1 Kɔrintian 9:14 - Vengo (Babungo)

¹⁴ Ŋkə luu sheꞌ nɨndɨŋ nə vɨɨ mbɨə faŋ vəŋ fɨꞌtə nu Nwi. Tɨta Yeso nə shìa laa vɨ kɨ kɔ vətɔ mbɨə faŋ mbə kùꞌnə tɨ́ vəŋ, tɨ́ kaꞌ vəŋ kɨ zɨ, kii məbwey buꞌ faꞌ vəŋ.

1 Kɔrintian 9:14 ပူးပေါင်းရင်းမြစ်များ

Matiu 10:10

Kɨ viŋ ndi mba yitoꞌ me, kee ndi njwi yimɔ̀ꞌ səbɔɔ me, kee ndi gɔsə nə mbay me, buꞌ laa ŋkə kùꞌnə laa, wə kɨ zəsə wuu faꞌ wi.

Lukas 10:7

Viŋ goꞌ sheꞌ taa ŋii yɔ́ kɨ zɨ, baa nu fa ŋkɨə faŋ vəŋ kɔ, buꞌ laa wuu faꞌ yaa kɨ fi vəndɔꞌnə vi. Kɨ viŋ baa kɨ toꞌ kwiinə ndɔꞌ me.

Lukas 10:8

Ntɨꞌ njyə faŋ viŋ ŋìi shɔ, kɨ luu laa vɨ jìa viŋ shɔ, viŋ kɨ zɨ vətɔ mbɨə faŋ vəŋ kɔ̀ tɨ́ viŋ.

Akts 18:3

kɨ nii gòꞌ ghɔ vɨ vəŋ, buꞌ laa vəfaꞌ vəvəŋ nə luu maa məba njwisə vəbèe, faŋ nə luu jɨɨ ŋkəə Pɔɔl nɨzi. Nɨniŋ, Pɔɔl shi taa ŋii vəŋ, ghɔ vɨ vəŋ faꞌ mɔ́ꞌ.

1 Kɔrintian 4:15

Vɨɨ kɔlə luu ŋkee vəyaŋ faŋ vəŋ shiinə viŋ kɔ̀ŋ nu Kristo, vətɨɨ viŋ kee lùu vəyaŋ me. Wə lùu shɔ sheꞌ muꞌ faŋ ŋwə nə bì viŋ, viŋ gu vɨɨ Kristo nə. Lùu mə faŋ mə nə fɔŋ jwì nàysə nu Yeso Kristo tɨ́ viŋ, tɨ́ kaꞌ viŋ vɨ Yeso Kristo fàynə gù fa kəmuꞌ nə.

1 Kɔrintian 9:11

Yia nə fɨ̀ꞌtə nu Nwi tɨ́ viŋ, sheꞌ yuu wə faŋ ŋwə mɔ̀ꞌ ŋɨꞌsə taa biisə ŋwə. Ŋkə kee yikuꞌnə laa viŋ, faŋ viŋ kìi sey fɨ maa faꞌ wia nə, laa viŋ kɔ fɨ maa vətɔ mbɨə faŋ viŋ kìi tɨ́ yia yimu?

1 Kɔrintian 9:12

Viŋ biŋ laa vɨɨ mɔ́ꞌ faŋ vəŋ deesə nu Nwi tɨ́ viŋ, fi vətɔ fɨ ghɔ viŋ. Faŋ ŋkə lùu nɨniŋ nə, buu yia luu ŋkee vɨɨ mbɨə faŋ kaꞌ viŋ kɔ̀ vətɔ vɔ́ nə. Luu nə, faŋ ŋkə kɔlə lùu nɨniŋ, yia kee ndwàŋ viŋ laa viŋ gaŋtə yia me. Yia duꞌtə yia biŋ ŋɨꞌ tɨ̀ me ŋɨꞌ, laa kɨ yia fəŋ jɨɨ fɨ ghɔ ntɔŋ yijəə Nwi kɔ̀ŋ Yeso Kristo me.

1 Kɔrintian 9:16

Faŋ mə kɔlə fɨꞌtə yigisə Nwi tɨ́ vɨɨ nə, mə kee kìi nu tɨ́ kaꞌ mə kɨ buꞌ dɨŋ ŋwaa shɔ me. Nə kɔ Nwi kɔ̀ faꞌ ghɔ́ shee. Kaꞌ mə kee mèꞌtə me. Kɨ luu laa mə nə kee fɨꞌtə nu Nwi tɨ́ vɨɨ me, buu ŋkə taa luu ŋkee kəbwə shee.

1 Kɔrintian 9:4

Maa ŋkə kùꞌnə tɨ́ kaꞌ vɨ kɔ̀ fazɨ nə məluꞌ maa faꞌ wia faŋ yia faꞌ nə.

2 Kɔrintian 2:12

Yighee njyə faŋ mə nə ziꞌ Troas maa məfɨꞌtə ntɔŋ yijəə Nwi kɔ̀ŋ Yeso Kristo shɔ, Nwi nə ŋàꞌsə jɨɨ shee maa məfɨꞌtə ntɔŋ yijəə yɔ́ tɨ́ vɨɨ.

Galatia 6:6

Bàw laa wə tɨ̀ me wə faŋ ŋwə zwetə nu Nwi fɨ ghɔ wə, kɨ gaasə vətɔ vi, kɔ tɨ́ wə ntɨə faŋ ŋwə deesə ŋwə nə.

1 Tesalonika 1:5

fɔnə ntɔŋ yijəə Nwi faŋ yia nə fɨ̀ꞌtə tɨ́ viŋ nə, kee jwì taa ŋwaa viŋ sheꞌ fɨ maa yigisə shuu me. Ŋkə nə jwì ŋkee nə wutə Nwi, baa nə Zwitə Ley Nwi. Yia nə də̀ tɨ́ viŋ faŋ ntɔŋ yijəə yɔ́ luu ŋkee nu yinsəŋ. Viŋ kɔꞌ kɨɨ faŋ yia nə tòꞌ taa ŋwaa viŋ maa mədə jɨɨ tɨ́ viŋ.