨ́ weenshu ŋwaa, buu mə taa meꞌtə fazɨ kɔ́ yighee muꞌ, kee baa kɨ zɨ me, tɨ́ kaꞌ mə kee yɨ laa weenshu ŋwaa gu nu me.

1 Kɔrintian 9:19

Mə lùu wə faŋ mə toꞌ fɨ tɔ mə, wə kee sɔꞌ mə me. Luu nə, faŋ ŋkə kɔlə lùu nɨniŋ, mə gù buꞌ tɨ́ vɨɨ vənshə, tɨ́ kaꞌ mə yɨ̀sə laa vɨɨ vəyaŋ jwi bèꞌsə Yeso Kristo.

1 Kɔrintian 9:23

Mə yɨsə vənu vənshə buꞌ nu Nwi, tɨ́ kaꞌ mə ndɔ kii fɨ maa jəə ŋgwə faŋ ŋwə jwi fiiba nu Nwi.

2 Kɔrintian 11:29

Sii bwà ndə, mə kee bwa me? Kɔ̀ ndə kɔ̀ nu məbuulə, fwi nyaa kee za me?

Galatia 6:1

Vaŋ-nshwi vaŋ, viŋ kɨ luu fàynə viŋ vɨ wə faŋ ŋwə yɨ̀ nu bwə, bàw viŋ gaŋtə wə ghɔ́ laa ŋwə kiasə gù wuu jəə. Kaꞌ viŋ yɨ̀sə nɨniŋ faŋ viŋ kìi Zwitə Ley Nwi taa fwisə viŋ. Bàw viŋ yɨ̀ nɨniŋ, kɨ yɨsə fɨ taa bwaŋnə, baa ndeynə yiŋwaa yiŋ buꞌ məmɔŋ mɔ́ꞌ taa ŋii viŋ nɨzi.